影片
將泰國街頭大牌檔鑊氣小炒，静雞雞在六月中搬了來港，並開在我家附近，我們一家人對泰菜也有點好感，就怎能不去趁趁熱鬧呢。這一間襲港的泰國餐廳，叫 Krapow 爆爆泰菜，最近開了在將軍澳Popcorn二期，前身亦是一間泰好味的泰國菜餐廳，這店就來延續將軍澳商場少有的泰味道。今次這餐廳，以主打泰國街頭地道風味小炒經營。一入餐廳，從廚房飄來燒烤的氣味，彷彿到了曼谷的大排檔夜市場，引起我們食慾之餘，更勾起我們在曼谷行逛美食夜市的回憶。一看餐牌，這餐廳的菜式廣闊，真不明白，商場裡小小的廚房空間怎能應付。不理了，今回你出到菜我們就盡情點好了。先點了小食 Snacks，有炸蝦餅，鹹蛋炸魷魚 ，沙爹雞/豬，泰式煎蠔餅 。炸蝦餅是傳統泰式炸法，添些酸甜醬之後，就是伴啤酒美食。鹹蛋炸魷魚也是香口，鹹蛋皇的咸香，包裹著鱿魚，一啖一件，今晚就不理會邪惡是什麼好了。而沙爹燒烤火喉十足，難怪一入餐廳，迎賓香氣就是來自燒沙爹的氣味。泰式煎蠔餅煎得香脆，感覺蠔肉雖然大隻，但數量略少了一點。肉類與海鮮今晚點了有火山骨，黃咖喱炒蝦 ，泰式燒牛柳，原隻燒鮮魷魚。火山骨就不得了，用酸辣開胃的湯汁，煮到豬骨入味，然後擺得甚有山水意境上桌，沒半點像被人說成煲過湯之湯渣模樣。黃咖喱炒蝦亦是惹味非常，咖喱味香濃偏甜，這是泰式的特點，適宜點一個白飯，與咖喱汁伴吃，或可以打包咖喱汁回家，再伴上任何海鮮，作個二食。泰式燒牛柳，牛柳燒得淋滑，配上特制泰式燒醬汁，$138這個價錢，性價比相當之高。原隻燒鮮魷魚，魷魚串起以炭火燒過，伴上紫洋蔥和蘿蔔絲吃，酸酸地是地道的泰國街頭小吃味道，魷魚切成花是考功夫的傑作，能一人一串就更爽了。吃泰菜怎能沒有粉麵飯，今晚也點了泰北咖喱雞髀湯麵 ，醉貓炒河 ，火車炒飯 。泰北咖喱雞髀湯麵是驚喜，將麵一半是炸脆了，再撈上帶椰香的咖喱麵上吃，增添了整碗麵的香口和軟綿香脆參半，雞髀煮得入味一撕就開，就方便一齊分享了。醉貓炒河，河粉煙韌，與廣東河粉不同，整碟河粉炒得甚有鑊氣，而火車炒飯也如是，泰廚師的小炒功架，鑊氣的掌握，不遑中國廚師多讓。甜品點了各人也愛吃的芒果糯米飯 ，這是泰式甜品之 Signature ，兩種不同味道的糯米飯，再配清甜的泰國芒果，是百吃不厭的泰國甜品。總結這間泰國餐廳，熱愛泰菜的朋友，就不要錯過這間地道非常、鑊氣一流的泰式風味餐廳了。因為這餐廳，泰多嘢食泰好味了。
繼續閱讀
將軍澳開左間新泰國菜，星期五晚約班朋友試試。先點啲前菜小食配啤酒🔸️沙嗲串燒(4串) $78雞、豬各兩串。燒得香嫩，沙嗲醬有濃郁花生香，惹味十足。🔸️鳳爪沙律 $88鳳爪彈牙，味道酸甜微辣，十分醒胃。🔸️原隻燒鮮魷魚 $138魷魚肉質彈牙，鮮味突出。配上自家制醬汁，味道都唔錯。🔸️椰子雞湯 $108湯底香濃帶點微辣，椰香味突出，雞肉都幾嫩滑。🔸️泰式肉碎生菜包 $88生菜爽脆，但略嫌有點難包。香料層次豐富，肉碎微辣惹味。🔸️泰式燒牛柳 $138牛柳燒得剛好，粉嫰粉嫰，香氣撲鼻，配上泰式醬汁酸辣開胃。🔸️火山骨 $168十分吸精嘅巨型火山骨，朋友至愛。餐廳好貼心，提供手套，方便進食。排骨肉嫩，醬汁香辣刺激。🔸️椰菜苗 $88椰菜苗炒得爽口，帶有淡淡蒜香味。🔸️飛雞炒河 $88雞肉嫩，河粉炒得乾身不油膩。飲品方面都幾多選擇，除左啤酒，仲有雞尾酒。🔸️泰式莫希托 $68🔸️蝶舞可樂撻 $68🔸️夏日三重彩 $68🔸️凍泰式咖啡 $30🔸️單霞 $30🔸️象啤 $30啤酒清爽易入口，帶微微麥香，食泰國菜飲最爽飯後點杯凍泰式咖啡，咖啡極濃，甜度適中。飯後甜品當然唔少得，叫左幾款一齊試。🔸️芒果糯米飯 $68芒果幾甜，糯米軟糯，椰汁香濃，甜而不膩。🔸️椰汁雪糕 $58雪糕好幼滑，椰香濃郁。🔸️芒果蜜吐司 $68芒果幾甜，吐司外脆內軟。
