98
3
1
港鐵旺角站 E2 出口, 步行約3分鐘 繼續閱讀
所有分店 (6)
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
付款方式
AlipayHK 支付寶 現金
其他資料
外賣服務
當面支付
食評 (104)
等級4 2021-02-14
652 瀏覽
一早聽聞牛大人高質抵食,係最近嘅人氣火鍋之選,呢日就嚟到最近喺旺角荷李活新開嘅呢間分店!餐廳地方大,座位寬敞舒適!90分鐘午餐吃到飽有三個價錢揀,分別係$138/168/198。我地呢日就揀咗$198極上和牛吃到飽🥳多款肉類/台式小食/牛媽秘製滷物/特式魚滑/火鍋配料,都可以用QR code喺手機點餐,方便快捷之餘,亦可以查返自己點過嘅菜式。除此之外,外面仲有一個自助區,有多款火鍋配料,包括丸類,蔬菜類,部份更加係台灣直送😍醬料區方面提供多款醬料,洋蔥牛肉醬同腐乳醬都係我嘅心水,仲有王子麵/烏冬/響鈴可以拎。飲品區除咗汽水,蘋果梳打,仲有店家嘅自家製無糖冷泡茶!有洛神花茶/桂花烏龍/菊花普洱/白桃烏龍,洛神花茶酸酸地,最啱打邊爐解油解膩,桂花/白桃烏龍我地好鐘意,好清香👍🏻個樽仲要好靚,拎嚟打咭就啱哂👏🏻八款台式湯底各有特式,有辣有唔辣,仲有素鍋揀。我地對台灣鳳梨雞鍋最有興趣,未喺其他地方試過呀😍鍋底好足料,有鳳梨/苦瓜/雞/蜆,味道相當清甜。等湯底滾嘅途中,我地已經叫定啲台式小食,鹽酥雞,台式香腸食住等!肉類解凍程度剛好,冇冰冇血水,肉片間亦唔會痴實哂。我地食咗好多碟牛😂澳洲和牛M5牛肩卷牛味香濃,肉質鮮嫩。安格斯特選牛板腱油花均勻,質感柔軟。呢到仲有多款特色魚漿,口感彈牙,味道各有特色!蛋餃,瓜仔雞水餃都係我嘅必食推介👍🏻最後一定要食佢地嘅豆腐雪糕!味道唔會好甜,豆味清香,飽住肚底下都食咗兩杯😂🙈 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-12
459 瀏覽
最近牛大人真系hit到不得了😳仲未恢復夜晚堂食,大家都不忘喺晏就搵好西食😆食牛肉放題呢個潮流向來喺香港都好流行,當然到呢家仲興緊啦。牛大人去到呢家已經有5間分店喇,可以話系勢不可擋!勁耐冇去旺角😫今次一去番就緊系試吓牛大人🤤午餐有3種價錢,我地揀咗最貴戈款$198,主角有牛五花、安格斯牛板腱同埋澳洲和牛M5牛肩卷,幾樣都好吸引🤤同時都有其他配料如蟹籽墨汁漿同埋干貝墨魚漿,加$30仲有升級海鮮🦞湯底有成8款咁多!仲有特色小食、手工水餃、丸類等等。飲品櫃勁多選擇😱平時好多放題店都有罐裝、盒裝飲品戈啲,呢度最特別嘅系有自家製冷泡茶👍🏼有幾款比食客選擇。拎咗兩支茶,桂花烏龍同埋白桃烏龍,佢啲自家製嘅冷泡茶真系沖得好清新😍濃得黎又吾會話太苦,啱曬我地呢啲架吾中想試吓茶又驚會太濃嘅人。我地叫嘅系鳳梨雞湯底,真系有成隻雞髀喺入面,好足料!