牛一 (生發大廈)

7月14，在太子涼茶鋪金魚街附近搵癲拿，見到牛一，加上職員落力sell＜放題有88折＞，計落等於免加一，所以我倆在此晚餐。面積不算大，自助系列常見的的菜呀～肉呀～粉麵～丸呀～甜品雪糕茶啡汽水都有，連咖哩牛肉飯清酒都有。還有喜歡溏心蛋，紫蕃薯，韮菜花，羽衣甘藍。選擇最便宜的198放題包五款肉，自己剔除雞肉，其他都有Order。 取來大量青菜放在鍋裡，再鋪上Choice牛肉，豬梅花，綠色撞紅色，靚！用蝦眼水慢慢煮，慢慢地等肉肉變熟。以肉肉卷著韮菜花一起享用，保證不肥膩。韮菜花，See you tomorrow！最後要食雪糕和豆腐花作句號。原來八點半後入座，仲抵！78折！最喜歡這個隔油撈撈，撇除油脂更健康。…查看更多

今日帶咗小朋友去金魚街睇金魚行到肚餓諗住求其食間嘢點知突然有人派咗張$100現金券俾我咁着數梗係即刻上樓試吓啦壽喜燒湯底壽喜燒湯底看似容易實質比例好困難呢一間壽喜燒湯底比例好好唔會太鹹亦唔會太甜加上新鮮嘅食材完全吸收晒湯底嘅香味海鮮拼盤每位一份嘅海鮮拼盤本來以為任食火鍋嘅海鮮應該好流點知佢隻蝦好爽脆生蠔厚肉鮮甜帶子唔會黐牙啲蜆亦都處理得好好冇沙的環境好舒適拎食物嘅時候地方都好闊落而且熟食都有好多選擇火鍋食材選擇亦都好多而且服務員好貼心咁安排位置俾我哋坐卡位好闊落大人同小朋友都食得開心…查看更多

🍚 今日嚟到太子搵午餐，朋友推介試吓「牛一 nabe one」嘅下午丼。Lunch Set 選擇唔少，我揀咗招牌推介「葱蒜塩汁燒牛舌丼」，另外朋友就揀咗「日式和牛咖喱丼」。丼飯本身配有半熟蛋、花椰菜，仲有細細碟泡菜或海帶芽。牛舌丼方面，牛舌夠厚身，燒過後焦香四溢，葱蒜調味亦夠惹味，唔會蓋過牛舌本身風味。咖喱丼偏日式風味，唔係港式辣嗆口果隻，偏甜帶洋蔥味，和牛份量算唔少。🍛 配菜同樣係西蘭花＋溏心蛋，整體味道唔錯。另加$18可以任飲60分鐘，選咗手搖茶，味道出奇地清新解膩，自助區選擇算多，睇得出有心思。✅性價比方面：以太子區、48蚊起嘅丼飯仲包配料+飲品，其實CP值唔差。適合快速簡餐，會回訪。…查看更多

今次午後來到太子「牛一」，點了兩款人氣丼飯：照燒雞扒丼和豚肉生薑燒丼，加上手搖茶套餐，非常適合想吃得簡單又滿足的朋友。雞扒丼的雞扒煎得金黃香脆，外層照燒醬微甜不膩，搭配溏心蛋與西蘭花，整體口感層次豐富。豚肉生薑燒丼的肉片嫩滑，生薑味道濃郁但不嗆，超適合下飯。兩款都可以選150g或350g份量，配白飯任裝，性價比很高！點餐時可搭配特調飲品，我這次選了微糖的手搖茶，清爽解膩，完美收尾～整體體驗非常不錯，環境乾淨，出餐快速，還有自助醬料區非常貼心，推薦給喜歡日式簡餐的朋友！…查看更多

之前喺屯門市廣場食過，覺得價錢食物都唔錯！知道牛一24年開左係太子，所以過來回味下先。呢度個場地方唔算太大，裝修算普通唔算好精緻，不過個天花就差啲有待改善～定量：日本豚肉、羊肉、美國prime牛肋眼、海鮮四品自助吧及甜品飲品：丸類、菇類、蔬菜、瓜類紙包飲品整體黎講肉類、丸類等食物味道很不錯，紙包飲品略略遜色～侍應姐姐雖然好忙，但都好禮貌招呼～依家太多日式和台式火鍋店火鍋店，要突出重圍都真係要多多努力，除左要價格親民之外，最重要是食物質素和服務～…查看更多

