82
40
31
港鐵九龍灣站 B 出口, 步行約8分鐘 繼續閱讀
所有分店 (5)
電話號碼
29110773
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
付款方式
Visa Master AlipayHK 支付寶 現金 AE 銀聯
其他資料
加一服務費
當面支付
食評 (190)
等級4 2021-06-06
1549 瀏覽
澳洲150日穀飼肉眼.香煎鴨肝🥩$328 (半自助晚餐)去得MR.STEAK,身為牛魔王嘅我😎諗都唔駛諗,當然要食牛扒啦🐮見到塊穀飼肉眼扒上枱嗰陣😆賣相相當吸引,已經忍唔住要大大啖食🤤Steak Order咗Medium五成熟🤓生熟度啱啱好,火候控制得唔錯👍食落肉質鮮嫩,牛味濃郁,嫩口多汁😉表面加埋塊香濃美味,滑溜肥嫩嘅鴨肝😋夾住一齊食,滋味無窮,非常滿足🥰法式芝士焗龍蝦配SRF牧場牛扒🦞$298(半自助晚餐)晚餐餐前會跟紅酒、白酒或果汁🍷另外跟一個Starter,有海蝦、青口、鑽石硯同生蠔🦪當然唔少得主菜啦🤣厚厚嘅芝士覆蓋響龍蝦之上,芝味十足🧀龍蝦鮮甜美味,肉質爽口彈牙👍SRF牧場牛扒都唔錯,係略嫌細塊咗少少🤏兩個餐都升級咗做半自助餐☺️可以任食沙律吧、精選餐湯同甜品吧🤩款式種類都幾多,食到飽無難度😇PS: 啲Ham真係好好食🥳MR.STEAK 牛扒先生 (德福廣場) (九龍灣)九龍灣偉業街33號德福廣場二期4樓415-417舖 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-06
2071 瀏覽
好耐無食Mr.steak喇🙌見到有海鮮半自助餐就約埋朋友仔一齊Chill下😆呢度既半自助餐都算幾抵$298加一有紅白酒🍷生蠔海鮮拼盤 、主菜、自助沙律🥗吧及甜品🍮bar及餐飲🤗生蠔海鮮拼盤 白酒配生蠔🦪真係好夾🖖生蠔🦪幾重海水味😋海蝦🍤新鮮、肉質夠彈牙🙆‍♀️青口食落冇沙😬帶子位相當鮮甜😊紐西蘭鑽石蜆唔韌🥰任食沙律🥗Bar 半自助餐最正就係可以比我任食沙律🥗呢度既沙律吧除左基本既沙律菜之外,仲有火腿🐷生果🍉扭扭粉等等...主菜法式芝士焗龍蝦🦞配SRF牧羊牛排🥩及香煎三文魚🙌對於龍蝦迷既我地黎講見到餐牌有又點會唔叫😂呢度既波士頓龍蝦用上香濃芝士焗到表面燶燶地好香芝士味☺️而且都有好多膏,肉質都算幾爽口鮮甜🦞牛排🥩叫左5成熟剛剛好🙌牛排唔算好大塊但足夠😌食起上黎有牛脂香,內裏肉質粉嫩,淋身唔鞋口😊配埋紅酒🍷真係Perfect match🤩三文魚煎到塊皮好香脆🖖 中間望落仲粉嫩真係啱啱好熟,廚師👨‍🍳控制火候得很好👍可以鎖實肉汁之餘令肉質保持好滑嫩 😍最後還有任食甜品🍮當中有好好味既桂花糕❤️滑嘟嘟豆腐花☺️香濃綠茶🍵瑞士卷、日本和果子入面既紅豆好淋又唔會過份甜😍仲有我幾鍾意既特濃朱古力撻🥰及生果🍉🥝🍈餐茶選擇了熱檸水🍋舒緩一下飽肚感😂總括半自助餐黎講都算多野選擇.除左呢個龍蝦🦞半自助餐外,還有大約10幾款既精選晚餐比大家選擇架🖖 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-25