鳳梨味就吾系好feel到🙊話咁快就到主角牛肉🐮主要嘅牛肉有3款,頭先都講過有牛五花、安格斯牛板腱同埋澳洲和牛M5牛肩肉。三款嘅口感都吾一樣,牛五花同埋和牛M5牛肩肉都幾似,都系幾軟稔,牛五花嘅脂肪部分較多,所以更軟稔。安格斯牛板腱原來比較結實😳干貝墨魚漿即系墨魚滑🦑好多火鍋店都有墨魚滑同埋蝦滑。墨魚滑熟咗之後口感好爽滑😋真系食到一粒粒墨魚,好爽口。用手機掃QR code其實仲有啲小食,叫咗份炸甜不辣,對於中意食炸野嘅我黎講系吾系都好食🤣🙊好似有啲蝦肉粒?另外仲有滷肉飯,但數量吾系話特別多,味道都幾好😁 繼續閱讀
(以上食評乃用戶個人意見 , 並不代表OpenRice之觀點。)
凍冰冰最岩就係打邊爐!今日約埋好友一齊去食人氣台式火鍋放題店牛大人,揀左旺角分店,係荷李活商業中心地庫。午餐有90分鐘任食放題套餐,有三款套餐選擇:牛五花、安格斯同和牛,最後揀左極上和牛吃到飽套餐。牛大人有多款特色台式湯底選擇!有牛夫人秘方麻辣鍋、四目養生素食鍋、眷村白玉酸菜鍋、帝王食補薑母鴨鍋等等。今次決定試下台灣鳳梨雞鍋,以鳳梨、苦瓜、雞等熬制而成,湯底溫順滋補,氣味香醇,大大隻雞髀軟嫩滑溜,好足料。套餐有齊上腹牛五花、安格斯特選牛板腱、澳洲和牛M5牛肩卷、西班牙豬梅肉片等等。首推澳洲和牛M5牛肩卷!油花分佈均勻,肉質嫩滑柔軟,肉汁豐盈,食落Q彈有嚼勁,牛味濃郁鮮嫩多汁,入口即化。安格斯特選牛板腱油脂含量豐富,肉質軟嫩帶嚼勁。西班牙豬梅肉片甘香油潤,口感鬆軟細緻,肉質柔軟。另設火鍋配料、小食、飲品、雪糕等都係任食,可於手機落單,亦有自助區,選擇非常之多!!除一般蔬菜、丸類,更有台灣直送特色丸及菜類。自助區更有多款醬料、飲品、粉麵及肉燥飯。牛媽秘制滷牛筋、牛媽秘制滷大腸牛媽秘制滷牛肚、干貝鮮魚漿、蟹籽墨汁漿都係極上和牛吃到飽套餐先有。推薦蟹籽墨汁漿,彈牙爽口又嫩滑,滷牛肚軟嫩Q彈、滷大腸濃郁有嚼勁。台灣小食亦有唔少選擇,推薦台灣腸煙韌多汁。飲品選擇款多,必試冷泡茶,首推洛神花茶,酸酸甜甜,解渴一流,而且無糖更健康!任食甜品有自家製豆腐雪糕,濃厚豆香,夠哂軟滑,好清新。 繼續閱讀
(以上食評乃用戶個人意見 , 並不代表OpenRice之觀點。)
平時好少去食任食既火鍋除左台式火鍋,因為打邊爐湯底實在太重要🤭見好多朋友都去左食牛大人,今次終於俾我食到,因為係下午去價錢仲要吾貴😍極上和牛吃到飽($198)湯底我地揀左牛夫人秘方麻辣鍋,湯底濃郁好開胃,味道夠麻好入味,不過食到尾愈滾愈辣🤭下次要叫鴛鴦試埋養生濃湯鍋中和下😝而套餐有任食既安格斯特選牛板腱,澳洲和牛M5牛肩卷,上腹牛五花,蟹籽墨汁漿,干貝鮮魚漿,蝦滑,五花片等選擇,仲有好多台灣小食例如台式腸,鴨血,鹽酥雞,蛋餃,甜不辣等等,無得去台灣都可以過足口癮,食麻辣火鍋一定要有鴨血!!吸收哂麻辣湯底嘅精華好正🥰而肉黎講M5牛肩卷油花分佈均勻,肉質軟嫩,配麻辣鍋其實吾洗另外點醬已經好夠味餐廳仲設有自助區,有多款飲品,醬料同火鍋配料選擇,特別既係飲品有自家製花茶,個樽仲好靚🥳我自己最鍾意飲洛神花茶,酸酸地可以解輕濟膩感,而配料我認為必試既係佢既丸類😍我試左芋頭貢丸,拔絲芝心丸,龍蝦沙拉同海膽丸都好高質!!而甜品仲有好有驚喜既自家製豆腐雪糕😍我同我朋友雖然食到尾已經好飽,都好食到忍吾住每人食左3杯🤭 繼續閱讀
