牛一 (屯門市廣場1期)

營業中

休息中

價錢便宜，即使晚市都只係$178+1/位，而肉質亦已經好好，肉同飲品亦都係無限添加，係性價比一流既sabusabu。中意食壽喜燒既朋友一定要試壽喜燒湯底，免費有生蛋一人一份點牛肉又係十分出色火鍋配料無限添加，比其他火鍋餐廳特別既係有黑蒜醬油，用黎點牛肉十分入味，再配合埋辣蘿蔔容真係無得頂！ 飲品種類亦都十分多選擇，大小都啱飲到甜品，每期既甜品都唔同，多數係水果味同原味乳酪雪糕，我最深印象係蜜桃味既雪糕好好味！

屯門市廣場嘅牛一有90分鐘火鍋放題， 平時佢可以遙距攞飛嘅，不過宵夜時段即九點半後就只係可以喺門口排隊，今日我哋九點鐘鬆啲嚟到，排隊等左半個鐘就有得入座喇！呢度經常都會有限定嘅火鍋湯底，最近就有韓式牛尾鍋，因為聽到韓式呢個字就即刻擔心會係好辣嘅，所以即刻問店員，好彩係一啲都唔辣嘅🤣🤣不過呢個湯底就冇咩特別喇！我哋揀咗價值$178嘅牛肉同豚肉，而呢度嘅火鍋配料都有好多選擇，例如龍蝦丸，牛丸，豆卜，芝士腸，腸仔，冬菇，木耳，年糕等等，仲有非常健康嘅羽衣甘藍。另外呢度有自助飲品，汽水茶類不在話下，仲有檸檬茶，菊花茶，椰子汁，酒類，都算多選擇！呢度仲有自助嘅乳酪雪糕，成日都有唔同嘅口味，今次就有原味乳酪，芒果乳酪，士多啤梨味雪糕，可惜因為太晏，芒果乳酪已經清左機喇！特別一提士多啤梨味雪糕真係好伏，好難食🤨🤨同埋乳酪配料去到最尾嘅時候已經得返好少。

假日11:30到達，好多人呢段時間到達，都一心想食60分鐘套餐，點知... 貼出告示，改左規則：星期六、日及公眾假期60分鐘套餐，由原先11:30-16:45 改為 15:00-16:45 ！個個企係門口商量完後，人都到左，照食啦！食多30分鐘，價錢貴一倍，佢呢招公關策略都幾絕！講返食物：質素係唔錯嘅，雪櫃內嘅飲品大部分我都唔識，選擇比以前少左好多！當日的雪糕及乳酪雪糕🍦溶得好快！依家冇飲管供應，響應環保為名，慳錢為實，牛一又賺多咗喇！可以貼出告示通知，公告天下不供應飲管，因為在場好多人不停搵飲管！

已經同friend 食過many times la!呢次係第一次想打番個食評哈哈。佢一到晚上就超多人排隊，試下等左成兩個鐘先入到。不過佢d牛同豬都好好食。雪糕又多種類。所以先encore左咁多次。Good taste!

屯門嘅牛一日式火鍋長期都要等位，或者係因為屯門只得呢一間日式火鍋店，所以呢一日我地特地早啲到，大概6點黎到就唔洗等位，今次我地選擇左$158套餐，有美國牛肉及豚肉嘅放題，限時90分鐘，牛肉肉質真係唔錯，雖然唔係最貴嘅套餐，但牛肉一啲都唔肥，豚肉就正正常常，無咩特別驚喜，配料方面亦有好多選擇，仲有咖哩飯同白汁飯，咖哩同白汁做得唔錯架，一啲都唔hea最後仲有15分鐘，侍應就提醒我地埋單同埋食雪糕，呢到嘅雪糕係乳酪雪糕黎，可以自己拉想要嘅份量，亦可以加自己喜歡嘅配料，原味乳酪雪糕正啊讚

牛一出名多野揀 豬牛又任加唔嬲 所以我成日同朋友尼 佢既curry rice好惹味 仲有好多唔同配料可以mix and match 最欣賞佢夠多野飲仲有yogurt食 不過dinner比較多人

