牛棚 (已結業)

太子界限街附近的食店有好多，價廉物美既有，但偏偏賣牛腩飯的不多。恰巧比我睇到有牛腩飯食，牛魔王的我早前已嘗過不少的牛腩，感受過不少肉質。呢一間既牛腩肉質嫩滑，牛腩汁也十分惹味，伴飯簡直要食多幾碗飯，整體十分不錯。

復活節假期無外遊，諗住留港銷費，點知好掃興。是咁的，本想去新世紀shopping，點知一出太子站無幾耐，個天突然風雲變色，好似變成夜晚咁，跟住行雷閃電落暴雨，之後紅色暴雨警告都出埋，我哋好狼狽，立即搵個地方避雨。去咗一間叫做 “牛棚” 的麵店。裡面無咩人，啲阿姐係度打牙骹。齋坐唔好意思嘅，於是叫咗兩碗麵食，一邊學啲阿姐睇電視，一邊等雨勢減。叫咗碗八寶麵，同埋牛腩河，成惠$81。兩碗麵的湯底都有味精，好在唔算重手。牛腩都腍嘅，但係就唔夠味。八寶麵隻碗就夠大，其實啲麵嘅份量好少，三注可以KO佢，好在有8粒餸，食晒都夠飽。

去完花墟，肚餓搵食，路過牛棚，兩點幾，唔想食太飽，見呢間好似啱食，即管試下，叫得牛棚，梗係食牛啦！見佢menu重點推介……牛三寶，我就叫咗碗牛三寶河粉。間舖冇乜特別，同一般食粉麪舖咁，普通過普通，不過D阿姐好醒，招呼都唔錯，估唔到……碗牛三寶河咁好味！夠冧，又夠味！河粉夠滑，加埋樽……樽庒可樂，簡直係絕配。

午餐叫咗個牛腩飯，得三件散收收嘅牛嘅物體，尤如湯渣一樣，而且非常咸，雖然$49包碟菜同熱飲，但個主菜係牛腩，呢個份量係想點？無下次！大家可以自己睇吓幅圖，係未食過，仲要我叫咗少飯，飯同牛腩嘅比例都仲可以差咁遠！

今日下午係旺角辦完事務，未到返羌工時間，四處遊蕩。行下行下到左太子花園街。這條街二邊好多食店，中西泰越菜都有。因中午晏左食中午飯，唔想食太多野，想食碗河粉。剛巧行到間粉麵店叫牛棚，我咁喜愛食牛腩一定要試下。望左－陣menu,見到所有食物都係牛。牛腩，牛什，肥牛。招呼位姐姐見到未能決定食什麼，佢就極力推介牛三寶河粉。見無乜頭緒，於是就叫牛三寶河及加二元有一支細樽可樂。牛三寶包括牛腩，牛筋及牛肚。三種牛好正，尤其是牛腩食入口有肉香味。

去完行花墟，見有些肚餓，就去搵食，行到呢間舖被牛棚兩字吸引，很大的廣告賣牛三寶，應該很吸引，便入去試試會否隱世好味道，就叫了牛三寶河食，聞一聞沒有濃郁的牛味，牛腩很多脂肪很零碎，牛筋每件3厘米，河粉與牛肚可接受，價值40元的牛三寶河唔會有下次，希望負責人可以正視食物質素。

今日一個人孤零零去到太子食午餐，不知不覺又入到去牛棚。好彩，有阿姐例牌好親和招待，當堂孤零零感覺無晒。睇下今日有咩食先。豬手飯似乎太漏，炸醬撈麵又驚唔夠飽，度來度去都係食五香牛腩飯，加個腐乳通菜和一杯熱奶茶，就 good fit 喇。【五香牛腩飯】好多牛腩鋪喺白飯面。牛腩有少少肥膏，食落會比較香。炆得好腍，入口即溶。牛腩汁好足夠，送飯一流，好快就被清碟。【腐乳通菜】炒得碧綠爽脆。【熱奶茶】茶味都夠，一啲都唔失禮。

吾浪費自己同大家貴嘅時間收銀阿姐係上咗年紀四眼，時間系8:20pm, 我只系外賣2碗粉加個油菜。態度極差極霉氣⋯⋯勿論食物味道好與否，受氣的感受絕對不會再＂高攀＂貴店

Follow me on insta @luna_vona for HK’s best eats!牛掤 is a traditional noodle shop located in Prince Edward, near the flower market. I ordered the hand-cut beef ho-fun (手切肥牛河粉) and was astounded by the generous portion size. The broth tasted flavorful without being too salty, the meat was tender and of good quality. However, the noodles were slightly over cooked for my taste. Overall, 牛掤 serves great value noodles and of if you like beef brisket ho-fun (their signature dish), you will most likely

