營Café My favorite (已結業)

我真係犯賤，發誓唔再幫襯但貪近又黎食。 次次食親都好嬲，今次佢竟然俾啲過期千島醬我食。起身超餓，所以明知係大伏都黎.lunch time都大把枱唔使等。一入到黎又見到果個黑面老闆娘。叫左魚柳，所以問佢有冇沙律醬啦，點知佢得千島醬，味道怪怪地都算啦好肚餓，食完先見到個樽係2013年12月，過左期2個月，咁樣唔只食物味道有變，衛生程度都成疑。同佢講佢輕鬆地講左句過左期呀？就放返支野上櫃，有相為証。我真係倒霉，食親牛角包都係燶黑邊，個邊苦既，中間又韌。點解將嘉頓包烘熱都可以整到咁難食？份量又少，食完都仲係好肚餓 T_T…查看更多

午餐無跟湯和餐包，有點美中不足:(原本西冷可配飯、意粉、薯菜，若配沙律就加 $3 西冷薄約 5mm 可算多汁、無梳打粉味、有牛味但唔重凍檸茶茶味不足，少甜是對的，因上次無要少甜結果好甜凍熱飲品同價，抵讚…查看更多

幾次經過『營Cafe』都很想試一試，可惜每一次也是滿座，而我是一個絕對不喜歡等位的人，所以也從未光顧過今晚放工回家途中，剛巧見到店內有空位，於是也不再猶疑，馬上就入店內一試『營Cafe』的店面真的是「蠅量級」，店內大約有6張4人桌，2張2人桌而且位與位之間十分親密，沒辦法，在細的店舖入面，要用盡每一平方呎的土地，難免就要比較擠迫一點店的裝潢簡單，柔和，店內衛生情況不錯，但因為空間感太侷促，所以真的不太舒適，更談不上氣氛了看看有什麼食物吧，『營Cafe』主打扒類，粗糙看了一下，有一些貴價的可以過百元以上另外也有一些意粉、焗飯之類的選擇花多眼亂之下，都是作一點比較大路的選擇吧？來一個晚餐西冷牛扒配薯菜 ($55，免加一，薯菜轉飯或意粉要另外加$6)十分期待呢~先送上來的是一個「沙律」，入面主要是雜果，味道OK，口感不錯不過就算免掉，也不會覺得可惜餐包熱熱的，大大個，而且十分軟身，自己搽上牛油後簡簡單單，就已經好好味可惜侍應沒有提供牛油刀，只能用切扒的刀搽牛油 :(羅宋湯，很夠熱，配料不算多而且味道偏酸和不夠辣，一般水準，不過不失主菜來了！西冷牛扒十分大塊！伴著炸薯角和西蘭花 最令我驚喜的是炸薯角,因為是又熱又脆，新鮮炸起的，真的很有誠意！而主角西冷牛扒都不錯，生熟程度掌握得剛剛好 (侍應不會問你想要幾成熟)牛扒嫩滑而又有肉汁，每一啖咀嚼也令人覺得很幸福可惜梳打粉的味稍為重了一點但以$55 來說，已經比一般連鎖快餐店的水準高很多侍應貼心地在差不多用餐完畢才送上熱咖啡味道OK總結：以$55的價錢來說，『營Cafe』的牛扒算是水準之作可惜店面真的太細，而外面等位的人又很多所以全餐飯也以「食快餐」的速度進食未能舒舒服服，慢條斯理地享受晚餐，真的是一個遺憾…查看更多

今日早了出街食晏, 好開心跑去營Cafe, 十二點未夠, 果然唔使排隊, 好嘢!一到附近幼稚園放學就唔使旨意有位. 街坊舖仔, 得兩個待應, 其實係兩母女, 兼埋做收銀, 時不時都有啲甩漏, 如果介意就唔推薦幫襯了. 我點了雞扒烏東(可選擇烏東或拉麵, 雞扒豬扒或雞翼)雞扒熱辣辣, 仲好細心咁切成細塊,湯烏東內小片蟹柳, 蔬果及粟米粒, 跟餐配 ******即 磨 咖 啡******* 係不用加錢的.老公一向鍾意食佢嘅焗吞拿魚長通粉的,但今日好肚餓, 改叫扒餐, 選擇都好多, 有牛扒豬雞扒魚柳雞翼雙蛋雙腸雙火腿....etc以上任選兩款, 老公選了牛扒及魚柳, 配意粉, &黑椒汁,牛扒當然不期望A級貨, 但都有一定厚度, 及有半生熟效果,魚柳更是新鮮熱辣, 非常香口美味,佢地整意粉更是拿手, 一定唔會搞到爛溶溶的,老公點了凍啡,長氣都要再提下, 呢度跟餐order凍飲係不叧收費的.…查看更多

