牛の鍋日本料理

作為火鍋放題控，今次真係試到唔捨得走～唔單止無限時任坐，仲誇張到有超過200款美食，除左基本火鍋配料、由刺身、即撈海鮮到串燒、甜品、飲品樣樣齊，仲要一人一個湯底唔使爭，真心超抵！我哋揀咗C餐，一坐低就衝去即撈海鮮區，大頭蝦生猛到彈水花，仲有海蝦、蜆仔游緊水，即撈即煮鮮到爆燈！自助海鮮吧更加係估佢唔到咁多款，生蠔肥嘟嘟、鮑魚彈牙、花蟹爆膏、瀨尿蝦仲有膏㗎！蟶子同青口都係任攞，海鮮迷保證尖叫～澳洲M8和牛都係任食之列，雪花分佈靚到好似大理石紋理咁，油花均勻細密，牛肩胛肉味濃郁得嚟帶淡淡甜香，輕輕一淥幾秒就食得，入口即化唔黐牙；牛小排切得厚薄適中，脂肪比例完美，咬落去牛油香爆棚，淥完個湯底都充滿濃郁牛香！黃瓜條部位比較罕有，肉質超級軟嫩，仲帶少少嚼勁。刺身叫左三文魚，三文魚厚切油潤。另外仲有珍寶赤蝦、北寄貝、帶子等串燒都叫左幾款，鮑魚炆得軟淋入味，另外仲試左台灣腸、雞心、翠肉瓜等甜品花多眼亂，樣樣都想食，可惜個胃已經塞唔落，最後試左法式焦糖燉蛋，表面脆糖咔嚓響，另外仲有宇治抹茶芭菲、楊枝甘露、軟雪糕、朱古力心太軟、芒果布甸等等！飲品仲有自家製菊花茶同檸檬茶，唔係求其開粉沖，真材實料！…查看更多

荃灣同事推介抵食又唔限時之選😎火鍋放題一人一鍋，無限量無限時任食海鮮，串燒，刺身，火鍋，甜品。我地選了中位嘅b 餐$298嘅，一個價錢就可以食咁多嘢喇🤩可以慢慢食慢慢傾計了😊 坐卡位都幾舒服，一坐下店員已很細心提醒旁邊的串燒爐有熱力，取夾海蝦時同放入鍋時小心彈蝦😅態度友善收碟亦很爽快😊入座坐低先選湯底。 呢度嘅好處就係可以每人一人一鍋又得，一枱一鍋又得，今次我同朋友揀咗一人一鍋。 我要咗麻辣鴨血窩辣得嚟好惹味。 朋友揀咗椰子雞湯清清地，雞係清遠雞好滑喎😋雞件份量多又大件好滑。 湯底有清甜椰子味，滾食物時都有陣陣嘅椰子甜味。🔸️海鮮自助吧：半殼生蠔，原隻鮑魚，瀨尿蝦，蟶子，三點蟹，青口，沙白，花蜆，還可以在魚缸內自己夾海蝦，大頭蝦😍🔸️刺身任食，包括三文魚，帶子，珍寶赤蝦，鮑片，北寄貝🔸️沙律有海蜇沙律，泰式鳳爪沙律，麻辣手拍青瓜細細碟一人一份可以食多幾款口味😝🔸️即燒串燒：鮑魚，羊肉，五花腩，肥牛肉， 海蝦，雞心，八爪魚，脆肉瓜，土豆片，多春魚，台灣腸，牛舌，雞腎，雞脾肉，雞軟骨🔸️火鍋配料：美國極上牛肉，美國肥牛肉，澳洲羊肩肉，特選豚肉，三皇雞，八爪墨魚滑，餃子，烏冬，丸類，菜類等等🔸️飲品有好多款有自家制菊花茶夠晒解熱氣，自家制手打檸檬茶令人好開胃，罐裝紙包飲品，韓式飲品，還有啤酒任飲添呀🤪🔸️甜品款式多到好似去了甜品店咁😍 宇治抹茶芭菲，軟雪糕窩夫，芒果綿綿冰，法式焦糖燉蛋，雪燕流連忘返，紅豆椰汁凍芋圓，木瓜雪耳，雲呢拿軟雪糕，抹茶雪糕，榴槤芭菲，楊枝甘露，綠豆沙，心太軟。這晚大家都扶牆出門口了😆實在太多嘢食啦，都未食得晒每一款食物[IMG:2][IMG:13][IMG:6][IMG:11][IMG:2]…查看更多

