爐爸打

街坊小店的堅持與溫度——十多年如一日的好味道 🌟在這個餐飲業瞬息萬變的年代，能夠堅持十幾年、保持水準的小店，實在難能可貴。這家港式串燒日式店就是其中之一。🍢 串燒依然香口惹味，火候掌握得恰到好處，醬汁濃而不膩，每一串都吃得出用心，最鐘意食明太子雞翼，牛舌，燒茄子。 🍚 牛肉炒飯香氣撲鼻，配料豐富，是那種吃完會想再來一碗的味道。 💰 價錢親民，是真正的街坊生意，讓人吃得飽又不傷荷包。 👫 老闆與老闆娘親力親為，笑容可掬，每次光顧都像回到熟悉的地方，感受到濃濃人情味。這樣的店舖，已經越來越少見。它不只是賣食物，更是承載了街坊的回憶與情感。如果你也懷念那份熟悉的味道與溫暖，不妨一試。…查看更多

今日同姪仔補完英文，佢話肚餓，咁我地就去搵食。少年人似乎都係想食日式，我地就黎左試爐爸打。環境呢度細細地，飯檯與飯檯之間比較近，但坐落又唔會話唔舒服，可能係食客都幾斯文，大家都細細聲講野。背景音樂就幾特別，又九十年代英文歌remix，又十幾年前big bang歌，又國語歌，聽到姪仔同我一頭冒水。食物呢度野食都係即整，熱辣辣，比點耐性等。豬軟骨拉麵$48豬軟骨係腍嘅，但其他一切就係好典型嘅港式拉麵。食完之後都幾覺得味精幾勁……日式豬扒飯$53呢碗都幾好味，姪仔挑食，比晒冬菇我，原來都加左幾多。個汁好開胃，份量對青春期少年剛剛好。見到隔離細路仔要了定食，賣相幾好，下次可以試。服務都幾有禮貌，家庭式feel。店員唔多，唔會好大聲講野。午市冇加一，下次一定再試其他款式。…查看更多

心掛掛突然想食串燒，於是入咗去。嗌咗三串串燒一串牛舌一串雞中翼一串多春魚有夠難食 。三串都好難食…完全唔明白點解串燒都可以整到咁難食….仲要每串都係21蚊….難食都算….三串串燒等成40分鐘有啲接受唔到….好失望牛舌係勁乾，勁難食同埋好薄雞中翼嘅係完全無味…食完個口勁乾……..真係好後悔入咗嚟………………………………好唔開心多春魚都唔好食……………….一共63蚊……………..三串好難食既野…………….…查看更多

同阿囡揸車🚗去西灣河搵食，見門口啱啱有個位，而爐爸打裏面座位可望到架車，便不作他選。小店經營，星期日的夜晚座位亦只坐滿一半。我哋各自order了一個拉麵🍜。豬軟骨拉麵和軟殼蟹拉麵，味道就真係好一般。反而串燒好有驚喜，即叫即燒，坐喺座位可以見到個師傅企係度慢慢燒。我哋order了沙嗲牛肉串燒、牛舌串燒、雞肉串燒、雞翼串燒，全部都冇令我失望。下次可以相約三五知己來呢度飲杯啤酒，食吓串燒、吹下水，都係一個唔錯嘅選擇。…查看更多

呢排大家都唔敢係街外面食飯，但係自己煮得多都悶... 咁唯有外賣返屋企食啦！呢間小店外表平平無奇，但係呢到附近都冇乜日式餐廳，一於就試下啦！鰻魚便當、牛扒便當，味道唔錯，份量都好夠，又有炒雜菜（呢個要讚下，因為本人非常唔鍾意白灼椰菜果啲伴碟菜）。價錢合理，外賣仲有9折呢！Btw, 個雞泡魚乾超正！下次可以堂食試下其他串燒！PS 不過拎外賣果時，眼見舖頭入面都冇乜人（當時正值午餐時間），可能都係做街坊學生生意多，大家可以既話都去支持下呢啲家庭式溫馨小店啦！…查看更多