繼續閱讀
將軍澳Popcorn有間以泰式大排檔風味嘅泰國餐廳，聽落都幾特別首先嚟個小食開吓個胃特先，炸魷魚球唔常見，炸到咁金黃靚仔令人流晒口水，點魷魚專用嘅辣醬食，更配合炸香泰式大排檔最signature當然係BBQ，燒烤風味當然離不開串燒，魷魚、豬肉同雞肉都燒得香濃，各配唔同嘅醬汁燒牛柳份量好厚，肉質幾嫩幾鎖到汁燒原隻魷魚估唔到咁有焦香，口感夠滑溜，令人好想去BBQ除咗潮州嘢，泰式亦有蠔餅，大大塊炸得酥脆，好多蠔肉，點泰式醬汁勁惹味火山骨係近來潮流嘅泰國菜式，用鍋滾住keep warm，大大嚿豬肉骨，充滿冬陰湯香，滲入豬肉當中作為澱下當然要食瀨粉質，泰式金蛋麵比較少聽到，又幾索咖喱湯底，又香又彈，雞髀肉都索晒汁炒河嘅河粉好特別，唔係平時食嘅河粉，而係一片片，非常煙韌，連豬肉碎炒到勁爆香甜品一定走唔甩芒果糯米飯，飯有雙色—班蘭同椰香，芒果大大嚿好甜蜜糖吐司真係好值得推介，菠蘿粒係新鮮切粒嘅，吐司激厚滿滿蜜糖香味泰茶都好出名，呢間有唔同嘅茶類選擇，有青檸茶，亦有龍眼玫瑰茶，茶香馥郁。冇諗過連cocktail都有，蝶豆花colada好香椰子味而用金不換同蛋香調和嘅酒都好特別，口味極之清爽甘甜
繼續閱讀
將軍澳POPCORN商場有新泰菜主打鑊氣小炒進駐，炒粉麵飯基本上係必點🔥 醉貓炒河($88)比飛雞炒河($88)更加惹味，前者帶點微辣鹹香感重，後者炒雞蛋配雞肉的味道就比較出 但兩款都係用上超級煙韌的河粉 越嚼越香完全食唔停🌶️～小食類推薦炸蝦餅($78/3件)每件都一開二 好彈牙蝦味夠🍤 邪惡仲有炸得好酥脆的泰式煎蠔餅($98) 好大的一塊，每一口都有滿滿的蠔仔 配辣醬超正🦪 適合同朋友仔一齊share的有火山骨($168) 佢有個火爐仔熱住 唔洗驚食得慢會凍晒，自製的青椒醬唔會好辣 反而都幾夠酸！而燒烤種類都唔少 沙爹串燒($78/4串)有豬、雞、魷魚揀，另外仲有原隻燒魷魚($138)沾酸辣醬好開胃 份量好多啖啖肉🦑 佢哋仲有泰式燒牛柳($138)呢個價錢絕對屬於抵食🐮 甜品類除左基本泰菜必點的芒果糯米飯($68) 我反而覺得菠蘿椰子蜜糖吐司更加有驚喜 吐司外脆內軟熟 面頭有滿滿的菠蘿粒粒 好大球的椰子雪糕 夾埋一齊食冷熱交融🍍 而飲品佢哋的凍泰式咖啡($30)仲有得走甜 奶味唔會過重 反而仲好飲到啖啖的咖啡香☕️ 鍾意飲酒一定唔好錯過佢哋的cocktail 價錢非常相宜 最鍾意蝶舞可樂撻($68)蝶豆花版的pina colada除左個樣適合打卡 椰奶味道都好香但唔會過膩🥥 而偏愛refreshing的話都可以試下真金不換($68) gin底再加香草 啱晒配辣野個陣飲🌿
繼續閱讀
逛街發現了一間新開的泰國菜餐廳，環境寬敞舒適，加上最近天氣炎熱，頓是勾起我的食慾，便與朋友去嘗嘗。鹹蛋炸魷魚 ($68)相當邪惡，金黃色的鹹蛋黃均勻地沾滿魷魚，魷魚柔軟煙韌，鹹香可口，濃而不膩。沙爹（雞、豬） ($78)選了雞肉和豬肉，軟腍多汁，沙嗲醬添加了花生粒，味道甜甜的且帶點花生香味，相當惹味。泰式燒牛柳 ($138)牛柳熟度恰到好處，口感軟腍，肉味香濃。火山骨 ($168)賣相吸睛，排骨埋疊成小火山，上桌時熱氣騰騰，引人食慾！表面淋上醬汁，酸酸辣辣，啖啖醒胃提神。飛雞炒河 ($88)上桌後香氣撲鼻，河粉嫩滑煙韌，蛋香十足，有驚喜。泰北咖喱雞髀金蛋麵 ($88)湯底味道香甜，金蛋麵掛滿湯汁，微辣惹味，啖啖獨特滋味，讓人停不下口！菠蘿椰子蜜糖吐司 ($68）外脆內軟，帶有蜜糖香，配上新鮮菠蘿和椰子雪糕，帶來清新酸甜好滋味。椰汁沙冰 ($42)口感細滑，椰香濃郁，味道清甜清爽。
繼續閱讀