牛太 (已結業)

去了荃新天地既牛太食豪華燒肉放題 (100 mins), 店內主打年輕人市場、優質牛肉加全新美味醬汁，任飲任食，加上牛既質數相當不錯，又多款式！讚呀！用 QR code落單，簡單易睇，夠方便無漏單。共有六款燒肉醬料，每款肉跟個人口味選擇唔同調味，相當多花款，濃味重口味更加岩胃口。特別推介係果味牛肋肉、超盛蒜蓉黑胡椒日本豚腩，這幾款都豐富肉香，又夠細嫩，好好食，reorder左幾次！還有海鮮，小食其他選擇，全部都幾鮮味，而且抽風做得唔錯，無油煙味，加分！最後仲有MOVENPICK雪糕，飽到不得了，相當滿足。

一心想食燒肉, 行過荃新天地,見到牛太已經覺得好吸引, 原來仲有放題就更加唔駛考慮!見唔算好多人, 等左一陣就有位我地揀左豪華燒肉放題, 有100分鐘可以任叫任燒!!牛太都係以QR CODE落單, 非常方便 , 但同時都有不便就是太多選擇, 一個PAGE SHOW唔晒~時間關係, 先叫左幾款牛再慢慢揀前菜/小食, 甚至澱粉質項目另一個小TIPS就係一定分段ORDER, 張枱真係唔係好大…..真心推薦可以先叫一份澳洲和牛五品盛, 有齊牛肋肉. 嫩板腱,封門柳, 牛脊肉, 一口牛肋肉可以試左自己鍾意邊一款就開盡火力!眾多牛當中個人鐘愛有牛肋肉/ 封門柳及柔嫩板腱…好貪心, 因為佢地真係覺有特色牛肋肉:  薄而大片, 非常惹味柔嫩板腱:  油脂分佈平均, 好JUICY封門柳:  牛味挺出, 口感豐富**其實薄切牛舌都好出色豚肉代表嘅有勁蒜豚肉及豬頸肉雖然次序錯晒, 但食肉嘅同時都唔好漏左食多D菜去解膩, 否則戰鬥力會減低豆腐沙律及芥末八爪魚放題SET當中包括左汽水同埋烏龍茶等飲品都係任飲嘅, 不過食少燒肉點少得啤酒, 所以忍唔住叫左杯生啤開心下食到最後如果仲爭啲野的話就一定係烏冬喇,牛太嘅烏

豪華燒肉放題 ，乜都唔駛諗🤣又可以放假去食好嘢嘅時候了因為真係咩都齊全！食到好飽好滿足，唔同嘅牛肉、豬肉、海鮮仲有甜品添🙈極上厚切牛舌，好啦，呢款真係食完返唔到轉頭口前更加有口感而且好味道，彈牙爽口仲可以問店員攞啲檸檬🍋🐮 牛仔骨我覺得燒汁最好味，清晰容易見到嘅雪花❄️紋牛肋排，香口又多汁，自己剪都唔係好困難仲有一口和牛，一粒粒已經切好咗不過就要燒耐啲因為比較厚啊，俾啲時間佢就可以燒得好香牛腸真係肥美，滋味濃厚～幫我燒完之後就要換過網啦👍🏻鹽燒帆立貝加鹽、牛油因為本身嘅鮮味所以其實真係唔洗調味🥳大大隻嘅新鮮海蝦，燒完之後直接食都得迷你鯛魚燒超級可愛，奶油同埋紅豆口味～最後仲可以食埋雪糕已經超級飽同埋滿足👍難得一次食好啲都冇乜所謂啦❤️