小妹由營cafe岩岩開張都而家一直都keep住幫襯,因為食物質素唔錯,價錢相宜,但係經過今次之後,真係唔會再黎幫襯!話說今日諗住去營cafe食下午茶($27),之前(幾個月前)我1點50去食就已經有得叫下午茶,我以為今日都一樣啦,於是就入去坐著等叫野食,點知呢我坐左係度,舉埋手,都未見有人黎處理枱上面遺下既食物同餐具,坐左3分鐘先過黎執枱。OKAY,人手短缺,我明白既。 之後我叫下午茶,佢又幫我落左單,咁我以為已經係下午茶時間。點知,佢張單寫住要$32,我問個大嬸侍應點解啦,佢好冇禮貌咁同我講: 而家仲係lunch時間,未到下午茶時間喎(重音係個"喎")! 聽到呢句野真係火到...... 第一,27蚊果個餐只係出現下午茶菜單,佢根本冇理由自行加5蚊當佢係lunch,呢個明係道德操手既問題。第二,身為侍應該都有責任提醒食客還未到下午茶時間,唔係盲中中咁樣幫人落單,佢咁樣好似刻意咁樣耍我地食客。第三,佢d態度,無論係落單,同其他伙記講野果陣,都係令人難以忍受。仲有佢成日掛住睇電視,唔理客人! 食物方面係尚可既,但係d薯角炸得燶左d~ 到我去埋單啦,我係個門口出面等佢,佢就慢條斯理咁樣行出黎,仲要執番我岩岩坐完果張枱,先出黎收錢。(哇!真係好有條理喎!點解今次咁快手既?係客人黎之前執枱既?) 都係講果句,比多5蚊唔係個問題,最大既問題係佢既服務態度(係舊果位,唔係新黎果位),同埋此店營運手法(亂加錢)。…查看更多

好𢛴！那天下午5：00，3位朋友一起去tea,見到這cafe冇乜人，店外的圖片又好吸引，所以入去試試！我們叫熱狗，「冇」，叫「米線、面」，又「冇」，其實仲有咩呢？阿姐話廚房位差不多收左，算，叫牛角包，食tea梗係慢慢食啦，吹下水，去到5：45pm,另一個friend後加入，因喉嚨痛食吾到牛角包，薯角，想叫佢要杯水，你估阿姐講咩？她說：我哋冇水，要就$2杯，勁𢛴，當時我們算了，可能怪我們遲來的朋友不叫食物⋯最火滾是6幾，近7點，我們不停被阿姐𥄫住，唉！最後她出手收了我們還未食完的tea,即叫我們走，好嬲呀！當時她的店是冇客，門口都冇，問佢仲咩收左我們ge tea,她說：俾其他客看到不好，嘩！唔講理由，「有客嗎？」唉！最後收錢阿姐仲話由下午荼食到晚飯！喂！阿姐（老闆娘），你咁ge態度，你d野食幾好都不會有人幫襯啦！仲有，你怕下午茶客人坐得耐，你咪唔好開下午茶餐囉，去落場休息囉！使錢仲受氣就呢挺…查看更多

自從幾個月前去過這間餐廳後便沒有再幫襯過，因為食物水準好像下降了一載，如果沒有估錯的話，應該是剛剛轉了手(老闆娘不同了)今天中午心血來潮決定去試下，差不多兩點，全場爆滿，還好等了兩分鐘便有位，很快我便選好食物焗白汁魚柳意粉 + 熱咖啡等了約八分鐘熱騰騰的意粉送上吃了一口馬上停下，因為腦袋閃出要寫食評的念頭，於是立即拍照；魚柳雖然是雪藏的，但食落依然有鮮味，外面鬆化裡面鮮嫩，最重要的是有兩大塊魚柳，平均每塊起碼有半寸厚。 還有值得一提的是它的咖啡是機磨咖啡，不用另外加錢，雖然不是用貴價咖啡豆，但一個字"抵"…查看更多

今日出街吃午餐，原本想去個間餐廳竟然無開。行過見到一間叫營Café的餐廳，間鋪好細，住大埔咁耐都無幫襯過。不過見不用等位，就即管入去試一試。叫左一個黑椒牛扒飯，一個煙三文魚碎蛋牛角包配沙律。黑椒牛扒飯整體來講也不錯，牛扒夠大塊，而且厚肉得來又唔韌，不過黑椒汁略為稀了一dd。呢個餐加凍飲只剩$39，價錢合理。個煙三文魚碎蛋牛角包配沙律好有驚喜，個牛角包烘熱了，中間夾有一片煙三文魚、醉蛋還有生菜作配料，味道很好。此外，個沙律是雜果加薯仔，還配兩片青瓜，份量超足，製作很用心。這個餐也包埋凍飲，只係$32，真係好抵！想不到，一間細細不起眼的Café竟帶比我地意外驚喜！…查看更多

