牛気 (雅蘭中心)

營業中

休息中

一早用openrice book位, 準時到達並告知店員我們透過openerice book位, 也告訴他預約登記的電話號碼, 但店員完全沒有理會, 態度敷衍。落單90分鐘的set, 完全冇解釋下自己睇張單先發現人人有額外30分鐘。即係理論上有120分鐘用餐, 點知店員到75分鐘已不禮貌地掟了張單嚟叫我們結賬, 打算趕我們走。呢個時候當一大團旅行團殺進來, 環境即時變得非常擠逼、嘈吵、混亂、恐怖, 很難想像旺角大商場食肆都做埋團餐。

成日諗唔到食咩，就會去牛氣間唔中會有折扣優惠。通常會叫九州黑毛和牛套餐，而湯底會叫壽喜燒。其他套餐嘅肉都覺得麻麻哋，佢哋嘅海鮮都比較一般。有唔同嘅蔬果喺出邊可以自己揀，120分鐘可以食到好飽！

兩個人去食，本身18:30入場，食90分鐘，到19:58已經食完雪糕最後一啖，未𢴇到嘢嘅時候就已經有人黎趕你走，語氣都唔太好，當住全世界講「夠鐘啦！要走！」，好似你坐係到好耐霸住佢個位咁。服務態度真係香港特色，全程無人幫手𢴇碟，要自己舉手叫人唔該先有人黎，又有漏單，嘢食岀得慢，嘢飲種類少。覺得依個價錢仲有好多其他好嘅選擇！唔會再去！希望大家睇到依篇食評

牛氣日式火鍋放題真係一個超值嘅選擇！呢間餐廳提供豐富嘅高級食材，每樣都新鮮得不得了。先講講牛肉，選用咗澳洲和牛同特選牛小排，紋理美如藝術品，入口即化，油脂同肉質完美融合，味道濃郁香甜。每一片牛肉都充滿肉香，食一口就停唔到口。火鍋湯底有多種選擇，無論你鍾意清湯定麻辣，都有啱你口味嘅。豬肉同雞肉質地鮮嫩，燒煮之後味道更加突出。海鮮部分更係唔容錯過，鮮甜嘅三文魚刺身、大海蝦同墨魚膠，全部都係頂級嘅新鮮食材，嚐起來味道鮮美，絕對係一大享受。除此之外，仲有各式各樣嘅配料同蔬菜，滿足唔同嘅口味需求。餐廳環境舒適，服務親切，讓人可以慢慢享受每一口嘅美食。總括嚟講，呢間牛氣日式火鍋放題真係值得一試，一定會帶俾你非凡嘅味蕾體驗！🥩🍲🍤

今天來到旺角朗豪坊睇戲，天氣凍凍地揀左附近哩間任食的火鍋店，鐘意佢牛肉品質超正，而家仲有特別優惠，訂座再送多30分鐘比你，即係150分鐘任食！$3xx就可以吃到和牛級別相同口感的牛肉環境：以木係日式裝修，座位寬敞舒適，新開好新淨好靚期間限定蜆鍋 🥘必點菜式：澳洲谷飼黑安格斯牛牛肉好細嫩，脂肪雪白，油花豐富，正SFR美國極黑牛黑牛好大塊，色澤好靚，入口即溶好肥美好正PRIME美國肩胛肉眼🥩牛肉質地柔軟，好香濃牛肉味，好適合火鍋三文魚刺身 牛骨髓花膠大海蝦日本帆立貝脆鯇魚片*魚肉好鮮甜，讚山水豆腐花*好清溜好正vanilla自製雪糕 甜品都好多選擇，最正可以自己整棉花糖

旺角雅蘭有間火鍋放題牛氣，天氣涼涼哋就去打邊爐。。～叫左Lv4: 澳洲穀飼黑安格斯牛 + SRF 美國極黑牛放題 + 海鮮放題 $338@蕃茄濃湯湯底🍲真係幾香濃，蕃茄酸酸甜甜夠開胃，任食都唔會滯！LV4 有好多款牛肉可叫，當中最中意既係安格斯牛和SRF極黑牛！澳洲穀飼黑安格斯牛 好有牛肉味，而SRF 美國極黑牛肉質好夠滑！雞腿肉 及特選豚肉，都係可以任做任食套餐包左任叫特選海鮮有日本帆立貝、花膠 、青口 、大海蝦 、墨魚滑 ，脆鯛魚片 、爽脆水魷 ～帆立貝及大海蝦又大隻又新鮮，無諗過花膠都可以任食！最正係挪成三文魚刺身 都可任點，好鮮甜又滿足！熟食還有必叫美式煙肉白汁焗生蠔🦪，好香口。而家餐廳做緊和洋祭，有好多特色食物，除咗牛奶味雪糕外仲有咖啡拖肥味雪糕🍦 ，馬卡龍及脆皮提拉米蘇大福，芝士餅等等，還有各式飲品在外別自取~🍱牛気 (雅蘭中心) (旺角)📍旺角彌敦道625 & 639號雅蘭中心1樓118號舖

