牛牛台式鴛鴦火鍋

營業中

休息中

食材新鮮，種類多，飲品及雪糕雪條選擇豐富。最重要服務態度有禮及敏捷。今日叫了麻辣湯底巳接近尾聲仍加汁料！😘😘佢地的麻辣湯底！今個星期巳第二次去！第一次朋友介紹！今日帶屋企人試！一眾好評會再黎！

同老公同個仔喺旺角度搵嘢食，去咗創興廣場，本來老公係諗住去有間泰式火鍋嘅，不過佢上到去問嘢嘅時候覺得人哋無禮貌，之後我哋就去咗一間叫牛牛台式火鍋度食，其實我哋都係第一次去。前幾日我同人哋去完牛大人，嘢食都好味嘅，不過就貴, 同埋都坐得好迫。我哋揀咗個杏汁湯底同埋個臭臭鍋，杏汁湯底都幾有杏仁味，臭臭湯底我老公話幾好。百零蚊任食火鍋，見佢個雪櫃裏面啲嘢都新鮮，d菜係OK嘅，坐卡位又舒服，都算幾多嘢食，佢又有個自助滷肉飯，同埋有個自助台式甜品，都幾好味，個仔都食咗支雪條。啲服務都幾好，啲人幾有禮貌，我呢啲盲舂舂上去，覺得間嘢算係咁，又收得唔貴。總括而言佢百幾蚊個質素我覺得幾OK。希望多啲香港人幫襯返多啲香港嘅店舖，等啲食肆做得住。

12月22日冬至大日子，揾食肥華在家避寒，都覺得凍，臨急臨忙約靚媽收工後到呢間，台式火煱店食，平價火煱放題，據聞今晚此店晚市已夫卜，幸好肥華和靚媽係食17：OO前時段，所以不用訂枱，亦有位入座，唔知係咪好耐冇食過，呢類平價任食火煱，今晚在此店食到嘅食物，火煱生料及配料，連同雪糕及冷熱食品和飲品，以佰零蚊嘅價錢來衡量，就真係冇乜得點彈，今餐唯一令肥華不快嘅，就係個座位對住過厨房出，火煱料位，不過其他較好座位，已被人訂滿，肥華亦要欣然接受此個座位，安排

一入到去返嚟已經feel到唔對路 有陣好奇怪嘅臭味撲面而來嗌咗麻辣湯底同埋蕃茄湯底 蕃茄湯底都正常個麻辣湯底真係嗅到我想嘔 重點係嗅起嚟臭 食起嚟又冇味 除咗啲牛 其他嘢食都唔太掂 真係全程食嘅過程淨係分邊樣野放得入口 邊樣放唔得入口 食到一半諗緊仲要自己俾錢食啲咁嘅嘢差啲喊咗出嚟唔係講笑多謝呢次經歷令我明白到野食係可以難食到咩地步

記得幾年前過來光顧這裡全場爆滿，還揚溢著快樂熱鬧的氛圍，食客們都面帶笑容一家大小或親友濟濟一堂在愉快享受，這個畫面一直深深刻印在我腦海中已經光顧多年 是我和親友常去既地方之一！1.高性價比牛肉，和牛以下最佳質素2.火鍋配料任夾，可以自行每樣夾，夾每樣一粒都可以，足足有4個凍櫃，款式應有盡有3.飲品多不勝數4.甜品還有酒店級的蛋糕展示雪櫃十多款時令自制甜品，芝士蛋糕，布甸泡芙啫喱，散裝雪糕雪條，8款雪糕球味道 之前要排隊排個幾鐘既 若非香港地方有限，擺放物品既要實用慳位，諗起其實以上各樣野既陣容係非常龐大震撼寫到這裡才發現各方面一絲不苟 照顧週全誠意滿滿 抵我幫襯左咁耐

平日放假去旺角創興15樓食火鍋，任飲任食。物超所值，每位$158全包。由於星期一平日去，不用訂位，馬上入座。入座後，馬上選湯底，好快就送來。收碟都好快，員工都好好服務。

200以內真心可以， 食物同埋服務態度都冇評論講到咁差，而且唔錯，食物同飲品超齊全！大推韮菜餃，超新鮮超好食，麻辣湯底都唔錯。 服務態度都幾好， 就嚟夠鐘都冇話趕你走。

