163
7
1
港鐵旺角站 E2 出口, 港鐵旺角東站 B 出口 繼續閱讀
所有分店 (5)
電話號碼
39539320
開飯介紹
台式任食火鍋,提供九種不同的湯底款式。客人可選擇牛肉的種類,包括安格斯、和牛等。餐廳更提供台灣直送美食,如豬血糕、花枝丸等。 繼續閱讀
附加資料
網上訂位: https://masterbeef.hk/
營業時間
今日營業
全日休息
星期一至日
全日休息
付款方式
Visa Master 現金 AE 銀聯
其他資料
網上訂座
Wi-Fi 詳細介紹
深夜營業
酒精飲品
切餅費 詳細介紹
電話訂座 詳細介紹
賞訂座積分
加一服務費
食評 (190)
小編之前聽人講新間咗一間打邊爐,非常好食,而呢間店仲要係好難book位🤔。小編一直都未有時間去試下,今日終於忍唔到係今日做完嘢之後🖊,親自過去嘗試下,而呢間任食打邊爐店叫做「牛大人台灣火鍋吃到飽」✨。✦✦✦✦✦✦✦✦✦✦✦✦✦✦去到門口都已經見到餐廳人來人往,不過今次小編好彩都唔係等咗好耐就已經有位入去👏,座位間都幾寬敞,坐得幾舒適。食客係要用手機掃檯面上既QR Code點餐,而最令小編開心既係餐廳有超多款手打漿肉,魚滑😻,之前小編曾經講過如果打邊爐無魚滑就一定失色,而呢間正正有6-7款多,亦係小編打邊爐必點,所以小編係畀滿分👍。✦✦✦✦✦✦✦✦✦✦✦✦✦✦餐廳仲可以離開座位去揀打邊爐配菜同台式飲品,同點餐既食物同飲品都係唔同款🤩,非常之多可以選擇,尤其係飲品🥤,樣樣都想試下嚟飲,健康又好飲。✦✦✦✦✦✦✦✦✦✦✦✦✦✦小編最推介既第一樣野就一定係漿肉類👅,款款都要試下。另外,當然係肉類🍗,豬肉、牛肉都唔差,款式類別都選擇多,實搵到至啱你既一款👀。✦✦✦✦✦✦✦✦✦✦✦✦✦✦小編認為「牛大人」係任食火鍋中算係高質,環境、配料、食物質素唔錯👍,而且員工服務好,小編們第一次嚟到都詳細介紹餐單,有講有笑😂。小編好耐之前曾經都嚟過一次門口,不過因為已經無得book位,所以無去食🤭,今次就好好彩終於都可以一嚐大家口中所講台灣火鍋店。餐廳位置係瓊華中心9樓,旺角中央位,香港人應該知道係邊🗺。✦✦✦✦✦✦✦✦✦✦✦✦✦✦ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-15
6626 瀏覽
最近勁多朋友都話呢間牛大人好好味又好抵食 難得放假就同男朋友去試下!除了有肉類可任點任食外,呢度仲有大量火鍋配料可以自己任拎,仲要大部份係台灣直送,例如鴨血、手打花枝漿、鹽酥雞、蛋餃等,可以一解大家既旅行隱!牛大人紅燒牛骨鍋係原汁原味既牛骨鍋,一上枱就香到我地口水直流,原來係由牛腿同牛肋骨慢燉而成,鍋面見到好多肉桂枝、紅棗、八角、香葉等,勁真材實料,牛味濃郁又香甜,而且唔會太油。安格斯一口牛肉粒肉質鮮嫩, 油脂分佈平均,油花密度高,牛味濃郁,正。澳洲頂級M9和牛牛丸係台灣製造既牛丸,用澳洲M9級數和牛作為原材料,個樣望落同普通牛丸一樣,但食落完之後唔同,一咬落去,油脂同肉汁湧出,味道濃厚,估唔到食牛丸都可以食到滿口脂香。和牛M5 牛肩卷牛肩卷姐係牛既後頸 ,油花分布更均勻,肉味濃郁,肉質軟冧,脂肪甘香。手切封門柳封門柳姐係牛橫隔膜肌肉,每隻牛只有一條,所以好罕有!油花少但肉質都腍,肉味好重。安格斯牛小排牛小排肉質結實,口感很鮮美唔肥膩。水蓮見到香港好少見既台灣水蓮菜,點可以唔嗌!食落纖維感好高,質感係菠菜同韮菜花之間,吸哂湯底,好正。好鐘意呢度有好多自家製茶飲,可以係個飲品櫃度自己拎,我最鐘意就係洛神花茶,清新消膩。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-15
26829 瀏覽