燒肉及火鍋真的是冬天佳餚! 牛太很值得推薦, 除了食物有水準、價值合理外, 還因為餐廳的座位寬敞, 坐得舒服，與鄰座有一定距離，而餐廳亦提供bb椅，非常方便帶小朋友的我。以往在尖沙咀的一些燒肉店, 座位逼夾得毫不舒服, 桌面也放滿了食物, 感覺只想盡快燒完離去。這一晚點了豪華燒肉套餐, 餐廳採用自助點單的模式，可謂非常方便。而牛肉的選擇頗多, 每個部位都嚐了一遍, 尤其欣賞一口牛肋肉, 一口鬆軟香甜的肋肉, 一口白飯, 就這樣飛快的完成一大碗白飯! 大家別擔心帶小朋友去燒肉沒有東西適合小朋友的胃口，牛油栗米、金菇、甜蕃薯等等，都是小朋友的至愛。這天他們終於乖乖地自己把飯吃下去, 真的太感動了!最後來一個燒甜點 – 燒香蕉 (還有朱古力醬)、燒棉花糖和鯛魚燒, 簡直是大滿足! 怎樣離開前, 店員告知還有movenpick的雪糕, 簡直是喜出望外! 店員的態度也很親切友善，為這頓晚餐增添不少色彩。

天氣漸涼, 就有種要吃燒肉的衝動。第一次嚐試這間牛太。牛字輩的燒肉有好多, 我都搞不清楚它們的關係。但牛太的燒肉真不錯, 有不同牛的部位供選擇, 特別推薦牛肋骨和牛脊肉; 肋骨非常美味, 很香口; 而脊肉亦非常有口感、肉味, 卻不會太硬! 個人較欣賞牛肉不會醃得太濃味而把應該有的肉味都遮蓋了。 (有些燒肉店只不過是在吃調味料, 而不是肉的品質)除了牛肉, 這晚令我特別深刻的還有燒魷魚、帆立貝和一口日本甜蕃薯! 都是值得一試的燒物。臨走前原來還有movenpick雪糕作甜品, 一流! 吃得大人小朋友都很高興! 最後也要稱讚一下店員的細心服務, 常常和小朋友有些有助的互動! 下次再有燒肉的衝動, 絕對會再次幫襯!

今次我食嘅係豪華燒肉放題 $329🐮時間方面有100分鐘咁多！掃QR code 方便！ 有任何問題問侍應佢哋都好熱心解答❤️叫得呢個餐一定係食牛肉！封門柳係我必吃之選、仲有板腱、牛肋肉、牛舌等等🥩牛肉咩夠曬香濃， 油脂分佈平均海鮮方面有蝦同埋帆立貝， 味道不過不失 勝在夠新鮮🦐蔬菜， 我就最鍾意食牛油粟米放上去煮一陣已經嗅到好香嘅牛油味出曬嚟🌽主食方面有韓式嘅辛辣牛鍋湯飯， 好味過海鮮湯飯😜 每啖湯都充滿住泡菜的麻辣香味😋甜品方面🍮燒香蕉真係好好笑個人喜歡 奶油 燒餅多啲～

今天晚上跟朋友在荃新天地這裡吃晚飯，知道他是食肉獸，而且又非常大食，所以來這間牛太盡情任食燒肉是最合適的。室內設計得很時尚，主打年輕人市場，完全不像是滿佈油煙的傳統燒肉店。枱上面有多款美味醬汁，讓你自己可以調校不同的口味。柚子醋椰菜沙律切成絲的椰菜，入口方便，而且還加入了柚子醋，酸酸甜甜，醒神開胃，可以去除一點肉膩感。韓式紫菜本人很喜歡吃這款韓式紫菜，紫菜很薄身香脆，上面沾了一些粗鹽令味道更可口。澳洲產和牛五品盛合和牛都很新鮮，沒有雪藏味，不用加任何調味料，放上鐵板燒兩燒，加點鹽及黑椒味道已經足夠，肉質嫩滑有口感。薄切牛舌配蔥鹽醬牛舌有薄切及厚切兩款，坐下來的時候肚子比較餓，所以便揀了薄切較快燒熟，牛舌口感堅韌爽滑，味道香濃。人氣大虎蝦，鹽燒帆立貝除了高質的肉類之外，海鮮方面亦很新鮮，大虎蝦蝦肉爽彈，帆立貝放在錫紙盒內，盡吸牛油的香滑，味道亦很濃郁。燒棉花糖棉花糖可能大家去bbq時吃得多，在燒肉店可以吃到，今次還真的是第一次呢，放在爐面上面，溫度很平均，令棉花糖每邊也燒得香脆。冷烏冬吃完這麼多片熱辣辣的燒肉，我決定要吃個冰涼的冷烏冬來降降溫，讚岐烏冬口感堅韌彈牙，沾上醬汁來吃，風味更佳

