牛奶冰室 (杏花新城)

今日喺牛奶冰室買隻鹽焗雞外賣,以前都未嘗試過喺佢嗰度買外賣,以後真係怕怕, 大個標題叫人外賣,點知等咗半小時,叫咗兩次都係要等,呢間牛奶冰室以往假日堂食,食物都要等等等,點知外賣都係咁,以後都好難再去.另外要一隻鹽焗雞居然分咗兩盒,咁比客戶都冇信心,會唔會將半隻加埋一隻分兩盒,明明係要一隻,打開個盒,分明就係兩隻雞變成一隻,另外雞嘅肉質顏色好黃,隻雞仲好細隻,可能係春雞,我睇佢真係要檢討吓服務同質素,下次都唔會再幫襯。…查看更多

【尋找香港地道早餐🍳 牛奶冰室杏花篇】早晨咁凍，諗住去搵啲地道嘢食暖暖胃🥰 今朝就特登去咗杏花邨嘅牛奶冰室歎返個懷舊港式早餐！即叫即整嘅雙拼湯麵，上枱嗰陣仲咕嚕咕嚕滾緊😋 湯底係用豬骨熬製，香甜可口完全冇罐頭味！麵底爽口夠彈牙，配上火腿片同埋粗長嘅腸仔，絕對係暖笠笠嘅早餐之選👍🏻跟餐都係老香港嘅經典配搭 - 半焗流心雙蛋配煙肉，加埋丹麥酥牙包！個蛋黃完全係流心狀態，配埋香脆嘅多士，成個早餐組合堪稱完美！😍整體嚟講，呢間冰室嘅出品質素相當有水準，價錢都幾親民，$44蚊食到靚靚早餐🤩 最緊要係份量十足，絕對值得推介畀大家！如果你都想搵返香港地道早餐嘅感覺，記住要嚟杏花邨呢間牛奶冰室試吓啦～ …查看更多

牛奶冰室-杏花新城對面有一間意樂，都知道係同一集團，但未食牛奶冰室，所以試吓。淨係份量都足夠，食到好飽。香煎牛扒早餐🍳                        💰47(+$6 配火腿絲濃湯通粉)香煎牛扒中規中矩，易切唔硬，配左蒜蓉汁。可以揀選項目: 炒蛋及餐肉正常水準，蛋仲有蛋汁，唔食炒蛋可以揀煎蛋，餐肉普通煎過吓。其他固定配菜：配粟米，丹麥酥包粟米切咗做3細份，乾身，落咗啲孜然粉幾好食。火腿絲濃湯通粉     套餐本來冇包通粉，想早餐豐富啲，加咗火腿絲濃湯通粉。個湯底好淡味，要自己落多少少鹽。牛奶冰室每個湯麵都有落菜心頭菜心葉，感覺同火腿絲通粉格格不入。見到隔籬枱食蕃茄湯底好似會好啲，唔建議加$6。（凍）新鮮冷壓檸檬茶  💰凍飲加$3好似呢個集團嘅凍檸茶全部變晒沖劑，其實味道還好，有啲似維他檸檬茶嘅味道。…查看更多

昨晚order了一份肉醬意粉，上桌時已發現好乾，食落要吐出來，好好好硬，攪到成個口都係膠粒咁，超差。跟住叫個侍應换左一份焗飯，點知等左超過20分鐘，個番茄汁重要好酸，超難食，以後不会再去食。…查看更多

用 QR code 點餐，常餐裡面的炒蛋可以改為 1. 糖心蛋 2. 熟蛋，我哋唔清楚糖心蛋係咪代表太陽蛋，剛好唯一一個男侍應係隔離執枱，我哋就問糖心蛋代表d咩？係咪太陽蛋？點知呢位男侍應話糖心蛋咪就係糖心蛋，糖心蛋即係糖心蛋 (連講2次)，之後又話你哋唔換咪得囉，我究竟聽咗d乜？跟住個男侍應走咗去問另一個女侍應，女侍應又話糖心蛋咪即係糖心蛋囉，點解問得咁好笑？之後另一位女侍應終於係正常回答，糖心蛋即係太陽蛋，真係唔該晒，終於有個係正常態度回覆，講真唔好成日問點解香港飲食業會步入寒冬，劉德華十幾年前都話今時今日咁嘅服務態度係唔夠，我都唔係要求要有咩服務啦，只係想問清楚去選擇想食嘅，點知得到嘅係咁嘅態度，講真我哋當然即刻離開，唔通仲比機會你哋加料咩，永遠唔會再幫襯…查看更多