一個人逛完花墟，買完少少嘢之後，就行去花園街嗰邊，幫襯牛棚，食我至愛的牛腩。之前都幫襯過幾次，麵舖阿姐都認得我。雖然有好多嘢食俾我揀，但我依然照舊叫咗碗【牛腩魚蛋雙拼河 $41】。無叫嘢飲，因為呢間麵舖專長唔係飲品，如果要飲嘢，我會行番前啲間Pacific 買咖啡飲。講番碗河粉。湯底好有牛肉味，無味精，阿姐每次都會幫我加多些腩汁。河粉係滑嘅，索埋啲湯汁就更加好味。魚蛋自加製，爽口兼彈牙。最後，講下個主角牛腩，八件厚切，帶些少牛筋，煮得好腍，入晒味，食落又唔黏牙。我以前試過一次過食兩碗。 下次過開嚟，會繼續幫襯。

見個餐版high light住果個咩牛冧飯，咁就試一試啦，反正一個普通既牛腩飯都四十幾，咁呢都係五十一蚊，又未試過，咪試下囉。最衰唔記得影相，因為見到碟飯果下，真係太驚，一開頭以為係人地食剩啲餸，筴過黎再賣過。好大碟飯，有兩條生菜，同兩片半比parma ham 厚少少，visa 卡咁大既牛肉片，收我五十一蚊，有冇攪錯呀，今時今日明白租貴，好多食店都會縮皮，但唔係咁樣呀，幾好食都冇用啦，當人蝗蟲咁劏，殺雞取卵。另外個肥牛河都費事講，一擰樣😡

今日下午經開太子突然想搵啲嘢咬下，不過又唔想食得太飽，所以就搵咗一間食粉麵既餐廳入去幫襯。見到鋪頭極力推薦五香牛三寶河 (牛腩、牛筋、牛肚)，咁我自己就叫咗一碗嚟食，38 蚊送埋豆漿都幾抵食。招牌牛三寶河黎到喇，就眼睇都幾足料，不過未食之前先試吓個湯底先，都算幾清甜而且重有濃郁的牛肉味，而牛腩整得好好，睇落去好大舊但食落口竟然有入口即溶既感覺。牛筋都炆得好好，食落去煙靭得黎又帶點彈性，最後金錢肚都整得幾爽口。整體黎講如果以呢個價錢，食到啲咁嘅質素性價比真係十分高。如果下次經開呢頭，我一定會再嚟幫襯，因為真係做得十分出色。

10月11日下午去食碗牛腩牛筋米，食到最尾見到一條黑色縷埋一注嘅嘢，即刻同阿姐講，佢話取消杯嘢飲喎，我話吓，碗麵污糟你取消我杯野飲？你係咪應該取消碗麵，呢個阿姐好好人同我講唔好意思，之後佢就同另一位扎馬尾嘅阿姐講，應該點處理，另一個阿姐就好串咁話俾個碗麵佢啦，我聽到即刻話：你碗麵唔乾淨，你仲咁俾我?我唔會食囉！最尾好個位阿姐取消碗麵，再同我講唔好意思，我話唔緊要，不過扎馬尾嗰個呀姐就好串！

其實佢哋嘅食物同普通粉麵店冇乜分別， 中規中矩 ，特別在佢哋嘅牛肚係唔黐牙， 而且無酥味， 好香滑， 牛腩味道唔夠， 比較差， 好靭，唔夠鬆軟， 建議去到一定要嗌多腩汁 ，如果唔係麵會冇乜味

快將九時的花園街，兩旁的食店也不用等位，兩口子在眾多選擇中，選中了「牛棚」。我們一人一碗「牛坑腩河粉」，再叫了一碟通菜和炸雞翼。「牛坑腩河粉」很快便上桌了，六件牛坑腩整齊地排列在河粉之上，我先吃一口坑腩，入口，好嚡，不，該用很柴較貼切，就好像煲完老火湯的牛肉似的，彈牙的感覺一點也沒有，牛味亦不濃，不是坑腩應有的質素！河粉方面，看來不是即叫即滾，河粉在坑腩下呈結實狀，需用筷子攪均才可吃，入口算滑的河粉，亦沒有稀巴爛，湯頭味道有丁點肉味，普通，整體是普通水準之下。「腐乳通菜」則不錯，通菜尚算新鮮，而提供的腐乳在大口吃下時很是刺激！店內由於食客不多，故壓迫感不大下坐得頗輕鬆，結合價錢，在索價不貴下，吃到這個水平的坑腩，不能要求太多，下次不來好了！