燒起 (已結業)

昨日發現觀塘時運工業大廈3樓有一間隱世燒烤外賣店，愛吃的我即時落單外賣自取，回家後即食，食物品質及味道超乎想像，現急不及待要跟大家分享一下* 炸芝麻雞翼- 雞翼脆口多汁，絕不乾身*秘制五星燒豆腐- 從末食過這樣特別的豆腐，外脆內軟，加上葱花，味道特別，十分可口，必須試食* 蒜蓉廣岛蠔- 蠔大小適中，加上蒜蓉都擋不住蠔嘅鮮味，絕對值得點叫* 鹽燒雞軟骨、厚切牛舌、台灣腸- 全部調味適中，雞軟骨大大粒，絕不欺場，牛舌大大塊，台灣腸不會乾身，腸肉多汁，難得一見*燒翠肉瓜- 大大片，爽甜多汁，回味無窮

係workshop附近有間新開既外賣串燒店，過晒晚餐時間又就腳，打個電話外賣幾串返去醫下肚。天氣涼涼地，食少少地有野落肚，又過下口癮，串燒都係個唔錯既選擇👍🏻，種類黎講都幾多，除左豬牛雞海鮮🦞蔬菜，仲有和食炸物。🔻汁燒牛柳串 $25🔻一串牛柳表面怖滿一圈圈既蔥花，入口食到軟綿綿嘅牛柳之餘，又有蔥花嘅清香，蔥既出現減低左燒烤嘅油膩感，同時帶出左汁燒嘅味道。🔻鹽燒厚切牛舌 $25🔻熟度剛好唔會過熟👍🏻，入口Juicy而且有口感，牛舌既爽脆又帶點軟綿，而表面既黑椒令味道更香，簡單調味已經非常足夠。🔻孜然小牛粒串 $18🔻小牛粒2口一串，孜然味香，配濃味既牛粒係好夾，2者濃味得黎又互相提味👍🏻🔻鹽燒五花肉串 $22🔻肥美既五花燒得香口，經過燒烤後將最可口既油脂鎖上，表面脆口，入面juicy，食落油脂香氣沖沖，只需少量既鹽去配搭已經非常足夠🥰🔻秘製五星燒豆腐 $18🔻當我以為佢係一串普通嘅燒豆腐，原來係唔普通。豆腐醬汁幾特別，入口甜甜地又好香燒烤味，配上滑捋捋既豆腐口感，真係想再encore🤭有時真係唔好睇表面，行多一步又會多個選擇🥳

📍 燒起Siu HeyHey🌍 觀塘觀塘道404號時運工業大廈3樓A 室C單位Flat C, Room A, 3/F, Selwyn Factory Building, 404 Kuwn Tong Road, Kwun Tong📝 整體評分：9／10兩口子經營既小店，只做外賣。 買左D串燒去海滂坐下吹下風食下野好易行過忽略左，要先打電話請開門，入到去有幾道門，其中一間就是~ 🥢日式清酒煮蜆🥢 $48必食！必食！必食！個湯汁又濃好清甜，蜆鮮味、洋蔥既甜味加埋牛油香，忍唔住飲哂。蜆肉都幾多下，幾飽滿又唔老～欣賞佢Ｄ串燒都好用心，會搭配唔同醬汁，唔會一式一樣味~🥢鹽燒五花肉🥢 $15肥而不膩五花肉，有粗粒既黑椒同鹽調味~🥢燒雞腎🥢 $15雞腎大細剛好，非常爽脆~🥢汁燒牛柳串🥢 $25牛柳肉味頗重，甜甜地既燒汁加埋青蔥~🥢燒厚切牛舌🥢 $25原汁原味，食出牛舌油脂香，不過牛舌凍左就會變硬，燒好即食最jeng~🥢燒翠肉瓜🥢 $14爆哂汁~🥢焦糖燒菠蘿🥢 $28最後一定要食燒菠蘿收尾，超多汁又解膩，清甜！仲要肉皮之間介左才，切好一舊舊，岩哂懶人。