相信大家同我一樣,喺疫情之下冇得去旅行,一定覺得好傷心,最掛住一定係外地嘅美食。有睇開我食評嘅都知道,我最鍾意就係打邊爐,而除咗日本嘢之外最鍾意就係食台灣嘢。今日因為有冇得去台灣又冇得打邊爐好耐,所以就嚟到旺角呢一間又大人火鍋,打返場激烈嘅邊爐,去滿足我思念台灣同埋打邊爐嘅心願。一入到去舖頭已經聞到好熟悉嘅味道,有麻辣鴨血嘅味道,有養生鍋嘅味道,加埋個裝修已經好友去咗台灣嘅感覺。好彩今日早啲到唔使排隊就可以入,如果唔係喺食飯時段嚟到,最少都要等兩至三個鐘先可以入場,所以想試嘅朋友,記得早啲嚟攞位,如果唔係就要白行一趟啦。佢有唔同價錢嘅選擇,但我諗大家都非常清楚唔同價錢,就會食到唔同質素嘅牛,當然我係非常之鍾意食肉嘅,所以今次就買咗最貴嗰個極上和牛吃到飽套餐,而且係選最貴個餐,喺可以食哂咁多隻肉,爽呀!本來想整返個麻辣湯底,不過有少少熱氣所以最後就揀咗牛大人紅燒牛骨鍋不得不提,脆肉鯇是非常好食的!因為佢喺跟人頭出份量,所以瘋狂點咗好多次!澳洲和牛M5牛肩卷喺必點,油脂豐富,入口即溶,呢度嘅肉唔會好似其他舖頭,上到枱面仲係非常之冰感,所以可以做到淥一淥就食得,唔洗驚唔夠熱/太熟!另外安格斯牛小排都係必點之選,雖然佢又知冇M五牛肩卷咁豐富,但係佢嘅肉味相對濃郁,而且又咬口,所以都係非常滋味!而除餐附送嘅牛丸都係非常之好味,同平時街食到牛丸唔同,唔會有種粉粉地嘅口感,而且咬落去仲有肉汁流出,仲有濃郁嘅牛味,食完之後想再點,但已經唔可以再叫,所以到而家都好回味!另外嘅一大驚喜,大家一定估唔到係咩。就係聽都未聽過嘅水蓮,嗰個質感令人一試難忘,我嘗試嗌多幾碟,但一次都係出一碟,所以想食嘅朋友只要嗌多幾次啦!總括而言,牛大人嘅套餐真係非常抵食,平民嘅價錢,台灣嘅味道。用去旅行嘅錢喺度食,應該可以解決思鄉之情,所以大家快d去食啦! 繼續閱讀
(以上食評乃用戶個人意見 , 並不代表OpenRice之觀點。)
禁晚市堂食之前有機會食到好受歡迎嘅牛大人,嗰陣有得網上訂座好方便,慳番唔少等位嘅時間。太掛住台灣嘅麻辣火鍋所以揀咗牛夫人秘方麻辣鍋,湯底係用牛骨同多種辣椒、花椒同藥材熬成,真材實料而且色香味俱全,開頭嗌小辣嘅我地食食下覺得唔夠喉,店員俾咗辣醬我地再加辣,辣度十足真係台灣嘅味道!肉類分三種等級,第一次食就試下中價嘅美國極黑牛-當中嘅安格斯特選牛板腱同美國極黑牛下肩胛都好夠肉味,雖然油花冇和牛咁靚但感覺冇咁肥,依個質素我地都已經好滿意。食麻辣火鍋當然唔少得鴨血,牛大人嘅私房鴨血大件又嫩滑,一定要無限追加;仲有牛媽秘制滷牛肚同大腸,滷得入味再加埋麻辣湯汁,鍾意食內臟嘅必試。火鍋料更加有台灣直送嘅干貝鮮魚漿、澎湖花枝漿同真味牛肉漿等,我就最鍾意花枝漿,食到粒粒花枝口感豐富又彈牙。自助火鍋配料區都好多選擇,推介萵筍、茼蒿、金菇、水魷、響鈴,全部都同麻辣湯好夾,索晒啲辣汁好鬼正。飲番樽包裝好靚嘅自家冷泡茶解解膩,最後食埋碗台中仙草凍,滿足晒想食台式火鍋嘅癮😌P.S. 食物太豐富嘅關係今次冇食到啲台灣特色小吃,下次一定會再挑戰! 繼續閱讀
(以上食評乃用戶個人意見 , 並不代表OpenRice之觀點。)
牛大人出名一派籌就冇晒位,所以我同朋友去食平日午市😗😗湯底今次試台灣鳳梨雞鍋和紅燒牛骨鍋😚鳳梨雞鍋無鳳梨味🙈但清清地 幾特別😃 牛骨湯係必點!😚😚😚上次試已經覺得牛骨湯好正😆😆(好味過麻辣)肉類用手機點,配菜和飲品出去自己扲😋佢嘅肉唔係話高級/好好食,但呢個放題價錢係市面上真係贏曬‼️肉類每分份量唔多,所以可以試晒所有餸菜❤️配菜有好多唔同丸同埋蔬菜。牛大人嘅飲品好出名,有幾款冷泡茶揀。所有店員服務好好,好nice! 所有野加埋就係牛大人咁多人去嘅原因❤️❤️ 繼續閱讀
(以上食評乃用戶個人意見 , 並不代表OpenRice之觀點。)