牛扒先生 (康怡廣場) (已結業)

Order了價值$178元的2人套餐 A，內容包括是日精選湯兩份、意式肉丸配幼滑薯蓉、炸芝士黑豚配忌廉汁意大利麵及原隻爐燒奇津香料燒雞。價錢方面，外賣自取有折扣，只須$178，很抵食，所以就吸引到我去嘗試一下，而外賣的份量亦很足夠二人進食。唯叫號方面有待改善，食物製作完成後，店員也不叫號，令食物稍為變冷了。但整體不錯，會繼續支持。…查看更多

去過幾間唔同地區嘅Mr.steak，康怡依間都算係最令人失望嘅一間。晚市八點左右入座，要左半自助晚餐，雖然對自助吧d 野冇咩期望，但係都有d失望。首先，一入黎自助吧d 野食都清得7788，問左2次先有人fill 番d 野食，仲fill d 唔fill d， 餐包依然失蹤，以下相片已經係已經fill 左之後。檯面d 跌出黎嘅食物冇人清理，睇完都唔開胃，唔想食。希望餐廳可以好好改善一下。唔好令我對Mr .Steak 失去信心。…查看更多

以前成日去銅鑼灣世貿食 Mr. Steak 自助餐, 原來太古都有 Mr. Steak, 但就係食半自助餐!😋Lunch hour 一個 lunch set $98起, 真係幾抵😋 多款沙律, 甜品, 餐湯, 真係剩係食個 salad bar 都好足夠!😎Salad bar 有新鮮沙律菜🥗 凍豆腐, 蝴蝶粉沙律, 雜果沙律, 薯仔沙律.. .. 真係食沙律都飽透!😅主菜叫左最平既卡邦尼意大利扁麵🍝 好creamy, 好香, 食完直係食唔到 dinner🤣地址 : 牛扒先生 (康怡廣場)太古康山道1-2號康怡廣場北座地下G9-10號舖評分 : 7.5/10…查看更多

Mr. Steak既下午茶一向抵食，尤其係牛扒餐，幾乎每次都揀呢個食，70蚊食到好味既牛扒，真係好難搵到，而呢度既牛扒每次都保持到一定水準，冇令我失望，超值得推介，所以一有時間都會嚟嘆番個tea 同 chill 下❤️…查看更多

今晚同朋友嚟到位於太古康怡廣場嘅Mr steak享用晚餐，最抵食嘅一定係半自助晚餐，選一個main course，其餘任食嘅包括沙律、餐湯、甜品等等。▪️◾️◼️半自助晚餐◼️◾️▪️⋄ 🍖柑橘蜜糖醬焗德國式豬手🍯（$238）豬手皮脆肉嫩，配清新柑橘蜜糖醬中和肉嘅鹹味，非常好食。⋄ 🥩澳洲150日穀飼肉眼🐂（$298）選了七成熟，肉質幼滑，而且多汁，好滿意。⋄ 🦪時令鮮生蠔✨（$98/ 4pcs）另外加咗少少錢要埋生蠔，夠新鮮，性價比極高。⋄ 以下食品可以出去任拎：🥙自助沙律🥄精選餐湯🍰甜品吧還有🍹特選飲品，不過沒有拍照😛…查看更多

星期五晚同女朋友係太古行街，見到MR.STEAK,女朋友又想食扒就試下哩間.入到去坐低，我先知原來有semi buffet 🤣因為我唔太肚餓，我叫咗最基本最平嘅雞肉野菌忌廉意大利麵$178女朋友就叫左蜜糖芥茉烤英國開心豬柳$218哩個有驚喜豬扒厚切，又唔會鞋口食物水準幾好，但上菜速度好慢.個semi buffet 90分鐘，主菜最早個個都差唔多30分鐘先上.現場見到有幾個負責執枱手腳夠快但上菜員似得一個男侍應，次次都係佢拎出嚟..唔知廚房慢定唔夠人手了.出邊沙律吧同甜品吧款式唔小，餐湯同scone 都係任食.甜品比較出色總結一下，會再幫襯…查看更多

