牛奶冰室 (逸東商場)

先講食物，味道偏濃味，應該是由於預製菜的關係，但至少沒有中伏的感覺（因之後體驗更差，所以這裡容忍度較高）。但係！呢間餐廳的人事就中哂伏：比錯餐（可以重覆錯），態度差（一種唔食就過主既態度），效率低（等比錢既時候可以欣賞佢點教新人）。（最有問題係個主管，所以去這裡吃飯一定會遇上問題）。總結，來到逸東可以去其他餐廳食，例如1樓的潮東廊或地下的金銘。…查看更多

叫咗個豬肉蔥油撈麵，豬肉又乾又硬，得少少肉，一半以上係骨。點餐嗰陣已經冇人幫你，自己用QR code落單，落單嗰陣點完食物，飲品要再去飲品頁揀，如果冇落嘢飲，當你嘢飲唔要，不過照收咁多錢。冇叫就蝕咗嘢飲俾佢。啲嘢難食都算，仲要受個職員氣。收銀個職員態度超差，直程冇家教，俾錢嗰陣十問九唔答，唔理你直接行開，當你透明，未試過食飯咁受氣，好明顯唔想你再嚟，佢就可以做少啲，真係好唔想俾錢。以後唔會幫襯，希望唔會再有人中伏！…查看更多

第一次食麻婆豆腐係唔想食😓😓😓😓佢將d麻婆豆腐d汁，全部辣油倒曬係d飯上邊，成個飯係完全辣到食唔到，d豆腐就無曬汁。點解唔飯同送分開？而且豆腐d份量超少，四分三都係d飯。成兜嘢就咁曬左。😓😓😓真係好失望。究竟我食緊d咩？啱開始覺得牛奶冰室同區算係幾好，水準幾好。但越做越差，越黎越hea。以後都唔想再係度食，建議大家如果真係要食就千奇唔好外賣，一定有d嘢錯或者係漏送嘢。真係請d員工可以做嘢認真d嗎？😓😓😓…查看更多

落單叫咗杯凍檸茶少冰，出餐比咗杯熱檸茶，出錯單係咪要向客人確認下，而唔係問都唔問就比客人，我話加錢轉凍檸茶，仲好差態度答我，沖咗比你，冇得轉，下次唔好搵呢個阿姐落單…查看更多

係東涌牛奶冰室🐮買咗個巨人雞扒勁香蔥油飯外賣🥡食食吓塊雞扒唔係雞肉😂🐣雞皮內藏咗D類似麵包嘅東西🍞食咗咁多年雞扒都係第一次😂😂😂香蔥油飯味道正常😅不過大家唔好揀雞扒了😂…查看更多

次次翻香港都一定會去食牛奶冰室炸雞髀炆米焗意粉，但係今次返嚟食烨敏咪好似怪怪地未跟住又好干，仲要係冇乜嘢味，仲要係好乾，乾柴太之後啲芽菜呢又唔係幾好食，個雞翼呢都冇之前咁好食，依家呢而家啲味太淡啦，醃得唔夠鹹，唯一呢就淨係杯咖啡好飲，希望啲師傅可以嚴格揀晒標準去整野囉。…查看更多

你哋啲沙嗲牛肉麵啲沙嗲牛肉全部都係牛肉碎，一件牛肉都冇，問你哋啲職員，佢哋仲要話係咁！眼見㕑房丫姐係度鬧人，成間公司態度差！唔知道貴公司有冇對員工培訓，周圍又多烏蠅飛來飛去！…查看更多

下午茶十分推薦牛奶冰室，吾推薦早餐，以前還ok，今年以來就越黎越難食了，講翻下午茶，最中意炸大鷄bei拼薯條，雞髀入味，入味但吾會太鹹，食雞髀建議手揸住食，一啖咬落去，外脆裏嫩，小小豉油甜味，但不膩，搭配的薯條咸香，但係一定要係新鮮熱辣d比較好食，再飲翻杯即磨咖啡，好舒服啊~凍檸茶奶茶都一般；另外焗意粉都好正，多汁，多芝士。…查看更多