今日同同事食晚飯，同事想烚下烚下，6點幾牛一唔洗等位，就決定食牛一。我地叫了$158(加一)美國牛肉+豚肉，湯底叫了季節限定的韓式牛尾湯。豚肉和牛肉都可以任叫任食，薄薄一片，可以食多幾片。韓式牛尾湯湯底比較清淡，自助吧的配料尚算豐富，比較多菜類及丸類，菜新鮮，丸類我最喜歡就是那粒黑色的丸，應該是豬肉丸，彈牙有肉汁，好味。最後當然要食乳酪雪糕，我每次最少都會吃三杯，夠凍而且乳酪味夠濃，當日還有桃味的乳酪雪糕，味道不錯，但始終最愛吃原味。

因為做野夜收工，就打算去平時排隊排到死嘅牛一打邊爐。果然，平日夜晚9.30可以直接walk-in。因為即興，冇留意openrice原來做緊優惠，有優惠卷拎(食完先知)，洩咗！我地喺reception 拎位時都已經有問職員呢段時間會唔會有咩優惠，職員話冇，所以就冇理到，簡完湯底同套餐就入咗去。嗌咗15x果個餐，2個人，最後2人埋300幾蚊，任食，其實真係抵。特別推介個炸魚皮，以為放左成日，抱著試下心態，點知仲好脆，浸一浸落d湯底到，正！ 平時經過食飯時候都多人到死，今次夜d嚟，仲差3分1枱就坐滿，唔會多人到又嘈又逼，夜啲嚟食下野都幾舒服。

屯門市廣場嘅牛一餐廳有90分鐘任食嘅火鍋放題，有唔同嘅價錢可以選擇，今次就揀咗$178嘅牛肉放題，做咗會員仲可以用八五折嘅優惠券，同時亦可以儲分，每食滿兩蚊就有一分，而且佢平時亦都有好多唔同嘅限定湯底，最近佢就推出左冬陰公湯底，見到隔離枱食緊都傳來陣陣嘅冬陰公香味，而我哋就揀咗番茄濃蝦湯底，雖然佢嘅番茄味唔係好濃郁，但係佢有好多唔同款式嘅小食都已經好足夠了。有腸仔，臀肉，牛肉，芝士腸，蟹子丸，魚蛋，墨魚丸：牛肉味道濃郁，可以無限添加：同事亦有唔同嘅蔬菜類別，例如：粉絲，冬瓜，蘿蔔，粟米，冬菇：最吸引到我嘅係佢有甜品自助吧，今次限定嘅雪糕味道，就係宇治抺茶雪糕，另外仲有最經典嘅原味乳酪雪糕同埋香芋雪糕，toppings 仲可以無限添加架：

-🦄牛一Nabe One-極上美國牛肉+豚肉 Hkd178星期六/日+Hkd10 混合湯底+Hkd18Rating🌕🌕🌕🌕🌑-星期日果然邊度食都咁多人😩今次食牛一等咗成個鐘😴下次應該網上攞定飛先wura😪首先講吓個湯底先🙈🙈今次簡左壽喜燒湯底🍽即係日式醬油湯🙌🏻同干貝湯個人認為壽喜燒湯底有啲鹹😰而干貝湯入面就有超級細粒嘅干貝😀細到差啲睇唔到ha 同埋味道就比較清淡唔中意重口味既人簡呢個都唔錯既🤤🤤之後就叫咗兩個極上牛肉+豚肉套餐🐷肉類係無限添加既👀感覺好似好抵咁而出面就有自助火鍋配料吧有4-5款嘅蔬菜 丸類 餃子 芋絲等等👣超級多選擇 仲有最重要嘅麵類🍜🍜有煙韌嘅烏冬同紅薯粉🤧仲有蕎麥麵同蕃茄麵🥫🍝而我就推薦食粉絲😍食咗成碗都仲未夠候haha🤤佢啲牛肉同豚肉都幾正 牛肉都幾大塊下嘅😽而且食落都幾淋👍🏻👍🏻完全唔會話太韌脂肪分佈得幾平均下nice😛😛不過豚肉就一般般啦🐷係都幾好食既😗但相比下就差咁啲但係如果你要添加肉類嘅話佢都淨係畀番啲cheap嘅牛肉你食😭😟唔係一開始個啲咩正野😠😠喺醬汁方面 配料吧嘅頭同尾都可以自選醬汁🧐🧐而且選擇都幾多下😝可以自己左溝右溝ha飲品方面可以任添汽水 茶