2995 瀏覽
好耐無食buffet啦!今晚揀左Mr. Steak,第一次試佢既semi buffet,黎到九龍灣德福廣場分店,必須一讚經理同埋店員都非常nice!!而且收碟、refill食物速度都好快~半自助晚餐有自選主菜,包自助沙律、精選餐湯、甜品吧同特選飲品。朋友仔揀左聖凱倫牧場安格斯西冷配迷你甘筍、季節蔬菜、香草燒新薯牛味香濃,脂肪平均,紋理非常一致,肉質幼嫩有咬口,香甜多汁口感較豐富。我就揀左龍蝦生蠔半自助晚餐頭盤有鮮生蠔海鮮拼盤:新鮮生蠔、紐西蘭鑽石蜆、海蝦、翡翠青口,款款都好新鮮,推薦生蠔,肉質肥美蠔肉爽脆好鮮味。主菜揀左法式芝士焗龍蝦配SRF牧場牛扒半溶芝士好香濃,龍蝦肉彈牙又爽口;牛扒油花豐富,口感細膩柔軟,肉感十足。自助沙律、甜品吧選擇甚多,最得我歡心就係芝麻醬凍豆腐,嫩滑凍豆腐淋上濃郁日式芝麻醬好惹味~香草燒南瓜口感軟糯豐厚,味美甘甜。甜品方面最有驚喜係麵包布丁,外酥內軟,每啖都充滿蛋香,底層有入口即化既嫩溜布丁。芒果慕絲餅細膩香濃,口感輕盈柔滑。一個價錢包主菜、自助沙律、甜品吧等,真係好抵食! 繼續閱讀
(以上食評乃用戶個人意見 , 並不代表OpenRice之觀點。)
🔍牛扒先生 (德福廣場) 🎈九龍灣偉業街33號德福廣場二期4樓415-417舖┉ ┉ ┉ ┉ ┉ ┉ ┉ ┉ ┉ ┉ ┉“How Do You Handle Stress?””Eating”.😛食嘢往往都係我最佳嘅減壓辦法。啱啱過去嘅週末,我就去咗九龍灣”減壓”。.呢間餐廳可以選擇Dinner set或者Semi buffet,價錢合理,加上啲座位幾好坐,每每一到假日就好快爆滿,所以當日特登六點搭正就過黎,早少少入座唔使等位。🦞龍蝦🦪生蠔半自助晚餐($298):佢哋嘅餐牌選擇頗多,價位大概由百零蚊去到三百零蚊不等,而我就揀咗呢個係餐牌內相對中高價錢嘅選擇。呢個Semi Buffet set包左◆兩杯飲品,一杯可以揀紅白酒🍷或者果汁,另一杯就係咖啡或茶。而🥂白酒同凍檸茶都係我嘅心水推介,前者酸甜順滑,同海鮮好夾,後者則茶底濃郁不苦澀,加埋片檸檬🍋,係我食自助餐嘅解膩神器。除咗飲品之外,仲有◆海鮮Starter🦐,包括有新鮮蠔、紐西蘭鑽石蜆、海蝦同翡翠青口,呢個冰凍爽口嘅拼盤,分量係固定嘅,唔係任食,不過呢個價錢,有得過下嘴癮,都幾開心😄。而◆主菜方面,一共有四款可以揀,每一款都配有肉質扎實彈牙嘅法式芝士龍蝦,分別係「🦞&英國豬柳扒、🦞&龍蝦汁意大利飯、🦞&香煎是日精選魚柳及🦞&SRF牧場牛扒」。第一次黎,B仔同朋友就試咗龍蝦配豬柳扒🐖同埋是日精選魚柳。豬柳厚身粉嫩,咬落肉汁豐腴,食到後尾飽到爆炸,都唔捨得捨棄佢。而是日精選🐟魚柳亦好唔錯,表面煎香,帶微微焦脆,魚肉鮮美,而且唔係用龍脷魚柳黎hea大家,係用相對貴價嘅三文魚柳,整體感覺算係幾有誠意。除咗上述嘅食物之外,呢個價錢亦都包埋◆自助吧嘅所有食物。