天氣凍食燒肉就最好，可以對住個火爐，肉又香口，啱晒我呢啲食肉獸。呢度嘅燒肉放題有好多款牛肉，我同朋友都係牛魔王，真係食到舔舔脷。我哋揀咗豪華set，每位$329。首先講吓肉類，我哋梗係專攻牛肉啦，推介澳洲產和牛五品盛合，有齊板腱、牛肋條、一口牛柳粒、腹胸扒、薄切牛舌，款款牛肉味濃郁，而且餐牌寫呢啲牛肉無添加激素，不含抗生素，食得安心。另外，厚切牛舌必食，燒後外面酥脆，內裡柔軟，肉汁豐富，肉味甘香。豚肉方面，我哋試咗超盛蒜蓉黑胡椒日本產豚腩肉，燒得甘香，沾上醬汁，夾埋泡菜，用生菜包住一齊食，好好食。海洋方面，牛油燒帆立貝、大虎蝦、原隻魷魚仔都新鮮。肉質唔會霉，唔會腥。味道仲好好，燒完之後海鮮嘅香味散發晒出嚟，超正。主食方面，推介韓式辛辣海鮮豆腐鍋同埋冷稻庭烏冬。前者材料豐富，有大蝦、原隻魷魚仔、帶子，鮮嫩豆腐、蛋，配上惹味嘅辛辣湯，好食。想到庭烏冬口感好煙韌，配上嘅湯汁清得來又唔會冇味，加上香蔥同埋Wasabi一齊食，好清新。甜品都有幾多選擇，我哋試咗迷你紅豆鯛魚燒、醬油海苔年糕串、甜燒牛油蕃薯仔、特色燒香蕉，正！最後仲有Movenpick雪糕，朱古力味好好食。食完甜品真係飽到上心口，好

日式燒肉專門店牛太，第一眼就望到個環境覺得好正，帶有日式風格，以單點精緻的美食令人印象深刻。牛太會提供剪刀、生熟燒肉夾。我地揀咗豪華燒肉放題，放題包不同牛肉等級和部位，有些有醬汁燒，有些鹽燒，燒成之後可以加點自家特製的醬油，有三款選擇那麼多。自己用手機落單，方便快捷，真的很期待！前菜: 泡菜白菜、涼拌菠菜、冷枝豆、日式凍豆腐、芥末八爪魚味道正常，不過不失。極上厚切牛舌：烤到7-9分熟依然軟嫩多汁，爽口彈牙，幾入味！燒完不用落醬油已經夠濃味。上級封門柳油花分佈均勻，口感軟嫩，脂肪與肉比例剛好，油脂偏多，牛味十足。上級腹胸扒有咬口，口感極佳，牛味又濃又香，卷新鮮生菜可以減少油膩感，不需再沾醬就很美味。澳洲產和牛五品盛合十分推介，樣樣都有，色澤鮮豔，口感帶脂香之餘好重牛味，絕對值得一試，澳洲和牛更是入口即溶呢！豬頸肉燒得十分香，有咬口，啖啖肉。美式大肉腸外皮香脆煙韌，香草調味不錯，香口美味。燒雞腎串次次去燒肉店都要食返幾串過下口癮，切得夠厚，唔會有腥味，而且好易咬。鹽燒手羽：大大隻雞翼，雞皮都脆卜卜，肉汁耿緊鎖住。原隻魷魚仔 內藏很多水份，口感不會太韌，超香的～牛油金菇鍚紙兜裝住，燒得方便。

