燧記廚房 (荔安大廈)

營業中

休息中

咗一個客飯 午餐 薯仔汁排骨薯仔煎香 排骨啖啖肉薯仔排骨大大碟 飯同餸會分開上好味.即叫即炒夠鑊氣 排骨同薯仔的比例都算恰當 當然薯仔會畀排骨多少少. 外賣的膠兜保暖的方便配菜都幾好味, lunch唔知食乜叫外賣 呢度飯同換送會分開相 食得乾淨企理衛生 外賣自取仲免加一凍檸茶青田解渴 透心涼的感覺薯仔炆雞翼 雞翼大大隻 炆得好入味 薯仔的薯蓉混日雞翼中份外惹味 用嚟食飯就非常之開胃 可以送上兩碗飯 平價之選絕對係值得推介大份格好味值得推介

首先堂食但用外賣盒上菜已經好odd 話曬都成$70話明即叫即整 ，d poster仲話要等10-15分鐘我地1分鐘已經上檯🙃個飯硬嘅 憑個碗d水蒸氣真係以為係叮叮飯叫左個紅燒薯仔排骨同汁燒椰菜炒肉 一上已經係室溫要形容真係只能話係比叮叮飯更差薯仔完全軟曬係削嘅d肉8-9成係骨 椰菜炒肉d豬就塊塊都係脂肪入到去當然完全無任何服務同用普通話點餐好奇怪食完成餐唯一comment就係以為係叮叮飯黎但比成$70一個人絕對無可能有下一次 送都唔食

近排星期日唔想離開屋企，因為要留低煲返五集全民造星🤩。不過飯就點都要食嘅，而我會選擇買外賣，邊食邊睇嘛。夜晚我哋開外賣App揀咗嗌「燧記廚房」，自取有九折優惠。我哋一去到外賣就經已準備就緒🥡，原來餐廳有少量堂食座位，但店舖面積較細，住附近的話買返屋企食會比較舒服。小店主打川味小菜🥢，款式總共有十多款，當中唔少都帶有辣味。套餐同單點價只相差$5，而餐就多碗飯🍚同飲品/例湯，正常都會嗌埋吧。芳香惹味孜然牛肉($60/套餐)，估唔到呢碟牛肉落咗咁多辣椒同蔥炒，辣味強烈🌶，再加埋孜然香，整體係一道幾惹味嘅菜式，但千萬要小心唔好咬爆辣椒籽。牛肉約有十片，肉質唔韌🐮。有內涵紅燒馬鈴薯排骨($55/套餐)，呢道餸味道OK，但如果將排骨換上肉片會開心啲，因為唔使噒骨🐷🦴。菜式唔辣，鹹度適中，唔重口味，而且仲有唔少薯仔粒🥔，外面煎香内裡軟淋。是日例湯係蛋花紫菜湯🥚，味道偏清淡，普普通通啦，唔要湯可轉揀飲品。總括嚟講，今晚終於夾啱時間初嚐呢間經過多次嘅川味小菜外賣廚房😄。如果辣癮起，可以考慮嚟呢度食食。題外話，我留意到有唔少港大嘅內地生嚟幫襯，相信佢哋認為口味正宗呢。

又係星期日，唔想煮飯嘅日子~落去屋企樓下附近睇吓有乜嘢外賣食，見到呢一間餐廳主打做外賣，自取仲要九折唔收加一，一於買兩個餐返屋企！餐牌簡單，有10幾款左右，有牛丶豬丶雞，蒸水蛋蔬菜等等，大概50幾蚊一個餐我就叫咗個蔥爆牛肉同埋紅燒馬鈴薯🥔排骨，飲品就揀咗豆漿等咗一陣就拎得返去依家外賣好細心，採取上下兩層，上邊係主食，下邊係白飯~蔥爆牛肉 極多牛肉，醬汁調味得啱啱好，再加上大蒽，用嚟送飯一流！紅燒馬鈴薯🥔排骨，馬鈴薯燒得好香，外脆內軟，再加上滑嫩嘅排骨，正～！冰凍豆漿，好飲又解渴～依家外賣小店性價比十足呢！

前幾日去食周記點心, 見到對面新開左一間餐廳行近先知道係食中菜嘅, 價錢都幾抵食, 今日經過順便買個外賣返屋企慢慢嘆燧記廚房主要係做中式小炒嘅, 款式都算多樣化, 堂食唔洗加一之餘, 外賣自取仲有九折添<外婆菜四季豆炒肉碎>大食妹嗌咗外婆菜四季豆炒肉碎, 加五蚊升級做套餐, 就有埋白飯同汽水燧記廚房嘅外賣盒分開上下兩層, 飯同餸係分開嘅, 咁就唔使驚攞返屋企路程太遠啲飯會發脹啦外婆菜四季豆炒肉碎嘅味道好特別, 四季豆咬落好脆, 配搭外婆菜同肉碎, 又香又惹味值得一讚嘅係超有鑊氣, 明顯係即叫即炒嘅米飯份量唔係好多, 但係濕度啱啱好, 食落粒粒分明, 同外婆菜四季豆炒肉碎係perfect match

