牛奶冰室 (鯉景灣)

營業中

休息中

下午茶餐牌寫「嫩滑炸雞髀」，嚟到係超柴皮炸雞髀，又乾又（鞋），分別向兩位職員詢問係咪出品係咁，佢哋都係回覆話驚唔熟，真好笑，薯條又係好乾，鴛鴦又冇咖啡味，點解呢個集團品質管理咁差，個炸雞髀可以做香港嘅榜首-係全港最難食嘅炸雞髀。

嚟食個便餐, 要手機點餐, 吃個常餐吧！點知冇得點飲品, 問服務員冇人理, 最後搵到話要確定咗個餐出番去再點飲品到時喺單內扣數？好唔一體化, 再到食嘢時發覺冇匙羹, 好唔容易搵到人, 就問番你轉頭點會冇？？？跟住攞完比我重要講咗幾句悔氣話！！！都係上深圳消費好好多😅

外賣送餐 叫3份一樣的套餐 只送來一份 跟餐的湯仲要因為無蓋好倒瀉了打電話問另外兩個餐去向 無人回覆 透過隔離同集團餐廳傳話希望佢哋聽電話都係無人聽 下次叫外賣要避開 好大機會會漏單

見到門口好多人排隊又見到菠蘿包好吸引所以又再去食叫咗一碗麻酸辣牛肉炸響鈴米線，一個爆漿拉絲菠蘿包米線湯底香濃，牛肉普通，得三至四塊，炸響鈴好脆口，掛到啲湯，唔錯菠蘿包熱辣辣，一切開就爆哂醬，芝士唔係好濃味，菠蘿包外脆，個包唔係好鬆軟，但整體食落幾好味！

前桃園改為集團牛奶冰室比之前好咗。早餐牛肉比其他快餐店好食。午餐選擇少。有待改善的如下：-早餐通粉及麵湯太鹹要自助取水及餐巾枱面太矮頂腳播放音樂太大聲總括食物質素幾好。但地方太細。

因為家人係度食過午餐，感覺唔錯，週日與家人再來試下晚餐。門口攞號碼排隊等位…入座睇menu👇🏿4位各自order如下👇🏿-焗黑松露汁巨人雞扒炒飯 HKD67.-👍- 咖哩香煎魚柳飯 HKD63.- 一般 (6/10)👇🏿- 蜜汁叉燒勁香蔥油飯 HKD65.-(好油)👇🏿- 酸菜魚配米飯 HKD82.- (味唔夠重😅)👇🏿每人一杯飲品，懷疑以下兩杯‘黑糖牛乳紅豆冰’只收了一杯，兩杯才HKD18.-？👇🏿👇🏿-一杯白牛（雪碧+雪糕）HKD12.--一杯雪糕紅豆冰HKD12.- 它家的菠蘿油比較出名喔👇🏿👇🏿晚餐買單HKD319.- @80.-/人，ok 喇

食早餐，要搭枱，同時入座，同枱嘅人食完，我碗麵都未到🙄scan QR code都漏單🙄🙄雪菜肉絲米，湯咸到飛起，味道有啲artificial 😩豬扒伊麵，唔係平時嘅伊麵，好幼，豬扒醃得咸到飛起，疑似要cover豬扒嘅雪味蒜香多士，說好的蒜香呢？蒜是有的，但一啲都唔香🙄多士同蛋係另外加配，加$8，好彩只係加左一份😑好彩煎蛋算正常華田，田味好淡，但甜味超濃👎🏻👎🏻唯一appreciate ，碗麵裡面有菜，不過切到好碎😑啲staff不停喺我哋枱嘅櫃桶攞餐具，好煩🙄明明每張枱都有櫃桶，硬係要喺呢度攞

朋友介紹我食這間冰室，剛巧今天在附近閒遊，所以就試吓個早餐。星期二9時許到達，竟然要等位。我好久沒有試過等位食早餐了！早餐有好多選擇，我見到人地食湯麵個湯底幾濃，所以試吓。沙嗲牛肉湯即食伊麵轉米粉。湯底係幾好味，有小小菜碎幾好。米粉爽口，牛肉普通。整體唔錯。杯奶茶都幾好，有茶味。因為午餐時間下大雨，所以等到下午茶時間才食午餐。附近食市又大部份都食過，所以又試埋個下午茶。雪菜肉絲米好惹味，吃埋辣椒好辣呀！杯杏霜唔得，太甜。QR code落單，但我用中國移動網絡好弱。建議餐廳在當眼地方貼上WIFI密碼，方便客人落單。

