燒鵝大亨 (已搬遷) 新店位置

奶茶茶味重 不過唔夠滑檸檬茶反而配合得幾夾炒飯有鑊氣 啲飯一粒粒分明都幾好食 份量都好多抵食四燒鵝四寶飯$52 對得上呢個價錢燒鵝嚟嘅時候個皮都仲有少少脆兩隻滷水雞翼，四件燒鵝4塊紅腸 半隻鹹蛋份量都好足瀨粉湯汁有味唔會話過份淡完全入唔到味去瀨粉度總括嚟講係會返轉頭食嘅

呢間燒鵝大亨搬左入商場，見有外賣燒味飯咪買黎試下，$32單併，買左盒叉燒及油雞，返到屋企打開睇到真係吾開胃，D叉燒完全吾似叉燒，又乾又柴又薄，離曬普，盒油雞冇乜肉好瘦，連蔥蓉都冇，(相中姜蓉係屋企有放落去)。冇啖好食，咁嘅所謂叉燒都可以賣比人食，好吾好意思？附近有其他燒味飯外賣講緊都廿零蚊，質素都好過佢，買兩餸飯都好食過佢，唔靚就吾好攞出來賣啦，好垃圾，大家樂D叉燒都好過佢幾皮，以後吾會再幫襯。。

｛食盡大窩口之港式 — 燒鵝大亨｝————————————————呢間喺大窩口附近嘅新開燒味舖，成為咗附近唔少居民外賣加餸拎返屋企嘅好選擇， 佢除咗可以外賣亦都可以堂食，位置唔多，大概三四張枱左右啦🧐🔸 叉燒油雞飯 $45叉燒係半肥瘦，而雞嘅部分好好彩咁有雞髀食🤭 叉燒唔會太燶 亦都唔會好柴， 豉油雞都好嫩滑但又唔會過份生， 佢個份量都好大份， 一個人食好夠飽而且價錢唔貴， 真係算係質素中上嘅燒味舖👍Overall comment: 老闆娘同夥記態度有禮，你可以同佢哋要求想要肥叉或者瘦叉， 另外堂食同外賣都會送紙包飲品， 佢嘅下午茶仲係超值28蚊起就有啦👍 同埋佢仲有個whatsapp訂購熱線，可以提早order定咁就經過即刻有得拎喇

大窩口新開張嘅燒鵝大亨，燒味肉質超新鮮，喺荃灣區嚟講燒味質素冇得頂🤤▫️ 燒鵝上庄 $110燒鵝皮脆肉香，燒鵝皮帶點柴火香味，一咬就品嚐到滿滿嘅燒鵝油脂香味，不論外表或賣相都好吸引！▫️乳豬飯 $65乳豬皮超級香脆！同事大贊乳豬肉質嫩滑，肥瘦相間，不會過分油膩▫️燒腩仔切雞飯 $45燒腩仔外皮又脆又香，香脆得嚟又帶點蒜香味，肉質入口即化，五層肉質感豐富，肉身亦有淡淡蒜鹽香味，值得推介！切雞亦好有驚喜，皮爽肉嫩，雞胸肉都烹調得好嫩滑👍🏻💬 餐廳不論堂食或外賣都有贈送盒裝飲品，抵食之餘又好味，於荃灣區燒味餐廳來講質素超高 😋👍🏻

大窩口第二商場開咗呢間燒鵝大亨，開張冇耐就排晒長龍，今日早咗少少收工，決定嚟試吓～呢度嘅燒味原來係即場燒，即燒即賣～價錢非常親民～雙拼都係$45～燒鵝髀飯 $98真係唔係講笑，大大隻燒鵝髀，仲要啖啖肉，都只係$98～分量足足係外面嘅燒味店嘅一倍～燒鵝肉質好多汁、柔嫩，皮就好香脆，一食就知係新鮮燒好～雙拼飯 叉燒油雞飯～叉燒係半肥瘦，份量十足，叉燒唔會乾柴，好juicy~油雞幾有驚喜，肉質好似慢煮咁，勁正～所有飯都送一盒盒裝飲品，抵～呢間燒味真係一絕，唔怪得大排長龍，不過就要早啲買，因為好快賣晒～

放工太攰唔想係屋企煮飯，心思思去試下附近新開的燒味餐廳。餐廳座落商場入口旁，平時放工時段已經出現人龍排隊幫襯。我地一行兩人分別食左燒鵝飯同燒鵝飯。燒鵝皮好香好脆，鵝肉連埋汁配埋酸梅酱，酸酸甜甜，油腻感全消。而“住得舒適，食得招積”的香港人吃燒鵝，一定要吃燒鵝髀（即燒鵝腿），因為那是整隻燒鵝最好吃的部份，大塊鵝肉外皮香脆，調味不會太鹹，鵝汁一咬就流入嘴裡，鵝肉相當入味。加上餐廳燒味仲標明係現燒現賣飯量頗多，物有所值!

附近有間好食嘅燒味，真係要講彩數，呢個位轉過幾次手，今次呢間啲燒味又真係幾好食～原本諗住斬料，點知見到原來入面有幾張枱仔，所以直接坐低食。朋友叫咗個叉燒燒鵝飯，而我鍾意多嘢揀，所以叫咗燒鵝四寶飯。燒味飯用大碗上桌，而非用碟，份量足夠，而且啖啖肉，仲有嘢飲送～燒鵝四寶飯幾有趣，啲餸有燒鵝，紅腸，鷄翼和咸蛋。 啲餸份量都ok，冚晒啲飯，差不多全部都係肉，並非餸頭餸尾，而且肉質和味道也相當有水準。而叉燒燒鵝飯更是水準以上。叉燒肥瘦均衡，肉質柔軟，有點像我從小食到大，最喜歡那種，而非現在街上紅當當，俾啲蜜汁封死晒又硬堀堀的那種叉燒。呢間嘢都幾多人食，一餐飯的時間，外賣條隊未斷過，每幾廿秒就有人入嚟斬料，師傅隻手未停過，真係辛苦晒～