牛奶冰室 (寶石大廈)

營業中

休息中

見有新冰室開幕，初時人山人海，等熱潮退卻後試一試，想叫個瑞士雞翼撈丁，但售罄，轉食生滾牛肉伊面，加炒蛋多士。點知就出事。整個餐最正常的竟然是多士，鬆脆但厚度是一磅八塊的方飽厚度，十分一般。炒蛋質地有點怪，像加了一點液體在蛋漿中，然後液體蒸發後的效果。食入口真的有點怪。最後上埋個面，即食伊麵有伊麵味，生滾牛肉竟然是薑絲牛肉，再配上芥蘭頭，成個面有薑絲的辣味再配以芥蘭頭的苦味，正是我第二天飲茶上嚐到生滾粥的味道。不幸的是在這碗麵裏發生。不得不提是招牌的拉絲菠蘿包，店內廣告的拉絲效果，在我隔離兩檯有叫的都沒有出現。反而是見到爆漿，佢哋狼狽不而。這樣食物的出品，希望負責人是沒有親身試過就大手製作出來，若然試過咁都攞出嚟俾人食，生意太易做了。下次？不了。

最近冰室越開越多 大家係咪都好好奇究竟佢同茶餐廳有咩分別呢🤣今次係荃灣見到一間新開嘅牛奶冰室 佢signature就係爆漿拉絲菠蘿包！咁我覺得冰室應該係全部都賣一個特色新派菜啦呢到全部使用QR code落單 用電話係幾方便 如果想睇menu都可以搵店員攞！但係就見到好多街坊對電子操作好唔熟悉 要不斷問店員幫手 希望餐廳可以注意下⚠️🥐爆漿拉絲菠蘿包💰18呢個同平時食開嘅菠蘿包甚至菠蘿油嘅區別就係有芝士嘅加成！上來見到其實好大一個 超級膨脹喔 一切就已經有芝士流心出來 芝士分左兩種 一種係入面負責拉絲嘅馬蘇里拉芝士 係鹹鹹地嘅一舊舊狀態（即係芝士pizza個隻）拉絲仲可以圍住菠蘿包轉🤣流出來嘅係甜甜地嘅芝士 有D似煉奶味 幾夾！菠蘿包整體似食緊芝士pizza 包身都軟呼呼 雖然酥皮幾甜但係存在感唔高 芝士存在感太強烈了🤣🍖蒜香蜜汁叉燒煎半焗流心雙蛋飯💰58飯嘅賣相一上來幾好 流心蛋篤穿會即刻流心 蛋漿偏黃色 略嫌蛋白煎得太厚 唔係好篤得爛撈飯🥶叉燒都幾大舊 而且蜜汁味道好出 但係唔係全瘦肉所以食落覺得有小小肥飯係成個碗cup落個碟到 整體比較難撈 覺得豉油汁就唔係好夠🥵另外呢到嘅嘢飲都有嗌

喺波士冰室隔離見到間新開嘅冰室，於是去試下，星期日兩點幾要排隊...凍檸茶好飲，冇檸檬係因為佢係冷榨嘅?咁好咁高級? 不過又真係冇苦味，又冇核，幾好飲喎..葱油巨雞扒飯，好多葱油豉油，以為會好鹹，但又唔係喎，又無肥膩感，雞扒都算滑，個飯係幾好食，似日本米感覺。炸雞翼薯條，雞翼似生炸，薯條都炸得幾好，薯條個炸粉特別。最好食係個菠蘿包，一砌流d芝士出嚟，芝士鹹味同菠蘿包甜味好夾，芝士有兩個層次，一個流心，一個有拉絲感，好食!其實都幾大個，好飽好味