爭鮮迴轉壽司 (鴻威大廈)

營業中

休息中

外戴壽司來講 爭鮮真的算數一數二同所以一個月都會食幾次 而且旺角呢一間鋪頭嘅款式係比較多一啲我最鍾意係食芝麻八爪魚小食18蚊 都有起碼七至八粒大大粒另外佢出咗一啲新款嘅小卷 我覺得味道都好好👍🏻👍🏻👍🏻

有時想平平地食壽司，爭鮮就係必選嘅地方，因為堂食只需$8碟，再收服務費加一。食過幾次位於旺角嘅爭鮮，地方好細，店外成日都會出現人龍。慢慢再發現，呢間壽司款式有時比其他分店早出特別款，又或者可能得呢間先有都唔定（可能鬧市多人流，款式又多啲）。我比較喜歡食一貫壽司系列嘅黑色碟，雖然佢得一件壽司，亦都係$8碟，但質素相對上會好少少，比我喺呢間搵到一款鰻魚壽司係好大件！佢係雙碟計算，即$16，好厚肉而且加埋鰻魚醬好好味！忍唔住都食咗兩碟，嘻嘻。另外油甘魚壽司、三文魚腩壽司及帆立貝壽司都算厚肉及新鮮，可接受👍。蟹蓋雖然好細，但佢啲芝士鋪滿咗面，而且入面係充滿蟹肉，都算抵食。不過呢款有少少醬汁嘅熟食帆立貝就麻麻地，個醬有少許辣，味道有點怪，呢款仲要雙碟計，$16唔抵食☹。當然，爭鮮嘅質素比唔過高質日本餐廳壽司刺身嘅水準，但以平民價黎講，算係新鮮多款揀。📍爭鮮迴轉壽司旺角花園街3-5號鴻威大廈地下2-3號舖．．環境分數：6/10食物分數：7/10Encore分數：8/10

呢日同fd睇完戲食左個主餐拉面但仲未飽就去左旺角爭鮮迴轉壽司食兩舊呢到8蚊一碟我個人認為超抵呢到我就比like既三文魚腩壽司 呢個我認為最好食比起元氣壽司爭鮮既半肉半油 口感同味道比較平均所以我比較鐘意元氣既一食入口勁油好比a5和牛 但我個人就唔太鐘意想睇元氣三文魚腩壽司既圖 可睇我其他食評呢個鮑魚係新出既所以我即刻拎黎試試但呢個係雙碟 要16蚊呢個鮑魚算好抵食因為街市平時100蚊比盡都係買6隻呢隻口感一般 但鮑魚味十足但冇街市我煮新鮮果d咁硬咁實(可能係我蒸太耐）但爭鮮呢隻都係好食既同埋呢隻鮑魚痴住個殻要唔用手真係有d難度

一心唸住食少少熟壽司同嘆返件芝士蛋糕，由於用餐時間有限制，只有30分鐘，所以一入座已𥄫實輸送帶上有冇芝士蛋糕，望左10分鐘都唔見，就同侍應order，等左10分鐘仲未上芝士蛋糕，所以追單，侍應話師傅整緊，我唯有再耐心等待下😔，等到離座時間已到，侍應想趕我走嘅時候，佢先醒起仲欠我一件蛋糕未上，前後我追左4次單，足足等左半個鐘，都未見件蛋糕😡，如果冇貨或整唔切，大不了我咪食其他嘢囉，但問親都話整緊...黎緊...等等...等多陣...😡😡之後竟然俾我發現輸送帶上層，有件芝士蛋糕放左喺廣告牌上面，可惜當我發現嘅時候件蛋糕已離開左我嘅範圍，隔離左右又坐滿人，我即刻想找侍應幫忙啦，遠遠企喺廚房送餐窗口嘅師傅，伸個頭出黎大聲叫我呢個大肚婆起身追住條輸送帶攞蛋糕，請問呢d係咩服務態度😡😡😡(留意返丫，呢間餐廳係有收服務費㗎，況且都唔應該叫個客追住條輸送帶囉，呢d係食物，唔係骨頭呀，當客人係🐶咩！)坐我旁邊的哥哥仔都睇唔過眼，見我等左咁耐，出手跨過4條輸送帶到對面幫我攞。