來到這間牛牛打邊爐很多次，最初每位158元免加一，加價每位168元免加一，加價每位168元加一，現在每位178加一。都不知道是否趕客走湯底只得麻辣湯底正常小小之外，其他就是無咩味沙嗲湯只有油及沙嗲顏色蕃茄湯只有蕃茄顏色最多小小味胡椒豬肚湯只有太咸加小小顏色酸菜白肉湯只有酸及咸加小小黃色芫茜皮蛋只加水及顏色都無臭臭湯如同在垃圾及堆填區一樣臭味丸類最難食是魚片頭、甜不辣、墨汁貢丸、芋頭丸、燒賣、魚蛋，都是唔知咩味，食落去像泥膠牛丸、貢丸、芝心丸、黃色麻吉燒是食去是正常小小之外，煮完是小咗好多或者無了那種味。其他就又不是太好食又不是太難食。加上希望沒有食錯是丸類有小小變咗味道瓜瓜菜菜是開始變咗顏色，唔係好新鮮。肉類是好明顯是隔咗唔知多日才俾客人食，顏色不是鮮紅色，還有小小硬，客人如何食？海鮮，食海蝦不給手套，還有食蜆、青口及魚不給紙巾客人，要給錢才有紙巾用。難道用口罩或去洗手間才整清潔？青口好像有些變咗味，蜆就苦加多沙服務上很多東西一定要改善，湯底未到，肉類丸類及菜類先到。丸類及菜類經常大半盤走去加，都唔俾客人食，咗唔知咩手法在出面加食物。傳菜那位男同事，經常不是經常睇地下就睇住部車的食物，

創興呢間任食火鍋🥘真係好抵食！週末二百蚊都唔洗就食到，性價比好高🤩，朋友食完都讚不絕口。肉類同配料選擇都好多，質素完全對得住個價錢👍🏻!! 平日晚市$168、9:30pm後更只係$148（星期六日每位加$10），唔怪得平日嚟食都全場滿座😻。·2人已經可以選擇鴛鴦湯底，仲要唔洗加錢，好抵玩😚。湯底仲有成10幾款選擇，個人推薦必點海底撈麻辣鍋🌶️，係好香嘅麻辣鍋底，唔會令人聞到刺鼻嗰種，加上辣度又唔會太辣，就連唔太食辣既朋友都食到🤗。·呢度嘅牛肉🥓唔會將貨就價，牛肉唔會一浸雪味，牛理花紋亦唔錯，爽嫩具𡁻口😚，個人就試咗Prime頂級牛梅花🐂、殼飼牛板腱🐃、安格斯（下肩胛）🐮；加上呢度有成80款台粵火鍋配料任夾任食，4大個冰櫃俾你自取🥢，鴨血、鵝腸、各式丸類、麵食、蔬菜等等，超豐富呢！·另外，大量自家製甜品🍮🧁、雪糕雪條🍨、飲品🧃都係自助任取，最開心有得食豆腐花、豆豆樂紅豆雪條🫘，仲有花茶、沙冰🧋任飲，大滿足呀🥰！·📍牛牛台式鴛鴦火鍋旺角彌敦道593-601號創興廣場15樓

$158一位、全包連加一服務費、任食2.5小時。坐位適中，有任飲啤酒、汽水和dreyers雪糕供應。招牌麻辣湯底好味，兼仲有my favour任食蝦、魚雲、鵝腸、水尤等食材綜合來說，食材與價格算係合理嘅！

我哋揀咗要沙嗲湯同埋海底撈麻辣鍋覺得呢兩個湯底都真心幾濃郁而麻辣鍋辣得嚟都算幾惹味咁之後就講吓佢嘅牛肉啦我覺得佢嗰個牛梅花食落去味道都幾唔錯牛肉味亦都幾濃郁😆😆之後牛板腱食落去就比較煙靭安格斯（下肩胛）唔會有好多脂肪所以食落去都唔會覺得好Heavy佢呢度亦都有幾款海鮮可以任嗌嘅我自己就幾鍾意食佢哋嘅蜆同埋青口食落去都算新鮮咁之後就講吓出面可以拎嘅打邊爐配料啦我覺得其中一個比較有特色嘅就係燒賣因為真係好少見到打邊爐舖頭會提供燒賣真心覺得幾特別嘅

係創興廣場15樓有間牛牛台式鴛鴦火鍋，同事食過讚話頂瓜瓜，食物質素高，真正價廉物美！今日我就同老公過嚟試吓！餐廳掛滿小天燈，好有台灣格調，而且大部分都係卡位為主坐得舒服，設有自助區，放咗很多不同種類的火鍋配料、飲品和甜品擺放整齊，而且有人不停補充及清潔。湯底自選兩款（有素食湯底供選擇）胡椒咸菜豬肚鍋拼馬拉沙嗲鍋：湯底濃郁夠味。肉類和海鮮類用手機二維碼落單，其他的就自行到自助區拎。頂級牛梅花、殼飼牛板腱、安格斯牛肩胛、黑毛豬五花肉、黑毛豬梅花肉，肉類係薄切，灼幾下就食得，肉質鮮嫩。海蝦彈牙，脆肉鯇爽脆，大魚頭滑溜，大蜆鮮甜冇沙，紐西蘭青口肥美鮮甜，其他自助區的火鍋配料都好新鮮，種類繁多到試唔曬！丸類都爽口彈牙，蔬菜新鮮洗得乾淨。甜品都好好多款，雪糕、甜點等我最鍾意係焦糖燉蛋，啖啖都有陣陣豐富的奶香，吃起來又香又甜。