今次買左外賣自選二人套餐同朋友慶祝生日，套餐嘅嘢食非常豐富，可以自選四款頭盤、兩款主菜及四款甜品，當中都包括左餐湯同埋一個意式肉丸配又或薯蓉小食！今次嘅餐湯係蕃茄湯，酸酸甜甜夠晒開胃！意式肉丸仲有香濃芝士，口感彈牙🤩頭盤就緊係要揀返個cold cut 再配埋其他沙律🥗，屋企開返支酒配埋一齊食更加好主菜就係蕃茄海蝦意大利飯，口感煙韌，又有大大隻海蝦，醬汁味道啱啱好！另外就叫咗個烤肉拼盤，啱晒食肉獸！裏面有安格斯牛扒、羊鞍朳、燒雞仲有香草腸，仲配上柔滑薯蓉，食肉獸必定滿足！最後就係甜品上場，我最鍾意嘅就係綠茶瑞士卷，綠茶味好香，忌廉又滑，甜度適中！另外就係朱古力布朗尼，非常香濃嘅朱古力味🍫朋友仲問我呢個套餐係唔係好貴，其實只係需要$268就有齊晒圖中咁多嘢食！好抵食呀！…查看更多

有牛扒🥩有龍蝦🦞，仲有生蠔🦪，嘅半自助晚餐🤩🤩餐廳空間夠大，座位夠多，唔會覺得好迫，而且服務好友善。 龍蝦生蠔半自助餐（$328/人）✳️白酒、紅酒或特飲一杯✳️鮮活生蠔🦪、海蝦🦐、青口、海螺兩個人有四隻生蠔🦪、各款海鮮都夠鮮甜。✳️ 自助沙律吧一啲都唔馬虎，有蘑菇湯、英式鬆餅、超過10款嘅沙律🥗✳️芝士蟹肉焗龍蝦🦞、配美國極黑牛腰脊扒🥩、野菌意大利飯/ 芝士蟹肉焗龍蝦🦞、三文魚扒、帆立貝、野菌意大利飯芝士焗龍蝦夠香，龍蝦肉亦爽彈鮮甜。 薄切牛扒好嫩滑。 三文魚扒煎得剛剛好，保持肉汁，唔太乾。 野菌意大利🇮🇹飯味道香濃，食落有口感。 ✳️自助甜品，有木糠布甸、芝士蛋糕、檸檬撻、綠茶捲蛋、桂花糕、豆腐花等～～～～😍😍 滿足哂我呢個甜品控！…查看更多

太古Mr. Steak位於太古康怡廣場，鄰近太古AEON，行街行到攰都可以過黎食返餐勁呢到設有普通晚餐，以及半自助晚餐，仲有一個龍蝦生蠔，好吸引當日我地都叫左半自助晚餐，出面既沙律吧同甜品吧都可以任食見到外面既沙律吧款式非常多，應有盡有。南瓜、薯仔、蜜桃鴨胸沙律、螺絲粉餐湯同餐包都高質蕃茄湯味道濃郁新鮮第一份主菜係蜜糖芥末豬柳，見到咁厚身已經流晒口水肉質鮮嫩，輕輕力已經可以切開，入面熱辣辣。蜜糖芥末微甜，加上豬柳本身既焦香味配搭一流另一份主菜係主廚精選烤肉盤，好豐富分別有安格斯牛扒、羊鞍扒、燒雞、昆布倫腸。4款滋味可以一道菜食晒羊鞍扒粉嫩，見到個顏色好吸引，羊肉味好香，唔會太鹹安格斯牛扒好大塊，叫左5成熟，多肉汁，而且唔韌肉香美味，沒有overcook燒雞同肉腸都唔錯非常飽滿…查看更多

我想据扒佢想食龍蝦，係太古行左好耐先揾到一間滿足咗我哋嘅願望🤪 一人叫咗一個半自助嘅晚餐～佢叫左龍蝦生蠔、半自助晚餐 ($328) 揀左芝士焗龍蝦半隻配蘇格蘭三文魚柳🤩呢個餐會包一個鮮生蠔海鮮盤，入邊有鮮生蠔兩隻、翡翠海螺、海蝦、紐西蘭青口，然後飲品都可以揀白酒或者紅酒或者果汁。生蠔同埋海鮮都好新鮮，另外呢個譠嘅重點部份，龍蝦食落好新鮮，爽口彈牙！另外加埋上面少少芝士同埋忌廉汁味道好濃郁，亦都唔會蓋過龍蝦本來嘅鮮甜味，三文魚都煎得好香。另外我就揀咗一個半自助晚餐，澳洲150日穀飼肉眼 ($298)加埋時令新鮮生蠔 ($98) 肉眼扒叫咗七成熟，食落去仲保持到Juicy既肉質，食落一啲都唔會覺得乾同埋韌，食埋旁邊嘅薯仔粒已經飽到唔想食甜品🤣 呢個價錢食到咁多嘢真係超級抵🥰…查看更多

