57
8
6
港鐵太子站 B2 出口, 港鐵旺角站 B1 出口, 港鐵旺角東站 C 出口 繼續閱讀
所有分店 (7)
電話號碼
31041000
開飯介紹
日式放題火鍋牛一,提供多款優質肉類選擇,如美國牛肉、澳洲同日本和牛等,更供應幾十款鍋物配料,啤酒汽水及軟雪糕/乳酪等任飲任食。 繼續閱讀
營業時間
今日營業
11:30 - 23:30
星期一至日
11:30 - 23:30
付款方式
Visa Master 現金 銀聯 支付寶
其他資料
酒精飲品
加一服務費
當面支付
食評 (82)
抵食之選 焦點食評
等級4 2017-11-27
12507 瀏覽
呢間係表弟之前食過話OK加見天氣轉涼, 約食飯地點就去左呢間好在早到拎左飛等一陣就可以入座, 通常到左七點後就要等好耐門口已掛出有邊幾款肉類級數價錢, 入座前接待員會問左你食邊款及要咩湯底, 慳番D時間我地今晚要左極上美國牛肉, 豚肉 ($178/位), 配昆布清湯鍋基本上牛肉及豚肉首次會每樣送上2盒, 切得好薄, 方便烚一陣就食得極上美國牛肉肉色靚仔, 唔會好肥, 食起上黎唔會嚡口另外個豚肉亦呈現嫩紅色, 亦都唔會有好多肥膏, 比牛肉烚耐少少已OK, 無豬"SO"味除左肉類, 其餘丸, 菇, 菜, 麵/烏冬/紅薯粉等就自己出去食材配料區拎蔬菜種類都算多, 連羽衣甘藍都有, 驚喜位有紫蕃薯及昆布結飲品亦係自己出去斟, 有汽水, 紙包飲品及菓汁飯品甜品係自助雪糕吧, 有4款味道比你選擇, 仲有配料比你自己加, 好滿足呀.................咁多野食, 90分鐘都幾快過, 總括黎講回頭率都幾高! 繼續閱讀
(以上食評乃用戶個人意見 , 並不代表OpenRice之觀點。)
又打邊爐 焦點食評
等級4 2017-11-12
1249 瀏覽
之前都係去尖沙咀嗰間食開,午餐$118,90分鐘,真係好抵食。而且試過好多同類型既限時任食火鍋,牛一真係最多選擇,所以亦最鍾意今次終於黎太子分店試試,因為3:30pm關係,等左10分鐘就可以入座,入座時經過火鍋醬料,汽水櫃,火鍋配料,真係好急不及待我地試左季節限定既杏汁鰹魚湯底,仲好怕會好大陣杏汁味,e...冇喎,唔太咸太濃,ok..我地揀左最普通既牛,都好靚架,唔會肥膏多過肉,呢個價錢真係值架到野飲,有3種熱茶,汽水機同汽水櫃(盒裝菊花茶,山楂蘋果汁,檸檬茶,青檸梳打水同啤酒),仲有2部雪糕同乳酪機,傍邊仲有配料好似Q果,朱古力粒等等到醬料,都好多選擇,有柚子醋,胡麻醬,日式醬油,辣黑蒜醬油,一味(辣),蒜泥,辣椒,蔥粒同大蒜等等到火鍋配料,有麵筋,豆腐卜,豆腐,腸仔,芝士腸,麻糬丸,海膽丸,牛筋丸,板丸,魚旦,萵笋,籮白,海帶,南瓜,蕃茄,粟米,大蒜,羽衣甘藍,白菜,生菜,木耳,魔芋,芽菜,甘針菜,菇等等,真係多到我都唔記得呢到真係岩哂我地啲咩都鍾意食少少試少少既人,種類真係比好多同類型既火鍋店多,總有野岩你食 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-28
1485 瀏覽
