牛大人台灣火鍋吃到飽 (PopCorn 1)

💟寶石媽媽美食好介紹💟每次捐血後，我有個秘密武器就係瘋狂食牛補充鐵質啦。而我選擇嘅，當然係揀由台灣直送材料到香港嘅牛大人台灣火鍋吃吃到飽啦。因為佢哋嘅材料新鮮，而且選擇非常非常之多，我最鍾意嘅就係佢牛肉質素好高每次我都食到飽飽滿足滿足先走㗎。對自己好啲，今次都係選擇食足120分鐘日本A4黑毛和牛火鍋放題仲有澳洲M9和牛牛丸2粒、海鮮拼盤、仲可以任食鮑魚tim。另一個我好鍾意食牛大人嘅原因係每隔一段時間，總會推出一啲新口味。就好似今次咁，推出咗兩款新的湯底🥘 椰子期間限定湯底：喇沙椰爺仲夏鍋、木瓜椰皇嫩雞鍋我揀咗木瓜椰皇嫩雞鍋，如我想像一樣湯底清甜嫩滑的雞肉，真係冇得頂。牛大人推出「炎夏椰樂祭」限時活動，以椰子為主題提供特色餐點，希望藉此活動讓食客體驗沉浸式椰子主題火鍋，帶來清涼夏日感受。另外仲有好多新口味🥥 椰子小食：椰酥跳跳豬、黃金椰絲蝦丸、椰林火山脆薯條🍯 特色醬料：香椰火焰醬、椰汁美奶滋🍭 甜品：香芋椰漿脆脆🥤 特調飲品：粉桃椰香 (Pinku Paloma)、冰檸伴椰 (Malibu Lemonade)、藍調微風 (Blue Hawaiian) ；所有特調飲品「日本黑毛和牛A4+」晚市套餐任飲，或每杯售價$58知識就是折扣通過答題贏取餐飲折扣等優惠，所有客人都可參加，答題中不可使用電話、書本等。獎品如下：* 答中2題：即影即有一張* 答中4題：即送鮑魚小吃拼盤共6隻 (3款特色鮑魚各2隻)* 答中5題：下次惠顧吃到飽套餐全單八五折 (需登記成為Storellet會員)追蹤牛大人社群媒體 (Facebook/IG/小紅書/大眾點評) 即可獲贈「椰奶蓋芒芒爽」一杯。酒類暢飲* 「日本黑毛和牛A4+」晚市套餐可享雞尾酒特調飲品及指定啤酒無限暢飲。* 「澳洲極上和牛」套餐可加 $68 升級「酒類任飲」。✳️ 牛大人台灣火鍋吃到飽 (將軍澳)✳️ 香港將軍澳唐德街9號PopCorn 1 2樓PopFood 3號舖#牛大人火鍋 #牛大人台灣火鍋吃到飽 #牛大人 #台灣直送 #打邊爐必選 #台灣火鍋 #將軍澳 #將軍澳美食#pollywings_foods#將軍澳 #將軍澳美食#打卡#食好西#美食#Chill嘆#聚會#foodie #高質#香港美食 #任食 #抵食 …查看更多

夏天熱辣辣又想食打邊爐 去牛大人就啱晒啦 佢地最新主題炎夏椰樂祭🥥 其中一款湯底木瓜椰皇嫩雞湯係我私心推介 打完邊爐完全無熱氣感覺💁🏻‍♂️ 直接當湯飲都得 我地未食就已經飲到要加湯😂因為我地本身太鐘意牛大人嘅秘製麻辣湯🌶 所以一定係鐵膽 另一款喇沙椰爺仲夏鍋下次都想試下 😍日本A4和牛雪花超靚 入口即溶 唔需要點醬都已經好香牛油味🤤 放落麻辣鍋口感就更加有層次 最重要係之後加單兩碟嘅質素係完全無分別 貨真價實👍 另外值得一提係澳洲M9和牛牛丸 比平時食開嘅牛丸最大分別係爆汁💦 海鮮拼盤有 生蠔 鮑魚 扇貝 魷魚 全部大隻又新鮮 放喺冰鎮盤度勁吸睛 當中脆肉鯇 鮑魚等等仲可以任食 鍾意食海鮮嘅朋友就有福啦👏除左湯底之外 仲有幾款椰樂祭期間限定小食同飲品 例如椰酥跳跳豬 其實係炸豬扒加炸糖同椰絲 香脆豬扒跟爆炸糖一齊喺口腔入面跳舞 💃🕺另外兩款黃金椰絲蝦丸同薯條 就要配埋香椰火焰醬同椰汁美奶滋一齊食 各具特色甜品仲有期間限定椰子味movenpick 🍦我地叫嘅A4和牛餐仲可以任飲3款椰子主題cocktail 包括粉桃椰香 冰檸伴椰 藍調微風 我飲咗冰檸伴椰 酸酸甜甜酒味唔會太重 女士們應該會鍾意🥰依家仲舉行緊知識就是折扣等一系列優惠活動 大家可以挑戰吓 答啱越多優惠越多 我地今次都贏到杯椰奶蓋芒芒爽 😎…查看更多

