牛火火任食火鍋

營業中

休息中

睇多幾次有IG廣告推呢間火鍋平時每個月最少食一次放題火鍋有時食吓打邊爐真係幾解壓呢度主推無限是任食比起旺區，環境比較闊落 可能因為新開 book枱都比較容易呢度嘅放題套餐只係得兩款冇咁多花巧嘢經典套餐最平258，尊尚極品選擇更加多經理好nice 介紹埋即時做會員 會平啲另外仲有120分鐘限時套餐 性價比好高! 用QR code落單 比較方便，出得好快！湯底選擇都有10款左右麻辣, 皮蛋芫荽, 豬骨湯, 壽喜燒，蕃茄鍋我哋揀咗:川香秘製麻辣湯+壽喜燒坦白講 壽喜燒真係比較優勝 ！味道甜甜地幾開胃 但係麻辣湯就唔算特別出色-一坐低唔使點餐就會 先上一個肉類拼盤和海鮮拼盤，講重點：肉類當中，非常推薦 極上牛小排肉質比平時$500以上的套餐更好 封門柳，黑豚肉片 質素都唔錯另外特選牛板腱的肉味都出色-整體來說 都比起連鎖火鍋店 更勝一籌人均三百幾蚊來說 肉類有$500以上水平其實唔少放題 都要人均300左右但係呢度冇限時 唔使趕住食呢樣係最大優點！-海鮮方面都 幾大方選擇非常多 有牡蠣🦪 蠔夠大粒日本帶子、海蝦、即燒海蝦手打蝦滑、手打墨魚滑選擇豐富 食材比起平時的放題店更加好估唔到仲有 炸乳鴿

一入到去😝哇咗一聲！好闊落😍坐得好舒服😚唔會撞到隔離左右🤣餐牌好易明！有兩個餐選擇😋朋友話想試下貴少少個餐😚牛火火係一間集港日台等多國超過100款食材既火鍋放題餐廳🤩仲係試業中😊試業期間凡Follow 社交平台 + 打卡, 即享全單9折優惠😋去到5月7日！5月8日就正式開業😍到時可以加入成為米籽會員🥹聽老闆講會員有好多優惠😳 #mochicouple_hk荔枝角搵食團⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 1️⃣ 🍲 鴛鴦鍋湯底(+$38)湯底都有成10款😝朋友鐘意清淡啲🤪miss mochi就鐘意濃味啲😊所以叫咗清甜滋補豬骨湯拼港式黃金沙嗲湯😍 豬骨湯底清澈見底😜散發著淡淡豬骨香氣😝喝起來清爽不油膩😎非常適合淥蔬菜同海鮮🥬🦐 而黃金沙嗲湯底則香濃醇厚😝帶著濃郁花生同🤩椰奶香氣🤪淥牛肉簡直一絕！🥩 兩種湯底各有千秋🤗滿足了miss mochi同朋友不同口味👍🏻2️⃣ 🥩 極上牛小排套餐($388)一開始會上一碟🫣極上牛小排+嚴選封門柳+黑豚肉片+特選牛版腱🤭miss mochi 推介極上牛小排同特選牛版腱🥩🐷 「極上牛小排」油花分佈均勻🤗肉質鮮嫩多

這間無限時火鍋放題餐廳真係值得大讚！呢D 先叫做真係無限時！！首先，火鍋配料真係多既，湯底都有好幾款，大部分都好岩香港人口味既湯底、飲品甜品都應有盡有。特別係肉類，款式豐富，叫左佢地貴果個餐，多左牛小排同封門柳，碟碟個樣都好令仔，唔係果D血淋淋滴晒血水既肉，呢點真係值得讚下，肉味係食得出，唔係無味，啱晒食肉獸。有無限時任食，唔使趕時間，可以同朋友慢慢打邊爐，相信一定係宜家香港人既基本要求啦。另外，餐廳環境乾淨舒適，裝潢算新淨，座位寬敞，俾人一種舒服唔迫促嘅感覺。整體嚟講，呢間火鍋放題無論係食材質素、豐富選擇、無限時享用同埋衛生環境，都係一流水平，十分推介俾鐘意火鍋嘅朋友去試，絕對係香港火鍋放題嘅首選！大家記得做埋佢地會員，因為都幾多優惠同儲分換coupon用地!