今日晏晝發現左一間超級抵食嘅任飲任食火鍋🍲地點非常方便，就係創興15樓任飲任食$148-$168見到呢個價錢，大家第一時間一定覺得選擇好少，但係真係大錯特錯食物選擇多到你食唔曬有自助點餐類牛肉質素好靚，最愛安格斯仲有自助區💯火鍋料非常多，有四個大櫃甜品選擇都好多好多雪糕飲品有好多唔同種類嘅罐裝飲品及自助飲品，仲有唔係周圍有提供嘅熱飲，感覺幾窩心另外佢每張枱都會準備好火鍋湯，方便你嘅湯底唔夠可以即時補給當日中午去食都頗多人，座無虛席

身為火鍋控的我, 一年四季都喜歡食火鍋, 這間湯底多達八款, 另設有素食鴛鴦鍋, 其中海底撈麻辣鍋、臭臭鍋及胡椒咸菜豬肚鍋更是人氣湯底, 餐廳設有自助火鍋配料吧, 丸類及蔬菜類多達八十多款選擇, 另有醬料區、甜品櫃及雪糕, 自助汽水機及多個飲品櫃, 肉類是無限供應🥩自行掃ǫʀ下單, 圖文並茂、非常方便, 有系統完全沒有漏單情況, 值得一讃, 非常方便👍🏻湯底選了海底撈麻辣鍋🌶️及馬拉沙爹鍋麻辣鍋有大量的辛香料, 辣度適中、辣而不孟的味道, 適合食小辣的朋友馬拉沙爹鍋有濃郁沙爹味精選肉類🥩ᴘʀɪᴍᴇ頂級牛梅花殼飼牛板腱安格斯（下肩胛）黑毛豬五花肉 黑毛豬梅花肉羊肉片海鮮類🐟🦐海蝦脆肉鯇太魚頭蜆紐西蘭青口最喜歡ᴘʀɪᴍᴇ頂級牛梅花, 牛肉味濃、黑毛豬五花肉肥瘦均勻有咬口新鮮蜆及青口飽滿鮮甜、沾上湯汁一流😍記得留肚食甜品, 甜品杯小巧精緻, 有芝士切餅、奶凍及啫喱杯, 糯米糍是抹茶口味連啤酒🍻都可以任飲放題配料種類選擇多, 絕對是大滿足, 店員服務很好, 環境設有多個卡座, 上菜效率快又不停來回主動收碟, 每枱設有骨桶及湯底汁, 非常方便👍🏻很適合一大班朋友聚會, 性價比高, 非常抵食

今個月都去左幾多放題，而呢間火鍋放題係其中一間都幾難忘的❤️本來以為呢個價錢無太大期望，點知原來食材幾講究，地方又企理，服務都幾好！湯底選了笎茜皮蛋鍋同臭臭鍋，笎茜皮蛋鍋勁多笎茜，正！另外臭臭鍋都唔駛擔心太辣，只係少少辣。而2款湯底都比較清淡，比較健康。【瘋狂食黑毛豬、青口】肉類有齊牛、豬、羊，另外仲有海鮮。個人推介：🐷黑毛豬梅花肉- 大大塊好有厚度，肉質軟嫩，好香豬肉味🌟紐西蘭青口- 呢個真係必食！個人encore了3次🤣🤣🤣粒粒青口大大粒，幾鮮甜無沙，真係回本+高質之選😋🌟蜆肉- 粒粒漲卜卜，味道鮮甜🦐海蝦- 的確有水準，蝦肉彈口鮮甜🐟脆肉鯇- 白雪雪魚肉，幾彈口，入面有肉汁（記得早d order）另外仲可以點大魚頭，夠曬特別。菜類、金菇、響鈴、丸、雞等就可以外面攞，有個幾特別嘅小籠包，皮滑多肉汁😆飲品方面，有啤酒任飲、sparkling檸檬茶、沙冰、款式都好多。甜品櫃更加食到滿滿回憶嘅紅豆雪條😍值得一讚嘅係，店員服務好好，會成日睇到你有咩需要，serve得好。2小時任食，絕對夠！