位於荃新天地地下嘅呢間燒肉放題肉類質素好高 絕對值得一試 我哋試咗個豪華和牛燒肉放題$329/person呢個放題好多嘢都可以自己揀包括你嘅前菜、肉類、醬料、飲品、甜品等等😝最重要係上菜速度超快！！肉類嘅選擇有好多款包括牛豬羊雞都齊晒 🤤特別推薦牛類 種類選擇好多包括日本黑毛和牛 牛脊肉 牛舌 上級封門柳等等🤩我自己最鍾意食牛肋肉 牛舌同埋封門柳 😍佢哋嘅肉類同脂肪比例不錯👍🏼特別係牛肋肉食落去有種入口即溶嘅感覺 啲油喺口裏面化開 🤤🤤覺得呢種質素喺放題來講相當之唔錯👍🏼👍🏼除咗肉類之外仲叫咗一啲燒海鮮😚包括帶子、蝦🦐帆立貝、廣島蠔等等 佢哋都配有牛油俾我哋燒 啲海鮮食落去好新鮮 我自己特別鍾意蝦 我嗰兩隻蝦都算幾大隻 食落去都好有新鮮嘅海蝦味😆食咗咁多嘢當然唔少得叫啲蔬菜啦 🥬我哋叫咗燒金菇、翠玉瓜 雞髀菇同菠蘿等等 啲蔬菜都好新鮮特別係金菇配埋牛油咁燒 超好食😋其實佢食物種類仲有好多不過我哋兩個人真係食唔到咁多啦😇仲有一啲嘅小食同埋甜品等等🍮最重要嘅係每人包一杯movenpick 雪糕!!!而飲品方面 仲會有埋啤酒嘅選擇呢個價錢來講仲要係任飲真係好抵！🥳🤤👍🏼

這家位處荃新天地嘅日式燒肉放題CP值好高，午市放題嘅肉類選擇頗多，脂香肉甜，食肉獸絕不能錯過😋仲有多款配菜、小食選擇，任飲非酒精飲品，食物上菜速度很快，每位客人仲送Movenpick雪糕一杯🤤特別一讚，餐廳樓底高，抽風系統良好，食完都唔會成身味👍豪華燒肉放題（100分鐘）$329有幾款清新沙律、泡菜、菠菜及芽菜等，配合少量調味料製作，食落十分開胃多款優質肉類肉類主要以鹽或燒汁醃製，有牛肉、豚肉、雞、羊等，特別推介以下幾款：.極上厚切牛舌油脂分布平均，柔嫩脆韌，十分輕鬆就可以咬斷牛脊肉肉質嫩滑，肉帶點筋但十分脆口果香旨味牛肋肉上碟時係用一個密封玻璃樽盛載，用菠蘿舖上肉嘅表面，濃濃果香滲透到牛肋肉當中，口感獨特，爽口香甜燒雞軟骨串作為傳統串燒料理，呢款當然無得輸，食落香脆又有嚼勁，調味亦剛剛好.超盛蒜蓉黑胡椒日本豚腩肉厚切燒香後，迫出豚肉嘅油份，香濃嘅蒜蓉黑椒味好突出，鹹香脆口.海鮮一共有3款海鮮，包括：人氣大虎蝦食落蝦味濃稠，啖啖肉，鹽燒帆立貝加咗牛油，一燒完滾起個下，香味撲鼻，味道鮮甜，原隻魷魚仔鮮香惹味，可能略為燒過火，食落口感較韌野菜有翠肉瓜、南瓜、京蔥、菇類等，食燒肉嘅同時，再食

二個人食左13碟牛，放題牛肉仲好食過平時散叫d牛，好食到食吾停老公食左3碟封門柳，我都要左2碟厚切牛舌前菜叫咗枝豆芽菜泡菜芥辣八爪魚豆腐沙律牛肉:封門柳好淋，肉質最好厚切牛舌好爽彈，我的最愛果香牛肋肉甜甜地，食咗2份板腱啖啖肉牛肋肉同牛脊肉味好濃食到舔舔脷豬肉蒜香黑胡椒豬腩肉，肥瘦平均，蒜蓉味好出但有胡椒香海鮮大蝦十分新鮮蔬菜日本大蔥，洋蔥我同老公都覺得牛好食過豬，所以主力食牛肉食得太飽，雪糕都食吾落