而家咁多日式火鍋放題餐廳, 但係成日都仲食呢間, 因為覺得佢野食質素OK, 選擇算多, 同埋有我鐘意食嘅麻糬魚腐. 之前關於呢間餐廳寫左篇"好不好吃除看餐廳還得看同行對象", 而呢次係我最後一次黎, 因為"好不好吃除看食物還得看侍應嘴臉", 呢到啲侍應真係接受佢唔到, 衰到我覺得唔用廣東話寫都表達唔出佢份衰格!其實食呢啲放題餐廳都唔要求啲乜, 呢到叫人攞肉同加水唔容易, 但係叫幾次等下最終有做都接受, 所以之前無提. 最後呢次黎食, 除左呢個問題, 作為侍應就算點唔鐘意啲客, 都唔好係其他客都聽到嘅情況下數臭其他客, 你咁有怨念, 真係怕你睇唔開係啲野食到加料, 而最離譜最接受唔到係, 食到最後畀啲侍應當乞衣咁趕. 我知呢到有限時, 如果係夠鐘前兩三個字有侍應提一提我, 我好樂意準備好離開還枱, 同埋好多時餐廳就算夠左鐘又有位多都未必要還枱, 我又試過Lunch黎食過鐘都無人趕, 但係呢次忽然有件女黑面神衝埋黎話"都已經食左成兩個鐘, 你去埋左單先". 其實我唔會自己計住食到夠鐘未, 呢個係你工作唔係我工作, 唔好一衝埋黎就好似我食多左你野欠左你, 命令我去埋單. 仲有又係佢話埋左單先, 我當時以為佢意思係埋左單先畀我地坐多陣, 有時食飯啲侍應都會叫客埋左張單先, 唔係要求客人即走, 咁我就去拎少少乳酪想影張相食兩啖. 之後佢見我拎野食又再衝埋黎話"你仲食, 你仲食我要加你錢嗰喎", 嗰下真係覺得畀人當乞衣咁趕, 我即刻放低乳酪拎袋走.其實如果侍應指示清晰有禮貌, 我願意合作, 即走無問題, 但唔好一衝埋黎就用啲勁mean嘅語氣同西面畀消費者!說到底這是食評網站,所以還是會說回食物去,說實話這裡的食物相對價錢合格,不過身在美食之都,選擇綽綽有餘,犯不着為了這一點食物委屈自己。每次來吃都選擇蕃茄豚骨湯,因為這款湯底最少人排斥,總有些人不吃辣或是不吃芝士,豆乳湯、昆布或干貝清湯又不是很多人感興趣,然後相對蕃茄蝦,更多人喜歡蕃茄豬,後來已習慣性選擇蕃茄豚骨湯。從第一次來吃覺得蕃茄味濃郁,到後來越來越淡,自取蕃茄放進湯裡增加蕃茄味,但對此不太介意,因為火鍋湯會在煮過其他食物後變濃郁,而且食物都會蘸上醬汁,所以從來沒打算換另一種湯底。選了最便宜的美國牛肉 ‧ 豚肉,每位成人$118。因為選的是最便宜,所以也沒有對質素抱有很大期望,牛肉薄而粗糙,豬肉相對牛肉好一些,口感比牛肉稍為軟滑,豬肉與牛肉均有肉味,雖然不濃郁,但尚算乎合它的收費。因為豬肉比牛肉好吃再要了一盤豬肉,可是相對第一盤紅潤的豬肉,這一盤是泛着慘白。即使心知肚明付的錢不多不能要求太多,但是這一盤豬肉是接受不了,它不只比牛肉粗糙,而是粗到硬,吃了兩片放棄。熱食有和牛炒飯與日式咖哩配白飯,也可以自組成咖哩和牛炒飯,不過為了留胃吃火鍋沒吃。火鍋配料選擇多,蔬菜不只放一排,很適合與吃素的朋友來,這是我以前喜歡牛一原因之一。蔬菜新鮮有我愛吃的萵荀與冬蟲花冬蟲花口感有點像金菇,但是更軟滑有彈性,所以又有點像爽口的麵條,口感討我歡心。 牛筋丸爽口嚼頭好,做到牛筋丸該有的質感。花枝丸則差多了,沒彈性,明顯是麵粉之類的成份下手太重。這是我最愛的麻糬魚腐,外表像方形炸魚蛋,夾着帶甜的麻糬。牙關先穿過炸魚蛋般的彈性,再纏上麻糬軟糯口感,口中最後落下一絲甜,質感層次豐富,那絲甜又討人歡心。不知道這個叫什麼名字,大概是魚腐丸之類的東西,口感實在又兼備柔軟的一面。