影片
開飯介紹
日式自助石燒牛扒店，牛扒有不同部位及重量選擇，均經過熟成處理，會由師傅先煎至一成熟，再放在攝氏300度的火山石板上，客人可按喜好自行用石板燒至理想熟度。牛扒餐皆附自助吧，可任食沙律及飯。
繼續閱讀
營業時間
今日營業
11:30 - 23:30
星期一至日
11:30 - 23:30
公眾假期
11:30 - 23:30
公眾假期前夕
11:30 - 23:30
以上資料只供參考, 請與餐廳確認詳情
-
網上訂座服務暫停
相關文章
【油尖旺區】【牛極】識飲識食嘅同事介紹旺角一間餐廳畀我食，咁我就梗係點都去會一會佢。點知去到我發現佢要排隊，吖，首先我係唔食排隊店嘅，浪費我生命嘅時間，幾好食都係假。其次係我嗰陣嘅食飯時間又真係唔係多，支撐唔到一條未知嘅隊伍，所以就去咗隔離嘅牛極。我記得我人生第一次食石燒牛都係喺旺角牛極，嗰陣唔太中意呢種食法，而家就慢慢接受咗，因為我識得點整生啲嚟食，哈哈。喺門口見到 $260 嘅「一人前戰斧牛排」好吸引，有 500g，就叫嚟食。侍應會問我切唔切咁上，時間關係，我決定畀佢切咗先啦。上菜，都幾大碟肉，不過都係普通牛肉質素。同埋唔知點解感覺佢好似唔係一整塊扒咁切，而係切咗唔同嘅部位砌出嚟咁，感覺啫，冇求證過。不過咁樣又幾好，乜肉質都有得食。加 $10 要埋罐「烏龍茶」，包埋自助吧嘅嘢飲、嘢食，埋單 $270，我接受到。。。（地址：旺角通菜街78號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #旺角 #旺角東 #牛極 #一人前戰斧牛排 #烏龍茶 #1am1771 #1ambackup
繼續閱讀
今日經過旺角，過嚟試咗呢個石板燒， 由於本人好鍾意食鵝肝所以嗌咗個鵝肝牛肩， 唔講好唔好味住， 一見到啲嘢食就 wa咗出嚟, 呢個價錢食到鵝肝都算， 仲要咁厚， 自己燒到塊鵝肝外脆內軟， 個牛肉又好重牛味，值得一試
繼續閱讀
牛極真係一間平民扒房，最平既牛扒餐可以70蚊就有找，仲要可以任食白飯、沙律同埋湯，所以我同朋友成日都會去食，最中意叫既係牛肩扒同埋牛柳，牛肩扒性價比最高，而牛柳就比較冧，不過最抵讚既都係佢地果個牛肉湯，好足料又有牛味。開心Share一下去牛極食野既隱藏食法😋#牛極 #石板燒 #牛扒 #石焼き牛タン #gyuugoku #gyuugokustonegrillsteak #日本火山石燒 #食玩 #吃喝玩乐任你玩 #yunmy #隱藏版美食 #隱藏版 #美食 gyuugoku
繼續閱讀
好耐冇幫襯過牛極，心思思呢排好想食牛肉，所以決定今日收工過黎一飽口福☺️俾咗錢之後，飯、湯同埋沙律係以自助嘅形式可以任食😍🔖牛肩扒配鵝肝 150g （$140）好少見可以配埋鵝肝，即刻嗌咗一份試吓。鵝肝煎咗之後油脂咇晒出嚟好香☺️用鵝肝嘅油脂去煎埋牛扒，連塊牛扒都有濃濃嘅鵝肝香味，超邪惡😈🔖亂切牛扒 300g （$160）如果男仔驚食得唔飽嘅，可以試吓嗌呢個亂切牛扒，份量多得黎，又可以食到唔同質地嘅牛肉，好正🥰湯係類似羅宋湯嘅口味，入面有蘿蔔，紅蘿蔔洋蔥同埋牛肉，勁足料🫶🏻沙律好新鮮，上面仲會包住一層保鮮膜，衛生之餘又唔會令生菜流失咗水份，所以食嘅時候仲係索索聲🤣飯就煮得麻麻，唔係粒粒分明有啲黐住一舊🥲不過有得加海苔，睇落賣相更佳👌🏻環境坐得舒服，但地下唔知係咪因為長期煎緊牛扒，變得地下真係好跣😥如果地下可以留意返多啲就好付款形式：有部機可以自助落單，如果想用Visa卡俾錢，都有個專for Visa卡嘅QR可以嘟。
繼續閱讀
當晚，我踩入呢家石燒牛極餐廳，氣氛啱啱好👌，人流湧湧但冇到嘈雜。一坐低，我哋就揀咗牛柳同牛肩排。牛柳正宗滑嫩，好似絲綢咁貼舌頭，肉汁自然而香濃，真係會嚟電呀⚡！牛肩排厚實得嚟唔失嫩滑，每一啖咀嚼都感受到牛肉嗰種鮮美。飯菜之餘，沙律菜配嗰胡麻醬清新得嚟又解膩，攪拌勻嘅醬汁仲有微微芝麻味，頂呱呱！用嗰石板滋滋作響，好有趣味，可以按自己口味調教熟度，真係話得手即搞掂。😄食物旁邊，自助區豐富嘅醬料仲可以配合個人口味去改味，蒜蓉同燒肉汁齊齊用，真係有種“開心到飛起”嘅感覺。底線就係，牛極呢家店提供嘅唔只係一道美味嘅食物，而係一個親手打造自家味道嘅旅程。負責任講，呢個晚上嘅用餐經歷真係一流，無論係環境、服務定係食物質量，都值得再嚟！🍴🥩👍
繼續閱讀