爭鮮外帶壽司 (已結業)

今日難得放假所以係屋企休息，唔想出街但係又想食壽司，所以就叫咗屋企人係爭鮮外賣壽司店幫我買，其實爭鮮既外賣壽司，無論價錢同質素都較其他外賣壽司店好。買咗一盒 $128 精緻宴會 25 入，鐘意食蝦既朋友就啱哂，因為裏面有三款蝦壽司，包括有海膽蝦、玻璃蝦同牡丹蝦，另外仲有三文魚、三文魚腩、花之戀、帶子同赤貝。雖然魚生唔係話太肥美，但始終一分錢一分貨。如果想再抵啲，可以係晚上就關門既時候買，因為有機會重有 8 折添。

各位，又係我啦。都有一段時間都沒有寫評語啦。眼見近排有空，就繼續尋找好食處。於是繼續在食物中的沙漠區尋找好食處。不斷行不斷找，終於搵到一間啦。為什麼會找這間呢？這就是因為它的名字叫爭鮮。見到咁吸引，就一賞連鎖經營店舖同如知爭取鮮味啦。首先知道該店散取的壽司是3蚊。既然炎炎夏日，就揀24件壽司啦。分別是三文魚，吞拿魚，魷魚，中華沙律，蒜味螺肉， 蜆肉等等散裝壽司。不過基於自取關係，唯有拎走啦。不過3蚊就有1件壽司，唔會諗食物質素，反而要關心就係衛生。始終壽司是生冷食物。希望以後都有3蚊壽司食啦。。。。

今日收工遲左，返到馬鞍山果時好多地方都已經差唔多準備關門，而且又唔知食乜好，想食啲嘢但又唔想坐低食，想買返屋企慢慢嘆，所以就決定食壽司。講到平靚正之選，梗係爭鮮外帶壽司啦，鋪頭開係港鐵馬鞍山站超方便。本身行到去都諗住買 10 件，買夠 $30 就夠喇，係我揀緊壽司嘅途中，個職員攞左二盒壽司拼盤出嚟，我一睇完就即刻攞左盒，因為真係好抵食 ! ! ! ! ! 有成 25 件，我計一計都係為 $4.5 件，但有花之戀，大隻牡丹蝦，鮮帶子壽司，就係呢三樣嘢已經值回票價啦，重要送成枝 Wasabi 比我。

想食壽司但又想返屋企慢慢食，最好既選擇就係爭鮮😁 抵食得黎味道不俗，尤其係有皮既三文魚(唔知叫咩) 有一陣香味係普通三文魚冇既甘香，食完普通三文魚再食有皮三文魚就好似有種升級既享受😋

想平食壽司，爭鮮的確係唔錯嘅選擇。平時多數買開$3壽司，今次就試下佢地嘅丼飯~呢個丼飯有數片三文魚同帶子三文魚超薄切，但一分錢一分貨，薄切可以接受帶子就普通，但都頗鮮甜。最意外嘅係，除左三文魚同帶子外，3種配料都好唔錯，配飯食一流~個丼飯都幾大，女仔食好飽下~總括而言平、靚、正！呢間爭鮮位於港鐵馬鞍山站內，想買都幾方便。如果可以喺馬鞍山開間爭鮮迴轉壽司就好了！

週末，不想外出，又想活動一下，住在馬鞍山的我們的確唔駛愁冇野好做。因為，這一個小小的新市鎮，有戲院一間可以讓區內居民輕鬆地看一線的中外猛片。習慣性，我們是不會光顧戲院內小食亭的，而且時間是中午，食是必須的事，而入戲院內食更是節省時間。所以我們習慣性會外賣入去。平時，都會食麥記，但次次食麥記，好似好悶咁，於是這一次我們就選別的，我們想起了港鐵站內有一間《爭鮮外帶壽司》，我們就不如一人買一份，拿入戲院慢慢享受。由於在戲院拿相機出來拍不好，所以我們只好在未開拆之前，影影相留念。太太吃的，是全油豆腐皮的壽司，以外帶 pre packed 壽司來說，《爭鮮》算是水準不差，這油豆腐壽司入口甜美，飯亦有正宗的香醋味，不錯。我的是雜錦壽司，魚肉就不是最新鮮的魚肉，三文魚，鰻魚之類，不會太差，只說希靈魚，稍一不新鮮，那些魚子就會變味，然而，這希靈魚壽司保持酊良好的狀態，沒有不好食的空間。方便，經濟，單是以這兩點出發去評《爭鮮》，的確係OK架。

12月頭甫又到訪台北，拍拍吃吃的寫意，本來希望一鼓作氣完成多篇旅行遊記與食文，但因為一些突如其來的衝擊，令我突然好想即時處理積壓2個月的食文。她，就是於本年10月在馬鞍山開業的爭鮮外帶壽司! 幾乎大部份人品評她為劣食、說要避而遠之，但卻抵受不了特低價錢，就是想便宜也要好吃，大家沒可能不明白一分錢一分貨之理。一向對壽司興趣不大的筆者選的以蓋飯為主，想光顧的時候是食店以後$2推廣價作新舖宣傳，人龍比在黃大仙等候上頭柱香還要長，嚇怕了我，即時折返。待人潮減退的日子，位處港鐵站內自成一角，空間闊落、壽司魚生甚至一些台灣食品款式豐富悅目，加上冷凍櫃內食物排放整齊企理，首次接觸爭鮮的筆者安心得多。1. 海膽丼飯 HK$28以28元的價錢得到的海膽當然不會是一片片的質量，薄薄一層海膽佔著飯面三份二面積，味道鮮香不腥，雖欠缺海膽應有質感，仍甘甜得有份齒頰留香效果，配料包括蟹籽香和爽口中華沙律，份量也不少啊! 它的整體味道不差，當真可以暫解突然渴望吃海膽的癮。2. 北海道帆立貝丼飯 HK$35這一向都是我的心頭好，也同屬店中搶手貨，一碗四大隻帆立貝賣相十分吸引，價格當然更吸引! 唯放進咀裡吃不到任何雪味