工廠區, 只外賣, 冇堂食, 稱為"黑廚房"疫情造就咗這門食肆, 反正路過, 就上去直接落單。大廈指示清晰, 門一開, 就好似入咗店舖嘅廚房一樣點單紙簡單不花巧, 點咗我嘅至愛: 芝麻雞翼, 雞泡魚乾, 廣島蠔, 牛柳...正當有選擇困難症,大廚就有好介紹, 有新出品嘅餃子皇, 同日式燒豆腐, 佢話好多人唔鍾意食豆腐都會有所改觀, 佢好似話緊我, 仲話即食更佳, 好的, 好的, 就配合一下...反正坐係度等, 食住等更好。原來用日式豆腐, 哈哈, 仲專登用隻日式碟上枱, 好有堂食feel,一定要相機食先, 熱辣辣,外皮香脆, 內裏軟滑, 好有豆香, 絕對推介餃子皇都炸得非常出色, 皮薄脆, 但仲可以鎖住D菜汁, 一大隻, 可以飽肚汁燒牛柳串最好味, 串切整齊, 牛味濃而不韌, 火喉處理得而, 抵讚蒜蓉廣島蠔兩隻, 海鮮落蒜蓉真係絕配, 完全帶出蠔嘅鮮甜味, 下次要叫多D, 唔使爭食整體上各串燒物都能控制時間剛好, 價錢比門市店鋪平, 食材靚更是成功之處。多D支持小店, 大家先可以食到平、靚，正嘅野架。

係OpenRice先發現原來呢個大廈入面有串燒賣😝決定買番屋企試下見到秘制五星燒豆腐 隔離有個手指公就決左試下 果然一試有驚喜😆豆腐燒得勁香口 個皮好脆 加埋秘制醬汁 超級夾😍😍真係必叫 一d都唔乾身 我特別鐘意佢加左d蔥跟住又叫左燒翠肉瓜～唔想剩係叫肉XD好爽口，咁樣燒黎食好食過就咁炒黎食😛鹽燒五花肉串，呢個燒得岩岩好，調味唔會太鹹，不錯汁燒日本雞肉串我鐘意個醬汁好夾，肉質鮮嫩～雖然唔算驚喜，但味道好食😋燒汁牛柳串個醬汁好濃，有少少蓋過個牛肉味不過個汁好香自家製日本雞皮餃子係menu 見到覺得好特別😳完全未見過食落個皮有少少似腐皮咁 但又有雞皮既香🤣幾特別炸餃子 呢個超正！首先佢勁大隻🤣入面有滿滿既韭菜 我勁鐘意!!!! 食完勁有滿足感🥰下次會再埋其他串燒再encore 個豆腐😜

原來公司附近嘅工廈開咗間日式串燒小店串燒價錢大部份都係$1x-2x 都算相宜小店只做外賣 可以預先電話/Whatsapp落單大概15分鐘就有得拎喇拎完隔咗45分鐘有多先開始食但熱力都仲keep到👍🏻.- 餃子王差唔多係拳頭咁大嘅餃子外皮炸得好香脆 唔油膩入面係滿滿我至愛嘅韮菜😍 好正呀鍾意韮菜嘅要試吓🥹.- 蒜蓉焗金菇呢盒拎落好重手金菇份量豐富本身唔太喜歡蒜 但都覺得呢個好香 好好味.- 玉子燒穩陣之選.- 秘製五星燒豆腐見到佢諗起臭豆腐呀 哈哈係釀豆腐嘅感覺 味道不錯.- 汁燒黑豚爽肉串咬落去爽爽地 鍾意呢款口感嘅可以一試.- 汁燒日本雞肉串雞肉感覺肥美.- 汁燒牛柳串滿滿嘅蔥花 調味適中牛柳燒得好juicy.- 鹽燒五花肉串肥瘦度適中 豬嘅味道濃郁.- 孜然小牛粒串食到牛肉鮮味 唔錯唔錯

近排天氣涼涼地🌬️想食d熱熱的野~於是就放工係附近揾到間串燒🍢<<燒起>>🍲最想食個暖笠笠的<<清酒煮蜆>>~同平時食開的有少少唔同，加左d娃娃菜菜落去一齊煮☺️幾入味仲可以連湯一齊飲。。。。。。呢度串燒款式都幾多~今次試左雞軟骨﹑軟骨棒﹑牛舌﹑特色燒豆腐﹑明太子雞翼。。。全部都幾好味，另外有炸餃皇~好大隻如果唔想自己自己取的話~仲有外賣可以叫送貨見到兩大外賣平台都有呢間可以order....

