影片
開飯介紹
主打任飲任食涮涮鍋及壽喜燒，湯底有數十款選擇。任食配菜款式多，更有各類熟食和自助甜品區供應乳酪雪糕。
繼續閱讀
營業時間
今日營業
11:30 - 23:00
星期一至日
11:30 - 23:00
*截單時間: 22:30
以上資料只供參考, 請與餐廳確認詳情
有關獎賞計劃
相關文章
餐廳位於雅蘭中心地下，由地下到一樓的樓梯石級及和風佈置，感覺轉眼間已經由旺角鬧市穿越到日本一般。見到可任食期間限定既日本特選和牛肩胛肉眼，同時可享清酒和生啤任飲，叫左一個LV5既澳洲極上和牛+海鮮放題。湯底種類繁多，揀左北海道昆布清湯及完熟蕃茄濃湯既鴛鴦鍋。除左可手機落單外，外面仲有一個空曠的自取區，有各類新鮮蔬菜、熟食、甜品和飲品等可供自由選取。日本特選和牛肩胛肉眼和牛色澤粉嫩，油脂分佈相當多分佈均勻，油香味齒頰留香，口感細膩醇厚，入口即化，大大推薦！澳洲極上和牛澳洲和牛厚薄適中，和肉牛肉味濃郁，口感柔軟多汁，色澤紅潤，完全無筋或「鞋」既情況。海鮮可選擇種類多樣，有花膠、原隻鮑魚、日本帆立貝、大海蝦、青口、墨魚滑及爽脆水魷等。花膠又爽又軟熟，煮耐左都一樣咁好食。鮑魚肉質厚實，味道鮮味十足。日本帆立貝飽滿大隻，味道鮮甜。大海蝦蝦頭內有滿滿既蝦膏，味道濃郁。三文魚刺身來自挪威三文魚，有濃厚既魚油香味，不用點醬油味道都足夠。貓山王榴槤雪米糍榴槤的雪糕及糯米磁都好濃郁，特選品種有貓山王及D24可供選擇。鮮柚楊枝甘露有滿滿既香甜芒果粒、彈牙西米露和酸爽西柚粒，配搭濃厚椰奶，味道多樣同時口感豐富。
繼續閱讀
這次選了「澳洲穀飼黑安格斯牛＋SRF 美國極黑牛放題」，油脂分布漂亮、涮幾秒就入口即化，牛香在嘴裡慢慢散開，真的很滿足～剛好遇上「韓風祭」活動，有不少限定菜色，驚喜多多：• 🥣 雪濃牛尾湯底：奶白濃郁，暖胃又舒服• 🥢 韓式前菜：泡菜夠味，酸甜蘿蔔清爽，配火鍋很剛好• 🌶️ 熟食：爆辣雞鎚、蜂蜜炸雞翼、晚市限定的蘿蔔燜牛肋條都好吸引• 🍜 火鍋配料：QQ韓國年糕、吸湯拉麵，越煮越香• 🍧 甜品：米酒大福清新軟糯，銀耳杞子燉雪梨也很潤喉另外要誇一下旺角分店的服務，很貼心：主動加湯、輕聲提醒小心燙，細節做得很好～
繼續閱讀
病咗差唔多兩個禮拜終於好返，係時候要大吃大喝補償番。今晚即刻拉左老公去旺角打番個邊爐先。一定要揀番間最穩陣既火鍋鋪，所以首選一定揀呢間encore左幾次既牛氣食，因為個重點係牛氣俾我個印象係食物質素最高，最乾淨，最新鮮。今晚揀左個Level 4食，因為level 4有海鮮食，同埋啱啱好番食90分鐘都夠哂皮。牛氣既level 4已經有SRF美國極黑牛食，SRF既牛個人覺得俾和牛口感更好，更有牛味，少左油脂味，所以個人更加喜歡SRF牛，當然仲有澳洲穀飼安格斯牛，感覺上口感都差唔多，都唔錯。另外牛氣既重點係海鮮比其他任食鋪頭更加好味，海蝦好大隻肉夠彈牙，帶子又係好出色，鮮甜味十足，仲有脆鯛魚片，爽脆無骨。另外必試竹笙蝦滑，口感好有層次，喺必食推介。泰式生蝦又係值得一試。牛氣咁多年都keep到水準，今晚食得勁滿足。
繼續閱讀
下午放假去咗雅蘭中心牛氣主打日式涮涮鍋。點選LV4咩都有，牛肉，豚肉，雞，海鮮，魚等等，鍋底韓式雪場牛尾湯SRF美國極黑牛/澳洲穀鉰黑安格斯牛，兩款牛肉味好濃，後者唔肥膩，豚肉都超高質海鮮-有三文魚刺身，海蝦、墨魚滑、青口、爽脆水魷同日本帆立貝、小海參，脆鯛魚片，花膠，真係又新鮮又好滿足。配料-自助吧有本地水耕菜，比較欣賞人參葉，有啲似通菜爽爽脆。台灣快菜好清甜，另有多款丸類，熟食區有雞翼，薯條，燒賣，魚蛋。QR code仲有好多類火鍋配料🤭手工豬肉餃都係推介甜品-豆腐花，芒果布甸，唧軟雪糕同埋即整棉花塘，即製咖啡，同大量飲品任飲，欣賞放題有咁多創意食品環境乾淨，店員快手處理，讚
繼續閱讀
同朋友👭兩個人系旺角行街，閨密提議想打邊爐，咩都可以試吓最正，小朋友先做選擇🤪最好當然係全部都要😉今次我地揀左去食牛氣Lv4 黑安格牛 + SRF 極黑牛海鮮放題，而家仲做緊韓風祭🤩餐廳氛圍舒適，好適合一大班朋友聚餐或者慶祝生日❤️🫶🏻黑蒜豬骨湯底湯頭濃郁，味道醇厚，帶有自然黑蒜香味，十分適合搭配肉類😉🫶🏻蕃茄湯底清新酸甜，讓整體口感多元化，適合中意清爽口味既人🫶🏻🫶🏻SRF 極黑牛👍🏻肉質鮮嫩，油花分布均勻，食落口感滑順，中意食牛肉必食👍🏻🫶🏻黑安格牛風味獨特，肉質扎實，牛肉香味濃厚🤩🫶🏻挪威三文魚刺身👍🏻三文魚刺身新鮮度高，肉質細膩，搭配醬油更添風味👍🏻🫶🏻脆鯛魚片魚片口感酥脆，魚肉鮮美，適合中意我呢啲食魚嘅人🤤🫶🏻日本帆立貝肉質鮮甜，煮熟後依然保持彈性，堪稱一絕😋總體來講海鮮放題選擇非常豐富，無論是肉類定係海鮮，都能滿足唔同食客需求。湯底多樣化搭配更是增添左整體用餐樂趣，非常推薦中意打邊爐朋友
繼續閱讀