38
1
1
港鐵銅鑼灣站 C 出口, 步行約1分鐘 繼續閱讀
所有分店 (3)
電話號碼
39539340
開飯介紹
台式任食火鍋,提供九種不同的湯底款式。客人可選擇牛肉的種類,包括安格斯、和牛等。餐廳更提供台灣直送美食,如豬血糕、花枝丸等。 繼續閱讀
附加資料
網上訂位: https://masterbeef.hk/
營業時間
今日營業
全日休息
星期一至四
17:00 - 00:30
星期五至六
17:00 - 02:00
星期日
17:00 - 00:30
*外賣速遞供應時間: 12:00 - 20:30 (Whatsapp 39539340)
07月29號 - 08月11號
全日休息
付款方式
Visa Master 現金 AE 銀聯
其他資料
網上訂座
Wi-Fi 詳細介紹
深夜營業
酒精飲品
切餅費 詳細介紹
賞訂座積分
加一服務費
有關獎賞計劃
食評 (43)
無論網上定朋友親身食過都一致好評嘅牛大人令我期待已久,呢日終於有機會一嚐!我嘅心情簡直係未出發,先興奮😆。本身訂咗五月喺荃灣食,但奈何食物中毒被迫取消,再訂已經要六月底,仲要係下午五點個時段!我呢日專登請咗下晝假食🙈,無諗過準時去到,已經全部都係人,坐滿哂個走廊,勁誇張!好彩我哋訂到位啫,如果唔係應該食唔到,Walk-in嘅話要預下午四點半吧。店員安排咗我哋坐二人枱,都坐得幾舒服😀,打邊爐最重要係冷氣夠。餐廳真係好大,有超多座位,但都全部爆滿;部份四人卡位設計較為獨立,更以廿四節氣命名,好特別。一開始店員問我哋有無食過,再簡單介紹下個流程。首先就係揀選湯底嘅部份🍲,有九款選擇,全部各有特色,兼係台灣風味,同港式鍋底唔同。鴛鴦鍋要加$50,不過一場嚟到就試多款啦,我哋要咗㊙️牛大人秘方麻辣鍋同牛大人紅燒牛骨鍋。前者有得揀辣度,我哋要咗小辣,辣味相對弱,完全係我接受範圍,食得出有少少麻味同藥材味,但整體未算突出。後者就反而有啲眼前一亮,紅燒湯本身帶有好微嘅辣,而且仲不乏牛骨香,又夠濃味,正。不過食到後期就鹹咗啲。點完湯底後,我哋就事不宜遲嗌牛肉🐮,肉類同部份台灣食材係要用手機自助落單,都方便嘅。牛大人收費分三段,包括(1)精選嫩牛、(2)美國SRF極黑牛同(3)澳洲極上和牛,分別在於食材嘅種類多少,愈貴就愈多選擇同質素愈好。我哋見價錢唔差太遠加上係第一次幫襯,就試最貴嗰款。落完第一輪單後,我哋就出去自助區拎🥦蔬菜同🍢丸類嘅配料,雪櫃夠哂凍,係咁吹凍風出嚟,感覺算乾淨衞生。種類非常多,部份食材更並不常見,但我建議適可而止,要留肚食牛肉嘛🐂。但每樣拎一件,拎下拎下個碗又裝到滿哂😂。我哋拎咗唔同味嘅丸(好飽肚)、蟹柳、水魷魚、金菇同粟米等等。一開始嘅時候,醬油區排哂長龍,好彩我唔落㗎啫。不過個人認為俾啲耐性,等多半個鐘就乜人都無,爭取時間食嘢好過😜。哇哇哇,唔洗幾分鐘,食物就送上,霎時間枱面放滿晒嘢,仲要成座山咁高添!感覺非常澎湃,我哋真係好瘋狂。食牛大人嘅攻略好簡單就係喪食牛🥩,我哋基本上每款牛都有嗌嚟試。不過齋望個樣其實我唔係好分得出邊款打邊款,而店員亦都唔係好知...。唯有認住個樣再對圖分辨啦!雖然大部份牛肉比較薄切(封門柳除外),但勝在夠大塊,所以食落都有口感兼滿足感🤤。印象中以下幾款牛肉幾正,排名不分先後:1️⃣安格斯牛小排2️⃣手切封門柳3️⃣澳洲和牛M5牛肩卷4️⃣美國SRF極黑牛肩胛肉眼另外,每位客人獲贈送澳洲M9和牛蘑菇芝士味牛丸兩粒,牛丸幾彈牙,而且爆芝流心的🧀。 澎湖花枝漿及蟹籽墨汁漿,呢個應該係台灣叫法,香港就即係🦑墨魚滑、XX滑嗰類。本身抱有期望,但食落口感唔夠彈牙,有啲失望,味道亦唔太特別。兩個人食就嗌一兩款好了,因為份量偏多加飽肚。海鮮選擇亦有幾款,我哋試咗🦐鮮甜海蝦同真台灣鯛魚片,但唔記得咗嗌沙白。台式蛋餃、手工大黑輪同高麗菜水餃🥟,嗌呢幾樣係因為覺得比較特別,蛋做餃皮嘅餃子原來咁好味🥚,大黑輪真係好大塊...,水餃我就無食,但皮有啲薄爆開咗。