期間限定主題：和洋祭🇯🇵🔹北海道蛤蜊魚湯呢個魚湯好鮮甜，蛤蜊好大隻夠晒厚肉，用呢個湯底打邊爐就最正～🔹lv.4 澳洲穀飼黑安格斯牛+SRF美國極黑牛放題+海鮮放題～任食靚牛靚海鮮😍🔹自助區必食推介：任食吉列炸蝦，配搭辣味黑松露醬或香草松露醬～日式蟹棒冷豆腐係清爽之選🔹 蠔気四國風味 - 美式煙肉白汁焗生蠔～白汁生蠔奶香濃郁，滑順綿密，再配上煙肉香氣十足，口感層次豐富👍🏻牛気 (雅蘭中心) (旺角)旺角彌敦道625 & 639號雅蘭中心1樓118號舖

小編今日去咗旺角牛気試做「肉食獸」！呢間位於雅蘭中心嘅和牛放題專門店，真係食到我笑到見牙唔見眼！等我慢慢同大家分享呢個120分鐘嘅「肉食天堂」！🤤首先講下個價位，LV5豪洲極尚和牛+海鮮火鍋放題人均$458，以呢個質素嚟講真係超級抵食！而且件件都係「肉食獸」嘅至愛～🥩最最最推介一定係日本九州和牛肩！啲肉嘅油花分佈均勻，一片片肉紋分明，仲要透露住誘人嘅粉紅色，未食已經流晒口水！落鍋滾幾滾，見到啲油花慢慢溶出嗰陣個畫面真係超療癒！咬一啖，肉質鮮嫩多汁，仲要即刻溶喺口裡面，簡直係和牛界嘅天花板！😍澳洲極上和牛都係一絕！肉質夠新鮮，油花豐富，食落口香而不膩，配埋佢哋嘅特製醬料，正到爆炸！👍🏻美國極黑牛嘅肉味特別濃郁，肉質夠韌度又唔會太老，啲汁香到癲！一定要趁熱食，咁先可以感受到佢完美嘅口感～💯海鮮控唔好漏咗佢哋嘅新鮮大海蝦！個頭大大隻，肉質爽甜彈牙，絕對係配和牛嘅最佳拍檔！🦐小貼士：✨記得要預早訂位，尤其係周末同假期✨點餐用QR Code落單，好方便✨飲品任飲，凍熱都有溫馨提示：記住要慢慢食，享受每一件食材嘅原汁原味！唔好因為趕時間而錯過咗咁正嘅美食！食完記住要去行吓消化，因為真係會食到好撐！

牛気最近推出期間限定嘅🌟 和洋祭🌟 有十多款精選特色熟食甜品任添唔嬲🤗 即刻捉咗🐧🐧 君去會一會佢🤭 首先當然要試下期間限定嘅北海道蛤蜊魚湯湯底🤤 內含大量嘅蛤蜊同埋豆腐☺️ 超級抵食😝 湯底入口鮮美又醇香😆 同埋海鮮一齊食真係勁夾🤝 令一眾海鮮嘅鮮味更出眾😎 係自助區可以攞到多款和洋祭限定熟食🥰 包括有意式蕃茄肉丸、日式蟹棒冷豆腐、吉列炸蝦、脆炸薯條等😉 🐧 好喜歡佢哋嘅意式蕃茄肉丸，大大粒肉感十足，食落軟嫩又多汁，肉味濃香，加上酸香清新嘅蕃茄醬汁，真係一級棒👍 另外亦有多款甜品提供🥳 迷你雜錦脆皮泡芙、焦糖芝士巴斯克、迷你蘋果脆脆撻等都超級高質😆 甜而不膩味道出眾📍 仲有自家製咖啡拖肥味雪糕👏 香滑濃郁，冰涼可口😉 除了以上出色美食，肉類、海鮮、丸類等火鍋配料都依舊高質😁 新鮮又大份🤗 真係食極都唔會厭🤤 回頭率100%✅ 