晚飯時間用餐只有數枱客，但店員服務態度差：1. 有空位但沒有即時安排客人入座2. 飛單落枱3. 唔抹枱，有上手客人留下的污漬4 焗野可揀意粉/飯肉醬意粉售罄，但焗豬扒、焗雞扒可揀意粉。什麼玩意？ 問每位樓面員工，每位都係答 「唔知」，自己掃qrcode睇5.未食完就幫你清枱，手指插落食物店員只懂收拾枱及收錢，但不會抹枱👍👍👍👍老闆希望你睇到以上問題，認清員工能力！不要因老鼠屎影響生意！因食物質素是可接受的😉

整體食物質素不錯，食物準備好嘅時間亦都在估算之內，但是餐廳漏了一個火腿通粉，建議離開餐廳前，先check吓齊不齊另外，OpenRice少了很多餐廳平時有的外賣選擇，建議OpenRice 及餐廳改善

因為新店，我又未食過呢間，入去試吓。第一次，下午茶時段，叫左餐蛋治🥪，蔥油豬扒飯加蛋，麻辣雞扒米線。三文治餐肉係厚切，很好！👍🏻👍🏻豬扒飯的飯量少，蒽油有咩制過，好似啱啱切出嚟咁，豬扒又係冇咩處理到咁，冇味。食麻辣米線的第一口感覺係：換咗招牌，廚房係同一組人。第二次，晚餐時段，叫左咖哩牛腩飯。跟根據上次嘅經驗，我同服務員話”多啲飯”，佢話冇得多飯，只可以少飯。飯量🍛如圖，但好明顯用一個扁身嘅碗 cup 返出嚟，d飯已經撳到扁晒，好似漿糊咁。牛腩大嘅有6-7 小件，咖哩汁也是很少。飯🍚、牛🐮、咖哩都唔好食，分量又少，好似係$65 定$68 不包飲品。第三次，早餐時段，叫左沙嗲牛肉麵，必須要改出前一丁，因為佢係福麵我唔想要，另外加錢有多士同蛋。食唔到出前一丁個湯粉同麻油，沙嗲牛肉似鮮牛肉多d，冇乜制過。完

肉質好可怕，我食緊嘅唔似肉！醃肉粉落咁多係咩原因？肉嘅質地已經變成好似粉團咁，而且好咸，再加一pat令佢更咸嘅醬。粟米我就唔知啦，個人覺得粟米粒唔係更方便衛生嗎？咖啡比較淡味

難食到不知道怎麼形容！熙熙攘攘、座位擠迫、湯麵鹹到吃不下，三明治又乾又硬，我以為只是我的烤過火，環視周圍，個個的多士都係一條一條的黑線⋯⋯希望他們快改進，或著關門吧，不要浪費周圍的海邊風景，掃興的早餐！

今日同朋友去咗鯉景灣新食午餐。12點左右唔使等位。用電話自己落單。-麻辣炸豬湯米線加熱奶茶，豬扒好食流心蛋叉燒飯加黑糖牛奶紅豆特飲，份量好足，唔係得兩三嚿叉燒！叉燒唔會太肥啲飯是同流心蛋都好好食。-熱芝士流心菠蘿包，熱辣辣一切啲芝士溶出嚟，正～

西灣河鯉景灣Soho East位置開咗一間新嘅茶餐廳牛奶冰室。因為見佢每朝同中午都有人排隊，所以決定去試一試！今日星期六中午12:00去，其實都只係排咗10分鐘左右，大部份人都係等緊外賣。我哋坐低咗之後叫咗一份係勁多蔥油叉燒飯，令一份係勁多蔥油雞扒飯，另外叫咗兩杯熱奶茶。本身諗住第一次試，叫呢個組合一定冇錯。熱奶茶先來，都算香滑，不過不失。但係個叉燒蔥油飯同埋巨人雞扒勁香蔥油飯嚟到嘅時候，就嚇親我哋。首先，佢餐牌幅圖係好多蔥油好吸引，而佢真實只係俾咗一小撮蔥油，我哋請個侍應俾多少少，個侍應居然會答話「係咁㗎啦」，我都費事坳。上面個煎蛋，蛋黃熟硬晒。個白飯非常濕, 一patpat好難食。只要有得選擇，我都唔會返嚟食。