爭鮮外帶壽司

營業中

休息中

偶爾身體會提醒我要吸點魚油爭鮮差不多是我就近魚油的補給站今天買的是極上雙鮮雙鮮是三文魚腩及油甘魚壽司這個多月來也有看到魚生的變化的確比過往份量略減了一點但無損它脂肪部份的比重極上雙鮮的配搭是我比較喜歡的一款壽司三文魚腩夠油脂感很足夠跟油甘魚油中帶清做了個平衡以這個價錢的壽司來說用料真的算是交足貨不過始終是一分錢一分貨爭鮮的外賣店跟自家的壽司店用料始終有差如果想吃比較好些的還是建議到壽司店去買吧但作為速食外賣再加上這價錢算是CP值挺高的了

而家爭鮮壽司嘅位置，真係冇得輸，非常方便，如果趕住最巴士，得返幾分鐘時間，都可以極速入去買盒壽司走人。原來而家爭鮮壽司嘅選擇都非常多，但係價錢仍然係$3.一件！抵呀！最有驚喜嘅係海螺壽司，原來粒粒螺肉都好爽口👍🏼👍🏼白色嘅刀貝壽司就麻麻，雖然面頭好似搽咗少少醬油，但係成舊嘢都非常淡，冇乜味，同埋好韌🤷🏻‍♂️🤷🏻‍♂️鰻魚壽司就太過薄今次買唔到腐皮壽司，有少少可惜，因為腐皮壽司算係非常穩陣嘅選擇😆😆

今次買咗以三文魚🍣、蝦、扇貝為主嘅壽司勝餐。一盒25個，200港紙左右。花之戀以及三文魚腩壽司，食材新鮮，口感好，入口即化。北極貝壽司片蠻厚，嚼著有汁有味。薄片三文魚刺身（11片），食材算新鮮㗎。口感平平，一般般。我估係因為太過薄身嘅原因。外帶送咗許多wasabi料包。服務態度唔錯。蒲燒鯛魚丼算比較大份，配有玉子絲，不過應該係放雪櫃太長時間，鰻魚及下面嘅壽司飯都非常凍，比壽司凍太多，口感太唔好。唔推薦咯。

CP值：4.5/5價錢Price: - 柚香醬汁魷魚卷Grilled Squid in Yuzu Sauce：$32行過爭鮮見到有新產品平時一條魷魚卷起碼都過百蚊點知見到爭鮮只係賣$32，仲要入面塞滿晒飯，真係勁抵，所以忍唔住買左😂其實真係幾好食，啲魷魚好肥美，又唔會好韌入面塞滿晒壽司飯，撈埋嘅壽司醋同蟹籽，幾好食雖然佢連埋個頭好似異形咁🤣🤣🤣個柚子醬汁又好似唔係好夾咁但淨係食過魷魚身+啲飯都已經抵晒👏🏻全線爭鮮有售Available in Sushi Express

一個人食晚餐，最好就係快快趣搵啲外帶返屋企食完就算， 途經嘅一定係港鐵站，裏面有壽司買， 已經一份份包好曬乾脆俐落！買咗八件卷物，手殘嘅關係，拎到返屋企已經冇咁好睇。 食卷物最開心嘅，就係口裏面會有唔同嘅餡料。另外，再買咗個三文魚手捲，同一般手捲一樣，都係非常方便，跟返佢嘅step，就可以完成一個可以keep住紫菜脆度嘅完美手捲。睇返三文魚嘅份量都唔少，以呢個價錢嚟講絕對超值！！！買咗兩樣嘢，都係40蚊度埋單， 認真豐富！

收工先至去食咗碗雲吞麵做 tea，雖然 shopping 咗 3個鐘，但都仲係飽飽地。我仲諗緊食唔食晚飯之際，竟然見到屋企樓下間爭鮮夜晚做八折清貨，咁梗係搶啦 🤣 咁夜其實已經冇乜嘢剩㗎啦，幾經辛苦先俾我搶到一盒加州卷，哈哈 ✌

雖然爭鮮成日俾人話劣食，但唔知點解一諗唔到食乜就會去爭鮮，有日太夜先出去食，都差唔多9點，估唔到佢仲有開。其實都知咁夜，啲材料都唔會新鮮得去邊架喇，但我發現原來可以同師傅點餐咁，想要食乜就叫佢整都得，覺得咁樣反而幾好。但有啲放得耐真係搞唔掂，啲三文魚又薄又霉，連啲小卷既紫菜都有浸腥腥地既味，真係搞唔掂。