🍽唔知你地會唔會同我一樣，諗起食semi-buffet就會諗起Mr. Steak？😍😍選擇多，主菜質素高，CP值一流，超正！🍽啱啱呢個星期六嘅晚餐就係揀咗佢啦！喺太古城行完街就去咗食，semi-buffet晚餐$178起，一個主菜，一杯飲品然後任食沙律同甜品，呢個價邊度搵？😋一坐底就已經先送杯蘋果茶，夠晒開心🙈而今次就食豪啲，要咗龍蝦生蠔menu，每人$328，唔同嘅係多咗前菜環節，一個海鮮拼盤加餐酒。海鮮拼盤係生蠔，翡翠海螺，海蝦，青口，質素唔錯👍🏻餐酒可紅可白，唔啱飲酒嘅可以要橙汁，咁食海鮮一定係白酒最好嘅🥂🍽呢個系列主菜有四款揀，都係龍蝦配多樣嘢，我就揀咗一碟跟Scottish Salmon，一碟跟安格斯小牛扒。呢兩款質素夠晒高，芝士焗龍蝦算係我食過嘅入面最好食果批🦞😍三文魚扒魚油甘香美味，牛扒就有足夠炭香味，五成熟掌握得OK！就算唔計個自助吧，主菜加海鮮收我$328都叫做性價比不俗，何況有埋自助吧任食！！🍽鍾意食沙律嘅人應該會好鍾意呢度嘅自助吧，選擇好多，薯仔沙律、蟹棒沙律、雜果蝦沙律、南瓜沙律，真係咩都有得試小小🤓🤓另外就仲有餐湯啦，餐包啦，同埋火腿食，選擇真係多得嚟，每樣嘢都有返一定水準，食得出唔HEA👍🏻👍🏻🍽甜品類又點？一樣高質，選擇好多而質素物有所值😁芝士餅，檸檬撻呢啲基本嘢穩打穩扎；點估到你有豆腐花食仲要幾高質下😚想豆腐花質感但要西式啲？又可以揀木糠布甸。另外本人最愛之選係Brownie，攞出去甜品鋪鬥都唔輸蝕😝感覺上甜品吧仲受歡迎過沙律吧，但都好合理，大家都鍾意甜品放題個種開心感覺！…查看更多

很久沒到這餐廳食半自助晚餐便去品嘗一番，結果出人意表，跟幾年前的質素差很遠了。自助的沙律湯甜品refill慢，普通粟米湯，以前好好食的muffin也大不如前，冷盤火腿和沙律可以說保持水準，其實都只係一般，沙律有出水情況，至於甜品，芝士cake可以話係最正常，豆腐花冇味而且鞋，西瓜淋的，小朋友最愛的啫喱糖偏硬，其餘一般。…查看更多