今日同一班朋友去荃灣牛太食燒肉放題， 佢哋嘅放題嘅肉都有好高水準，雖然冇話係定得嘅但係我都好滿意，咁佢個價錢分咗三個，分別由260蚊去到470蚊都有。咁我今次就揀咗中間嘅三百三十蚊左右，我認為呢個級數已經好足夠。另收加一服務費。同出面啲餐廳一樣啦都係有唔同既牛肉部位食， 我個人就鍾意食牛脷同牛肩嘅位置，味道係嗌咗鹽燒同醬油，仲有各類唔同嘅海鮮，海鮮就中中廷廷， 冇話唔新鮮，完全覺得呢個價錢係物超所值。雖然佢哋標榜你日式嘅烤肉放題，但係我個人就覺得佢哋似韓國風味，因為佢哋會提供泡菜之類嘅小食。佢哋嘅上菜速度都好快，唔會話拖你好耐令到你冇曬食嘢時間。食完仲會送你每人一杯movenpick雪糕。呢間應該會係我經常會幫正嘅燒肉放題。

想食高級燒肉放題🥓同朋友就去咗荃新天地嘅日式燒肉店！環境非常闊落樓底好高通風唔錯，餐廳提供三個級數嘅燒肉放題，分別嚴選燒肉放題、豪華燒肉放題、極上和牛燒肉放題 🥢價錢$259起～$469，任飲任食100分鐘⏰服務姐姐Nice又貼心！勁加分💯⇛ 💮極上和牛燒肉放題 $469呢個價錢可以叫晒餐牌上所有肉類，接近80款食材🤩同任飲汽水、朝日生啤🍺用QrCode自助落單，上菜快亦無甩漏🔍！當中必食主角日本產嚴選黑毛和牛系列就有四個靚部位✨怕油膩更可以包生菜一齊食，加上有四款專用和牛醬料，減輕負擔🤫！◍ 嚴選霜降扒肥美大塊霜降扒充滿油脂香，入口軟腍，燒好就可以用剪刀剪開細小件。⇢◍ 嚴選霜降牛肋肉牛肋肉油花細膩，雪花紋分部得好平均，入口油脂味濃郁到有溶化感覺🤤⇢◍ 嚴選霜降牛脊肉牛脊肉肉質鮮嫩，肉味香濃！⇢◍ 嚴選霜降一口牛肋肉切成粒狀嘅牛肋肉，肉味濃厚之外口感更Juicy，燒得耐都一啲唔韌！⇢枱面亦設有三款燒肉醬汁+調味粉，而其他牛肉都相當高質充滿光澤🐮矜貴嘅上級封門柳、柔嫩板腱油花充足又爽口、厚切牛舌勁有口感外面燒得酥脆內裡柔軟😻必叫！⇛ 燒海鮮🦞 牛油燒日本帶子、牛油蒜蓉燒廣島蠔🧈夠新鮮又

大滿足！今晚食燒肉放題，限時100分鐘，真係分秒必爭，太多款式啊！隨了牛肉，還有豬，雞，羊，海鮮，蔬菜類，仲有主食類，如飯，麵，湯….！黑毛和牛嚴選霜降牛首選當然係最有吸引力的霜降牛。好大件，肥瘦比例不錯。燒起來油花四淺，火光熊熊。入口即化，絕對要encore 。霜降的還有牛肋肉，牛脊肉，肉質都好軟腍，香口惹味。海鮮類有帶子和蝦。蝦隻非常爽脆，新鮮。洋蔥，雞脾菇，粟米，南瓜，翠玉瓜，菠蘿….尤其菠蘿，燒起來特別甜，果汁滿溢，食完肉類食番啲一兩件菠蘿，清清油膩感。最後還有名牌雪糕，正！