10
2
1
營業時間
星期一至日
11:00 - 22:00
以上資料只供參考, 請與餐廳確認詳情
招牌菜
我不是九龍人，想當年，牛頭角下村清拆，抱著「趁熱鬧」的心情，我才第一次踏足這片快將消失的土地。當時試了好幾間特色食店，牛下真好味是其中一間。還記得當年牛下這一架鹵味車嗎？在牛下清拆了的幾年後，這輛鹵味車，原來無聲無息地重生了，不過，地點卻不再是牛下，而是荃灣。從牛下到荃灣，從路邊檔到上鋪，最大的分別，就是不再獨沽一味只賣鹵味。牛下飯餐、撈麵、芝士撈麵、泡飯，款式多，味道也不錯。或許，牛下精神，就是自我增值的打不死吧。一樣的鹵味，一樣的味道，價錢卻不一樣。物價飛升，尤其是租金，上樓的代價，自然是再也吃不到便宜貨了。尤幸我喜歡的生腸和鴨腎味道始終如一，墨魚也沒走樣，或許我已不太記得當年牛下的味道，也或許在街頭風味永遠也是最好的，今天的鹵味雖好，卻總覺得欠了點甚麼。每天的午餐晚餐都有四款，雖和快餐沒兩樣，卻原來誠意十足。牛下公司炒飯，押上公司名號，外表看來卻有點平平無奇，不過味道卻半點不假。雖然不是大牌檔大酒家，但炒飯依然有點鑊氣，腸仔切片爆香，炒得香且帶點微辣。除了腸仔，還有切碎了的鴨腎，以「公司」來說，材料種類雖然不多，不過誠意味道搭救。蛋包丁丁飯是我的誠意推介，像奄列一樣的蛋包，內裡包著的到底是甚麼？把蛋包輕輕一開，薄薄的蛋皮之下，原來不是飯，是熱辣辣香噴噴的五香肉丁！白飯雖只灑上豉油，但當把蛋和五香肉丁混在一起吃，味道真的很有香港的特色，是Hong Kong style的蛋包飯！雙色豬頸肉飯就是一半芝士汁一半咖哩汁，咖啡沒有過火的辣，芝士也不會太濃太膩，配上幾塊厚切香炸豬頸肉，香色味全。跟餐加錢可轉終極華田，即凍華田灑上大量華田粉，如果大家有去北海道牧場餐廳，相信應該不會陌生吧？人總是失去才懂珍惜，就像牛下，要快將清拆，我才第一次踏足。最近突然想起，牛下重開後，我也光顧了好幾次，食評卻一直都沒有寫，所以才決心整理一下以前的照片，為自己的回憶寫下這一篇食評。自從李慧詩在奧運贏得銅牌後，香港就好像忘記了以前的獅子山精神，甚麼都是牛下精神。雖然意義上可能差不多，但如果這種打不死的精神是這麼容易取代的，那還算是香港嗎？香港人，請勿忘本。
繼續閱讀
之前都聽過呢檔野，今日行過，又餓餓地，又唔想食太多，忍唔住口要試下，唔試由自可，一試永難忘！我自己唔太喜歡食醬，所以只有鼓油only. 沒有調味料既襯托下，總會食得出食物既鮮味！墨魚一入口，爽口無比，好彈牙，唔＂痴＂牙，仲有墨魚既鮮味。個排法唔會拎人有想跌既感覺，老闆特別細心。其他食物未知，但都會想試的。
繼續閱讀
（8﹣6﹣2013 Sat)男友人NT o黎到我屋企後至發覺帶漏o左o野，要去電腦公司買，橫豎我都要請佢食飯，我同男友三個一齊落去，買完就食，原本想帶佢去森美，佢話好貴同佢o個邊都有；咁希奇啦，佢又話之前都同佢女友特登o黎食過。 男友就話牛下啦，男友真係對佢念念不忘喎。NT又冇所謂，咁好啦。我o地o黎到只有一個客，坐低後，男友負責揀滷味小食，NT要o左$30.00o既豬頸肉鮮茄撈麵，加$5.00飲凍檸茶小甜，我要＄32.00o既雙色豬扒飯(咖哩汁＋芝士汁）晚餐，飲凍檸水。男友原來剔o左好多滷味，有成18串 ，分別係：1. ＄8.00串o既牛下墨魚王3串同上次一樣，大大舊又爽口。2. ＄8.00串o既真好味生腸兩串又係同上次一樣口，不過仍有啲啲腥味。。3. ＄8.00串o既鴨腎兩串又係夠爽口。4. ＄8.00串o既豬膶3串膽固醇超高又超平o既o野竟然要為串=.="，NT完全唔食，我就只食一舊，好粉同有啲甘若囉。5. ＄8.00串o既牛（月展）兩串姐姐仔話冇晒，提議轉豬脷，男友話OK，呢個都係爽口o既。6. ＄6.00串o既豬耳兩串一樣係爽，軟骨有啲脆。7. ＄6.00串o既雞腳3隻NT冇食到，男友話爽口。我同NT o既飯麵都到o黎，我o既雙色豬扒飯咖哩味都夠香，咖哩都正常有少少辣，豬扒鬆軟，飯有好多，不過略嫌啲汁唔夠，我食o左一半就畀男友食。而NT o既豬頸肉鮮茄撈麵呢，男友都有食一碗仔，佢兩個都冇乜comment喎，而我就冇試到。男友就後加一支$6.00o既忌廉解渴。我杯凍檸水味道正常o既。之後我o地食唔晒，要打包返屋企，到第二朝我同男友繼續食，原來凍食重好食，我食o左雞腳，果然係唔夠腍，豬膶變得冇咁苦。服務：個女仔放低啲滷味小食時，問我o地要唔要叉，方便我o地將o野食整落隻碟o度一齊食。
繼續閱讀
周六在荃灣商場行來行去，竟然俾我發現當年牛頭角下村的真好味在這兒開店﹗入鋪小店，座位十來個，在門外賣鹵味的依然係老闆娘，仍然是那些年的鹵味車，真係無理由唔入來幫趁﹗猶記得當年一個星期總有一兩天會走到牛下買公仔書，幫趁的就是老闆娘的書報店，每次買完都總忍不住整番串大墨魚及紅腸。也明知老闆娘不記得我，但我也忍不住同佢打聲招呼，說到以前買公仔書的往事，哈﹗老闆娘話而家做報攤十開九死，當然人人上網睇仲有幾多真係會買雜誌報紙？仲記得牛下拆的時候，老闆娘派過咭卡話會東山再起，估不到已搬到荃灣商場入鋪﹗在Facebook發表相片，好多朋友都話好想再去試，我當然樂於為大家提供地址啦﹗大墨魚依舊彈牙好吃，加上甜醬辣醬，入口有著是那些年的感動﹗老闆娘加油啊﹗有機會再到荃灣一定再來幫趁﹗你記得我的﹗
繼續閱讀
辦完要辦的事,就是要填肚的時候!吃晚飯前,在商場見到一個賣橙色鹵味的攤!現在少出旺角吃肥姐,口癮起就買下一串豬頭肉($6)!切得大舊但好醜樣@.@味道不像肥姐賣的好味,不過不失啦!咬下去還帶有一點爽勁的,不過甜醬做不出提味的效果,最重要是,吃起來豬頭肉是暖的!感覺好奇怪@.@不過有個店給你坐,店的汽水是賣玻璃瓶的,不肯定是故意還是意外,但誠意可嘉,不妨一試!吃完時見到,排隊的人可不少呢!
繼續閱讀