生日前夕朋友話去荃灣同我食$388 任食澳洲M8和牛一人鍋可以各自揀湯底🥥🐤我要左椰子雞～好清甜，去到尾飲左幾啖好有屋企煲湯既味道朋友揀左沙嗲牛肚鍋～沙嗲味濃郁，唔錯除左食和牛之外，仲有燒燒、刺身、自己撈既大頭蝦＆海蝦、沙白，海鮮自助區、火鍋配料、汽水啤酒、花茶、甜品串燒：🍡燒糯米小丸子呢個係串燒中既MVP香甜軟糯煙韌口感燒鮑魚～都唔錯幾彈牙燒尖椒～好夠辣要即刻飲野燒雞心、多春魚、燒雞軟骨～正常水準燒台灣腸～係迷你版都幾得意刺身：帶子＆北寄貝～鮮甜都唔錯三文魚～肥美軟糯🦐珍寶赤蝦～都幾大隻，肉質爽脆飲品：菊花茶～自家製好有驚喜，仲有枸杞，飲落甜甜地，清熱下火，啱晒打邊爐手打檸檬茶～香水檸檬，幾唔錯 🐮和牛：和牛面頰肉～呢款最重牛味，最嫰滑，encore 左3碟和牛牛小排～呢款都唔錯排第二和牛牛肩胛～呢款比較瘦，無咁膩海鮮：蟶子～無沙都幾甜🦐海蝦～好生猛，爽口彈牙沙白～幾大隻，幾甜🦐大頭蝦～最鍾意呢款，勁生猛係咁想跳出嚟，店員即刻比隻碟我cup住，蝦頭好多膏，好大隻，肉質緊實好正年糕～糯吱吱既口感，吸埋椰子雞湯～正炸魚皮～打邊爐必食，脆口唔錯🦪蒜蓉燒生蠔～海量蒜蓉鋪滿係肥美既生蠔上布包豆腐、八爪墨魚滑＆手工韭菜豬肉餃正常水準～ 甜品：迷你馬卡龍～一口一粒，好難得唔太甜牛奶燉蛋白～都幾滑，份量剛好朱古力泡芙～都幾大個一人一半宇治抹茶芭菲～賣相一D都唔輸比出面既甜品鋪，宇治抹茶軟雪糕十分濃郁法式焦糖燉蛋～好有驚喜，滑捋捋，面頭焦糖都幾厚，好鍾意呢餐生日飯食到好飽～仲有好多未試到，但個胃已經無位，呢個價錢真係好抵…查看更多