今日心血來潮，想食串燒同事話觀塘開咗間新既串燒店，於是買左個外賣返屋企🤪-燒雞泡魚乾雞泡魚乾燒過之後增添一陣獨特的風味令我不自覺地一口接住一口放入口-自家製日本雞皮餃子雞皮做串燒真係無得輸！燒過之後多餘嘅脂肪已經燒走，外皮香脆慢慢咀嚼口腔有啖啖油香 正！👍🏻-秘製五星燒豆腐燒豆腐皮脆肉嫩，有濃濃既豆香，加上秘製醬汁 十分惹味-秘製蒜蓉醬燒原條茄子茄子好大條，蒜蓉落得好足，作為蒜蓉控既我大讚👍🏻👍🏻👍🏻-焦糖燒菠蘿菠蘿燒過果糖已經濃縮，再係外面上一層焦糖，非常開胃-炸餃子落單果陣老闆推介炸餃子，咁我就叫一隻試試！返到屋企一睇，哇！好大隻！入面都好足料！無介紹錯！另外仲有味道都好好既：-汁燒黑豚爽肉串-鹽燒雞軟骨串-燒雞腎串-燒翠玉瓜-蜜汁汁燒豆腐卜-日本玉子燒大滿足☺️☺️

這間燒起專做串燒/炸物的外賣，沒有堂食。用外賣app 落單很快便送到，食物還是熱辣辣的，讚呀。一般居酒屋食的串燒/炸物，這間燒起都有提供，但價錢卻平價一半，十分吸引。餃子王，餃子有手掌般大，炸得金黃香脆，乾身沒有油膩膩的感覺，內邊包著滿滿的九菜，很香口。大大件五星燒豆腐必食，只是$18, 賣相吸引，外脆內嫩，配上香蔥及蜜糖，惹味。燒厚切牛舌，用了牛舌中最軟腍最軟滑嘅牛舌芯，口感爽彈，簡單鹽同黑椒調味便足夠。汁燒牛柳串，配上蔥花，賣相加分，肉嫩多汁。翠玉瓜燒得淋身香甜

今次黎左觀塘買外賣反屋企食，呢間工廠大廈入面有間燒物外賣，都可以用外賣平台外賣app叫外賣既，我買左汁燒牛柳，汁燒就比較濃味，牛舌小篇推介好厚肉好爽口，燒雞心都比較特別唔係每個地方都有既，燒鰻魚軟熟一啖一口又無骨，燒虎蝦大大條加入蒜蓉好濃郁蒜香味，仲有燒茄子好大條上面鋪滿蒜蓉，所有食物全部都即叫即整，小篇都推介炸芝士年糕好軟淋既芝士涵料，同埋炸香芋波波既香濃芋頭味道，炸天婦羅蝦3條都係外脆內軟。

係觀塘區返工之後先知道觀塘工廠大廈有好多外賣小食店，最近就去左時運工業大廈既【燒起】，主打日式串燒，即叫即整。 汁燒牛柳串：有好多葱花係上面，牛肉生熟燒得岩岩好，好嫩好juicy。而且調味唔會過重，保留牛肉鮮味。推薦 秘制五星燒豆腐：老闆推薦，豆腐燒得外脆内軟，吸曬D汁但又完全唔會覺得鹹！葱花加左D點綴作用，會比較香。 大鹽燒五花肉串：個人覺得肥肉偏多，因爲自己本身唔食五花肉同肥肉。如果本身比較鍾意食五花肉的話應該唔錯。落左黑椒好惹味。 汁燒黑豚爽肉串：肉質爽囗，但又好霖，D燒汁又調得岩岩好，不錯。 餃子王：嚇左一跳，勁大隻既炸韭菜餃。爆多韭菜又好juicy。

