影片
以上資料只供參考, 請與餐廳確認詳情
影片
相片
+14
話說行到中環口乾舌燥，見到呢間「牛油果先生」，本來諗住又係啲健康野，點知一試即刻反轉印象！牛油果生椰拿鐵真係勁滑，牛油果味夠晒濃但唔膩，椰香同咖啡味夾到絕，飲落似係飲緊液體蛋糕咁！巨峰葡萄啵啵簡直係夏日救星，葡萄肉甜到漏，波波咬落卜卜聲，邊飲邊玩夠晒癮～生榨椰椰芝士個層芝士蓋鹹香到暈，拌埋椰汁飲，成杯野即時升呢！最驚喜係牛油果羽衣甘藍個款，本來見到羽衣甘藍想走佬，點知出奇地好飲，蔬菜味清新，奇亞籽同燕麥增加口感，飲完仲覺得自己好健康添（誤）！講真，用新鮮材料真係唔同，飲得出冇添加，難怪敢話自己「四真」啦～ 下次經過中環，真係要再幫襯！
繼續閱讀