這個魚肉板燒跟前面提及的魚腐丸相似魚肉板燒的口感比魚腐丸軟上一級,兩者比較,我更喜歡嚼頭好一些的魚腐丸。旁邊放着的年糕是必吃品,它沒有麻糬那麼軟,嚼勁更好,牙關特別喜這種柔軟不失結實的質感。這個日式葛絲又是不可不嚐晶瑩剔透的麵條又滑又彈,它的韌性比常見的麵條要強,總是被嚼頭好的食物臣服。除了食物選擇多,醬料的選擇目測不少於十款,吃火鍋就是要使用醬料發揮畫龍點精之效。生蒜、辣椒、大葱是我的必備組合,芝麻醬是萬用醬,配什都好吃,也愛用柚子醋,提鮮效果一流。之前吃過一些日式火鍋放題並沒有提供罐裝與紙包飲料,店裡只放着汽水機,這裡兩種都有,而且提供罐裝啤酒。店裡大多是沙發座位,座位寬闊舒服,環境光鮮整齊。還有一排佈置得像獨立小屋的座位,私人空間感更好。身在一個物質豐富的城市,吃是遠遠超越求生所需,它更加是一件舒心的事情,是一種心靈慰藉。若然需要受氣,再出色的食物也無法彌補,祝願那位女員工永久失業,不要拉低行業的服務水平,多謝合作。 繼續閱讀
(以上食評乃用戶個人意見 , 並不代表OpenRice之觀點。)
牛牛打邊邊 焦點食評
等級4 2017-07-24
7802 瀏覽
8號風球下晝唔夠兩點就落咗.......本來想去書展.....點知聽講話條人龍幾千人.....不如走落旺角食嘢算數....正值去聯合廣場買嘢.....加上又落雨.....最後去咗始創中心搵嘢食睇吓有乜正嘢先其實本身我唔食牛肉....當一睇到呢一個鋪頭名我根本冇興趣入不過原來老友呀有豬食咁就冇問題而且話都幾抵食添我老友鍾意食牛當然嗌個鴛鴦鍋佢有佢食我有我有我食齋因為今日初一嘛就算我食齋都有幾多選擇有幾款菜不過如果計整個層面....嘢食種類又唔係太多不過話時話就算食齋呢度都算幾適合因為佢真係有好多唔同嘅素食俾你選擇只係肉類就真係少啲啦....最多係丸類啦到咗我至愛嘅出場時間淨係雪糕我都可以食三杯可以講食佢嘅雪糕都回本其實每個人都係$140左右.....已經唔算太貴啦....比我嘅份量.... 食少少肉多多菜.....👻👻👻好似今次我老友一個人食兩盤牛....我自己就食咗好多好多菜加埋雪糕都叫做幾滿足啦 繼續閱讀
(以上食評乃用戶個人意見 , 並不代表OpenRice之觀點。)
等級3 2018-06-11
416 瀏覽
星期六行完街突然間想打邊爐就諗起牛一了 當日拎咗飛大約等45分鐘到就有得食啦 我自己都幾鍾意黎牛一打邊爐, 百幾蚊嘅價錢黎講佢哋嘅食材算唔錯, 我哋點咗美國牛肉,豚肉餐平日$158 一位,, 但係星期五,六,日及公眾假期晚市每位另加十蚊。一入到去坐低店員就會送上兩碟肥牛&兩碟豚肉, 仲有鍋底,跟住我哋就可以出去出面攞嘢食啦😋😋 出面有唔同種類嘅食材,菜類,丸類, 麵類, 醬料, 飲品, 如果想再添加肥牛及豚肉就要落單等店員再次送上。 不過佢哋上菜效率都非常之快,抵讚!有各式各樣嘅丸類, 我最鍾意食佢哋嗰度嘅新鮮淮山同埋冬菇肥牛薄切入口即溶豚肉都唔錯 顏色紅潤又唔會太肥我哋叫咗淡十勝芝士豚骨湯最後點少得食雪糕呢今次仲送咗張100蚊嘅coupon, 所以我好快又會再來幫襯呀 繼續閱讀
(以上食評乃用戶個人意見 , 並不代表OpenRice之觀點。)