鬼馬老油條,即係迷你油炸鬼,幾趣致☺️。牛媽秘制滷牛肚,打邊爐比較少食,唔好淥太耐,因為本身都少韌🤔。屏東水蓮菜係唯一一樣要用App落單嘅蔬菜🥦,可能因為比較矜貴啦,份量嚟得亦相當少。不過打邊爐食真係好好食,索湯得嚟,又夠爽脆,食到停唔到口。我哋喺自助區仲拎咗油麥菜、萵筍同蜂巢豆腐;來自台灣嘅👑皇帝菜亦都有得拎。我哋總共叫咗兩輪食物,食物上得好快又好齊,只係唔太拿捏到個份量應該叫幾多,但唔夠食就再叫啦。120分鐘嘅任食時間話長唔長、話短唔短,我哋戰鬥足全程🤣,都覺得有少少趕,不過夠哂飽,所以我哋最終無食到麵類同台灣小吃嘅熟食。飲品方面🥤,選擇非常多,有大大個飲品雪櫃,當中嘅冷泡茶好正,同時亦有紙包(可試麥仔茶)同罐裝飲品。另外,有幾款台式飲品如冬瓜茶同烏梅汁等就要用App落單叫。冷泡茶有四款,我哋全部試哂,哈哈。膠樽樽身幾靚,大大隻字寫清楚邊款打邊款🍵。白桃烏龍同桂花烏龍最好飲,兩者有烏龍茶香之餘,更有啖啖白桃味同桂花味。個人認為白桃🍑較特別,略勝一籌。至於洛神花茶就一向比較濃味帶點酸,都唔錯。菊花普洱最普通,茶底較苦,亦無咩菊花香🌼。最後就係甜品,我哋要咗一份台式仙草凍,份量少少地,啱啱好,涼粉幾滑幾甜,而且仲有好多餡料搭配添👍。仙草凍以外就係港女至愛嘅Movenpick雪糕🍨。食材質素同種類無得輸,服務亦都好好。佢哋全部人勁忙,送餐收碟做到無停手,但都能保持禮貌。就算食到夠鐘,都只係溫馨提示客人,無話態度好差🙇🏻‍♀️。總括嚟講,牛大人真係攞滿分💯,親身試過後就知評論無呃人😋,埋單計埋湯底人均都係三百蚊到,性價比高!我哋食完第二日就已經想再食,無厭嘅感覺,不過離開餐廳時見到幾人頭湧湧,就心知唔知幾時先再食到😣。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-05
639 瀏覽
牛大人我嚟啦!試過牛大人既朋友都對牛大人讚不絕口,令我都心郁郁💓,今日終於決定一嘗牛大人。牛大人位於銅鑼灣廣場二期5樓,一打開電梯門已經見到餐廳人山人海,雖然我預先上網攞咗飛,不過都等左30分鐘先入得去。牛大人一共三個套餐,我同女朋友秉承「唔貴唔食」既宗旨,所以我哋揀咗最貴嘅澳洲極上和牛套餐。牛大人自助區既食物選擇頗多,包括大量蔬菜、蘿蔔、豆腐、丸同腸仔。由於衞生問題,每款食物都放喺密封嘅膠盒入面,值得一讚👍🏻下單既話只需要掃一掃QR code就可。牛大人上菜速度非常快,大約兩至三分鐘,而且冇乜漏單。湯底方面,我地揀咗鴛鴦湯底(+$50),分別有牛大人袐方麻辣鍋同台中蒜頭雞鍋。麻辣鍋既「麻」好突出。至於後者蒜味好濃,但食物不太吸收到蒜頭既味道,純飮湯底既時候先會感受蒜頭濃烈味道。既然食得自助火鍋,牛肉當然係我哋嘅頭號目標。牛大人所有既牛肉都切得好薄,所以淥牛肉大約只需十秒,最有驚喜係澳洲和牛M5牛肩卷,肉味最重,肉質並唔係入口即溶嗰種,但都非常軟稔。凡叫左澳洲極上和牛套餐,餐廳會贈送每位澳洲M9和牛蘑菇芝心味牛丸兩大粒。牛丸好彈牙,一咬開既時侯,蘑菇香味撲鼻而來。入面並非普通流心芝士咁簡單,芝士仲可以拉絲🤤餃子方面,蛋餃一定要食!我係其他自助火鍋都冇見過蛋餃。蛋餃顧名思義即係用蛋皮包成既餃子,味道香甜兼肉汁豐富。小食方面,我地食左梅甘酥脆薯同真豬小香腸,蕃薯加梅粉既味道好夾,外皮酥脆內𥚃口感绵密,我最後一個人食左三碟。蟹籽墨汁滑同牛肉滑各有特色,尤其係墨汁滑,墨汁味道濃郁,口感爽滑。海鮮方面我淨係試咗鮮甜海蝦,質素有少少喜出望外,因為通常呢一類任食火鍋嘅海鮮都唔太新鮮,但牛大人既鮮甜海蝦真係幾鮮甜,肉質仲非常彈牙。飲品幾特別,除咗一般飲品例如可樂、雪碧之外,牛大人仲有冬瓜茶同四款冷泡茶,冬瓜茶甜度適中,至於四款冷泡茶之中,女友選擇白桃烏龍,茶香之中隱約透出白桃既清甜。最後仲送Movenpick雪糕。牛大人嘅食物比同類型自助火鍋更高質,尤其係飲品同牛肉方面,另外小食同餃子充滿台灣風味。上菜速度同座位舒適度都令人非常滿意,難怪牛大人每晚都爆場。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-03