旺角呢間爭鮮每次都係要排隊。尋日食壽司，排左半個鐘先入到去。鍾意係度食既原因係夠平，而且可以快食之後走人。成個玉子係欣女必食既壽司。聽住爭鮮首歌無限loop，邊食邊聽，好味到進入另外一個世界。三文魚壽司既三文魚都好肥好大舊。係咁攞壽司係咁食，未到半個鐘已經好多碟係我面前。肚腩開始大，但食慾滿足曬。之前聽過爭鮮有咩假牙。但其實只係個別個案，平靚正既壽司唔諗得咁多其他因素。味道好，環境一般。但值得返兜。

早幾日，見到爭鮮推出新款壽司，只限堂食，沒有外賣 ，今晚與M先生去試一試。約排了半小時就入內 ，限時半小時。新款限定櫻花加州卷：青瓜爽，配上少少酸的櫻花 ，味道不過不失。新款櫻花和菓子： 吃不道櫻花味，味道有點甜。蝦刺身：有鮮甜味，味道OK。炸蝦天婦羅：放了太耐，有點硬，不爽脆。海螺壽司：有鮮甜味，爽脆，味道ok。帆立貝壽司： 味道不過不失，有點淋。粟米壽司： 粟米唔夠甜。八爪魚仔壽司：醬汁太多，八爪魚仔份量太少。 青口： 不夠新鮮，吃不道鮮甜味。蟹柳： 味道都OK, 不會好多粉味。 壽司飯：一時太淋，一時太硬，沒水準可言。總括來說，以8元一碟來說，味道可以接受。

同朋友行過呢間爭鮮，見到就過去睇下，原來依家有新玩法，8蚊一碟限時30分鐘另收加一。好有趣，平時爭鮮3蚊件，咁樣坐入去食就4蚊件再加一。我地一於就試下。有茶，有醬酒，有芥末，有酸薑，麥都齊。坐入去可以食到既壽司款式多，有刺身，有麵鼓湯，有錫紙包飲品，睇落都ok。全部8蚊碟，半個鐘埋包個肚，都幾唔錯。壽司有三文魚籽軍艦，火炙三文魚壽司，蟹捧壽司，每碟2件，都係8蚊碟，抵la!我地食食下，每人食佐六十幾蚊，真係抵食。

唔知食咩好 就入左去試下爭鮮 呢到係回轉咁既型式 見到咩就拎咩黎食 都唔錯架 方便呀 我地就入左去食 但限時得半個鐘食 不過都食得飽 食左三文魚啦 油甘魚 都幾鮮甜架 款式都多可以選擇 幾好 價錢又平

時近晚上十時還未吃飯，途經爭鮮見晚餐長龍已散去就跑進去吃。今天找不到平日愛吃的鮑片沙律和帶子壽司，見有新款刺身就試一下。這應是鮪魚(Tuna)刺身吧，蠻大片所但大概是下欄部分，有些肉帶上根有點咬口…沒根的那些蠻好吃的…海膽壽司一直都是手快有手慢無的系列……、其他和平日都沒太大分別。它們現正主打的丼，雖然同價份量又大但看到真貨沒很想吃……我還是去找刺身壽司去!註:為求好看，我將2碟三文魚刺身拼在一起拍。它們一碟只有3片……