佢哋晚市有兩個時段七點半前嚟咗或者九點後入座會有平廿蚊，佢聲稱係收十一點鐘，入去幫襯九點鐘嗰轉。首先坐低幾分鐘已經feel到就熱氣，同店員講可唔可以開冷氣定係我呢個位吹唔到？佢話我哋係靠商場嘅冷氣所以吹過嚟會細一啲。。。。。。。。。。。。我啱啱坐低咗個湯底畀咗我，即係我要夏日炎炎焗住流汗食麻辣打火鍋。大約九點九，店員行過嚟提我10點鐘截單。但係十點開始我已經見到啲店員收出面的盡了區域，自己會食材區域，佢係有沙律區，佢唔係喺沙律區度收起。佢哋喺醬料區同埋丸類魷魚等生食材區炸品區開始收。十點半基本上收剩西瓜。。。。。我嘅感受係,做唔到兩場,或者唔想做兩場咁就唔好做九點後入座的（優惠）

知道呢間火鍋店岩岩開左1-2個月, 所以就約左同屋企人黎試下，主打無限時任食，可以慢慢嘆，唔使擔心限時食到趕頭趕命！佢哋食材夠哂多，自助buffet 就咁睇都覺得花多眼亂，仲要全部都好新鮮，選擇多到你唔知點揀先好, 最岩就係咩都試下講到肉類，好吸引，碟碟都擺得幾令！質素一流，賣相同質素都keep得好，牛肉、豬肉款款都靚到爆，啱晒鍾意食肉嘅朋友。而且每次加單出肉都好快手，完全無拖單既問題，呢點真係好值得讚！加單既肉都係一樣咁令，問左店員，佢地話碟碟都係師傅收到單先刨，嘩！唔怪之得同其他放題唔同啦，無血水同埋唔會肉肉酸酸咁另外仲有海鮮都幾好，雖然選擇唔算好多，但係真心貴精不貴多係可以，熟食有自助拎或者QR Code落單, 全部都有試過，幾好食，落單的話超推介燒蝦同金菇牛肉卷，好juicy 好香，我地都encore左幾次仲有好貼心，餐廳俾你揀一人一鍋或者大家分享大鍋，無論係自己想慢慢嘆定係同朋友一齊食，都一樣得。地點又方便，又易搵，交通超方便。整體嚟講，我真係超級推介大家嚟試吓，鍾意火鍋嘅一定唔可以錯過！

下午茶時間試左佢個定量套餐d牛肉品質都幾ok呀但係咁，係我個人口味問題我出到自選區我見到田。雞。腿。😱😱😱😱我唔敢用果盆野附近d夾夾野食🥲🥲不過應該食田雞既朋友見到任夾田雞仲有雞子都任夾不過我就有d驚驚，可能係我偏食掛🫢其他人應該會好開心店員refill食物都快手菜類多選擇飲品就唔多選擇我呢d無糖控既冇乜可以飲🤧店員好好，提我入會有discount

臨去旅行之前喺D2 Place發掘到一間真無限時有食嘅火鍋店🍲今次同男朋友叫左尊尚極品Set~最特別係由即炸乳鴿同串燒😍😍👑極上牛小排👑嚴選封門柳👑黑豚肉片👑日本帶子👑海蝦👑牡蠣👑手打蝦滑👑手打墨魚滑👑即炸乳鴿👑即燒海蝦除咗set裏面限定嘅肉類,其實佢哋嘅自選區都好多配料,真心估唔到佢地有雞子,比我盡情雞子放題🤭😂麵食都仲有好多選擇,例如越南河粉,韓式粉絲,刀削麵等等雪糕放題方面都好有驚喜，除咗有Häagen-Dazs同平價嘅牛奶公司雪糕杯,仲有雀巢Mega雪條同榴槤雪條😆😂佢應該係我見過配料幾多既一間邊爐火題❤️

7月5日揾食肥華陪靚媽在長沙灣運動場，做完運動都時近正午，所以就選擇咗到呢間在長沙灣區新近插旗，但又甚多食評讚好嘅火煱店，食佢嗰個午間，火煱配料，甜品，和飲品，兩小時内任食任飲，一人一爐自選一款限食一客15O克，嘅牛肉火煱餐，作為今日嘅午膳。以今餐來講無論喺，肥華所點嘅嗰客，嚴選封門柳或是靚媽柯打嘅，嗰份嫩肩牛里肌，這兩款不同部位嘅牛肉，無論肉質及味道都強差人意，同之前肥華在別間火煱店，食到同類型食品，喺有天淵之別，今餐此店呢兩款，肥華和靚媽自選牛肉，令人大失所望。反之此店火煱自助配料區食品，卻相當OK，除一般嘅火煱配料外更有肥華打邊爐至愛食品，雞子及田雞腿，挽回肥華對此餐不少好感。結合埋價錢來評價，此店呢個限量牛肉一人一爐加任飲無酒精飲品，任食火煱配料和生菓甜品午餐，肥華嘅評語喺一試無妨再試無謂此餐⭐️⭐️⭐️

