燒賣皇后(旺角店) (已結業)

招牌香菇豬肉燒賣　$12　(9/10)比起平時掃街成日食到既魚肉燒賣，我鍾意呢個豬肉燒賣多好多！！我第一次食呢種燒賣，佢有Ｄ似酒樓個種，但就冇蝦係入面其實佢有啲似蒸肉餅換個型態出現半肥瘦豬肉溝埋香口既冬菇粒再加啲好香既辣椒油，真係好好味！！佢啲辣椒油香得黎唔算好辣我個日叫左小辣，覺得唔夠辣鍾意食辣既朋友可能要多少少辣油會好啲！！雖然$12得五粒，但每粒都好飽滿結實食完真係好滿足！！佢成為我食完會想再食既街頭小食！！…查看更多

約咗朋友喺樓上食雞煲，但係佢哋未到🙈我又覺得有少少肚餓所以喺樓下買串燒賣填下肚🤓🤓🤓平時經過元朗都會買返串嚟食而家佢開咗越嚟越多分店所以成日都食到佢嘅招牌香菇燒賣🤤而且有時自己都會間唔中買佢嘅急凍嘢食返屋企$12/5 粒$20/8 粒佢嘅燒賣都算大粒。咬落去係啖啖肉，唔似有溝粉團。除咗豬肉粒之外都咬得到佢嘅冬菇粒，絕對係真材實料。豉油係用咗甜豉油，配埋燒賣係夠味唔會過咸。咁嘅價錢應該份量來講我覺得算幾抵食✔️…查看更多

:(:(:(今晚半夜12點幾， 老婆嗌肚餓想食燒賣， 咁岩見到燒賣皇后 呢間野， 諗住岩啦， 老婆叫左份12 蚊 5粒 豬肉燒賣， , 佢話味道好，食晒， 而我叫既生菜魚肉真係好差， 魚肉勁韌， 好似好耐之前整落咁，有陳皮味， 但湯底極咸， 魚肉份量勁少，得8舊， 生菜兩塊，我未食過咁差既生菜魚肉，邊爆粗邊食，冇下次， 令我開acc 上黎表揚你， 都算你難得。…查看更多

燒賣皇后已經好多人講過，但自己就真係未試過，因為佢地嘅燒賣真係唔平，$20得8粒嘅燒賣，但如果鍾意香菇貢丸嘅朋友應該好鍾意佢地嘅燒賣，好重香菇味，口感上比較單一，冇乜口感，都係捻為主，唔彈牙，但未試過可以一試…查看更多

今夜周圍都冇地方食飯，有背景唯有買燒賣啦，呢間燒賣皇后聽講都幾好食，嗌咗魚蛋燒賣孖寶，揀咗咖喱味，啲燒賣都幾煙人，不過咖喱味太勁冚晒都食唔到有冇魚肉味。咖喱都唔算太辣可以接受。…查看更多