愛麗絲的秘密花園

營業中

休息中

鬧市中的秘密花園 打卡一流食物一般以愛麗絲夢遊仙境為主題既cafe無論係裝修、枱凳、杯杯碟碟、餐牌全部都搵到Alice既踪影，好有心思電視機仲播住愛麗絲卡通無限loop睇得出店主真係好中意愛麗絲最緊要係，環境好舒服、好安靜，真係置身於森林一樣係少數鬧市中，可以慢慢食任坐既地方😎店員非常用心服務，好細心好Nice不過食物方面質素就一般般有待改善✨煙三文魚沙律 ($58)煙三文魚整玫瑰花咁不過沙律菜應該係啱啱喺雪櫃攞出嚟真係太凍，而且沙律醋太酸同三文魚唔多夾✨煙三文魚牛油果牛角包 ($78)牛角包係幾鬆軟幾香，合格煙三文魚正正常常沙律菜既問題都係太凍✨Rose Latte ($48)超靚打卡able‼️超香玫瑰花味，咖啡香濃，入口夠滑✨Chocolate ($32)飲品方面真係好打卡able上面仲畫左既貓仔～朱古力味道幾好飲

约了好朋友倾计，想揾個地點就脚，有打卡景，食物好嘅地方真不容易。嚟到爱麗斯好似係朋友家作客般，環境清静，倾下食下就一個下午。我們點了雞翼、pizza做頭盤，味道不錯。

去咗位於油麻地嘅愛麗絲秘密花園。店內擺設相當認真，連餐具都好有特色，好似去咗童話世界嘅感覺！🐇♠️♥️♦️♣️我哋叫咗牛油果沙律、牛肉肉醬意粉、夏威夷pizza、忌廉雞肉燴意大利飯、巨峰提子梳打、蘋果茶。特別推介忌廉雞肉燴意大利飯同牛油果沙律蔬菜。意大利飯好creamy🍛，牛油果沙律蔬菜好新鮮！🥗今日整體嚟講都好滿意，餐廳環境好靚，好多打卡位。食物上菜快，煮得好夠熱。店員服務態度好好，好詳盡解釋menu，親切有禮！❤️

餐廳幾就腳，係油麻地地鐵站一出行條馬路就到食物分量好足，lunch set 無收到加一，好抵食，食物好creamy，食到好飽😙😙加左五蚊將餐飲轉到soda，大大杯好好飲好少女😍打卡一流

店內既裝修擺設、枱布餐具都係同愛麗絲夢遊仙境有關。仲有個森林系玫瑰花打卡牆，好適合愛麗絲迷打卡！♣️甜品食物同飲品味道質素失望，目的為打卡會好啲。泊車：️ 可泊朗豪坊停車場，消費400蚊有2個小時泊車，但留意星期六日要排15分鐘以上

平時野食凍左吾好食打卡打到d野食凍晒但係今次乜野凍晒都好食仲要食晒自助qr code落單服務好好 會主動幫手影相重點係影得靚唯一可能介意既係油煙味重小小不過係個大廈問題Cup cake好好食😋最緊要吾死甜又吾係塑膠實cream又有水份 吾乾身有驚喜我本身吾鐘意食糖皮不過個糖皮 算係吾塑膠 吾係死甜裝修好靚 連天花板都吾放過好有心思 Alice迷 一定要去影下靚相每張枱都有小擺設連餐具都吾放過裝水既杯 匙羹有時鐘刻紋

煙三文魚牛角包 $78🍽下午茶～牛角包脆，配料超足😋，有蝦🦐，超多牛油果🥑，生菜🥬和千島醬，意外地超大份的牛角包 🤣原本以為打卡cafe 不會有好吃的，結果還不錯錯煙三文魚沙律$62🍽下午茶～沙律味道不過不失，份量很足，不過沒有驚豔感覺🤫 黑松露芝士烤多士 $68🍽小食～這份多士小妹非常不推薦🙈黑松露味完全不夠，非常淡！！多士太厚太難嚼😅不知是否放太久，所以芝士沒有拉絲，而且芝士是一整塊的，很難咬開😶 水蜜桃草莓乳酸梳打 $48🍹飲品～乳酸梳打味道很甜，很重乳酸味，不愛甜食的千萬不要叫 😂 總結：cafe打卡一流，18：00前人不多，可盡情打卡，而且不收加一服務費，亦不設最低消費，但食物質素好壞參半😅 推薦純粹愛打卡的朋友🤪