今次係荔枝角D2 Place 搵到間無限時任飲任食火鍋🥰 吉祥物同餐廳名一樣，隻牛兩邊有兩團火🤣 勁可愛👍 餐廳環境闊落明亮，多人聚會都唔怕逼😚 啱曬約大班朋友黎吹水食餐勁❤️ 㨂咗個鴛鴦湯底❤️ 鮮蕃茄湯拼壽喜燒😆 蕃茄湯好濃郁，酸香又開胃，食多多都唔怕🤩 壽喜燒湯甘甜醇香，用黎淥牛肉就啱曬✅ 各款肉類、海鮮主要透過QR code 落單👍 牛肉、豚肉色澤鮮美紅潤，睇見都食指大動😆 海鮮有海蝦、貝類、帶子、滑類等等❤️ 全部都好飽滿勁新鮮，超級正🤭 自助區同時提供多款丸類、腸仔、餃子和菜蔬類火鍋配料，三大櫃份量十足👍 真係超有誠意😆 同時亦有冷盤、炸物、甜品同埋飲料提供❤️ 不得不提，佢哋個雪糕雪條櫃真係塞爆曬🤣 勁壯觀超震憾😚 仲有Haagen Dazs 架😋 🐧❣️ 記得登記埋做會員🤩 勁多優惠不能錯過喲🥴 

前排同朋友聚會，去咗荔枝角一間新開任食火鍋放題，佢係一間啱啱開咗唔係好耐嘅餐廳，地方好闊落同埋好企理乾淨，最緊要係交通方便。餐廳主打嘅係無限時任食火鍋，好啱我哋聚會嘅時候可以傾偈傾耐啲，坐低半個鐘後，已經差唔多有九成食客，真係好多人。我哋同行五人每人嗌咗一個小火鍋，方便自己嘅口味選擇，配菜方面亦都有好多選擇，而且配菜嘅雪櫃亦都好夠凍，嘢食好新鮮。我哋嗌咗個專上極品套餐，有好靚嘅牛小排，黑豚肉，牛柳等等，好適合我呢啲鍾意食牛嘅人，特別推介佢嘅牛小排。除咗牛之外仲有海鮮類，有蝦有螺有蜆有蝦滑墨魚滑等等，選擇真係好多。菜類同丸類就唔多介紹啦，反正都係好新鮮同埋選擇真係好唔錯。嘢飲都有好多來自韓國等等嘅種類選擇，打完邊爐之後仲有甜品雪糕之類嘅可以食，直頭就係大滿足。同行朋友都稱讚不絕。有下次

今次我地去左荔枝角D2 Place一間新開既火鍋放題食飯，我係ig見到佢地廣告，見到食物種類好多，就過黎試下😛餐廳主打係無限時任食，價錢就揀入座，離座時間有唔同收費，而套餐只有2個級別，我揀左比較高級既專尚極品套餐，唔同時段就唔同價錢，最貴既假日晚市時段就$388一位，其他時段就比較平😗呢度可以選擇一大鍋或者一人一鍋湯底，其中我揀比較特別既鍋沙爹湯或，配埋牛肉，立刻變成沙爹牛，我覺得係幾正既😆牛肉既質素同選擇都好，肥，瘦，嫩既種類都有齊曬，而專尚餐既黑豚肉片都唔錯，唔會話太肥🐮🐷除左牛肉仲有海鮮，比較出色既係日本帶子同埋蠔，兩款都新鮮，size就屬於適中，另外仲有墨魚滑同蝦滑，兩款都係手打既，口感彈牙🌊🦐🦪最特別既食物就係燒乳鴿，日式放題店就見過，火鍋放題就真係冇，佢即叫即燒，夠曬脆皮🐦其餘自助區有超過100款食物，包括沙律吧，火鍋配料，甜品，雪糕同飲品，最正就一定係haagen-dazs任攞，但亦都可惜係味道得一款🥬🥩🍨🧁呢間火鍋放題我覺得係正既，佢最好就係無限時同埋款式多，仲可以一人一鍋食，約朋友黎真係食住等都冇問題，而做佢地會員可以立即減$20，下次開始有9折優惠，同埋即時送個小