天氣有點凉，就約埋好老友去打邊爐，佢㨂左地點便利，位於旺角雅蘭中心的#牛氣 ， 有幾款套餐可以選，今晚我哋選擇了Lv4套餐，有澳洲穀飼黑安格斯牛+ SRF美國極黑牛+海鮮放題，依家仲做緊和洋祭，仲有芝士焗生蠔🦪任食，另加$38仲可以任飲生啤，真係超級讚啊！同埋唔止火鍋咁簡單，自助區尚有沙律🥗、幾款熟食如炸物、關東煮、炒牛肉、炆煮牛腩、番茄牛丸&炒飯….，而甜品有泡芙、馬卡龍、芝士餅、低糖牛奶雪糕🍦、布甸，生果都有2款，飲品選擇亦多。鍋底～期間限定之北海道蛤蜊魚湯，魚湯清甜啱晒我哋口味。肉類先全部點左2碟慢慢嘆，我地都覺得澳洲穀飼黑安格斯牛至正，牛肉雪花分佈均勻，口感極嫩滑！SRF美國極黑牛肉味較濃郁，油脂甘香！其他肉類如美國肩胛肉眼同埋特選豚肉，切得薄身，滾一陣就食得，肉質有咬口亦唔錯。仲有牛骨髓，入口滑嘟嘟的，吸埋湯汁很好食😋。三文魚肥美，另有海鮮拼盤，有爽甜彈牙海蝦，青口、帶子、墨魚滑、水魷魚、花膠&帆立貝，鮮味無窮！蔬菜方面都有好多新鮮爽甜，各式種類的丸類、粉麵類，都好適合打邊爐。牛氣放題真係超值，食飯質素高，服務又好，環境闊落坐得舒服，啱晒聚餐/打邊爐嘅人仕☺️。

呢間自助火鍋餐廳真係天堂！餐單提供咗超多高級食材，包括澳洲和牛、特選牛小排、PRIME美國肩胛肉、牛骨髓、特選雞肉、特選豬肉、特選海鮮、日式布立貝、挪威三文魚刺身、花膠、青口、大海蝦、墨魚膠、脫殼魚片同鱸魚。每款食材質素一流，選擇豐富。**牛肉**：先講講牛肉，澳洲和牛嘅紋理美得像藝術品，入口即化，油脂同肉質完美融合，帶出一種無與倫比嘅柔嫩感。特選牛小排則口感豐富，肉質鮮美，每一啖都充滿濃郁嘅肉香。PRIME美國肩胛肉更加係肉味濃郁且不失嫩滑，真係食一口就想再來多幾片。**豬肉同雞肉**：豬肉同雞肉都鮮嫩多汁，豬肉片片肥瘦適中，雞肉嫩滑香甜，每一口都令人回味無窮。**海鮮**：海鮮部分更係無得彈，特別係大海蝦同三文魚刺身，鮮甜彈牙。牛骨髓同花膠特別受歡迎，營養豐富又美味。湯底選擇多樣化，無論係麻辣湯底定清湯底，都令人回味無窮。餐廳環境舒適，服務貼心，讓人可以慢慢享受每一道美食。絕對係一個親朋好友聚餐嘅好去處，無論你係牛肉愛好者定海鮮控，都可以滿足到你嘅味蕾。呢間自助火鍋餐廳，真係值得一試，絕對會令人再三回味！🥩🍤🍲

牛気特別推出全新主題「和洋祭🎌🎊」，多款融合日式與西式風味的美食，鍾意食日本野同牛牛既我又點會錯過呢套餐揀咗LV4 黑安格斯牛+SRF極黑牛海鮮。牛肉都有好多款，肉質都非常好，昆布湯，牛肉嘅鮮味係清湯裏面完全出晒！海鮮都有唔同種類，有魷魚、帶子、鮮蝦等，都好新鮮自助區增添多款特色美食，酥脆美味的吉列炸蝦、酸甜適中的意式蕃茄肉丸，還是濃郁香醇的紅酒燉牛肉，西日合璧，甜品方面亦有驚喜，如焦糖芝士巴斯克、咖啡拖肥味雪榚、脆皮提拉米蘇大福等特色甜品除此之外，推廣期間還可免費升級至「北海道蛤蜊魚湯」主題湯底，讓您在火鍋裡品嚐到海洋的鮮美滋味！特別推出「蠔気四國風味🦪」，凡惠顧Lv4或以上級別的火鍋放題套餐，每一期即可無限享用法、美、意、日風味的焗生蠔，讓您的火鍋大餐更加豐富！*「和洋祭🎌🎊」推廣期：2024年9月19日至2025年1月21日                