週六慣常晚起床，午餐也遲一些～今天雖然沒什麼食慾，但飯點時間，總得吃點東西安慰一下腸胃，和兒子一拍即合，決定到離家5分鐘遠的‘爐爸打’小店解決需要。因為離家近，之前來過幾次了：有限的地方，緊湊著5-6張長方形，海綿座的餐台；日式裝修，四周貼掛著各種圖繪....似乎店家並不特別著緊生意，感覺侍應和廚房都沒什麼聲息，大家一起在這裡，雕刻時光～簡單的餐牌介紹了食物，都是普通日餐常見的定食，串燒，咖喱，小食，但沒有刺身，壽司🍣...這兩個基本野，奇怪？兒子喜歡吃拉麵，今天他order了一份：汁燒豬軟骨拉麵，HKD50.-碗不小，湯也占了大半，兒子說裡面的豬軟骨都幾大塊，拉麵裡配了兩片日式魚片，雜菜和黑木耳絲...我沒怎麼留意，他碗就清空了。我沒打算叫主食，雖然單點和定食同價，我還是堅持單點：比目魚西京燒 HKD65./-比目魚送上桌時，乍一看，量不足喔？但發現： 一是盤子太大，襯著食物顯小；二是兩塊比目魚雖然短小，但每一塊都很厚實，足量了！口感方面～因為有點over cook，魚肉稍微發緊，要大力一些，才能用筷子將魚肉夾分，好在不油不膩，沾點沙拉醬入口～很有蛋白質的感覺還叫了一個小食：雞泡魚乾 HKD35.-☝️這個也有點dry，咬著偏硬，味道也蠻重的，下酒磨牙必備！下午2點，只有我倆食客，侍應阿姐主動到檯前，向我收款後，她就匆匆忙忙下班走了。最後，只有一個前台廚師，總數背對著我們，也不知在忙什麼...我們出門時，背後也是無聲無息.三樣食物已很飽，買單共計HKD150.- 小貴。…查看更多

食過幾次既爐爸打，多數系便當，牛扒，鯖魚，拉麵，同串燒為主打，其中串燒燒物為最惹味，可為賣點之一。芝士年糕都有食過，比較厚皮少少，但真心好食，有80分。下面呢個魚便當。雞扒拉麵，雞扒有煎過，脆脆地，配料很足，粟米偏甜，拉麵彈性正常，一個正常水準既拉麵，份量很足夠。表現最好系雞扒。牛舌，外脆內軟，價錢系貴左d。但真系主打，肉質好香，是串燒的香味，肉質彈牙，肉面應該有灑鹽，令距更香更美味。食完一串覺得唔夠喉但價錢，，，唔會再叫多串都系拎啲錢試其他款串燒燒物啦！仲抵食！…查看更多

星期六同屋企人出街食個lunch, 本來想食對面間日本野，好可惜竟然冇開門😭唯有試下呢間，開左咁耐今次都係第一次食。我叫左個set lunch係西京燒比目魚定食，餐有跟面豉湯送，仲叫多左串牛舌，而屋企人就叫左個豬扒拉麵同天婦羅拉麵。🍤牛舌唔錯，燒得岩岩好，可惜唔記得左影相。但我個定食就一般...比較港式，個比目魚賣相唔太吸引，仲要中間有一點冇左塊皮😅反而右下角隻炸子幾好味🤣個皮炸得脆脆地又幾香。…查看更多

晚餐時段來，人不多，一開始被門口的日式燈籠吸引，以為會有刺身，但這家沒有，只有便當、拉麵、串燒等。只有一位師傅，所以等上餐需要一些時間。餐牌寫午市不加一，晚市加一。點了一個鰻魚便當有炸過的小甜薯（吃起來像南瓜或甜薯），野菜，鰻魚份量不多。另外單點了烤澳洲羊架羊架是現烤的，外焦裡嫩，但是調味過濃，太鹹了。上碟時配了一把剪刀，並不是刀叉。總體來說，建議來吃午市，選擇多元而且價錢算實惠。（另須自備紙巾）…查看更多

最近行過西灣河，發現了這間串燒店，再看看餐牌，價錢也不高，由10元至20元一串左右，也有沙嗲串燒，拉麵和便當，店內也坐滿客，想想應該可以試試吃，於是走入串燒店，點了九串串燒和一支啤酒，共$194元！吃得滿足，味道很好，最愛串燒雞翼和帶子！見到隔離枱客人點了泡菜蘿蔔和拉麵，好吸引，好似好好味，心想：再來這間店的話，一定要吃！打算下次和三五知己一起來吃串燒和喝啤酒，但店內地方不大，最好預先訂位比較好！…查看更多