最近火紅人氣荔枝角D2 Place 發現一個開P新地標，「牛火火任食火鍋」 🍲以親民價任你食為招徠。 環境舒適又寬敞，地方夠大而且乾淨企理， 除左主打海鮮、牛豚肉類、創新丸類等，近100款港日台食物任君選擇!! 雪糕甜品包你滿足~晚市無限時火鍋低至$298位起，QR code落單 ，可以揀「一人一鍋」又或者「一個大鍋共享」。💡識食一定係揀最高享受的「尊尚極品」 星期一至四 午市$318 晚市 $358星期五至日 午市$348 晚市 $388 湯底我地揀左「麻辣蕃茄湯底」「 濃郁微辣湯底散發蕃茄酸香，惹味又醒胃。 一把「牛劍」⚔️當中包括極上牛小排 、嚴選封門柳 、牛板腱、牛里肌、濃香黑豚肉片 🥩然後再點埋牛舌 牛胸腹，羊肉片，精選豬梅肉以及雞腿肉。 海鮮種類真心迎新鮮，牡蠣 鮮凍好散發誘人鮮味!還有大大隻海蝦、沙白、 灰蜆、 黃金螺、 鯛魚片、日本帶子、手打蝦滑及墨魚滑👍🏼熟食方面耖介即燒海蝦、即炸乳鴿、串桅吉列炸物等，全部即叫即炸非自助式走哂氣夠誠意。自助配料區更加頂一讚! 一個雪櫃裝左廿幾款配料真係好齊全! 當中有雞子、田雞腿、鴨血、鵝腸、墨魚仔、百葉豆腐、豬肚、台灣燕餃、甜不辣、

特別推薦佢哋嘅牛小排同牛舌，肉質鮮嫩，油花分布均勻。而湯底有好多選擇，連蕃茄湯都有辣有唔辣真係非常之吸引。炸物都非常出色，十分之香口。店員服務態度良好，店舖仲非常貼心準備咗一次性圍裙。價錢方面亦都唔算貴，個人認為都抵食，店裏面環境都好闊落，冷氣都好夠涼。已經想book定下一次😍

位於荔枝角D2 Place嘅🌟牛火火任食火鍋🌟，係一家剛開業不久🆕嘅餐廳，地方闊落新淨✨，擁過百座位！喺正荔枝角地鐵站🚇隔籬，停車場🅿️又有Free Parking，交通便利！牛火火主打無限時嘅任飲任食嘅火鍋放題♨️，可以慢慢嘆齊過百款嘅火鍋食材🥩、熟食🍤、甜品🍨及飲品🧃！🌟尊尚極品套餐 星期五至日及公眾假期 $388/位♨️鴛鴦鍋 ＋$38關東壽喜燒汁湯 - 帶微微嘅甜味！台式濃厚蕃茄湯 - 蕃茄輕盈嘅果酸，食落特別Fresh！🥩肉品尊尚極品套餐先有嘅肥美極上牛小排、牛味濃嘅嚴選封門柳、同埋軟淋嘅黑豚肉片！特選牛板腱、薄切牛舌都唔錯！🦐海鮮海蝦巨大隻而且爽彈鮮甜！手打蝦滑同埋手打墨魚滑都幾鮮！🍢熟食牛火火嘅熟食喺即叫即製，上菜時仲係熱辣辣！即炸乳鴿同埋即燒海蝦，都係尊尚極品套餐限定！🍨甜品多款雪糕雪條，無限量任拎任食！

第一次同屋企人去呢度食晏，估唔到環境同坐位都好舒適 (同社交媒體網站個廣告一樣，冇照騙😅)火鍋食物種類多、新鮮已經要讚，其中有我最鍾意嘅唐芹 （係我食過無數嘅任食火鍋第一次出現嘅嘢）、水魷 （自己去街市買最平都要67拾蚊一斤）仲細心到有小食同沙律菜可以當煲湯底未滾可以有啲嘢食吓先👍👍飲品，雪條種類多仲要唔係普通貨色，連我位差不多九十歲嘅媽媽都食得好開胃好滋味😋第二次帶咗舊同事去佢哋都俾like，人均消費百零蚊食兩個鐘仲有咁嘅質素已經贏晒啦！