(以上食評乃用戶個人意見 , 並不代表OpenRice之觀點。)
原本以為打邊爐唔會咁多人,點知來到依然要排隊,餐廳一D唔細,容納20-30張枱冇難度,平時天氣轉凍都會諗起打邊爐,但除左天氣轉凍之外,仲有咩原因令到爆場呢?呢間牛大人一早已聽聞過,多次路經其他分店都冇機會去試,最誇張系疫症下生意冇影響,甚至開埋分店,今次決定左來呢間新店location,第五間分區旺角荷里活道喇~🔍先講門口帶位整個流程順暢,因訂左座關係好快就安排好坐位,員工領客帶位到介紹餐廳🍴以手機落單、食物吧位置同要揀選既湯底,起單後限時90分鐘任食用膳🐮嫩牛吃到飽>安格斯吃到飽> 和牛吃到飽有三款選擇,分別在任食食物的種類,我地揀選左$198 極上和牛吃到飽😎基本上已滿足晒所有食品類任食要求😎火鍋湯底:養生素鍋 (杞子、紅棗、蟲草花、桃膠、津白)✍🏻湯底清淡為住唔濃味,較香蟲草花同紅棗既味道,主要調出食材間的鮮味👌🏻🤤💦大胃王咁試左:👉🏻澳洲和牛M5牛肩肉👉🏻安格斯特選牛板腱👉🏻上腹牛五花👉🏻西班牙豬五花片👉🏻 西班牙豬梅肉片👉🏻牛媽秘制滷牛筋👉🏻 牛媽秘制滷大腸👉🏻 牛媽秘制滷牛肚👉🏻干貝鮮魚漿👉🏻蟹子墨汁漿👉🏻手打旗魚漿👉🏻韭菜水餃👉🏻瓜仔雞水餃👉🏻魚香皮蛋豆腐👉🏻基隆甜不辣👉🏻花雕酒雞件👆🏻上面所講既個堆都只系手機落單既食品,出面食品吧都非常之多選擇,主要包括台灣既腸類、丸類、菜類等等,今次主要試晒手機落單既款式配搭飲品方面種酒比較多,除一般罐裝、紙包飲品外,建議大家試下佢地既冷泡茶,分別兩款:洛神花茶/桂花烏龍茶,自己比較鐘意桂花烏龍茶去熱解膩😂🤚🏻真心明白點鮮咁多人排隊,湯底雖清淡,但食物質素有加,肉類沒雪藏過度,肉味也很平均,特別推薦澳洲和牛M5牛肩肉,牛味濃而肉質備實,而西班牙豬梅肉片微爽身而油脂分泌平均系手打丸嚟講,必推:蟹子墨汁漿!😍 墨汁味濃仲要食到鮮味,真系非常大愛!其餘食物亦系正常水平,種類多到試唔晒❤️😙醬汁區配搭各式各樣醬汁,推薦可以試佢地洋蔥牛肉醬、特調辣椒醬,都系比較有店內特色既醬汁,非常鐘意洋蔥牛肉醬,額外加入青蔥、辣椒、炸蒜味道更加豐富,當然醬汁可以好講個人口味,隨大眾口味調配甜品方面仲有佢地自家牛大人豆腐雪糕添咖😚唔好唔記得!臨尾食番杯雪糕先呀!🥳✍🏻整體來說坐位寬敞舒適,服務流程順暢,食材配料至汁醬配搭非常齊全,上餸速度+收碟速度一樣快手,員工指示清楚,成個用餐體驗系舒服😌食物質素同呢個抵食價錢,值得再番轉頭 繼續閱讀
(以上食評乃用戶個人意見 , 並不代表OpenRice之觀點。)