爭鮮迴轉壽司 (鴻威大廈)

營業中

休息中

天氣太熱都唔知食乜嘢好😅, 熱熱地不如食壽司🍣, 去到拿飛都要等左一陣, 真係太熱太焗, 都怕會比安排坐近門口位置😂, 隔左一回比安排坐入面近廚房出壽司🍣的位置, 完全可以睇到出d乜嘢款式👍唔錯, 冲杯🍵綠茶先, 水夠滾茶也香😄, 望住二條迴轉, 望d壽🍣司轉來轉去, 都幾得意😅, 拿左我喜歡的三文魚, 帶子, 鰻魚, 吞拿魚, 蝦🦐等等, 食材新鮮, 唔會感覺食到唔新鮮, d飯亦唔係好硬個只, 其實以依個價錢, 查實都好高質了, 亦有menu可以選其他食物, 例如：茶碗蒸, 海鮮湯, 湯麵等等, 其實以相對價錢優惠d, 又有質素, 依間都叫交到功課了👍👍有下次

迴轉壽司嚟講呢間平，食品OK！隨便揀你鍾意嘅壽司，隨時都可以食到新鮮嘅海鮮。海膽壽司就係我最愛，口感滑溜，味道鮮甜，真係一口接一口停唔到！至於三色蝦壽司，色彩繽紛，蝦肉鮮嫩，咬落去仲有海味，超級滿足！每次去都覺得好開心

間唔中都想食下壽司，平靚正既爭鮮就係一個好好既選擇😋分店多價錢又實惠👍🏻不過唔知係咪因為我下午3點幾既時候去，師傅上壽司/刺身唔會咁密？因為我想食生蝦刺身，本身見到有一碟轉緊，但我個下冇拎到，結果食到最後我都冇再見過生蝦刺身了😭😭所以食迴轉壽司見到啱真係要拎左先🤣🤣見佢有個新出口味，係避風塘生蝦！食落個味幾特別都幾夾！有少少辣👍🏻幾好食！下午茶時段我同朋友食左10碟都只係100蚊，真係價錢親民又好食😋

性價比極高嘅壽司舖，夏天無胃口就係要食壽司，其實爭鮮嘅壽司好抵食，質素其實我覺得幾好㗎都！ 個個以為平嘢冇好，其實都好好味，不過款式可以再多啲就更加錦上添花啦😉😉😉😍🥰

🍣tips：寿司种类繁多，新鲜美味，口感绝佳！特别是虾类寿司，肉质鲜美弹牙，沾上酱汁更是美味绝伦。另外还有各种手卷、刺身、炙烤等美食，一次品尝不够！ 🦀 蟹柳寿司这款寿司的材料是蟹肉柳条卷，搭配特制的酱汁和饭团，入口即化。蟹香味浓郁，口感鲜美，吃完一口后，满嘴的幸福感油然而生。店家的蟹肉柳条卷非常新鲜，不仅美味，也很健康。而且整个寿司的搭配非常匹配，真的是让我大呼过瘾。 🥚 玉子寿司这款寿司的材料是用鸡蛋和酱油等调料制作的玉子烧，口感酥软，颜色金黄。它的独特之处在于，店家将寿司饭和玉子烧一起卷在了海苔里，入口的时候，海苔的酥脆感和玉子烧的柔软口感完美融合，非常好吃。玉子烧的鸡蛋味道浓郁，吃起来口感非常丰富，更是一道不容错过的美食。 🍵饮品也很不错，绿茶口感很清新~——🏠店名：爭鮮迴轉📍地址：九龍旺角彌敦道688號旺角中心第一期地庫C2號舖 (港鐵旺角站B2出口) #探店打卡 #美食推荐 #美食打卡 #回转寿司 #龙虾寿司 #周末去哪儿

約左班朋友食飯，有人提出想食壽司，又見爭鮮唔係太多人排隊，就決定排隊入去食。 雖然我哋一行五人，但可能因為時間尚早，所以等咗大概20分鐘就可以入座。 壽司嘅種類其實都幾多，而且keep住有新野出，有時仲會有刺身揀。老實一句，一分錢一分貨，壽司質量我覺得合格，特別喜歡長三文魚腩，肥美又新鮮，只是壽司飯用機做，一夾就散，感覺一般般 腐皮包栗米吞拿魚， 大件夾抵食，吞拿魚蓉混入沙律醬再加上甜甜的栗米，食完還想再食