.📍燧記廚房📍香港西環西營盤水街2號荔安大廈地下C號舖嘗了一家機器人作為主廚的餐廳，居然每個品項都是高水準表現，絕對是高CP之選，個人覺得住附近的人都應該要成為常客😂這次點了個2人套餐(130hkd)，可選2個主菜配飯，再加一個櫻花蝦炒高麗菜跟2碗湯或飲料，我們選了孜然牛肉跟醬爆雞丁，牛肉是有辣度而且很入味的，完全不難咬，配料超級下飯，雞是偏甜口的，肉質居然沒有因為爆炒變的乾柴，還是嫩滑的，如果不能吃辣的朋友建議點這道🍚不過我最喜歡的是炒菜，味道不會寡淡，是偏重口一點的炒菜但不會太油膩，個人覺得很剛好🍚然後湯就是紫菜蛋花湯，口味比較清淡，作為附贈的我覺得很不錯了❣#foodiblum中式

阿媽叫我夜晚買個外賣🥡返去加餸，放學之後又好攰唔想行太遠，見到附近呢間餐廳啲小炒好似幾正咁，外賣自取仲有9折，就買左一個返去試下～🐂 孜然牛肉 $54牛肉片好多塊，幾抵，同埋孜然味好香～ 另外估唔到佢咁辣，係香辣得黎帶麻，後勁好強，要狂隊豆漿/牛奶😂 啱晒鍾意食辣嘅朋友🌶️🔥 飯粒都幾飽滿好嚼，我清到一粒都無淨，唔錯👍🏻🥛 豆漿 +$5呢隻大和豆漿我平日都有飲開，包裝嚴密，味道甜甜地、有豆味，我成支攞嚟解辣😂小炒嘅質素真係幾唔錯，價錢又合理，搵多幾個人一齊食可以叫多幾個餸～

今日又比老母點我去買外賣，叫我買完外賣先可以返屋企，仲要指定食小炒菜添。臨時臨急要我買，都唔知去邊度買好。好彩呢個時候，我經過左呢間小店，見到有小炒菜賣，仲要只係$50左右就有一個套餐，經濟又實惠，一於就買呢個啦。每個套餐都有飲品同白飯嘅，我叫咗兩個套餐。飲品我就揀咗兩罐可口可樂。麻辣子雞$55平時食麻辣子雞，好多時都要吐骨，我個人就覺得有啲麻煩嘅，不過我又鍾意個味道，所以唯有叫啦。好驚喜地，呢度嘅雞已經幫你拆好晒骨，仲切成一粒粒，超級方便進食，正呀。有好多切咗粒嘅辣椒同埋花椒，好香。乾鍋花菜炒肉$55花菜即係椰菜花，肉係腩肉片。呢兩樣野我都覺得用干鍋嘅形式去炒係好夾嘅，分量又有幾多， 50幾蚊來講真係抵到不得了。椰菜花同腩肉索晒辣椒嘅香味，好食。食完之後，老母話正，叫我多啲買呢間。大鑊啦，即係我又要經常做外賣妹啦。

今日落堂嘅時間都比較夜，落堂之後都已經唔想再周圍去，所以快快手喺大學附近買個外賣返屋企食就算啦。以炒小菜黎計，呢間嘅價錢都算幾抵，而家外賣自取仲有九折添，即係每個小菜加白飯都只係$50左右就有啦。仲要有湯/飲品添。紅燒馬鈴薯排骨 折後$50薯仔粒同排骨都幾多，每樣都切到細細粒，方便進食。薯仔好清甜，好好食。排骨都煮得好淋好入味，好食。孜然牛肉 折後$54孜然味好重，好香好好食。牛肉又有超多片，勁抵食。同埋啲牛肉完全唔鞋，五十幾蚊有咁多牛肉又有飯有湯，喺西環黎講相當抵食。蕃茄蛋花湯 $0番茄切成細細粒，連埋啲蛋花煲成湯，清清地又幾好飲，好有住家飯嘅感覺。呢間真係幾高質，下次又係咁遲落堂嘅時候應該會再買。

今日放工收到阿媽柯打要加餸又唔想成日都淨係食燒味所以決定加多樣餸喺電車路行上少少今日決定去試試佢呢度主要賣家常小菜客飯菜式豐富價錢都好合理外賣自取仲要再九折！問左阿媽意見後決定試個四季豆炒肉碎店員都好好咁介紹知道我地唔係好食得辣呢款一隻辣椒🌶️，就啱我地喇！等左一陣就出爐喇！份量唔細，絕對抵過茶餐廳小炒包裝好整潔，外賣都唔失禮返到去都可以唔洗加熱都仲微暖四季豆好好肉配上肉碎欖菜，好好送飯辣度剛剛好，少少辛辣但唔會太剌激店員仲介紹過，嗜辣嘅話佢地仲有個小炒黃牛肉🌶🌶🌶有機會可以試試佢🤤🤤

