5
5
4
| 餐廳: | 牛奶冰室 (黃大仙中心北館) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
07:00 - 21:30
星期一至日
07:00 - 21:30
以上資料只供參考, 請與餐廳確認詳情
明明無食物盒，但都收$2盒錢，好似搶錢咁。午餐一盒飯一杯嘢飲收$2都ok，早餐無盒都收$2就太過了，第日未必再幫襯外賣早餐，佢本身早餐都唔係平，外賣仲要濫收費，咁大間集團，唔使咁卦......
繼續閱讀
早餐叫乜冇乜，請佢取消張單，我自己再入過，竟然走去喺 walkie 同同事講我態度差，之後再喺啲熟客面前講一次。而家啲服務態度真係唔得。我即刻執袋起身走人，無下次！
繼續閱讀
今年犯太歲，星期六嘅早上去拜太歲，黃大仙廟太歲殿犯太歲者可以免費入場，參拜完成後帶住老豆去隔離商場食早餐。一入嚟就見到牛奶冰室，好多人喺度排隊，全場full House，所以我哋都等咗十分鐘先有位。為咗唔使老豆企喺度等，見到隔離餐廳未開，就叫佢坐住喺啲櫈度等。等到有位嘅時候，我再接佢喺旁邊入返餐廳，剛剛好有一台客準備離開，店員就話不如你坐呢度啦，方便咗行動不便嘅老人家，服務太好喇。牛奶冰室早餐選擇多，㨂都㨂左八分十分鐘。我哋點左兩個一齊分享食。餐肉滑蛋三文治，厚切餐肉煎香，熱辣辣嘅滑蛋夾係烘到金黃色嘅方包入面，就快好似爆瀉出來。佢已經切好左一半，一人食一半剛剛好。鮮奶炒滑蛋吉列魚柳，成條魚柳有隻碟咁大，分左一半比老豆，烤粟米，有四份一條。滑蛋是炒到剛剛熟，上碟嘅時候仲有啲蛋液未熟透。丹麥麵包，滿滿牛油香味，細細塊，已經好夠食。食緊早餐時，見到佢地有用機械人送麵包。機械人穿梭繁忙嘅店鋪，從容不迫地把麵包送到前台，面帶笑容， 這樣科技與日常運作結合都係一件好事，可以減輕店員工作量。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9
繼續閱讀
去完黃大仙，四點幾過來黃大仙中心穩地方醫肚，想話快快手手食個下午茶餐，點知下午茶餐等超耐，一個雞球蔥油撈麵等左40分鐘，前前後後催左五次，好D嘅就幫你係對講機度講一聲就算，差D嘅黑口黑面「哦」一聲就行開，最後幾乎要自己拿住張單行埋廚房去催先有得食。隔離好幾檯食客都係要催單先上，管理真心一片混亂，味道一般，價錢唔係平，態度又差。等到火起睇下open rice先見到咁多劣評，真係伏中之伏。幫襯就絕對冇下次，勸奉大家唔想勞氣都係食第二間。
繼續閱讀
用咗OpenRice點餐30分鐘後可以取餐所以落咗order點知收到訊息話可以取餐，我已經到咗餐廳攞外賣。當我去到時問職員我個餐有味，佢叫我去嗰張枱度睇吓有冇冇就即係未出要再等多陣我等完10分鐘後再問職員點解我餐仲未有佢用對講機問廚房仲係覆我出緊餐，等多陣再等10分鐘後都係未見我個餐我就即刻同另一個職員講叫佢快啲再跟進我已經等咗50分鐘佢幫我再問就話我個餐已經出咗個職員仲話你個餐已經出咗啦你未攞咩？我心諗攞咗我唔會企喺度問你哋我個餐喺邊之後職員話咁可能俾人攞咗依家重新再幫你整過叫一個肉醬意粉要等一個鐘頭15分鐘我叫佢經理出嚟佢經理就唔好意思依家重新整過俾你作為一個店長或經理係應該管理好所有事情竟然可以任何人經過都可以攞到個餐不需要證明咁係咪經過肚餓？有外賣就可以攞？又唔使錢？
繼續閱讀