由於之前喺堂食嗰陣食過覺得都幾好，所以今晚我們特意再去旺角花園街嘅「爭鮮迴轉壽司」嘅外賣部買外賣自取返屋企！我們買咗登別丼飯除咗有帆立貝同三文魚都各有三件之外，而且都幾新鮮，另外仲有中華沙律、玉子絲同櫻花蝦乾嘅配料，真係相當豐富！而鯖魚丼飯同北海道帆立貝丼飯亦有同樣嘅配料，鯖魚嘅肉質好鮮味嫩滑，而且有四件，而帆立貝就好爽口彈牙，而且都幾大粒！另外我們再買咗綜合雜錦同蒲燒鰻魚餐盒嘅鰻魚都幾大塊，味道好鮮甜，而且表面嘅鰻魚汁都幾多，唔會好乾身！仲有再揀咗啲$3自選壽司！

今日下午我們去咗旺角花園街見到「爭鮮迴轉壽司」大大個廣告牌寫著全場壽司碟碟$8，所以我們就決定入去食下午茶！店員安排好我們坐低之後，我們就睇吓喺迴轉帶度有邊款壽司想食！第一款我們就揀咗帆立貝壽司，味道好鮮甜嫩滑！劍魚腩壽司嘅質感好爽滑肥美！香辣牛肉卷嘅頂層係鬆軟嫩滑嘅牛肉，再加埋香辣嘅醬汁，而底層係用壽司飯包著生菜，夾埋一齊食相當惹味清新！三文魚腩壽司好肥美嫩滑！而當中我們最鍾意嘅就係赤貝壽司，因質感非常爽口脆身，味道超鮮甜！總括：所有壽司真係全場碟碟$8，但有黃色碟同黑色碟之分，黃色碟就係比較普通嘅款式就有兩件，而黑色碟嘅就係比較貴嘅款式就得一件！咁都幾抵食，而且環境都幾乾淨衛生！

今天下班太晚，突然好想對自己好一點就去吃喜歡的爭鲜!其實也沒有真的是很貴的東西，只是晚上近九時爭鲜就不用排隊等位，那才是重點呀!夜了就是少飯多菜為主所以主攻刺身。。海膽青瓜軍艦今天很多供應呢! 青瓜很清爽海膽也不少帶子壽司成更稀有品種了，雖然鮮甜但一碟只有一件呢!北寄貝壽司不錯吃劍魚刺身一向比較清淡爭鲜的鮭魚刺身從不讓你失望限時半小時雖短但只顧吃倒是夠的。8元一碟這個價錢吃到上述的料是真的很化算呀!

次次都買外帶壽司，好耐冇食過爭鮮迴轉壽司啦九點幾都仲有好多人，間舖又細，好采咁岩有人埋單，我地唔洗等位就可以開餐啦坐底一陣，飲完杯茶就見到我最鍾意既蟹棒壽司啦仲要係好多沙律醬果隻之前見過有d舖頭既蟹棒壽司冇沙律醬之後就有鰻魚壽司都ok最驚喜既係火炙三文魚腩壽司+七味粉呢到有上下兩行既壽司不斷迴轉上層既就有黑碟同三文魚，下層就其他壽司除左野飲仲有甜品，個人對布甸冇乜興趣最遺憾既係呢到竟然冇朱古力慕斯蛋糕

坐喺度15分鐘一碟三文魚壽司都冇出現過 ，見到'有位客人 問服務員囉，先攞出兩碟， 但未輪到我已經冇曬喇；要 再追佢地囉三文魚壽司先有多兩碟出；真係啲好食嘅壽司要問先出，d款實在太少

下午2點多係新寶戲院睇完戲，到左午餐時間五知食咩好，想搵個地方坐下hea下見到爭鮮五使排隊，就決定食佢啦下午時間不算太多人，食物款式都好多！有我最愛既三文魚腩，好肥美，油脂味係口裡面慢慢散開黎，好正鰻魚既燒汁好濃郁，正！仲食左好多其他款式，感覺上到晚市還要多款下次下午再黎食過今餐2個人食左150蚊，食到好飽，捧住個肚走，再繼續Shopping💪🏻💪🏻