今晚我們經過粉嶺火車站見到有間「爭鮮外帶壽司」，所以我們就決定買外賣自取返屋企食！我們買咗多款$3自選壽司！而喺我們買嘅時候，已經有好多人喺度揀緊，差唔多全店爆滿，可能係因為多人買，流量比較快，所以整體嚟講全部都算幾新鮮！當中嘅吞拿魚雖然色澤唔算好紅潤，但味道都幾鮮味！芥末八爪魚嘅肉質好爽滑彈牙，食落有陣陣芥末嘅清香味！辣味螺肉嘅肉質相當爽口彈牙，「辣辣地」感覺好醒胃！其他款式都算不過不失，但帆立貝嘅味道就有啲腥！

今日小休,大家都留左喺屋企懶得出去,慈母大人就話買少少野返屋企當飯開~打開一睇,噢~~~壽司黎既呢~~自己確係好少食外帶食品~心知唔可以有太高要求~點都好~試過下啦~芝士蝦,三文魚壽司 - 壽司飯入口好爛,食唔出一粒粒既感覺,而且冇乜醋香,可能冇加醋都唔定~芝士蝦同三文魚味道一D都突出...OK明白...唔好太高要求~三文魚雜菜反卷 - 三文魚出品都係冇乜特別,味道啖啖的~雜菜係椰菜絲,份量似乎多左D~壽司飯感覺仲奇怪,飯出面D橙色原以為係蟹子,點知原來只係一層橙色既野,但係食唔出係乜野黎... 成件作品好似整起左好多日咁,入口感覺真係難以形容~ OK明白...唔好太高要求~食完大家都感覺意猶未盡~覺得要再食多一點點..但係唔係外帶壽司~

今日放左學果陣覺得有d肚餓，於是就走左去爭鮮買左盒blueberry cheesecake返去試下。爭鮮既壽司就食得多，但蛋糕真係第一次試。食落都覺得好食，d cheese軟硬度適中，亦都好足料，好濃既cheese味。但就太少藍莓味，面頭d blueberry jam就好似冇乜藍莓味咁，但以呢個價錢買到2件cheesecake黎講，都係好抵食。岩曬溫書時食!

收工接到肥髀電話！話想食壽司！最方便係壽司外賣店！快靚正！店在火車站內，面積好細，但人流好多，比錢要排到出門口！雪櫃一半放盒裝壽司，一半放自選壽司！店內人多，連轉身都無位！攞個膠盒揀壽司，肥髀同表妹都唔多要求，只要三文魚同飛魚子，另外要嘅北寄貝就無！只有刺身！揀多件黃金魷魚比自己！揀好去排隊比錢，都有5個人在前面，不過店員好爽手，客人都散得好快，可以八達通比錢，免卻找贖，速度仲快，9件壽司只比一包芥辣同豉油，比較少，好在屋企仲有！返到屋企大家一齊食！壽司獨立包裝！我各食一件，飛魚子卜卜脆！軍艦紫菜已淋，但味道ok!三文魚新鮮，唔會好薄！黃金魷魚卜卜脆，魷魚煙韌！唔錯！壽司可以平平地一餐！

回到粉嶺，已接近爭鮮的關門時間，而囝囝之前早已落ORDER要食宵夜，但總不成老遠跑去上水找車仔檔吧？一口氣選了一打不同口味的壽司，兩位囝囝一看見便兩眼發光，但又不會考慮好味與否。自己只能吃了熟蝦、北寄貝及三文魚。老實說，醋飯的酸味散得七七八八，三文魚無乜味，北寄貝只得柔韌，不過三蚊件，又真的夠吸引，難怪不斷有人排隊。

我和朋友去採草莓前，各在爭鮮裡買了一些壽司心感期待的買了一盒，卻失望了..很久都沒吃過會令我失望的食物......除了灸燒三文魚壽司和鰻魚壽司不錯，芥末八爪魚的也還可以，其他都真的不太行我可是個連明將壽司都喜愛的人耶！可想而知其他的三文魚壽司、甜蛋壽司和另外2種忘了是什麼魚的壽司真的…劣至今其味道的細節忘了，只記得一個字：「淡」淡如水。同樣$3元一塊的壽司，我寧願選擇7-11便利店裡的，即使材料細小一點。圖中以外的壽司我未試過，希望花之戀之類的壽司會好吃一點吧！

岩岩放工，原本只係想買4舊sushi過下口癮。然後比左錢我發現淨系比左醬油無比wasabi，咁我就問佢拎但佢話買4件得一包，一系要wasabi，一系要醬油我心諗，cheap得你丫，wasabi都唔肯比我除此之外，地下好濕，好易sin親，同埋職員態度差，只顧自己傾計

味道很一般,口感也麻麻地而且不配送豉油/wasabi 令人失望但作為一間外賣自帶的壽司店,算差強人意因為不是新鮮的服務態度頗差店內也很窄 顯得有點亂可能是趕不及清潔 驟眼看去也有點髒唯一賣點只有$3一件壽司 算抵食不過質量理所當然也如價錢般個人認為這種店除非是很餓但很趕又來不及吃飯才值得去的純粹想吃壽司的話 應該會後悔唉我應不會再去這店(