天氣又凍又唔想煮飯，又冇得出去堂食咁唯有食外賣啦。咁啱今日經過見到屋企樓下原來有間食小炒小菜嘅餐廳，所以就決定試吓啦。本身我係好鍾意食牛肉嘅，天氣咁凍又想食啲辣野就叫咗個小炒黃牛肉，仔仔整完牙又唔食得其他嘢就叫過肉燥蒸蛋俾佢。呢間餐廳嘅設計都好簡單又乾淨企理仲有部自助點餐機方便快捷唔駛等好耐，等外賣期間啲員工都好有禮貌仲有同我傾幾句，出邊咁凍真係要快快手手返屋企啦。外賣來講設計其實都算係幾好，碗飯又夠多，仲要有埋紫菜蛋花湯！一打開個盒，小炒黃牛肉啲味已經攻晒出嚟，好香啲肉又好淋牛味又好濃郁，本身好怕食啲好硬身嘅肉嘅仔仔都話好好味重點係好救鑊氣！仔仔最鍾意食真係個蒸蛋啲蛋滑到即食入口已經溶咗啦，加埋啲肉操又夠濃撈飯一流呀所以好快已經清晒。整體來講我覺得以呢個價錢，真係好抵食同埋最緊要係出餐快，唔駛等咁耐！返到屋企即刻食得！我諗嚟緊可以再試佢個餐牌唔同嘅餸菜，或者等堂食開返直接去嗰度食應該會仲更加好味。

門口見到有特色小炒， 就買啲外賣返屋企加餸啦款式都是家常小菜，全日免加一， 套餐仲連湯或汽水㖭， 點了紅燒馬鈴薯排骨($55)和黑椒炒牛肉($60)， 等了一等外賣便ready了， 打開望一望，很熱辣辣，香氣撲鼻， 上層是餸菜下層是白飯。黑椒炒牛肉香濃惹味， 有很重的黑椒味，辣辣的， 而且配料有青椒絲、紅椒絲、洋蔥絲和一些香葉作調味， 送飯一流紅燒馬鈴薯排骨炒得很香，薯仔和排骨份量剛剛好， 不會只有一兩件排骨， 薯仔是紅燒過的， 所以外皮微焦香，內裏口感軟綿例湯是蛋花紫菜湯， 清得嚟又有很香的紫菜味

加班工作星期六剛巧於西環辦完事這一帶也有較多川菜餐廳剛巧看到這間價值親民，外賣自取還有九折所有小菜選為套餐只貴$5，跟白飯及飲品外賣包裝很妥當，非常密封，保溫能力高黑椒牛柳 - $54(原價: $60)牛柳為牛肉中最細嫩，肉質瘦肉偏多及低脂肪切成薄片，肉質極鬆軟蔥、姜及蒜粒等更能帶出黑胡椒的香味，帶點微辣，非常濃郁惹味洋蔥、青椒及紅椒絲等炒得很脆口乾鍋花菜炒肉 - $50 (原價: $55)一層層肥瘦相間的五花肉薄片，富有彈性又不油膩花菜保持脆的口感，同時又較吸油，故多一份豬肉的油香乾鍋味道醇厚香辣爽口，令人更開胃

西環水街既燧記廚房，有極大既其中一個賣點為智能機械與餐廳融為一體！智能既發達不得不佩服，但首先更要欣賞發明的人！令成個流程更方便快捷。menu既套餐唔過60,學生又有折，外賣又有折！所以非常抵食！疫情期間唯有外賣回去！2盒飯拎到回家都 keep到熱辣辣！而且餸還飯分開裝，相當不錯。叫左1份黑椒牛柳，味道非常濃郁夠哂味，送飯一流！勁多香葱蒜片，好夠香牛柳片質感夠嫩，充滿著濃濃既黑椒味，不得了。白飯既份量都非常大份！乾鍋花菜炒肉，豬腩片夠精緻唔事，花菜和豬腩片都非常香而且帶點辣勁！夠火喉肉和菜既份量好夠哂多，60蚊食到咁既質數非常滿意

尋日放學經過西營盤，差唔多係食晚餐嘅時候，諗住而家禁堂食，就買外賣返屋企同屋企人一齊食～咁啱見到呢間中式餐廳，之前食過覺得幾好味😋就嚟買外賣返屋企食～一個小炒套餐連白飯同埋餐飲或者餐湯大概$50至$60不等，幾平👍🏻紅燒馬鈴薯排骨$50有好香嘅薯仔炒排骨🥰薯仔幾淋🤗排骨幾有咬口😆而且好入味☺️小炒好有鑊氣😍送飯一流👍🏻而且又唔會辣鹹鹹地，幾好味😋醬爆雞丁$50炒得好香嘅雞丁🥰雞肉粒幾有鮮味☺️仲有啲燈籠椒幾新鮮幾爽口💕調味好夾👍🏻同樣好好送飯🤗食得好滋味😍豆漿加$5有支裝豆漿😆感覺幾健康👍🏻餐廳仲有唔同款式嘅小炒😍價錢實惠🤗有辣有唔辣🤣下次嚟再試吓其他小菜先☺️