好耐冇嚟到呢度食嘢，以前屋企人成日返嚟食呢一間壽司，佢而家嘅分店已經越來越少。為咗重拾細個嘅味道，所以決定要試試價錢都差唔多，粉紅色黃色都係$8.0一碟。其他嘅都唔係好貴，所以我哋決定唔睇價錢食一次。但係我發現已經冇咗泡芙、青口、三文魚。以前有好多三文魚壽司🍣，仲有炸蝦壽司，而家基本上已經冇咗好多款式呢個鹽燒五味粉三文魚壽司，食落去油脂味豐富，仲有淡淡鹽味，性價比十分之高。但係呢個好多人搶手，唔係咁容易攞到。每一次食都要食一個酸薑啊。應該味道仲係酸酸，甜甜地十分之刺激味蕾。芝士鰻魚火祭壽司，芝士嘅味道十分之濃郁，佢係車打芝士，食落口仲軟林林芝士三文魚魚中間壽司，壽司同油嘅脂肪比例，好均勻，食落去嘅時候，仲有黑椒香味，可能加咗黑椒粉細細個食壽司嘅時候，最鍾意叫呢個八爪魚軍艦，甜甜地，份量十分滿意。有細細個食既味道。但係因為壽司長時間暴露，喺呢個軌道上面，令到紫菜林晒。呢個位扣分嘅。另外一款左口魚燃燒壽司，呢個食落去有淡淡香味，魚味清淡，食落去甜而不利。之後我哋就不斷咁淨係食呢幾款壽司，因為冇咗三文魚同三文魚腩嘅關係，爭鮮壽司，已經唔好食啦，但係因為價錢好平，如果淨係鍾意食以上幾款嘅壽司嘅

平時好多時都係想方便，會外賣爭鮮返屋企食，今次認認真真坐喺爭鮮試吓佢哋迴轉壽司😎 大部份壽司一碟都只係$8，CP值超高，唔食到個胃爆唔返屋企🤣爭鮮不愛不行呀～炙燒芝士三文魚🍣美味指數：👅👅👅👅 (4/5)覺得佢係成個爭先迴轉壽司入面最正嘅壽司！都幾有芝士味，$8兩件呢個size呢個價錢真係要食幾碟先得。每個一段時間都會轉唔同嘅款式同埋好味嘅壽司，仲要每一間分店都會有唔同，真係要逐間試先真係食得晒所有爭先嘅口味🤭

講到最抵食嘅壽司，必定係爭鲜，而家門市遍布全香港，梗有一間係你附近！每次經過買，都會買唔同嘅種類，例如三文魚鮑魚片仿蟹柳帶子，水準真係拍得住日本餐廳㗎！價錢仲要一啲都唔貴💓真係啱哂我呢啲平時食嘢咁節儉嘅人！

爭鮮而家真係周圍都有，三文魚就係必食嘅壽司亦都係佢哋嘅招牌。其實味道都唔錯而且好平，魚生而家都係$48一盒，記得以前食開$45，唔知幾時加咗價呢。但係相對個市場來講，佢個性價比真係極高。佢一盒壽司都係賣緊$30到$40，呢個價錢你仲可以喺邊度搵到? 同埋佢啲嘢咁平，一定日日清，所以即使食材唔係好靚，但都算係新鮮。有時過吓癮，當做宵夜食真係好唔錯。值得一提嘅係佢嘅罐頭粟米，$7一罐，真係抵到爛。買返屋企嗰啲牛油炒返熱佢，做個牛油粟米，當一餐，真係好爽。如果講好食來講佢雖然唔係特別好食，但係以呢個價錢嚟講，佢真係算唔差。

平時唸唔到食乜就會來打包壽司。外買的壽司種類都多，同其他外帶店面一樣，好多好撿，生熟都有。但有時晚上較晚時來買的壽司會覺得味道怪怪得，唔知是唔是心裡作用，希望就算是夜晚外帶的壽司都保持新鮮啦。