串燒勁耐- 未食完即收碗筷，再柯打都吾喜歡，之前態度佳，現在生意好，多了位肥女人趕客走。最好半個鐘食完，衰過快餐價錢吾平，平均每人消200，環境窄、冇任何服務態度不佳…查看更多

晚上一人，行過爐巴打，一心想進去試試，點了炒烏冬及金茹牛肉卷。坐下後看見旁邊的枱都送泡菜小食一小碟，好奇問一問侍應，佢冷面答，泡菜是免費送給熟客的！我是第一次來，問佢要來多少次才算熟客，侍應答不到，只說泡菜不是一定送的！侍應一個好堅持的冷面孔！泡菜跟本不值錢，只是對客人的小小心意，這個堅持想有回頭客都好難了！另外，炒烏冬太咸，難食到極！沒有泡菜就只有狂飲茶送口。牛肉又老，慘過食紙皮!只有祝佢好運，只靠熟客幫襯，生意興隆。…查看更多

宜家係港島食野愈來愈貴，想平平地食個LUNCH都幾難。呢日我同D FD行完街諗住食下野，見到呢間日本野又唔係貴，所以就試下啦。我叫左個照燒雞便當，雞既份量就還好啦，但味道方面差少少，個飯個汁好香，其實淨係汁撈飯都已經夠，而飯既份量還夠填飽我，同埋佢有粒好好味既千島醬丸做開胃菜算係幾吸引，當然仲有碗麵豉湯，haha但個人就麻麻地偏鹹既，但有紫菜食就開心如果想平平地係西灣河食野，而又正正常常食得飽又唔太難食，呢間真係一個值得推介之選!…查看更多

仲以為爐爸打係中上價錢的居酒屋，原來佢價錢親民，感覺親民 (好多街坊一家大細去食，亦有一支弓的男或女去 "一人前"！絕無尷尬，氣氛和諧！) ，平靚正之餘，仲係性價比的一間街坊食肆！睇餐牌已有多樣心水，$18 小食又好吸引。 不過因為打完波想食D飽肚野，又想有D飯氣落肚，所以要了個咖哩豬扒飯，同埋雞肉炒烏冬，跟餐仲有碗麵豉湯添！ 論份量，呢度唔算大碟，不過镬氣搭夠，因為佢係落完柯打即炒的！ 好似個烏冬咁，D烏冬索晒D醬汁味，雞肉嫩滑，略嫌配菜 (洋蔥，紅蘿蔔絲同埋椰菜) 多左D唧。個咖哩飯唔太辣，調較得幾好味，豬扒鬆化有咬口，仲有幾舊薯仔紅蘿蔔，如果D汁多D仲好送飯！呢間可以再番炒，下次試下佢D串燒同 SAKE 先得！…查看更多

爐巴打已經係西灣河多年㗎啦， 每個月我同老公點都會去食一次， 因為佢嘅定食都真係好平民價錢， 淨拉麵$30到蒲燒鰻魚飯$75, 係未抵先， 另一款食物就係佢地嘅主打嘅 "串燒" 喇， 佢地係落 order先燒㗎， 保證新鮮㗎今晚我地2公婆唔係太肚餓， 所以叫咗 d串燒同炒飯嚟食， 先先嚟嘅係燒墨魚丸 ($12) 同 司華力腸 ($12), 呢2串係馬拉式嘅串燒， 即係沙嗲味嘅串燒跟住有我老公最愛嘅燒雞中翼 ($18),   燒到個皮好脆但內裡 d肉又唔乾喎再嚟一串牛舌 ($18) 同 我最鐘意嘅日本甜薯仔 ($18) , 牛舌好腍， 薯仔好甜㗎當然仲要叫個鵝肝帶子炒飯 ($65) 同 什錦炸蝦天婦羅 ($50) 粉飯係濕濕地嘅, 鵝肝外脆, 入口即溶. 天婦羅就失色少少, 脆漿令到外皮太硬.   但整體都好味嘅.…查看更多