觀塘區工廠大廈驚喜不停有，今次比我發現咗呢間新開冇耐嘅日式串燒外賣小店，非常適合去party room玩丶住觀塘區嘅人，同埋喺觀塘嘅上班一族！一口痕就想同朋友晚上飲酒食串燒，叫呢間串燒外賣就啱晒喇🤩！ 外賣返去再自行配搭清酒 / 啤酒，仲正添啊！燒起 位於 觀塘觀塘道404號時運工業大廈3樓A 室C單位，目前接受foodpanda / whatsapp / signal 下單。用電話下完單之後都可以揀去外賣自取，今次仲比我去遇到新品美食，正！🌝秘制五星燒豆腐兩面呈現漂亮的金黃色，特別嘅製作方法，燒到所有醬汁都鎖係入面，都配上佢哋袐製嘅醬油，食入口非常香，非常在口感！鹽燒厚切牛舌最高質的牛舌芯，很有口感！燒到剛剛好，牛舌外脆內嫰，裡面一啲都唔乾，配少許檸檬汁調味，已經好足夠！汁燒牛柳串精心出品，啲牛粒柳食落一啲都唔韌！咬落牛柳串肉汁四射，牛柳軟腍惹味，口感豐滿！燒汁黑豚爽肉串口感爽嫩而不油膩，燒烤燒到將肉汁鎖上，令到入口個一刻充滿滋味，而燒汁更令味道提升！炸黃金韭菜餃子 🌟新品炸物 🌟超滋味炸黃金韭菜餃子！目前仲未上menu，佢哋就快推出，如果大家見到有得叫嘅時候記得叫一份，因為真係好好

😋店舖注重原汁原味，想客人食到食材本身既味道，所以醬汁大部分自家製，無出面既串燒店咁重味精，高質串燒加上價錢平好抵食！性價比極高值得一試！🍴食物👍🏻汁燒牛柳串 $25必食！串上蔥花特別爽口冇草青味，肉質軟嫩無根，肉汁豐富多汁。👍🏻秘製五星燒豆腐 $18必食！一定要趁熱食，外脆內軟，咬落去好Juice好多汁，加上獨家秘製醬汁果然係五星水平。👍🏻鹽燒五花肉串 $22有少少黑椒碎食落野味，少少脆口，肥瘦均勻，油脂豐富口感溫潤。👍🏻汁燒黑豚爽肉串 $22燒汁唔同平時食開既燒汁味，別具一格，肉質緊緻多汁，口感柔軟爽口。肉質緊緻多汁，口感柔軟爽口。👌🏻餃子王好大隻既炸韭菜餃，鍾意韭菜嘅人唔好錯過，睇圖片就知韭菜份量足料勁多。👌🏻孜然小牛粒串 $18孜然粉係自家製，同出面味道有分別，獨家既孜然味要試試，牛粒牛味濃。🎏環境工業大廈內，上到3樓有好多指示好易就搵到店舖。店舖得一張枱，所以主打外賣自取同foodpanda戶戶送等合作，建議wtp叫定再去拎快靚正。⭐️新開張有優惠，外賣自取仲有85折🤩唔知優惠做到幾時，快d去試！

燒起，位於觀塘道時運工業大廈三樓，一間新開張以日式風味串燒外賣為主的店舖，餐廳更設有WhatsApp 提前預訂服務，可以大大減少等候的時間，確實方便，而且新開張期間更有85折優惠，可以一試。店長推介秘密五星燒豆腐$18，平平無奇的燒豆腐，配上蔥及蜜糖後，確實有日式風味，燒豆腐亦不會過硬，口感獨特。蜜汁台灣一口腸$15，燒烤火候經常難以掌控的一個簡單小食，但店長處理得宜，火候控制剛剛好，燒烤台灣腸帶微甜，好食。