#MC帶你去荃灣.性價比極高😍 日式火鍋放題‼️🔥星期一至日無限時任飲任食🔥🔸 無限時間任食靚牛！靚牛！🔸 無限追加多款海鮮！海鮮！🔸 仲有任食刺身！任食串燒！🔸 食物款式種類極多～🔹 一個價錢包曬咁多嘢食🔹 啱曬一班朋友開心聚會➖➖➖➖➖➖➖➖➖➖➖➖➖➖📍 牛の鍋日本料理.餐廳位於悅來酒店樓下，主打日式火鍋放題；店內環境光線明亮，座位寬敞舒適。➖➖➖➖➖➖➖➖➖➖➖➖➖➖🥢 火鍋放題🅱️餐｜$278（週末及假期｜$298）.▶️ 烤榴槤　　▶️ 美國極上牛肉▶️ 原隻鮑魚　▶️ 澳洲牛肩胛肉眼▶️ 半殼扇貝　▶️ 美國肥牛肉▶️ 任食串燒　▶️ 澳洲羊肩肉▶️ 任食海鮮　▶️ 精選豚肉▶️ 任食刺身　▶️ 五香雞件➖➖➖➖➖➖➖➖➖➖➖➖➖➖🔸 期間限定.原隻鮑魚｜半殼扇貝｜烤榴槤｜.鮑魚爽嫩鮮甜無腥味；扇貝大隻飽滿夠鮮味！➖🔸 任食海鮮.紐西蘭青口｜乳山生蠔｜大白蜆｜三文魚頭骨腩｜生猛海蝦｜脆鯇魚片｜.生蠔、大蜆、海蝦，唔怕痛風就食盡佢！🔥回本首選🔥➖🔸 任食刺身.珍寶赤蝦｜三文魚｜希靈魚｜帶子｜赤貝｜泰式生蝦｜北寄貝｜八爪魚｜鮑片｜.赤貝、帶子及泰式生蝦，爽口開胃之選！➖🔸 特色串燒.雞脾肉｜雞軟骨｜雞腎｜雞心｜五花肉｜肥牛肉｜牛舌｜鰻魚｜翠肉瓜｜台灣腸｜菠蘿｜海蝦｜八爪魚｜焦糖玉子｜羊肉｜鮑魚｜.估唔到串燒有驚喜！調味唔重而且即叫即燒，出面市價一串都$10蚊起跳，依道可以食返夠本👍🏻。➖🔸 火鍋湯底.重慶雞煲｜椰香沙嗲湯｜三鮮豚骨湯｜壽喜燒湯｜重慶麻辣湯｜濃香蕃茄湯｜椰子雞煲｜皮蛋莞荽湯｜.重點推薦椰子雞煲，B餐及C餐都會提供三黃雞，而且仲可以加雞；湯底有椰子肉及紅棗，簡單鮮甜！➖🔸 精選肉類｜✨火鍋放題🅱️餐✨.美國極上牛肉｜美國肥牛肉｜澳洲牛肩胛肉眼｜精選豚肉｜澳洲羊肩肉｜五香雞件｜.牛肉質素不錯，牛肉油花分布均勻，牛味濃郁，以放題嚟講質素幾好，好抵食。➖🔸 火鍋配料.韭菜豬肉餃｜台灣鴨血｜炸魚皮｜牛柏葉｜八爪墨魚滑｜腐皮響鈴｜白魚蛋｜芝心丸｜芝士波波腸｜稻庭烏冬｜牛筋丸｜龍蝦丸｜台灣東鮑片｜布包豆腐｜雞公子｜鵝腸｜冬菇雞肉餃｜家鄉蛋角｜午餐肉｜貢丸｜福州包心魚丸｜➖🔸 任飲飲品.嘉士伯醇滑罐裝啤酒｜獅威罐裝啤酒｜道地紙包裝極品解茶｜百威罐裝啤酒｜自家鮮製手打檸檬茶｜多款罐裝汽水｜自家鮮製羅漢果茶｜陽光蜜瓜味荳奶｜自家鮮製白桃烏龍｜加多寶涼茶｜.連啤酒都任飲，真係一大回本位！🔥回本之選🔥➖🔸 自助甜品.紅豆椰汁凍芋圓｜宇治抹茶芭菲｜榴槤芭菲｜芒果綿綿冰｜雪燕榴槤忘返｜朱古力心太軟｜木瓜燉雪耳｜軟雪糕窩夫｜陳皮紅豆沙｜雲呢拿軟雪糕｜綠茶軟雪糕｜楊枝甘露｜.誠意之作！即叫即做！連芭菲都有，飯後甜品食返一份，好滿足🥰。➖➖➖➖➖➖➖➖➖➖➖➖➖➖…查看更多

突然間想食火鍋，就嚟咗呢間位於荃灣嘅牛之鍋食午餐放題，諗住午餐種類應該唔會太多，點知又唔係喎食物種類好多好多選擇，有刺身串燒同埋好多生猛嘅海鮮，二百零蚊嚟講真係好抵食！…查看更多