雖然價錢唔貴,但Semi buffet亦唔馬虎,淨係🥗沙律都已經大量選擇,例如有蜜桃煙鴨胸沙律、地中海八爪魚仔🐙沙律、燒野菌伴半乾蕃茄沙律、瑞士薯仔沙律、凱撒沙律、華都夫蘋果沙律同蟹柳青瓜黃蘿蔔沙律🤩。另外仲有餐湯、開胃前菜、水果同各式甜品(例如有紐約芝士餅、日式和果子、豆腐花、啫喱軟糖、抹茶牛油忌廉卷、木糠蛋糕、麵包布甸同提子鬆餅等等)。當中必須要大大力咁推介嘅就係佢哋嘅麵包布甸!!🍞今次好好彩地坐喺靠近焗爐嘅位置,所以一再捕捉到麵包布甸出爐嘅時機,新鮮出爐嘅熱辣辣麵包布甸,表層酥脆,內層綿細軟熟,撒上少少濃郁雲呢拿汁,完全係極致嘅誘惑🥲,怕肥都忍唔住食咗勁多!!-----👶🏻B仔整體評價:8.2/10個👍🏻👶🏻B仔抵食程度:8/10個👍🏻👶🏻B仔環境評分:8/10個👍🏻👶🏻B仔味道評分:8/10個👍🏻👶🏻B仔回頭機會:8.5/10個👍🏻----- 繼續閱讀
(以上食評乃用戶個人意見 , 並不代表OpenRice之觀點。)
難得情人節和新年可以一起慶祝我和前世情人食Mr. Steak戰斧扒💋呀!而且今世情人怕羞唔上鏡了😆晚市堂食,叫外賣自取派對套餐,總好過自己煮餐飽,不論在哪裡吃飯,新年飯最重要是一家人團聚,來食個戰斧扒餐過肥年吖!Mr. Steak Family Roast Party SetSet B 英國乾式熟成戰斧牛扒(1.2公斤)HK$1,288+英國乾式熟成戰斧牛扒, 普羅旺斯燒雜菜, 香草新薯,黑胡椒汁1份+芒果鮮果蝦沙拉(3磅)+黑啤肉丸配幼滑薯蓉(4磅)+法式焗芝士海鮮飯(4磅)+意菌忌廉意大利麵(4磅)+是日精選湯 6 份+精選甜品6-8人餐?其實我覺得應該9-10人都吃到有剩🤣,因為飯和麵份量好多,我估最多是戰斧扒唔夠食! 因為太好食而不唔夠分😋。🐮仲大過我個頭的重量級主角是“英國乾式熟成戰斧牛斧”,嚴選天然飼養的英國牛,大廚嚴謹監控溫濕度的控制,要熟成21-28日,粉嫩的牛肉,唔會太生,讓你每一口都充滿了肉汁,牛香味好濃而吾鞋,還有少少筋位,好彈牙!我建議不用沾太多黑胡椒汁,夠份量,6人吃也分得多,配上香醋味的鮮豔普羅旺斯雜菜,我家人都食到讚不絕口!🥗芒果鮮果蝦沙拉> 食咁多肉,喺時候食又凍又開胃的沙拉了,我最欣賞除了水果外有很多蝦仁和椰果的,再加上2大朵玫瑰花形芒果片,讓我想起三文魚的花之戀,好冰凍又鮮甜呀!🥔黑啤肉丸配幼滑薯蓉> 我也是第一次衆黑啤味的肉丸,好重香料又帶少少酸的味道,好滋味,配上不用多咬的超幼滑薯蓉,如配啤酒飲更不錯。🍚法式焗芝士海鮮飯>好足料,加了大量的蝦仁和大青口,濃香的芝士覆蓋住每一粒飯粒,非常惹味,無論我多飽也要食一大碗飯呀!🍝意菌忌廉意大利麵>大大粒香菇,讓你滿口香,好滑不溜口,配上好有柔韌性的香濃忌廉汁闊意大利麵,是最佳的組合!🍲是日精選湯6份+🍰精選甜品這次是粟米忌廉湯,鮮甜粟米好味道,仔仔一人已吃了一大碗。在精選甜點之中,我喜歡吃抹茶卷,餡料有忌廉,吾係好甜,較重日本抹茶味。另外推介的是紅莓咖啡蛋糕,重咖啡香味,水準同外面四五十元的蛋糕差不多,眨眼間我一人也食幾件,蛋糕水準真的令人很有驚喜! 繼續閱讀
(以上食評乃用戶個人意見 , 並不代表OpenRice之觀點。)