燒肉牛蔵

營業中

休息中

相隔十多年再次光顧這家燒肉店，有別於舊日走中高價路線，它現在提供每位$348的燒肉放題，而且買三送一，我們一行四人，因此人均消費不用$300。 肉類以手機下單，蔬菜、甜品及飲品須自取，擺放得整齊，而每人可享一杯Movenpick雪糕。 先來了大堆頭的肉類，包括和牛肉眼、和牛西冷、牛肋骨以及牛舌，和牛不算是高級別，但入口仍算味道濃郁，軟腍無渣，牛舌薄身爽口。其他肉類亦包括豚肉、雞翼及肉丸等，質素一般。比較特別是煙鴨胸，鹹香味濃。海鮮包括魷魚、多春魚、青口、三文魚骨和帆立貝等，但魷魚味道過鹹，青口和帆立貝算新鮮。 蔬菜方面，其實容易燒焦，比較美味是燒菠蘿，烤過後暖暖而味道鮮甜。 另外點了一客主食，蕃茄湯烏冬，蕃茄湯底濃郁亦充滿蕃茄肉，烏冬軟身滑溜。 接著，我取了數款甜品，包括芝士餅、朱古力布朗尼及芒果布丁，個人認為只有朱古力布朗尼的味道比較甜入心，其他兩款淡而無味，普普通通。最後，這道晚餐以Movenpick雪糕作結。 還記得這家餐廳十多年前剛開業時，食物以精緻及中高價見稱，當時一客二人晚餐收費約$1,000。隨著它轉型成為廉價放題店，服務質素亦隨之而下降。

和朋友一起試吓這餐館，叫左炸物沒有來，問服務人員見唔到我地落單，你再落單，一落完連上次無來炸一次過來，服務人員態度差，野食選擇唔多QR落單，食指出面有得提供但係出面唔見⋯未必會再來

看到店名（牛藏）誤會了主角是牛肉，什麼和牛西冷、和牛肉眼，肉質非常硬柴柴，没有牛味，𡁻到牙較軟。最好食是牛舌了。7:30 入座9:30 最后order ,不過目的是食牛肉的一定會令你大大失望。

好差，無味的食物真的無味，服務態度更差， 當檯面放滿食物，職員告訴我們不能再叫，要暫停，網上看到知道9：30pm last order 上網睇都知，但真的不知道連雪櫃飲品都不能取，10點準時講下真心差，差，差。

🐂🐃🥩牛藏@i square無限時燒肉放題$348（+$40星期五至日及假期前夕）「牛藏」以日韓式燒肉作主打，全部牛肉係來自日本佐賀縣晚田黑毛和牛，經由和牛監定專家評為A4級。店內座位私隱度唔錯，不過二人枱有d窄，放食物有難度。西冷、肉眼、牛胸腹、牛舌、牛肋骨等各部位，各款質素高，可以任食，大滿足😍其他肉類只點左骨付雞肉&豚腩片，唔太吸引。海鮮點左海老、帆立貝、鯖魚、多春魚、魷魚，選擇唔盤多，質素亦好一般。天婦羅點左大蝦、蕃薯、冬菇、南瓜、茄子，第一次每款點一件手，賣相好嚇人，第二轉每款兩件少算正常。炸物點左蟹肉薯餅、八爪魚太、免治雞肉棒，正正常常，我同朋友都唔好榴槤，冇叫榴槤波波。另有自助沙律小食&飲品甜品，款式唔太多，擺放賣相差，唔吸引且感覺唔太衛生。不過有提過部份室溫飲品，值得一讚。雖然係冇限時，但2130last order, 1930分入座，等如最多食150分鐘，同限時兩小時d 放題差唔多，而且食物款式較少，以人均$470 黎講，性價比較低

之前幫襯過一次，覺得無限時好吸引，初初以為看錯，要問店員再cfm😆 今次同幾個同事盡情食盡情飲的好去處，是晚大家都因為工作有太多的不滿與苦水，加咗$78/人任飲酒精飲品，好多選擇，紅白酒、梅酒、柚子酒、清酒、燒酌、泡盛，真是好抵，每人兩杯都圍返條數！ 肉類也不錯，性價比很高，重點係無限時，不用趕，不用只是低頭掛住食而沒有交流，一定會再來👍👍