大家好, 又係我。上次響度寫完食評之後, 見到侍應有refill返d糖。但該店依舊孤寒, 叫了份吞拿魚火腿牛角包, 碟上茄汁如圖上所示得咁多。薯菜份量唔多,而且大小不一, 大條果d好粉,又唔夠茄汁點, 搞到乾爭爭好難吞。重點來了, 我點吞拿魚火腿牛角包, 佢來了芝士吞拿魚牛角包, 問佢換返, 黑面waitress就話點餐果時係嗌芝士, 我同佢講我係唔食芝士既點會嗌芝士, 佢依舊屈我話覆我一次果時都係芝士黎, 餐廳地方細, 佢又講到大大聲, 結果好多食客望住, 個黑面waitress好鬼惡......屈我唔緊要, 最緊要有得食, 於是同佢講聲唔好意思請佢幫我換左佢。佢拎左碟野去換, 大大聲同個廚房講個客唔要芝士換火腿喎! 點知出到黎係芝士火腿牛角包, 果刻我好無奈, 可能唔關間餐廳事, 可能係個天玩我:(再拗落去我真係怕佢會響食物加料, 如果我唔係怕食左芝士肚痛我都想食左佢算啦(我一向唔食一塊塊果D芝士), 我好聲好氣同個WAITRESS解釋我點既係吞拿魚火腿牛角包, 唔係芝腿, 佢又拎碟野去換, 大大聲同廚房講: 阿姐, 個客唔要, 要火腿吞拿魚至真, 疑似老板去問佢咩事, 佢就指住我話我唔要個芝腿包。最終都點岩個餐啦, 但個包扁躂躂凍冰冰, 如圖所示又燶又黑, 食落好苦, 又切埋晒D菜頭俾我食(看圖)。其實今次係第3次黎食野, 上一次點焗吞拿魚火腿長通粉, 我好懷疑佢地係就咁用火鎗燒下個面扮焗左, 入面D通粉浸住水既?我發誓唔會再去第四次, 貼錢買難受!…查看更多

地方比較細, 所以等位要耐少少, 夏天舖外門口等又冇得坐好辛苦, 好在可以望到舖內電視分散注意力。我見MENU寫, 水要加$2。叫左焗火腿吞拿魚長通粉, 黎得好快, 但唔見有火腿, 齋吞拿魚加1薄片青椒, 一粒洋蔥同少量白汁同芝士, 家政堂水準而且好細份, 相信小朋友食都唔夠飽。焗得太乾又唔夠汁, D長通粉硬晒。勝在味道淡淡的, 應該味精不重最可取。凍好立克偏淡, 我喜甜所以覺得沖得唔好飲。不過點都好過叫熱飲, 成張台得2包COFFEE啡糖, 白糖都冇包, 1台人叫左2杯熱飲, 1人得1包糖, 好孤寒:(另外叫左三文魚碎旦牛角包配沙拉, 好大份, 好多沙拉, 內有什果薯仔等, 但味道一般, 所以個個都食剩。牛角包微溫冇汁既, 可能我食唔憤生冷野, 食完個三文魚肚唔係咁舒服。總結: 一分錢一分貨, 三十幾四十蚊有焗野又西餐不能強求高質素, 咁既價錢我又覺得合理。但因舖細要食得好快唔係有好多壓力......…查看更多

之前已經係呢度食過學生午餐,雙拼22蚊意粉送埋凍飲,非常抵食,而且意粉煮到岩岩好,唔會太濕太淋。星期日去左呢間餐廳食晚餐,扒餐都只係48蚊(免加一),估唔到仲有埋前菜salad,d生果都幾新鮮。之後個扒餐都唔算差(以48蚊呢個價錢黎講係超值),好欣賞佢果d薯角,因為果d係自己切同埋炸既 overall,食物既質素唔錯,同埋睇得出好有心,以48蚊黎講係超值!而家物價通漲啦,希望呢間野唔好咁快加價><好想下次試下$98果個廚師推介:)…查看更多

有次行過見到個午餐牌，嘩！時光倒流咩$28一個午餐？有焗飯、意粉、湯烏冬揀，仲凍飲唔駛加錢？我第一次試過焗豬扒飯，味道偏淡，但我鍾意。今次試焗肉醬意粉，都幾足料，覺得間餐廳幾有誠意。但通脹猛如虎，相信佢個抵食價可能好快會調整。…查看更多