街坊又黎食晚飯, 愛食靚牛嘅我地 照舊食 “日本A4黑毛和牛火鍋” 120分鐘放題~鴛鴦鍋最開心, 唔使淨係就我, 我地都可以揀自己鍾意嘅湯底~佢可以爽食麻辣; 而最愛清新嘅我 今次簡咗期間限定嘅 “木瓜椰皇嫩雞鍋”~我習慣一坐低就 食雪糕 飲啲嘢 食住熟食 warm up , 等打邊爐~ 台灣腸必食呀, 我每次去最少食 3碟~跟餐仲送: 澳洲M9和牛牛丸2粒、海鮮拼盤、任食鮑魚 同 啤酒一杯~牛大人嘅靚肉肉, 一直都咁靚~A4黑毛和牛黑毛豬梅肉海鮮都正, 蜆必叫~今次個湯底有桃膠, 開心養生~每次都會不停encore嘅水蓮菜~期間限定嘅 「炎夏椰樂祭」 啱曬我呢啲椰友~除咗我簡嘅椰子湯底, 小食 . 甜品 . 特調飲品都有椰子選項啊~我地都好鍾意: (圖咗左下)香芋椰漿脆脆 又脆又棉, 幸福味道! 粉桃椰香 同 藍調微風 勁“打卡able “ 呀, 我地自拍咗 n張~ 食食下靚牛牛, 侍應妹妹埋黎邀請我地玩 “知識就是折扣” 啊!抽抽卡 答答題, 好有氣氛呀!我地答中 4題, 頒獎好正呀 貼紙同證書, 仲有彩旗畢業帽可以拎住影相!大愛儀式感嘅我, 食得玩得好開心啊!現場見到好多同學仔齊齊開心食, 原來個DSE畢業季 - 學生狂歡時段, 幾好喎又~ fyi,學生憑全日制學生證, 於星期日至四21:00後入座可享以下優惠: * 「美國特級安格斯」套餐即減$30* 「澳洲極上和牛」套餐即減$60* 「日本黑毛和牛」套餐即減$90…查看更多

今次來到PopCorn的牛大人 餐廳環境寬敞舒適 充滿台灣夜市風情🏮 主打120分鐘日本A4+黑毛和牛火鍋放題 食材新鮮豐富😍期間限定「炎夏椰樂祭」仲帶來多款夏日限定美食飲品🍹㊙️超值優惠 現時有做好多優惠 DSE畢業生憑學生證📚星期日至四21:00後入座 特定套餐即減$30至多達$90👍🏻另外有「知識就是折扣」活動📝答中2題有即影即有一張📸；答中4題即送鮑魚小吃拼盤；答中5題下次惠顧仲有全單八五折優惠😍✨湯底 揀咗鴛鴦特色湯底 喇沙椰爺仲夏鍋🌶️ 椰奶香濃帶微辣好惹味 另外木瓜椰皇嫩雞鍋🥥清甜滋潤好足料 夏日消暑首選💯✨頂級肉品 日本黑毛和牛A4+🐮油花均勻 入口即化 伊比利亞黑毛豬梅肉🐷肉質鮮嫩油脂甘香 每款高質肉類都無限任點👍🏻✨火鍋配料 贈送的澳洲M9和牛牛丸彈牙多汁 海鮮拼盤新鮮豐富🦐鮮甜爽彈既鮑魚任食夠豪氣 仲有多款丸類蔬菜選擇好豐富🥬✨台灣特色小食 椰酥跳跳豬🐖炸得酥香的豬肉條加入爆炸糖口感幾得意 酒糟嫩牛舌 酒香濃郁軟嫩入味😙✨夏日限定甜品 有成個雪糕櫃多款特色雪糕雪條之外🍨仲有期間限定嘅香芋椰漿脆脆🥥香芋綿密 加入椰香濃郁既椰漿同埋脆卜卜嘅椰子脆片口感好豐富✨特調飲品 有幾款雞尾酒特調 試了粉桃椰香🍑蜜桃香甜 椰香清新 仲有特色飲品 椰奶蓋芒芒爽🥭芒果香甜 奶蓋綿密 📍牛大人台灣火鍋吃到飽 (將軍澳) 將軍澳唐德街9號PopCorn 1 2樓PopFood 3號舖…查看更多

難得呢日可以放低兩姊妹👧🏻👶🏻出吓街，梗係要去食餐好嘅，我就揀咗去食牛大人啦🍲我地叫咗120分鐘日本黑毛和牛A4+火鍋吃到飽套餐，今期做緊炎夏椰樂祭主題，湯底有以椰子為主嘅喇沙椰爺仲夏鍋同埋木瓜椰皇嫩雞鍋，我地就揀咗鴛鴦鍋(喇沙椰爺仲夏鍋|牛大人紅燒牛骨鍋)，喇沙椰爺仲夏鍋好香椰子味，牛大人紅燒牛骨鍋味道好濃郁😋日本黑毛和牛A4+套餐主打任食日本A4+黑毛和牛同伊比利亞黑毛豬梅肉，仲會送埋海鮮拼盤同埋每位送澳洲M9和牛牛丸2粒👍🏻好鍾意呢度嘅日本A4+黑毛和牛，勁大塊d油花好靚，食落肉質鮮嫩👍🏻伊比利亞黑毛豬梅肉肉質好軟熟，肉味濃郁😋仲可以任食古法醉鮑魚|炭燒鹽蔥鮑魚|柚子燒汁鮑魚，鮑魚幾爽口😋我地仲叫咗椰子小食同甜品，椰林火山脆薯條配搭香椰火焰醬幾特別，香芋椰漿脆脆面層食落脆卜卜都唔錯，呢個套餐可以無限任飲雞尾酒特調同埋指定啤酒，我地就叫咗兩款雞尾酒特調嚟試🍹粉桃椰香好香桃味，藍調微風椰子味較重。…查看更多