在isquare 看電影，想方便在同一商場找餐廳，見這間門口有午餐牌，非一定要選放題，就試一下他們的午餐。進入後，也想對比一下放題與午餐的選擇。問職員取餐牌看看，職員答：手機下單，我們無餐牌。我scan QR code 後，只見放題內容，但無價錢顯示。這樣的服務，我直接選午餐。先來了鐵板牛肉定食，牛肉靭！鯖魚定食，我第一次享用鯖魚，燒得這樣乾。一般食過的燒鯖魚也會軟滑，仍有魚油份，但⋯⋯這太乾了。炸雞的炸粉太厚雞軟骨⋯請看圖！！又硬連白飯個心都不完全熟透！連小朋友也說唔好再來！🫣可能這餐廳只該選燒烤類當我離開時，讓看到電腦旁就有餐牌😤

作為燒肉嘅粉絲，定可以唔試下燒肉牛藏嘅和牛放題！好耐之前已經試過佢既放題，今次5人同行，每位$348，仲要做緊買4送1，加埋10%都係四舊鬆d！多款和牛部位，及其他肉類都可以任點！食得和牛又點可以唔飲酒呢，當然唔少得加埋$78酒精放題可以點選嘅酒精類飲品都可以任飲，生啤、紅酒、白酒、Prosecco、清酒一應俱全！送燒肉，正阿！重點冇限時👍🏻👍🏻同友人晚市傾住計慢慢燒，慢慢暢飲，食足4個鍾！高質抵食！

同朋友去燒烤諗起呢間，之前要排長龍現在不用成本貴了，價錢對比之前真的貴了，但水準還可以保持住🫢🫢🫢但是食物品種都有很多我們可以任君選擇😜雪糕又多選擇！！

位於Isquare燒肉牛蔵 晚市燒肉放題仲做緊4人同行1人免費😍 緊係約齊Fd▫️無限時和牛放題 ($348/位)澳洲和牛質素好高 和牛西冷、肉眼、牛肋骨、牛舌片 超多款式👍煎至七成熟 油脂分布平均 個肉味好腍香我同朋友都係屬於邊爐式燒法😂自然食到好暢快🤭 🐷其他肉類一樣出色👍 推介醬汁牛肉 個醬汁味好濃 配返生啤一流店員推介厚殼飼豚 十足韓式烤肉Feel🍻酒鬼可以+$78要埋極上酒精放題款式堅齊全 紅白酒、氣泡酒、清酒、果味酒、生啤 每樣飲一款都包你醉住出門口☺️Movenpick雪糕都係任食🤣 呢個價錢絕對超值🔥

今日saturday同老婆中午去食放題，之前都去過幾次，但係上網見到食評話質素比之前差咗所以都有心理準備。上到去諗住加$78食A5和牛，不過侍應話今日冇，真係吾知點解。唯有食普通和牛。食完竟然出乎意料比想像好，普通和牛質素吾錯，落單上碟快，不過後期加單叫肉眼但係多數比左西冷，吾知專登定搞錯。燒汁豉油要問侍應攞不是預設，侍應服務不錯不過冇以前咁多年輕人做，中年人做多。價錢$348一位，冇刺身冇洒冇A5和牛，加上movenpick雪糕只限每人一 個，計番比之前貴，不過就彈性多點就自己喜好。

呢間燒肉放題無限時，$348一位。有澳洲和牛、海鮮、炸物、小食、和食、蔬菜類等。自助區出面仲有前菜、飲品、雪糕等。肉類我哋叫咗西冷、肉眼、牛肋骨、牛舌片、雞翼、豚肉等。落完單食物都好快就到。鍾意佢肉品可以一片一片咁叫，唔怕浪費。我鍾意食牛舌、牛肋骨，肉質唔錯，肥瘦均勻。海鮮揀咗蝦、魷魚、帶子。鍾意食海鮮嘅朋友就可以叫多啲。熟食叫咗天婦羅蝦，新鮮炸起，好香脆！蝦又夠大隻，仲有八爪魚丸，真係可以過吓癮。蔬菜類叫咗青椒🫑、矮瓜🍆、甜薯。甜品除咗指自助區嘅雪糕，每人送包一杯movenpick 雪糕。呢個價錢真係幾抵食！

餐廳位於尖沙咀，鄰近地鐵站，位於大型商場之內，方便快捷，這間餐廳主打的當然就是日式料理，更是一家和牛專門店。餐廳更是主打任飲，任食性價比極高，最重要的是不限時間，真正做到吃到飽，飲到夠，才離開。餐廳選用的牛肉是澳洲和牛，部位包括西冷，肉眼，牛筋肉，牛舌片和CAB牛肋骨。和牛油脂豐富，澳洲和牛肉質更具口感，肉味更濃。餐廳也提供熟食供應，烏冬，最喜愛就是他的湯底，辣味十足。當然也不會缺少炸物，即叫即炸，香脆可口。最好還有一杯Movenpick雪糕供應，作為飯後甜品絕對美味。如果7:30前離座，更有八折優惠。