牛人 (已結業)

態度 - 第一次去：同女朋友搵地方食飯，問佢可唔可以坐低堂食。佢指住幅檣話：你望下果到。跟住望望望，哦，搵真d原來幅檣既另一面（外面）有張野貼住不接受堂食。咁唯有走啦。第二次去：佢好似唔驚冇生意咁，行過去話要個2號丫，佢唔出聲，跟住走開左一陣。再行番過黎話：比錢先，等緊你啊。原來一直企係到，你等我我等你，ok，咁比完錢就企係到等啦。而後面有個靚女買佢又出奇地態度唔差啵。跟住等果時見佢眼神好似唔想我係到等咁，咁又唯有走去行下街先。最後番黎，佢未整好，咁我無聊企係側面望下格離補習社d banner design 啦。突然有人「噓。」左一聲，我望下啦，原來佢噓緊我，跟住我就直接拎飯走人。品質 - D包裝係幾有心思既，仲有個小甜品。但最後個飯（2號倍量蔥花果個）d蔥仲少過平時正常係第到食果d...成碗飯少少綠色都冇。…查看更多

諗住支持下小店，第一次食問多句都叫你自己用眼睇，前面嗰個客人仲慘，個紋身男店員答佢我哋有遲無早，唔等得咪食，以為咩高質食物燶到苦既，$70一個食到一肚氣，無下次！…查看更多

呢間鋪頭既牛丼係我意想不到既驚喜佢開係盈豐商場 只供外賣其實以佢價錢黎講要70蚊以呢個屋村範圍黎講 係算幾貴既價錢但因為見到佢既相都好吸引忍唔住買左黎試我叫左辣既究極牛人丼飯同肉有分層 呢樣好細心其實牛既份量真係非常多味道亦令我十分驚喜我係估唔到 咁好食因為佢烹調既牛肉汁係有d似燒烤汁食落好惹味 再加埋七味粉成件事好完美D配菜 唔好浪費全部都食得出有用心醃製 好好食 飯既份量都好多 仲有送一舊brownie 所有野都好好味好希望呢間鋪可以繼續做落去 👍👍👍…查看更多

之前經過見到有間買牛丼嘅食店幾吸引終於嚟咗.去到枱面見到入邊有幾個人大家都好專心玩電話你眼望我眼咁樣過咗起碼1分鐘都唔行過嚟落單終於旅捨到有個頭髮長長戴眼鏡嘅男士過嚟一句野都唔講等我出聲.都知道飲食業依家好艱難所以我都一貫貫徹自己有禮貌嘅態度同呢位男士講: 唔該一個牛丼點知佢一句得埋黎話: 我唔知你講乜(心諗係咪聽唔明廣東話? 我係咪要講Can I have a beef donburi?)我重複多一次: 唔該我想要一個牛丼佢: 講Number啦! 1號2號都有牛.其實2號係蔥花牛肉我都冇講話要葱佢係咪真係完全唔明我要乜呢睇嚟理解能力好有問題更何況限死人地要講Number咪寫出黎囉第一次嚟幫襯邊個會知？一係menu就唔好寫啲中文名出黎啦.攞外賣嗰陣男店員又講返多謝喎突然間咁有禮貌嘅真係好唔慣呀講真真係唔使多謝啦我應該多謝你俾個機會我第一次出劣評.返到開黎食份量好足起碼有7-8片牛肉不過佢Menu寫到明嘅牛人辛味燒肉汁原來就係煮牛肉嗰陣黏啲牛嗰啲汁唔會額外有汁俾你撈飯㗎所以成個飯都係乾啃辛味呢就係加咗勁多七味粉落去就叫辛味爭啲以為呢個係叫七味粉丼…查看更多

此小店在屯門盈豐商場一樓一上電梯行多兩步轉右就看到了這次叫了1號的牛肉飯下單後店員立刻制作食物，即叫即整。食物質素不錯，牛肉juicy,醬汁惹味，飯和肉的份量足。配菜有菠蘿，我個人覺得好像不太夾😂😂送了一小塊巧克力蛋糕，味道也可以。總體來說，表現可以。$70的飯不包飲品在小區來說有點貴。…查看更多

價錢雖然比附近店鋪貴少少但自己覺得味道對得住價錢份量亦飽個人覺得好有心機有heart食落去感受到誠意好味碗牛丼，有齊醃菠蘿、青瓜，同埋大約十大片烤牛肉，味道比得上我在首爾食過的韓式燒烤牛肉！有d似bbq 味，肉汁都ok，最後有細細件brownies，雖然我係叫外賣，食的時候仍然熱的，可見食物質素好，而且有考慮到食客感受。雖然店員服務態度唔係太好 但亦唔算接受唔到（個人覺得係廚師style 吧）第一次寫食評 😂 個人意見供各位參考希望大家都肯支持一下這間誠意小店！…查看更多