1355 瀏覽
這間火鍋店已經想試好耐,但每次去到門口一係就太多人,一係上網book的時候已經得返晚上11點的時間,所以次次都食唔到!今次友人好醒目,終於book到想食的時段帶我去食,而今次來到這間位於銅鑼灣新開不久的分店!晚上9點來到仍是人頭湧湧,全場爆滿!安排入座後,先跟店員order湯底和想選擇的套餐,然後就可以用QR Code在電話上點餐,環保又方便!飲品、醬料、丸類、蔬菜類都是自行到自助區領取。飲品款式非常多,有多款不同的冷泡茶,而且都是無糖的,最岩女士飲用。而且也有不少台灣飲品可以在雪櫃內看到。湯底我們揀選了台灣鳳梨雞鍋,這款湯底很少在香港見到!鍋內有一隻雞,還有鳳梨肉、苦瓜和娃娃菜。湯底有淡淡的鳳梨味和苦瓜味,很清甜,而且越食酸味越出!牛肉款式也非常多,而個人覺得牛肉味最濃的就是澳洲和牛M5牛肩卷,除了牛肉味濃,也能吃到鬆軟的口感!丸類選擇有很多,而且我們選的套餐還有澳洲M9和牛蘑菇芝士牛丸,芝士能做到拉絲的效果,而且芝士有濃濃的蘑菇味,十分惹味!最後還有movepick雪糕做甜品,非常滿足呀!下次一定要預早book定位黎食!! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-22
2617 瀏覽
呢間簡直多人到有啲嚇親,夜晚九點上去一出𨋢,條走廊已經水泄不通,好彩友人有booking,如果唔係都唔知幾時先有得食😚👍🏻首先揀咩餐同湯底先,佢哋入咗單之後就可以用qr code落野,方便又有效,啲嘢嚟得快,上得齊,真係唔駛驚佢食你唔飽😆😆我地就揀咗$298澳洲極上和牛,呢個包含哂所有食物😋,湯底可以join番會員,就可以free番個鴛鴦湯底,台灣火鍋梗係要個麻辣啦,小辣都已經夠哂,再整個鴨肉就十足台灣了👍🏻👍🏻另外再配搭個牛骨湯,夠哂香濃等個湯滾既期間,可以出去整番碗肉躁飯,肉躁任加,好滿足🤤🤤啲澳洲和牛肉質軟嫰,充滿油香、牛肉粒咬極都有味、豬頸肉爽脆,十分過癮😚海產有鱸魚片,蝦,沙白,鯇魚片,有好多選擇,鱸魚片雖然唔滑溜,但魚味有,而且冇骨,都食咗唔少塊,蝦好新鮮好鮮甜,成晚都冇停手咁濟🖐🏻🖐🏻食到咁上下就出去拎埋啲菜食,全部用有蓋膠盒載住,包保衛生清潔呢度除咗啲汽水飲之外,仲有啲自家製茶飲,咁就唔怕肥,飲得放心🤣🤣最後整個靚甜品,透心涼,捧住個肚返歸了😘😘 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-20
1938 瀏覽
火鍋套餐有3種價錢,按牛肉檔次劃分,分別是精選嫩牛、美國SRF極黑牛和澳洲極上和牛套餐,120分鐘內任飲任吃,提供過多款火鍋配料、肉類及台灣特色小吃,可以一邊打邊爐,一邊吃台式料理,選擇相當豐富!湯底有9款,選了湯底後便可以使用QR code自助點餐,亦可以到自助區取食物及飲品。環境寬敞整潔,所有食材均以有蓋的盒子盛載著,而且要求客人於自助區內必須佩戴口罩,做足防疫措施!雪櫃內有多款飲品供選擇,當然不少得台灣特色飲品,當中台式冷泡茶賣相精緻。上菜速度快,完全沒有漏單情況,值得一讚!湯底選了台中蒜頭雞鍋,材料十足,有半隻雞及大量蒜頭。新鮮沙白肉身大粒,啖啖肉又鮮甜。澳洲和牛蘑菇芝心牛丸一口咬下去內餡澎湃地湧出來,蘑菇和芝士味道香濃,帶來雙倍滋味和口感,令人一試難忘。安格斯特選牛板腱肉質嫩滑,肉味濃郁,味道相當有驚喜!最後以Mövenpick雪糕作結尾,非常滿足。 繼續閱讀
(以上食評乃用戶個人意見 , 並不代表OpenRice之觀點。)