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯我自己就鍾意食放題，因為乜都可以試吓。今次就到訪位於太子嘅「牛一」新店，晚市$388就可以試晒刺身、小食、肉類、海鮮、手搖飲品，真係可以食到飽。［無限」七品肉七点海の幸 $388湯底總共有八款可以選，我就選擇最具人氣嘅花膠膠原蒟蒻「美肌鍋」。入面真係有多塊大花膠，可以修復吓我啲皮膚。小食、刺身然後會送上六款嘅小食，如章魚丸、溏心蛋等等。而刺身方面，就有帶子、龍蝦、拖羅、蔥花拖羅蓉等等。我自己就最鍾意龍蝦肉，顏色夠雪白又鮮甜。肉類總共有七款選擇，美國頂級Prime牛肋眼/美國殼飼牛/牛五花/日本豚 豚五花/羊肉/雞肉。個人口味首選美國牛肋眼，除咗油花豐富之外，仲勁多肉汁。海鮮同樣有七款可以揀，原隻鮑魚/原隻蠔/活海蝦/日本元貝/墨魚滑/ 蜆 時令の選。原隻鮑魚就最新鮮，仲有嚼勁添。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯ 牛一 (生發大廈) (太子)太子西洋菜南街218-220號生發大廈2樓 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯#Eatwithcouple_太子#Eatwithcouple_火鍋“我作為這些相片的創作者，擁有相片的著作權和所有權。未經我的授權，任何人不得以任何形式銷售、轉讓或利用這些相片。” #hkfoodie #foodiehk #hkfoodies #hkfood #hongkongfood #hkfoodblog#hkfoodblogger #foodphoto #hkfoodlover #hkigblogger #hkigers #hkinfluencer #hkig #hkblogger#香港美食#香港探店#香港美食推薦 …查看更多

牛一海鮮鍋太子分店正式營業喇🥳！今次我同男朋友率先去咗食佢哋嘅無限七品肉放題套餐，食物質素高序餘，選擇都好多，仲係無限時任食嘅添😍🍲 自選鍋底或免費升級花膠膠原蒟蒻鍋我哋揀咗花膠膠原蒟蒻鍋，湯底真係有幾塊大大塊嘅花膠㗎，好滋補💕🥩 七品肉放題今次揀嘅七品肉放題仲可以任食以下七款靚肉：美國頂級Prime牛肋眼、美國殼飼牛、牛五花、日本豚、豚五花、羊肉、難肉！款款都好靚仔😍 我最鍾意美國頂級Prime牛肋眼同殼飼牛，牛味香濃又肥瘦適中😋 仲有羊肉唔腥，雞肉都夠滑！🦐 七点海の幸（海鮮）放題放題仲有七款海鮮😍 包括原隻鮑魚、原隻蠔、活海蝦、日本元貝、墨魚滑、蜆、時令の選，超級豪華啊🥰 啲海鮮全部都好大隻好鮮美㗎🥰 鮑魚、蝦、元貝係我最愛！🍡 特色小食、甜品有好多特色小食同甜品可以叫㗎😋 仲有紅豆綠茶刨冰🍧勁好味！…查看更多

好多時去任食邊爐，食到嘅海鮮都係普普通通，冇乜大驚喜🫡而今次我去呢間嘅任食海鮮真係好優質‼️野生黃鮑魚比平時食到白色嘅更加軟稔！蝦肉大隻鮮甜厚實，仲要係串好方便淥😘仲有淥熟嘅蠔都保持好軟滑🦪蜆肉好飽滿鮮甜無沙，好少可食到咁好食唔腥嘅蜆🙏🏻而且全部都係任叫，如果想保證打邊爐食到靚海鮮，不妨一試🏃🏻‍♀️[無限]✨七品肉之五点海の幸無限時放題✨成人 $388/位小童 $288/位呢個餐嘅湯底可以免費升級花膠膠原蒟蒻鍋，我仲雙拼咗人氣嘅蕃茄湯底🍅七品肉放題🥩美國頂級prime牛肋眼/美國殼飼牛/牛五花/黎日本豚/豚五花/羊肉/雞肉Prime 牛肉同日本豚肉味都好香濃，好吸收湯汁七点海の幸(海鮮)放題🦪🦐🐙原隻鮑魚/原隻蠔/活海蝦/日本元貝/墨魚滑/蜆/時令の選/海膽餃子全部都好大隻同新鮮💯💯海鮮控必到‼️‼️特色小食・無料追加かき(追加日式刨冰🍧）(2位一客，4位兩客，如此類推)估唔到會有抹茶紅豆刨冰送🍵🫘刨冰賣相一流，都算綿密，不過未係我食過最好食嘅，但入面都好多紅豆🫘、朱古力碎，放題店黎講真係幾有誠意🫶🏻小食任叫🥟🍗泡菜、中華沙律、味付螺肉、胡麻冷豆腐、黑松露溫泉玉子、章魚燒、炸雞塊、炸日式餃子、地瓜球、炸牛奶、越式春卷、椒鹽燒賣免費刺身🍣一坐低就會送刺身船，全部都好新鮮✨2-3位：每位贈送三点刺身 （拖羅x3片 + 帶子x1隻 +碎蔥拖羅）4位以上：每位贈送四点刺身（拖羅x3片 ＋赤蝦x1隻＋帶子x1隻＋碎蔥拖羅）4位以上預訂：額外送澳洲活龍蝦半隻🦞（需一日前預訂及支付$300訂金）自助區有任食鍋物配料、牛肉咖喱、豆腐花、乳酪雪糕同飲品任飲~🌟而家下載Storellet app 登記做牛一會員，由8月1日至31日，會有3款會員限定優惠🌟👇🏻優惠指定於太子分店 牛一海鮮鍋使用👇🏻1️⃣ 星期一至五午市，免收加一服務費2️⃣ 晚市惠顧2位人氣餐，每位送原隻蠔一隻🦪 (本身人氣餐$288 一位係無蠔～但有活海蝦/日本元貝/墨魚滑/蜆任食)3️⃣ 晚市惠顧4位無限餐，即送龍蝦半隻…查看更多

