影片
以上資料只供參考, 請與餐廳確認詳情
嚟呢度食嘢 預咗會貴啲㗎喇，呢個好明顯係壟斷咗嘅商場 你想食嘢一定要喺呢幾間揀不過佢選擇好多，口味就唔好期望太大啦本身 佢啲選擇包羅萬有，焗飯或者細食小小嘅意粉，或者中式嘅炒粉麵，或者我鍾意嘅湯飯都有蕃茄豆腐牛肉湯飯，可以揀米線但係佢話冇晒冇啦咁就食米，咪都珍珠米好靚正加$65唔包嘢飲 不過份量賣相幾靚仔，白飯係珍珠米都好正 不過嗰條尾就爭咁啲 牛肉就係Soda牛唔使點咬星洲炒貴刁，正常啦本身都冇乜期望就唔錯，材料有蝦有叉燒有芽菜中規中矩加$9要個黑糖涼粉冰，甜咗少少自在好似食甜品咁 $71嘅午餐豆腐火腩飯，可能有咬口，有白菜仔，不過豆腐係類似豆卜咁空心賣相就高分 不過係貴㗎喇 普通茶餐廳性價比高啲，亦都係會有啲正常嘅炸豆腐呢度跟餐嘅熱咖啡幾好飲下午茶 雞扒炒公仔麵雞扒係切件咋過上留意番下午茶嘅份量普遍都係細返少少，柯哥湯飯同埋阿爸嘅 豆腐火腩飯就係正常同埋呢度所有嘢都會好慢，上菜等咗超耐 甚至懷疑佢係咪漏咗 不過我都預咗因為睇過啲食評
繼續閱讀
西沙GO PARK食肆算多選擇，點心、pizza、海南雞飯、漢堡、拉麵等，不過星期日當日太多人，有啲食肆11點半都未開，有啲個價錢又唔合理，唯有試唔駛等位嘅《牛奶冰室》。🥢蜜汁叉燒勁香蔥油飯 $79 (另加$8半焗流心煎兩蛋，凍鴛鴦加$3）⭐️⭐️⭐️頹飯一啲都唔平，呢度咁就$87，不過叉燒幾好味嘅，半肥瘦叉夠腍夠入味，蜜味都ok，反而香蔥就生咗啲，灒油失敗，凍鴛鴦都唔錯。🥢街邊乾炒牛河 $73 (凍新鮮冷壓檸檬茶，選項少冰、多檸檬汁、濃D加$3）⭐️驚肥太耐無食，估唔到一食就想講粗口，首先鍋氣唔夠，其次有魚腥味，本人怕食蒸魚，所以我食咗少少就要求同阿sir交換食；另外杯檸茶更不知所謂，所有選項嘅都無做到，仲要無檸檬味同走甜⋯⋯真係無言！二人共消費：$158
繼續閱讀
冰室推出現金券，但每次用時，該店的職員總是锐不識用，又話耍等經理回來，但又話吾知經理去咗邊，叫你企系度等。冰室推出此現金券，又吾教導員工怎用，行政方法有問題。Go park 這分店，其實所有員工態度都好差，來這店食野，會食到一肚氣，不會再來。
繼續閱讀
出餐好慢（超過半粒鐘）、員工態度差（方包炒蛋都超過半粒鐘，問多一次情況，員工就話：你冇見我問咗厨房一次哪咩？）、枱底污糟、抹枱求其，去到位，仲見到有粒葱喺枱面，枱底就有食物垃圾。唔會再幫襯，sorry, 打搞晒，祝生意興隆!
繼續閱讀
6點鐘入去食晚飯，叫左左個乾炒牛河，等左成20分鐘都未見出菜。樓面又吾夠人。終於等到有個侍應，叫佢幫手追追，先至話冇曬河粉。其實一早無河粉係咪即刻同個客講。吾洗個客坐係到等成20幾分鐘，如果個客吾追問就繼續坐係到等。其實吾單只我一枱等緊野食眼見其他客都係。一家大細坐係到等。如果冇人追問就吾夠。呢間野一定冇下次。咩都無食過只得成肚氣😵💫😵💫廚房就行行企企樓面d人又吾見曬，其實你地未ready開不如吾好開，吾好浪費大家既時間。
繼續閱讀