牛家 (已改名) 查看

前幾日晚上同朋友到尖沙咀牛家食壽喜鍋，上到去睇餐牌，全部食和牛，見價錢2個人只是3百幾，晚餐仲牛食，所以不妨試一試，我哋叫咗個精選組合同埋一份肉眼還包括送菜籃，飯或者烏冬，加埋兩款小食，和牛精選份量ok多，店員指導我們怎樣食最好，還有時主動幫我們加湯，調節火力，我食完精選同烏冬，都開始覺得飽，但叫咗其他，所以食埋佢，總結食物質素唔錯，環境不過不失，2人用3百幾食日本和牛，和牛質素都幾好，整餐都滿足，見餐牌上面還有其他野食，我會留下次食，建議這間可以一試。

前幾日同朋友在尖沙咀尾揾嘢食...吾想食茶記...無意中見到這幢大厦招牌有個牛家...心知 大概是食日本東西...好奇上去看餐牌...原來是食和牛火煱...見價錢2個人只是3百幾...晚飯是我們心中消費...間嘢又有多枱客...於是同朋友試下...叫左個2人和牛壽喜鍋...牛肉切到手大塊...食落質素吾錯...點落日本蛋汁一同食...夠滿足...每人又有碗 稻庭烏冬或者白飯...還有一盤什菜...我們叫左2個烏冬並且放入鍋內煮...烏冬吸了鍋中牛肉汁...超好味...夠飽... 見餐牌上面還有刺身選擇...我會留下次來食...建議這間可以一試。

上星期和太太同理個女出尖沙咀玩..朋友介紹去了一間新開的日本餐。餐廳淨系做壽喜燒套餐.。我點左個套餐三百蚊左右。都有小食同烏冬同白飯.加左D魚生.埋單都系5百有找.。—家人食都抵吃…..地方也不錯。性價比高既好地方

尖沙咀新開價錢親民壽喜燒 鹿兒島A4和牛2人套餐都只係$338 勁高性價比 中午套餐都有八五折優惠 簡單記錄一下.今次試左⭐️鹿兒島A4和牛精選組合240g $338一次過有齊三個部位 肩胛 後腰 胸腹👍🏻油脂分布肉眼可見勁靚套餐有小食 日本雞蛋 米飯或者稻庭烏冬👍🏻店員勁好服務 會幫你先用牛油開爐 再幫你煮亦都有蔬菜拼盤 帝王菜 旺菜 鮮冬菇 鮮豆腐 金菇最鍾意牛肉煮到五成熟 點埋蛋汁一齊食超正.如果想再加鹿兒島A4肉眼和牛60g 都只係$90.最重要係佢哋價錢親民 加埋一人均都唔使$200已經可以食到高質日本A4和牛‼️絕對係近期高性價比之選..#牛家 (尖沙咀)地址：尖沙咀漆咸道南53-55號嘉芙中心4樓訂座電話：69227719.

一句概括：中大伏啊！IG見到某J foodie 介紹，好似唔錯，就黎食。都唔知佢廣告收幾多錢，推薦間咁嘅野😡😡😡以後佢推薦嘅餐廳我都會睇埋其他人真實食評先去！咁嘅價錢，本身都唔expect有咩食物質素同服務可言ga la。一摸個menu油淋淋，都未落單，已經上蔬菜盤，等咗好耐都係得個一細盤，已經心有不妙，個分量少到呢。。。好，算，黎咗咁都照食啦。落完單就上埋前菜、牛同烏冬。咁嘅價錢，牛少，我明！烏冬份量又係誇張地少，得平時一餅烏冬嘅一半都唔知有無，仲要碎上！不得了🫠食食下個阿叔店員經過隔離檯唔小心整跌咗個餐牌落地下，可能檯之間空間少，佢腰骨又唔好啦，居然❗️❗️❗️當住我地面(享正隔離，一米距離都無啊)！！！用腳踩住個menu拖佢出黎，然後抹都唔抹，直接放返上隔離檯🤮🤮🤮 震驚到我同個friend都呆L咗！0衛生意識啊！享樓面當住客面都做到咁，都唔知廚房裡面啲嘢有幾污糟🤢上咗賊船無辦法，都要快快手食埋佢。兩個瘦嘅女仔都完全食唔飽，你就知佢分量幾坎坷。真係食吉邊可能仲開心啊。P.S. 公道講句，佢個牛質素係ok嘅。

見到foodie推介同埋見新開張就諗住試下，點知真係中大伏。平日7點入座，店員突然擺底左個蔬菜盤係枱面，又完全冇講解，唔知發生咩事。晚市套餐本身應該有三款和牛選擇，但最後只得兩款，連「和牛精選組合」都賣晒，已經有d失望。🙅‍♀️最離譜係店員態度❌️落單後問店員有冇水或茶提供時，店員竟然反問我「你係咪話要免費嘅水或茶？」然後話「冇」。原來套餐係完全吾包任何飲品，餐廳連最基本嘅水都吾會提供，枝裝水要額外購買，飲品選擇吾多而且好普通，最後揀左枝烏龍茶都都23蚊/枝。🙅‍♀️食材質素同樣失望❌️- 牛肉偏肥，口感油膩- 壽喜燒越食越咸，蓋過咗牛味- 烏冬唔完整，只係啲碎散麵條整體體驗可以用差黎形容，作為一間新開既餐廳，竟然咁hea做生意，服務同食材完全冇誠意，坦白講平時餐廳唔好食，未至於要寫食評。但今次個體驗真係差到一個點係一定要share出黎，試吾試就自行判斷。

有幾款2人套餐，3百幾，有個係包3款肉，有腰肉，肩胛，胸腹肉，但當日冇套腰肉，所以其他肉切反多啲代替，餐包一人一個飯/麵，一盆菜，有炸物小食，同豆腐冷盤，2人食非常飽，老細仲送左牛舌俾我地，食到好飽，壽喜燒湯底很好吃，不會太甜或太咸，值得一試但暫時新開張只收現金😗

之前睇到IG Foodie推介呢間新開嘅尖沙咀壽喜燒，見到咁平就諗住嚟試吓點知真係中咗伏，一分錢一分貨第一，服務態度不敢恭維。之前去食觀塘一間壽喜燒，除咗店員會幫手燒之外，亦都會向顧客簡介唔同和牛嘅特點，例如邊隻肉係相對肥啲邊隻瘦啲，邊隻肉味重啲等等。嚟到呢間問一問店員，店員淨係講咗句「吓，全部和牛都係肥㗎喎」仲要呢度連水啊，茶都冇提供，問佢攞杯水佢話呢度嘅水係剩係得支裝水賣，盛惠$15一支。可樂/其他飲品$20起。第二，食物質素非常普通。叫咗個四百幾蚊嘅二人餐，肉嘅質素普普通通，份量不多。蔬菜盤嘅質素就有啲差，望落好似擺到啲菜腍晒色都變埋暗沉咁樣。仲有個壽喜燒醬汁，後來佢加嘅都係高湯，完全唔係壽喜燒嘅甜醬油味，咩料….如果知道人均二$300係食呢啲嘢，我倒不如俾貴少少每人五六百蚊食返餐真正嘅壽喜燒。