今晚朋友想食火鍋，牛気而家做緊和洋祭🪭🏮推出限定美食包括 #紅酒燉牛肉 #意式番茄肉丸 #日式蟹棒冷豆腐 #吉列炸蝦 #蘑菇忌廉湯 #迷你雜錦脆皮泡芙 #脆炸薯條 #迷你蘋果脆脆撻 #焦糖芝士巴斯克 #馬卡龍 ，仲帶專程訂製的雪糕食材製作 #咖啡拖肥味雪糕🍦 真係勁豐富😋😋⋄⋄====—====—====—====—👅120分鐘大滿足火鍋放題❣️❣️✦ Lv5 豪州極上和牛+ 海鮮の食べ放題 ✦（$428｜成人；$348｜小童或長者）—✦ 自助區 ✦自助區提供多款火鍋配料，包括各種丸類、蔬菜類、麵食類，熱食方面有關東煮、炒飯、燘牛筋、忌廉蘑菇湯、芋頭紫米露等冷盤及甜品櫃入面有中華沙律、螺肉、蟹肉豆腐、甜品有大福、泡芺、蛋糕、馬卡龍等，仲有當然唔少得醬料區😋—✦ 自助點餐 ✦澳洲極上和牛｜澳洲穀飼黑安格斯牛｜美國極黑牛｜特選牛小排｜PRIME美國肩胛肉眼｜穀飼牛肩肉｜牛骨髄｜日本赤雞雞爽肉｜精選雞腿肉｜特選豚肉 ｜原隻鮑魚｜特選海鮮｜日本帆立貝｜挪威三文魚刺身｜花膠｜青口｜大海蝦｜坐魚滑｜脆鯛魚片｜爽脆水魷｜仲有芝士焗生蠔🦪、迷你丼飯、壽司🍣、泡椒魚皮等美食可以手機點餐😜—✦ 湯底 ✦今次揀

薄到透明的肉，如圖一樣，我哋見到都好驚訝，你話放題我都理解，我們一行三人是食午市定食，並不是放題，反而半自助的食品質素不錯：榴連波波同肉丸都好食，服務就差，大家都好似唔休做咁😂😂反而有個後生仔，好勤力招呼客人，加湯時有用手擋住小朋友，今日星期六午市都無爆場，香港食肆生意唔好，真係唔怪得人一間食肆返唔返轉頭，好大部分係個服務，就算好食到飛天，態度唔好，真係無下次，希望香港食肆自己都爭氣D,否則無人肯來了

星期四嘅中午，約咗朋友去食牛氣邊爐，因為我發現佢有個期間限定-北海道蛤蜊魚湯底。識我嘅人都知我幾鍾意食蜆，用蜆做嘅湯底一定係好清甜。我哋叫咗黑安格斯牛加極黑牛海鮮放題。今期係北海道主題，真係啱晒我心水。黑安格斯牛新鮮到爆，浸佢六秒攞上黎食就剛剛好，鮮嫩多汁。海鮮拼盤唔洗講，肯定新鮮😍我哋一路食一路狂歡，吹水無限，好彩呢度有個大雪櫃俾我哋任飲。仲有兩個甜品專櫃，啱晒我呢個甜品達人，無甜不歡嘅我🎈但我至愛都係佢嘅炸榴連同埋豆腐花😍😍😍仲有低糖北海道牛奶軟雪糕🍦大量蔬菜🥬新鮮選擇多，一定夠你揀、食過夠🤭除咗邊爐料，仲有熟食，等唔切嘅朋友可以擦一轉熟食先😄再慢慢烚下烚下。。。。傾到咁上下，攬住個大肚腩想賣單，再來多客芝士焗生蠔，經理熱情款待，都好難推卻，點知出奇地好食😋下次想去擦餐勁，都唔洗諗去邊度，黎牛氣就得喇😆