牛一岀名又平又抵食！如果你叫最平嗰款肉 中午一個人唔使$100！！亦都因為佢咁平嘅關係 通常都大排長龍 好多好多人去食！如果唔係預先攞位 都要等around1個鐘🤔🤔所以提議大家早少少去攞位！我最鐘意唔系既打邊爐！而係佢嘅咖喱飯🍛就算知道食飯係唔抵 都忍唔住要食佢既咖哩真係煮得好好食🤣🤣第二樣最鍾意嘅就當然係佢嘅任食乳酪每次都會食起碼兩碗先走！因為自己出去買乳酪都幾貴💁🏻‍♀️💁🏻‍♀️ 呢度仲要可以自己仼加爆爆珠同其他水果

平價的日式火鍋放題牛一食過很多次，因為好味，每次都沒有寫食評，今天就寫一下。我自己真的很喜歡這裡的火鍋配料，種類豐富，有很多選擇。有羽衣金蘭、有蟲草花、有不同款式大量的蔬菜，包括：生菜、通菜、油麥菜、韭菜、小棠菜、紹菜、青/紅/白蘿蔔、南瓜、冬瓜、節瓜、苦瓜、番薯、牛丸、魚蛋、魚腐、餃子、腸仔、豆腐、玉子豆腐，幾款麵類，還有白飯配咖喱汁、牛肉碎炒飯，甜品有軟雪糕和乳酪雪糕，配有大量台式配料給你自由發揮，任飲汽水、啤酒、茶及紙包飲品。人均消費$100-以內，心動？心動就去食啦😍

中午幾個朋友一齊去食，揀咗美國極上牛肉，初時有三盒牛肉，一盒豚肉，食完又叫咗三盒牛肉，d肉都冇問題。後來加多六盒，咁就有問題了，d肉上來個樣已經唔同之前咁靚，夾咗半盒試，成口渣，根本吞唔落，叫咗個男侍應過來，話唔要了，d肉跟本唔同之前，佢乜都冇講即刻將剩下所有牛肉拿入廚房。希望佢不要再拿出來俾其他客人食，好唔衛生。又話放題，後面d肉質根本唔同，個樣比凍肉舖的平價肉仲難睇，再都唔會去食！

平時想打邊爐 但又唔想去酒樓好多時候都會去牛一但每次都起碼排一個鐘以上今次🐷女一早用 @theguluhk GULU App拎飛就等左45分鐘左右😜.我地揀左$178 一位極上美國牛肉 豚肉係可以無限encore 架😍！牛肉肉質鮮美嫩滑 雪花分明❤️湯底揀左鮮番茄🍅濃蝦湯😋配菜可以出去自助添加款式應有盡有 今期特別多咗蟲草花😍😍 即刻拎左好多用嚟熬湯底🤗仲有自助甜品機可以吱雪糕🍦🍨滿足哂大人細路仔！

已經有一段時間冇食牛一了近排路過想話再同朋友一齊去食點知入面既野食成日都唔REFILL 長期有3~4樣野食係既位置係吉左問D職員有十問九唔應呢間餐廳我由佢開既時候已經開始食 之前D用料好新鮮 之後太多人食 連牛肉都差左我鐘意食既金菇同埋白色個魚餅成日都冇我試過食個半鐘都完全冇見過呢兩樣野問D職員就成日都話轉頭會出唯一有一樣野比之前好就係個雪糕可以用外賣杯我唔使座定定係度食埋先走雖然咁樣做冇咁環保 但係可以節省左時間 希望可以有所改善啦~~~~