依間樓上Cafe以愛麗絲夢遊仙境為主題，全間店嘅裝修都極具Alice’s wonderland風格，由店內裝修至菜單及餐具都可以看出店主嘅心思。全日早餐 假期午餐後時間到不用等可以直接入。見門外餐牌上有全日早餐，作為粉絲就梗係要試下果然沒有失望下單等咗15分鐘就有。牛角包十分出色外層十分香脆，內層蜂巢空氣感十足加上牛油香氣讓人忍唔住一啖接一啖。炒蛋十分嫩滑及有蛋香。香腸很juicy，每切一下都有肉汁爆出。相對炒雜菌就有小小失色炒得偏乾及有過多香料味，感覺上每口都有香料粉沾著。夾埋整體還算不錯，可以一試。香草鮮茄虎蝦意大利麵意粉係扁意粉，感覺上比起普通意粉更能挂汁，十分開胃。不過主角之一的虎蝦不新鮮，2隻大蝦的蝦肉發霉發爛下次可以試其他

第二次來用餐都給我很舒服的感覺，服務員很貼心，那天用餐時間共3小時，店員應該是看到我們的飲料都沒了，就遞上兩杯水給我們，看上可能微不足道的動作，卻很窩心，謝謝你食物也很好吃，那天點餐的是蘆筍雞肉飯和海鮮奶油意粉，好好吃耶，飲料也很推薦，玫瑰荔枝梳打

勁多打卡位cafe ☕️pet friendly 🐶心目中已經贏晒🤣🤣🤣點知食物好美味，咖啡又靚靚😍賣單好抵～～太意想不到！店員又nice ~推介，會再幫襯！支持用心經營

愛麗絲的秘密花園最大賣點肯定係 cafe 嘅環境，大至整體裝修格局，細如杯杯碟碟枱枱櫈櫈，全部都同愛麗絲夢遊仙境有關，仲有動畫無限 loop，老闆肯定係 big fans。午餐嘅大蝦意粉可揀茄汁或青醬，作為青醬控嘅我當然選擇後者。意粉都幾大碟，蝦嘅數量都唔少，意粉煮得算 al dente，調味亦唔錯，不過青醬味稍為弱咗少少。加五蚊配杯 Matcha Latte，呢個真係幾有趣，同我哋平時飲開嘅好唔同，上枱時係一杯用抹茶粉沖嘅好濃嘅抹茶，同埋一杯鮮奶，自己溝，濃淡自己話事，其實咪就係杯有抹茶有鮮奶嘅飲品囉😂。

飛完的就見到棟大廈，係樓上店鋪，打開無咩人，因為我地book平日，仲係暑假，但裏面佈置得好靚，好岩少女們、中女們黎影相打卡，唯一唔好係d愛麗絲擺設個頭會甩出黎。我地叫咗三樣食物，有三文魚意大利飯、大蝦意粉、愛麗絲杯子蛋糕，兩杯飲品。意大利飯真係又硬又creamy，十分美味，令人想一食再食！大蝦意粉居然係扁意粉，煮得太淋，同隻蝦唔新鮮，麻麻。杯子蛋糕係朱古力味，好穩陣，隻小貓十分可愛，店員也是個美女。

想同朋友去食嘢，元意當中睇到呢間餐廳，只想搵個清靜啲嘅地方食嘢未有報太大期望。諗住咁细一間店，但係未諗到啲嘢都幾好食，入邊啲侍應姐姐好可愛把聲好好聽佢推介俾我哋飲果隻梳打水真係好好味呀，同埋啲顏色好靚一上咗嚟就好有食慾，特別推介黑松露杂菌意大利飯，我哋下晝兩點幾上去坐到五點一人幾十蚊又好嘢食又好舒服坐得唔錯👍

夢遊仙境一入猶如異世界每一角都盡是Alice餐飲裝飾連廁所還有背景和道具扮演其中的角色本身諗住食環境應該都會係劣食竟然食物睇得又食得牛角包都幾好食Edaciousness 6/10愛愛麗絲絲毫不猶豫定滿心滿足

我本身係一個alice 迷但係去到呢間餐廳嬲到食唔落員工服務極差！！！等嘢食等咗成個鐘都未到。。同個侍應講 佢用極差嘅語氣回答： 小姐呀我哋廚房得個一個廚師，所以佢好忙希望你理解下la 好心你明知星期六日多人就請多一個la嗌咗一個套餐因為個餐入面有我最想食嗰個Alice 杯子蛋糕, 食緊嘅時候個侍應先同我講 我哋而家冇Alice 條裙,你介唔介意我淨係比Alice 條腳嘅杯子蛋糕俾你?? 一係就d嘢食按散嗌嘅價錢計 如果係咁我洗怪嗌你個餐咩如果你一早講聲Alice 杯子蛋糕冇晒貨,我地就唔會嗌啦…嘢食又貴又唔好食…最嬲咩食到成肚氣 仲難食過頹飯真心多謝你強烈唔推介Black listed 大家想受氣就去食la