嗰日假期喺Aeon買完嘢後有人提議去呢度食晚餐，話要試吓個龍蝦喎。Mr. Steak 晚市套餐有三款揀 - 精選晚餐 / 半自助晚餐 / 龍蝦生蠔。半自助餐。三款套餐價錢當然有唔同，第二及第三款套餐就有任食自助沙律吧和甜品吧。店內提供西式菜式，牛扒、燒春雞、海鮮等樣樣齊。只要你喜歡食西餐嘅話唔需要擔心冇嘢啱食😝我哋落咗單後就行去自助沙律吧拎嘢食。一張長枱放滿了7-8款沙律， 有田園沙律、粟米沙律、燒南瓜等。每款食物都用蓋蓋住，確保衛生。是日餐湯喺沙律吧對面，估唔到當日嘅餐湯(番茄湯)都幾受食客歡迎😝主菜：▫️芝士焗龍蝦半隻配安格斯小牛扒。呢個喺「龍蝦生蠔。半自助晚餐」(每位HKD328)嘅主菜。除咗任食自助沙律吧及甜品吧外，仲包括有一份海鮮拼盤 (呢個就冇得任食喇😆😆)。新鮮生蠔、海螺、海蝦、青口配餐前白酒(套餐包埋㗎，唔洗另外叫)…爽！▫️ 芝士焗龍蝦 秘制醬焗豬肋排 (HKD245 - 半自助晚餐，包一杯水果茶)。半隻龍蝦加半塊肋骨，以半自助餐形式嚟講份量啱啱好。龍蝦肉幾爽口，食唔出有雪藏味。豬肋骨燒到好香，每一啖都充滿BBQ醬味😋▫️自助甜品吧 - 成日聽人講食甜品係用令一個胃，真係講得冇錯呀。甜品吧比沙律吧更受歡迎，我見啲食客主菜都未食就去拎甜品先😂木糠布甸、日式和果子、綠茶瑞士卷、麵包布甸、紐約芝士餅、啫喱，連豆腐花都有！款款甜品都咁吸引難怪一推出就咁多人去攞啦！好彩refill都算頻密，冇出現食客企喺度等嘅情況。…查看更多

牛扒先生 Mr. Steak Seafood.Steak📍 太古康山道1-2號康怡廣場北座地下G9-10號舖.Mr. Steak嘅 semi buffet dinner 性價比極高，半自助餐包括：自助沙律、精選餐湯、甜品吧、特選飲品，食物種類多。而主菜價格範圍由$178-$298，好抵食又有質素❗️.🦞龍蝦生蠔半自助晚餐🦪 $328: 跟一杯白酒、鮮生蠔海鮮盤、自助沙律吧、主菜、自助甜品吧、飲品🔸 鮮生蠔海鮮盤有兩隻生蠔、青口、翡翠海螺、兩隻蝦，鮮味十足，兩隻生蠔夠肥美，配埋杯白酒，非常正👍🏻🔸 主菜叫咗芝士焗龍蝦半隻配安格斯小牛扒，安格斯小牛扒肉質夠嫩，叫咗3成熟，熟度剛剛好；而芝士焗龍蝦肉質飽滿又爽口，面頭鋪滿芝士，仲有蔬菜同薯蓉作伴碟，非常滿足🥰.🥩 烤澳洲羊鞍扒 $258: 有3大塊羊扒，一啲都唔羶，肉質鮮嫩，煎嘅火喉剛剛好，唔會過老，配埋黑椒汁，夠哂惹味，薯蓉又幼滑👍🏻👍🏻.…查看更多

Mr steak既堂食semi buffet就食過 但外賣我都係第一次👋🏻見價錢唔貴又多種類所以外賣左個2人自選set 返屋企😳😳.佢就有4個餐既 我就揀左個最平既燒雞餐 $228🤣🤣🤣.哩個set份量多到我一個人拎都爭d投降😅 有2碗湯 4款沙律 4款甜品 主菜薯蓉 2個主菜🤣🤣多到好似真係食緊自助餐咁.主菜燒雞好好食😳d肉幾嫩又多汁 燒得岩岩好 d皮又脆既 個薯蓉索晒d汁先正👍🏻 真心推介.食完燒雞再食炸芝士黑豚忌廉意粉 但哩個太少汁 同燒雞相較之下就失色左少少 但炸豚肉就好食 冇因為焗係個盒就淋晒😳😳之後我老豆倒d燒雞汁落意粉就食晒🤣🤣.前菜肉丸薯蓉好食👍🏻沙律就一定要揀熱情果蝦沙律同燒野菌沙律 好食 我自己一個食晒😋😋😋.湯就係意式蕃茄湯 我爸媽都話好飲 但飲完都幾飽下🤣🤣🤣.最後仲有4款甜品 各樣2件 大推cheese cake同桂花糕😋😋😋.總結都幾抵食 其實個set真係豐富到2個人肯定食唔晒😂我係3個人食 都飽到捧住個肚 🤣 一家人懶得煮飯可以考慮 又多種類選擇想食乜都有👍🏻👍🏻👍🏻…查看更多