488
23
11
港鐵大窩口站 B 出口, 港鐵荃灣站 B2 出口, 港鐵荃灣西站 D 出口 繼續閱讀
所有分店 (2)
電話號碼
26138178
附加資料
全新放題:日本料理、火鍋、即製甜品,超過200款美食二小時任飲任食
營業時間
今日營業
12:00 - 23:30
星期一至日
12:00 - 23:30
付款方式
Visa Master 現金 銀聯
座位數目
150
其他資料
酒精飲品
電話訂座
加一服務費
食評 (559)
荃灣食肆林立,係食晚餐既好地方,落車處剛好係悦來坊,於是同屋企人行入去揾食,當時只是5点多,見到一間任飲任食放題已有人龍,於是上前看看餐牌相當吸引,價錢非常合理。我地都跟著隊尾,好快就安排入坐,坐位分隔得好安全,經店員介紹,放題分别有2個選擇:1.「日式料理+火鍋+自製甜品」2.「火鍋+自製甜品」我地就揀了前者,一於放縱一下吃過飽😍湯底有好多款,我地就揀了一個蕃茄牛肉粒,蕃茄味相當濃郁,我地急不及待就立即柯打了好幾款食物。分别有即食既例如魚生寿司炸物....火鍋材料種類繁多,食物好快就送上,真係大快朵頤!食完頭一個round,因食物款式太多,我地繼續係咁叫,另外不得不提就係火鍋材料中有好幾款肉類..例如牛肉,豚肉,羊肉同雞肉都非常高質素,食到差不多,甜品係我地至愛,一看餐單都有十多款,我地就柯打了十款八款,一於試哂佢😍看到一小杯一小碟,相當吸引,甜品甜味剛好,我就最喜愛軟雪糕跟窩夫,一冷一熱相當合拍,真係大大大滿足啊! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-12
5686 瀏覽
辛苦完一星期,終於嚟到尾聲,當然要放肆一下,先生物色咗呢間喺屋企附近嘅火鍋放題,俾肚皮放鬆一下。除咗火鍋之外,仲有一般放題常見嘅刺身、壽司、沙律、一品料理、炸物、燒物同甜品,每款種類嘅食物選擇都唔少,特別係甜品,選擇零舍多,而且大部份都係即叫即整。刺身質素唔錯,頗為新鮮,特別係甜蝦同帶子,鮮甜味美。壽司同軍艦質素亦唔錯,蟹籽更加係粒粒分明,入口卜卜脆。炸物即叫即製,上枱嘅時候仍然熱辣辣,特別係芝麻雞翼同榴槤炸彈,香脆可口,食多幾件都唔會膩。食完一輪刺身、壽司同小食,終於嚟到戲肉——打邊爐,湯底方面我哋揀咗豬骨濃湯,湯底香濃,亦唔會好重味精。美國極上牛肉質素好高,切得非常薄,油花綿密,入口鬆化,牛味亦好重,值得encore再encore!海鮮方面質素中規中矩,但勝在任叫,食多幾轉絕對番本。丸類同其他火鍋料質素亦唔錯,特別係左上角嘅粟米流心丸,彈牙嘅魚蛋入面係香濃嘅粟米流心,好似迷你嘅金寶粟米濃湯咁,鮮甜味美。菇蔬類需要自己出去拎,選擇亦唔少,而且擺放整齊有條理,食客亦自律帶上口罩先出去,感覺安心。飲品方面亦係自取,除咗汽水同茶類,仲有啤酒任飲。甜品係最吸引嘅一環,每款份量唔大,最適合貪心嘅我,可以一次過試勻哂,最出色嘅當然係榴槤班戟,雖然班戟皮唔算煎得好薄,但勝在忌廉夠凍,而且榴槤肉亦算多;另外腐竹鵪鶉蛋糖水亦唔錯,味道香濃,而且甜度適中。平民嘅價錢食到咁豐富嘅火鍋放題,性價比高之餘食物質素亦唔差,而且上菜上得好快,即使叫多幾轉都保持到質素,加上選擇豐富嘅甜品,實在係加咗唔少分,值得回頭。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-10
1702 瀏覽
經過悅來坊,見到有呢間餐廳有得食刺身放題加打邊爐,好豐富,而且價錢唔貴,加上肚餓,於是入左黎😂😂入到去果然無失望,有好多配菜,野飲選擇多,醬料區都好豐富👍🏻👍🏻🌟 胡椒豬肚湯底 x 蟲草花松茸湯胡椒味香濃,豬肚爽脆,湯底煲左好耐,味道都好濃郁😋蟲草花松茸湯,清甜,好香既松茸味道,配打邊爐一流😋🌟刺身x 炸物刺身新鮮,鮮甜,炸物即叫即炸,芝麻雞翼香脆,榴蓮炸彈外層香脆,做到流心效果,鍾意食榴蓮既朋友必點,小弟都食左6粒😂天婦羅都係一樣即叫即炸,粉漿唔會太厚,好鬆脆,必食之一😋🌟美國極上牛肉 x 紐西蘭羊肩肉牛肉新鮮,即叫即切片,牛味濃郁,切得唔會太厚,而且大塊,打邊爐時唔會散哂👍🏻羊肉無羶味,新鮮,有好重既羊肉味,切點😋🌟 甜品:宇治抹茶芭菲抹茶芭菲好多配料,抹茶雪糕濃味,唔會太甜,丸子🍡口感彈牙,雪糕中間有脆脆,最底層有啫喱,好豐富,有去左日本餐廳既感覺😋 繼續閱讀
(以上食評乃用戶個人意見 , 並不代表OpenRice之觀點。)
等級1 2021-06-20
121 瀏覽
生日前三天打去了book枱,當時已問生日優惠,4人去壽星仔半價,跟住就book埋5點半食$218,去到入枱前再confirm生日優惠,仲話埋單時出示證明,到叫湯底時有個女待應就話5點半無生日優惠,要每人$218咁點解答book枱同入枱都無講清楚, book枱講咗冇嘅,我就用openrice嘅$175卷啦食物方面一般,無呢度啲相咁新鮮咁靚囉,打邊爐嘅牛都可以,甜品都無呢度講得咁好食,失望,只係種類多,又可以一人一鍋打邊 繼續閱讀
(以上食評乃用戶個人意見 , 並不代表OpenRice之觀點。)
等級1 2021-05-29
254 瀏覽
看到很多的報導,都講得很好。但食了後,覺得都是一般。魚生刺生,沒有好多食評講咁新鮮,我覺得和很多講新鮮,有一段距離。火鍋好似好多選擇,但都是一些大路野。雞肉都不見得很吸引。菜也很快沒有供應。 繼續閱讀
(以上食評乃用戶個人意見 , 並不代表OpenRice之觀點。)