爭鮮外帶壽司 (港鐵兆康站)

營業中

休息中

收工 攰攰地 又見肚餓 打算求其買d外賣食爭鮮價錢算平平地 預左味道一般般求求其其買盒應該唔會伏既加州卷 頂住先不過呢間爭鮮 選擇太少了 大部分都唔吸引！但員工態度都唔錯 幾有禮貌既

今日放工自己一條友，屋企冇咩餸，又唔想去街市買餸煮飯， 咁咪平平哋喺西鐵站買爭鮮壽司囉返屋企食囉。雖然間店嘅面積係細咗啲，食物嚟講其實同真係出面嗰啲分店差唔多，所有種類都其實幾齊嘅。咁我自己本身想食啲熟嘢，唔係太想想食啲生嘢 ，咁就平平哋喺裏面揀咗盒鰻魚壽司返屋企食。 三十二蚊八件，大小適中，味道就唔會太難食嘅。 當然就唔好期待同出面嗰啲日本餐廳嘅壽司畀啦，始終呢個價錢有咁嘅食物質素算唔錯㗎喇。國服務員嘅態度都算好，至少唔會黑口黑面，問佢嘅話可以畀多幾包wasabi。食平價晚餐其實呢個好都係個好選擇。

係屋企乜都冇得食，想想自己煮都唔夠材料，唯有就要係屋企附近買嘢食返嚟啦。平靚正嘅係兆康唔多選擇，爭鮮算係算係好平民嘅日本壽司外賣舖頭。惟有行7/8分鐘係西鐵站啦。今次發現爭鮮新出左一隻叫軟殼蟹加州卷，30蚊岩哂我呢啲冇錢既人去試伏，入邊嘅青瓜就被軟殼蟹取代左，仲有好似一塊好似係生菜既物體包著，入面都有啲沙律醬。ummm 軟殼蟹俾我想像中好食，入到口但都有少少覺得油膩，比較厚粉唔算好食得出蟹...都係食番啲一直都有既combination la, 呢個價錢有咁既質素都可以接受架啦，仲要求啲咩呀

佢雪櫃入面有兩盒藍莓芝士蛋糕但係兩盒都好似溶溶地咁。咁我就問個店員有冇新嘅一盒啦，佢啲態度仲要勁差咁講冇喎！咁因為細妹真係好想食所以都揀咗盒叫做好少少嘅。咁我排隊俾錢嘅時候呢個店員一直用好奇怪嘅眼光望住我，我都冇理佢，點知我一比完錢走岀鋪頭嗰陣，佢就係入面攞左盒新嘅岀黎