下午茶去到三份二都係冇人坐，入到去阿姐安排座位要你同人搭枱，九唔搭八，大把位都唔俾你坐，好明顯係懶得行遠啲，想谷埋啲客一齊，搞到坐到勁迫地下又污糟邋遢，櫃桶入邊啲餐具又係污糟邋遢，衛生情況極差叫咗個菠蘿油，明明要熱，嚟到都係室溫，之前去時代廣場食超好食，真係熱辣辣牛油都溶埋，依度個師傅求其拎出嚟就算，唔想做咁，舊牛油仲喺雪櫃拎出嚟咁嘅樣，成塊硬骨骨亦都叫咗個牛奶蛋撻，完全冇奶香冇蛋香，同埋又係凍冰冰係咪依間分店地方遠？請唔到人？完全影響晒我對牛奶冰室嘅形象如果做到咁差，不如依間分店唔好要啦…查看更多

侍應帶咗我入去坐低之後，已經睇緊Menu。點知個侍應叫我重新出去撳飛排隊。乜原來坐低咗仲可以趕客走？？？仲叫我禁飛重新排隊？呢個係咩態度？？？？？？？？？？？？…查看更多

早餐時段多人都知架啦，但今次等到見到啲堂食客人由入去叫餐到食完等都仲未拎到份外賣， 等左等唔多成粒鐘， 所以入去問下收銀姐姐點解仲未有， 點知佢一句：冇架啦， 外賣係要甘耐架啦 之後就完全唔理我 我就企左係個到好似個傻仔甘望住佢 佢就繼續當我冇到 ！！首先點解外賣就一定要等甘耐，明明你呢到啲職員仲多過外邊啲分店好多 你地做野慢點解就可當呢樣野理所當然？ 其次睇到你地係甘出堂食餐但外賣餐就放曬係巴枱冇人理 呢個係你地安排不當的結果！你講句幫我跟進下 扮下野催吓單我都冇甘嬲 而加食左早餐等甘耐仲要受埋你氣！？不了…查看更多

之前有一次用app 落單，等了很久，不斷問，最後等了一個小時問可不可以退單先幫我check，話張單漏了，即刻整比我，用了個幾鐘終於拎到野吃。今天未到午餐時間大約11：00分在app 落單11：30-11：45分拎。大約十一點半落去等叫號，一開始都是叫之前的號碼，之後就叫我後幾個號碼，大約12：10左右找收銀叫幫手check下有沒漏單，收銀話叫的野唔同，所以後面有先好正常喎，唔肯幫手check。之後用app 找客服問，客服call收銀覆要12：35分會有得拎問可唔可以等喎。吃個茶餐廳等一個小時先有外賣吃，學咩人整外賣啫，晒氣。…查看更多

服務態度不行，叫個早餐外賣落單時話20分鐘有，20分鐘後去到仲等到個人懵懵下，最後一個鐘都未有餐，太離譜，你一早講要等一個鐘可以唔食，就唔好係app寫20分鐘，係相差好遠，做唔切唔好落單，一係講清楚時間:(…查看更多

食個下午茶食到著哂火本身對呢啲大集團都唔大期望但諗住日日但但係啲tea就冇乜所謂點知啲野又難食 又食到成肚火西多士已經好難難食 都係咁炸姐啊點知個廚師真係可以整到西多士係咸既炸雞翼完全味 炸雞脾炸到乾哂加錢嗌杯黑牛結果成杯都係冰 可樂得少少 成杯野淡哂個雪糕完全浸唔到落啲可樂到咁我唔洗嗌黑牛啦 反正都分開上水吧係咪睇得周星馳多？啲侍應一個比一個差望到扮望唔到 又掉野又剩 本身已經唔洗佢落單 都唔明叫你拎少少野有咩咁好怨真心執左佢thx利申唔係東涌人 真係路過呢頭諗住食啲野都可以食到一肚火…查看更多

叫外賣三個餐漏左成個餐都有，三個人食兩個餐，另外一個人食空氣啊，已經等左一個鐘八個字，你地遲左勁耐，打過去叫佢送返過黎仲話唔得，仲要cut我線，有個大陸口音嘅阿姐，一句唔好意思都冇，點做野，檢討你哋嘅態度！一個星期叫幾次你地公司外賣，有咁嘅員工真係倒米，其實你啲嘢食都唔差！你啲員工炒得啦？…查看更多