朋友讚到此丼只應天上有～🔹究極牛人丼 | 火炙煮豚丼 | 特製雞腿丼塩麴菊花豚肉丼 | 倍量蔥花牛肉丼 $68我全都食過🤰🏻我最推介三款秘製醬汁燒成嘅丼飯，雞髀排第一！雞髀激厚內裡肉嫩多汁，塊皮都燒到少少焦唔會太多肥膏痴住！個醬汁味都好特別，有少少東南亞風味。第二推係豚肉丼，塊肉手掌咁大兼厚1cm，食落去口感極佳，邪惡的油脂成口都係🤤超肥仔！食過幾次有時會覺得燒得太燶，要睇彩數。最後牛丼係高級版牛肉飯，超多牛肉😂有個多蔥版附溫泉蛋，牛肉卷住蔥食，溫泉蛋撈日本珍珠米食，一百分！仲有個dry啲冇汁燒嘅豚肉丼附溫泉蛋，呢個食完冇乜印象。每個丼都有幾款漬物，同埋附送一盒仔青醬畀你點肉食，個醬都超好味，兩樣都好刺激食慾。跟餐有味噌湯，仲有粒泡芙做甜品，抵食！ps 只限外賣冇堂食，個外賣盒分兩層，如果係街食可能會有點狼狽～牛人屯門良德街9號盈豐商場1樓B11號舖…查看更多

本來諗住試新野，詢問男店員有關餐單上的選項！男店員黑口黑面回覆我自己睇menu,再問多一句，都係話自己睇啦！咁嘅服務態度點樣幫襯你！問你2句都咁唔耐煩！請問點樣打開門做生意…查看更多

超級好食🥰🥰🥰只汁超級好食😚😚😚d牛又正又多d牛嘅油脂簡直不得了😚😚😚d配菜食到曬佢d心機完全唔hea唔求其又有甜品🥳🥳真係出面好少見嘅餐廳😆😆😆絕對會番黎繼續食食到好滿足😍😍😍下次會試辣嘅同其他款😆😆😆…查看更多

份量多，起碼有5－6片牛，仲有秘製香葉醬配埋飯一齊食，牛肉有炭烤味，肥瘦適中，多汁有油香，好惹味，會忍唔住食多咗飯! 仲配埋麵豉同兩粒菠蘿，絕對$68絕對超值，值得大家多多支持嘅誠意小店!!…查看更多

一開始來到店面可能會覺得不夠吸引，但當你由一開始幫襯到現在他們在食物的細節位有經過改良，我每一次去都是惠顧招牌菜1號（忘記名字了），一開始他們的外賣就類似吉野X，有一個格層分開牛肉及飯，牛肉上包含一些小菜，令人覺得細心的位套餐內包含湯及甜品，令人覺得整個套餐很完整，當我第二次光顧時 他們格層上的牛肉及小菜有一個格分開了令不同的顧客可以不用怕牛肉沾到不想吃的小菜，而且甜品也更換成小型甜甜圈，所以在這些細微地方感受到牛人的細心位。在食物方面他們的牛是用炭燒 口感非常特別及好食 不是平常的牛肉的煮法 而且他們有一個特製的醬汁非常好食，飯是正常的珍珠米所以不多作評論，但甜品雖小，但由於主食及湯以經會好飽，所以加上小小的甜品剛剛好。非常建議大家去試一下，個人覺得這個價錢有這種套餐非常合理～算是中價位CP值很高。…查看更多

新開幕，諗住有驚喜，點知仲差過吉野家，啲肥牛，無肥牛味，冰先左好耐咁，啲準九唔答八咁，味道一般，價錢又貴，平民地方食啲平民野，都好食過佢......食完一次唔會再幫親，…查看更多

買個碳燒豚肉飯 居然是日式叉燒⋯⋯ 碳燒豚肉不都是豬肉片嗎？而且那個豚肉真的不算好吃，飯也是一般白飯。相比之下最好的居然是附帶的味噌湯和甜甜圈。這附近有很多比它便宜好吃的選擇，不來了。…查看更多

屋企附近越嚟越多嘢食😍睇睇下openrice發現有間新嘅外賣店，lunch諗唔到食咩就嚟咗試下啦😙呢度有五款丼飯賣，有牛、豬同埋雞，每碗都係$68😚另外仲配有麵豉湯同埋甜品，竟然係brownie😍究極牛人丼 ($68)+$10 温泉蛋牛肉大概有6-7塊左右，大大塊都唔錯😚食落去唔係好淋而係但帶點咬口嘅感覺，本身嘅醬汁都幾惹味，所以佢嘅另外附上嘅香草醬我就覺得唔加都得😚啲飯係日本米嚟🍚另外有啲洋蔥酸瓜同埋菠蘿做配菜🧐.味道都唔錯，不過價錢就有少少貴啦😖…查看更多

以這個價錢的話 建生有更多選擇 而且難食 男員工態度亦其差 西口西面 飯沒口感 肉亦鞋口 而且有叔味及豬臭味 不新鮮 以價錢來講實不值一試 以這價錢來說建生絕對有更好更好的選擇..…查看更多