牛奶冰室 (藍灣廣場)

營業中

休息中

未幫襯過，今天路過入去，掃碼點餐，點完後，見有侍應走過，問她要兩杯水，她說自助，OK，依家好多間都係甘，食物到，順道問侍應(不是之前那個，但尼個係極品) 要碗仔，她指指自助位置就走了，但我看遍整個自助區，碗影都無，想找人問又找不著，再等到另一食物到來，問她碗在哪，她去自助區看了眼，就走入後面工作間，拿了幾隻碗出來放到自助區，就走了，全程接觸沒出過一粒聲，厲害！！！真的別怪港人北上

我經OpenRice訂購，當去到預計取單時間，問職員才發覺他漏了單，普通一個飯，等了一個小時！不明白當中出了什麼問題，其實多次經OpenRice訂購食物，都出現錯誤或者延遲！

加餐具無餐具，加太陽蛋無太陽蛋，外賣自取真係要小心。電話又不接。都不是第一次，其實俾啲心機執好哟外賣有幾難，有時返到屋企差果幾蚊就無落返去問。唔係唔想check 吓先走，佢都pack 好晒，費事每包打開來驗。😪😪😪

一早聽呢間餐廳個名但一直都未有機會試今日喺家唔想出街所以叫外賣發覺質素其實都ok最最最抵讚係佢個外賣包裝每一樣野都包裝得好企理同認真三文治每件中間都有張紙間住唔會痴埋一嚿可惜啲蛋唔係好夠味比較淡口但佢一份有三個半塊麵包定肯夠飽先另一樣係番茄通粉呢個好抵食好讚落重本用牛肉肉碎番茄湯底好香夠味而且外賣嚟到家放左陣先食都仲夠熱Again佢個粉嘅包裝都係唔錯有分到湯總括來講真係幾好所以可能下次堂食會返去食

我購買的食品是咖哩牛坑腩飯外賣，價錢$66元。先不論價錢值不值，我喜歡咖哩食品，也嘗過港九不少地方的不同咖哩包括印度及巴基斯坦人所做的，我覺得牛奶冰室的咖哩比較近似巴基斯坦人所做的味道- 比較辛辣及香料味重，不是很多人可以接受到。今次牛奶冰室的味道不錯，咖哩汁亦算多，牛腩雖算入味但切得細粒及份量不多，薯仔亦很少。白飯煮得不好偏濕軟。總結：今次以$66這個價位吃這份如此少份量咖喱牛腩飯，我是覺得不值，而味道我給80分。

晚上7:30一行6人去到，一份常餐先上碗牛肉公仔麵，等到食完碗麵都未見炒蛋多士，另一份牛扒鐵板等了25分鐘，最後等了35分鐘才有焗雞扒意粉，所有鐵板餐湯同多士都係後上，只有飲品係最先上到。眼見坐滿晒客，但服務員眼見只有兩三個，可能人手唔夠但係如果食物質素好係好願意等雜扒鐵板雞扒和豬扒都好咸，明明餐牌上圖中係薯條但變左係薯仔，鐵板唔夠熱，餐湯表面係凍入面只係微暖樣似蘑菇湯但飲落係好多洋蔥粒味道奇怪。牛扒都叫做比較好少少。焗意粉個雞扒同鐵板雞扒一樣味都係好咸，意粉好乾。之前去過鰂魚涌和杏花邨食物質素係好過藍灣，而且呢度啲服務員可能唔夠人做嘢好趕拿拿聲放低碟野就走左去，問野就答你兩三個字就即走，感覺唔舒服希望呢間分店唔止服務人員數量要改善，廚房工都要改善食物品質同上菜速度和次序。

咁我今日中午11點半係現場落咗外賣，係門口出面企住等咗20分鐘，咁我覺得唔對路就好聲好氣問收銀個姐姐，完全冇反應咁因為小弟要趕返工，咁我頂多等多10分鐘，然後我見到我後面遲落外賣單既人都有野食，我當堂真係嬲咗，再問多次個姐姐，佢見我咁嬲先肯即刻去沖野飲包野食，我頂，即係一早就有唔攞出黎？我知唔關收銀姐姐事，但至少起碼都有d禮貌對客人啦，但我真係覺得個態度好唔掂呢間野比錢我都唔會再幫襯，勸大家如果趕時間既千祈唔好黎，大把時間就去食啦

拉乜鬼絲，成坺水咁樣，一啲都唔好味！破壞晒牛奶公司嘅名！又唔爆漿，淋啤啤，又冇芝士味，佢其他都好好味，淨係呢個包真係唔得，真係唔好再整，已經收得好貴，完全整唔出佢個味道！