話說有一日唔知道食啲咩好就入咗爭鮮。裝修風格每間都大同小異，一入門口就見到好大個迴轉壽司枱。枱面清潔得尚算乾淨，入座時間大概40分鐘。因為時間尚早，七點之前入座所以冇排隊。估唔到今次食爭鮮有少少驚喜，首先就係呢個三文魚上面嘅灸燒芝士。不過佢上面嘅芝士稍為有少少厚身同埋擺得好似比較耐，所以食唔出好大浸芝士味。芝士蟹籽同埋螺肉牡丹蝦係比較好食。紫菜包裹住芝士，芝士入面有粒粒嘅蟹籽，口感豐富層出不窮。螺肉牡丹蝦由燒過嘅芝麻油既脆紫菜包住，入口有淡淡的芝麻香，配有奶油喺上面，鮮甜不膩爽脆彈牙。同埋都幾大舊，要分開一半嚟食。食完正餐就係要食返少少甜品，其實我覺得$8一碟嘅甜品都算係幾抵。芝士蛋糕中規中矩，味道比得上其他店舖嘅藍莓芝士蛋糕。淡淡的藍莓酸味消滯開胃。我一直以為朱古力蛋糕真係蛋糕，點知道佢係朱古力慕絲蛋糕。朱古力慕絲下面有一層薄朱古力脆皮誠拓成個蛋糕。口感豐富，入口軟滑，混雜朱古力嘅苦味同甜味。令人精神一振感到非常愉悅。總體來講，今次都算係一個幾有驚喜嘅迴轉壽司體驗。我覺得甜品個方面真係性價比最高既一環。

相信大家都去食過依間嘅迴轉壽司🍣就係喺幾年前，初次由台灣引入嘅爭鮮迴轉壽司，已出名嘅價錢嚟到吸引好多人💗今次就過咗嚟旺角花園街二間分店都試吓先發現而家香港開咗好多壽司店，所以分散左人流，一入到嚟基本上唔使排隊但係架前一樣好抵食，每一碟多係$8左右😁服務態度都唔錯，而且坐得好舒服，茶任針任飲但係壽司嘅質素就普普通通，好多都解凍得唔好，但勝在多選擇，而且價錢好平，所以性價比來講算係幾好嘅👍🏻

學校係附近，偶爾想食好啲就會黎爭鮮，雖然我知都唔係咩高檔嘢，但係起碼都係日式嘢，都算係咁咁嘅價錢都唔會要求啲咩架啦，但係有次食到個外賣，唔知係咪我個盆擺得耐，舊飯有啲爛，但係個魚生依然正常水準，但係就美中不足啦，最鍾意個花之戀壽司，有飯有沙律醬有三文魚，一次滿足三個願望，幾好

不論讀中學定係大學我都好鍾意食爭鮮 因為佢嘅價錢真係非常平民 迴轉壽司來講可以食到超滿足超飽 而唔係好似啲比較貴價嘅一樣要就住就住係咁計住budget 一啲所謂比較高級極尚嘅材料都只係雙碟價錢即係依然係10幾蚊咋 但係喺其他嘅壽司舖來講至少高級少少嘅食材都要成廿幾至30幾蚊不等 所以就算要等耐少少都依然覺得好抵 佢嘅刺身都有非常肥美嘅三文魚 佢啲花之戀都可以拍得住所謂日本過江龍嘅水準 另外佢嘅鰻魚真係非常厚身 口感一流 非常鍾意食芝士嘅我 亦都好鍾意佢哋成日都會推出一啲新嘅款式 例如有芝士帆立貝 今日啱啱試嘅芝士玉子燒超大舊！！唔會好似出面啲玉子燒咁一味得陣好甜好假嘅味道 而係少少真係出自蛋嘅甜味 再加上芝士嘅鹹味 成件事就係好美味！一啖大大啖咬落去超滿足～睇住身邊嘅朋友至少encore左成三舊都仲未厭😂😂雖然而家overall食材都貴咗 但佢嘅三文魚刺身一碟嘅價錢只係得兩片但係完全唔會係薄切 厚度非常合理 因為喺出面食幾舊嘅三文魚至少都成幾十蚊 但係喺爭鮮係可以瘋狂食 銀包都唔會肉痛😼