好耐冇食火鍋放題啦！今次同朋友嚟到「牛一海鮮鍋」的太子新店😍😍餐廳主打無限時火鍋放題，可以任食牛肉、豬肉、雞肉同海鮮！店內環境寬敞，店員服務態度都好nice，值得推介❤️❤️🍲無限七品肉放題 $388/位✨-店員會先送上小食拼盤同刺身，等大家開開胃～～小食拼盤賣相豐富，有炸雞、黑松露溏心蛋、中華沙律、螺肉、章魚小丸子等，味道都唔錯😋😋刺身都好新鮮，包括有拖羅、帶子同碎蔥拖羅～拖羅肉質肥美鮮甜，啖啖油脂香！好食！！食完前菜就到火鍋啦！湯底方面，我地揀咗「干貝櫻花蝦🦐」同「中華麻辣2.0🌶」～兩款味道濃郁，我就鍾意櫻花蝦湯底多啲🤤🤤肉類方面，可以任食美國頂級Prime牛肋眼、美國穀飼牛、牛五花、日本豚、豚五花、雞肉等～超多選擇！！當中至愛「美國頂級Prime牛肋眼🐮」！牛肉肉質軟嫩juicy，重牛味～油脂分佈均勻！！除了牛肉，仲有海鮮可以任食🦐！包括原隻鮑魚、原隻蠔、活海蝦、日本元貝、墨魚滑等～全部都好鮮甜，我同朋友encore咗好多次👍🏻👍🏻最後就到甜品啦，估唔到佢地有提供日式刨冰🍨！刨冰質感幼滑，抹茶味香濃～裡面仲有朱古力脆脆同紅豆等配料，口感層次豐富！！另外自助區仲有多款火鍋配料、熟食、小食、飲品、雪糕、沙冰等可以任飲任食，今餐真係超飽肚🤣🤣🌟P.S. 為慶祝牛一海鮮鍋 太子分店正式營業，由8月1日至31日，推出3款會員限定優惠：1️⃣ 星期一至五午市，免收加一服務費2️⃣ 晚市惠顧2位人氣餐，每位送原隻蠔一隻3️⃣ 晚市惠顧4位無限餐，即送龍蝦一隻…查看更多

地方有啲難搵，因為喺一啲非大型嘅商業大廈入邊，好在出邊有個牌，如果唔係都唔知呢度有間牛一。因為係新裝修，坐得都舒服，通風又夠，地方乾淨，食物質素OK，蜆同牛好食😋。我食嗰個海鮮餐啲蠔都OK，蝦都好大隻實肉。 湯底都係嗰啲味道，冇乜嘢特別湯底。店員速度快，有笑容，服務算係四星以上。但係掃code落單蜆居然要一隻一隻落，而且未每次淨係可以落四隻一張單，希望可以改善。嘢飲有驚喜！果茶好飲又唔會太甜會再幫襯…查看更多

湯底同食物味道好，職員態度親切，服務態度非常良好，絕對會再去！！ 我哋食嘢前要求換位因為隔離枱大陸人講嘢太大聲，職員好好態度幫我哋換位，解釋清楚每個set有咩唔同。 …查看更多