燒肉武田

營業中

休息中

今日去沙田新城市廣場三期搵食，試咗  武田和牛食堂 嘅 自選Mix Set B  ，真係超值！$169可以揀  2款和牛、1款安格斯牛、1款日豚或西班牙豚，我揀咗：- A4和牛三筋肉（油脂均勻，肉質軟嫩）- A4和牛前胸（油香濃郁，入口即溶）- 安格斯牛內橫膈膜（肉味濃厚，帶少少咬口）- 日本豚肩胛肉（燒到微焦，香口唔韌）加$30就有飲品甜品生果自助吧，真係抵到爆！甜品區款式勁多，有 泡芙、芝士蛋糕、雪糕等等，仲有 朱古力噴泉 同 新鮮生果。飲品方面，有 汽水、咖啡、茶、果汁 任飲，仲有 雪糕 做結尾，真係食到飽晒！埋單連加一$219和牛套餐嚟講，CP值真係超高！環境乾淨，座位闊落，服務態度亦唔錯，會再encore！📍 武田和牛食堂沙田沙田正街2-8號新城市廣場三期3樓A325號舖#沙田美食 #和牛放題 #高CP值 #武田和牛食堂 #Openrice食評

年年母親節食飯都去啲酒樓阿妹今年話想食燒肉呢間見好多YouTuber都介紹就趁母親節去試吓Book咗8:00可能嗰日比較繁忙去到嘅時候都要等咗10分鐘先入到去難得母親節就食過貴試吓我哋一行五個人就叫咗大將$498由於我唔知咩肉最好食所以就全部和牛全部都叫咗一款第一次上碟色水好靚仔有部份嘅肉係麻麻哋唔記得叫咩名不過我覺得最好食有兩款一款叫做三荕肉另一款叫牛前胸呢兩款都係油花比較平均同埋嫩滑另外都叫咗牛舌，不過佢比較厚切所以如果燒得太熟嘅話就會好韌另外呢隻蝦都可以試吓不過都要睇彩數嗌咗三次，有兩次都係生猛識郁所以啲肉好有彈牙總括嚟講呢間啲牛肉係高質店員服務都唔錯，有求必應同埋好快清咗枱上邊嘅空碟不過連埋加一同加嘢飲埋單都$600一個感覺上牛角性價比會高啲

已經在這裡和家人們慶生日聚餐數次了，因為十多人所以每次都有安排房間。入房間雖要脫鞋子，拿甜品飲品時可穿店舖提供的拖鞋出去大廳，房間清潔好坐。食物方面：自助手機電子下單比較方便，出菜時間都快不用等，店員會幫忙現場煮焗兩小窩白飯，有飯焦香好好吃；至於肉類方便也新鮮，也有不少種類可供選擇，家人們比較愛吃燒牛，有牛舌及牛內臟等可供選擇；甜品及飲品方便就可以在出面位置自己攞，小朋友比較愛吃造型糖果及朱古力噴泉；總括依然用餐愉快下次和再來。

同朋友食平日晚餐放題。入內餐廳環境乾淨光猛，鋪入沒有油煙味。店員有禮，上菜和執碟速度快👍🏻。選擇左中價plan$398價錢，食120分鐘。都能夠食到日本和牛和豬，牛肉油花清晰可見。豬肉有驚喜，亦沒有騷味，燒耐左少少都唔會韌到入唔到口😋。亦有內臟，雞，海鮮，蔬菜，飲和湯品order。食物選擇種類多，店家用心。讚！加左$30食出面甜品沙津飲品Bar，甜品都多選擇，有軟雪糕食。過左一個愉快一晚🥳

本身可以休閒食lunch變左要趕頭趕命仲要激氣😑Lunch set落咗單25分鐘都冇嘢食催佢，我哋就坐得近出餐位嘅，同咗店員A講，佢態度都幾好。不過睇住店員A同店員B (疑似經理 /senior少少既後生仔）講，店員B話「叫佢等吓啦 催咩姐」再過多10分鐘，都超過半個鐘啦，完全唔合理燒肉係生嘅又唔使你煮，咁我哋再催佢，個經理先望到我哋，望住佢即刻同廚房講要出餐，唔使幾分鐘即刻出到啦⋯⋯ 不過啲肉一係就結晒冰，硬掘掘。牛舌就又薄又靭⋯⋯真係無下次可能真係唔催得

本人聲明，以下為真實食評，自費。呢間燒烤放題，是朋友聚會時，朋友介紹。訂位時，要收$500訂，我即時打個突，心諗酒店都唔需要俾訂金，呢間嘢真係有啲串。睇見其他網頁嘅食評，亦都評價唔高。原本唔打算落訂。，不過太太想食，唯有一試。約咗星期六5:00，我哋早到分鐘，餐廳都俾我哋入座，即時開餐，我哋叫咗個大將餐，頭盤好多嘢食，有又唔同嘅牛肉，亦都有海鮮和刺身。肉類嘅質素都好高。跟住就開始自己叫和牛食，亦有叫刺身，整體嘅種類都算多。員工嘅服務都好好，好殷勤，當中有一個員工，主動走過來，教授點樣燒海鮮，建議我哋海鮮燒幾多分鐘同埋點樣燒，值得一讚。另外落咗達嘅食物，亦都好快送上嚟。整體覺得呢間餐廳，食物同服務質素都非常好。三個鐘頭嘅時間好快就過咗唯一嘅挑剔嘅係我對海鮮麻麻哋，一心淨係想食和牛，不過太太就覺得海鮮都好新鮮，店員亦都有主動講解點樣燒海鮮。我欣賞店員的講解。應該會着去光顧

不錯燒肉！首先，佢哋嘅肉質真係靚到無得輸，無論係牛肉、豬肉定雞肉，都係新鮮又多汁。特別係炭燒嘅牛肉，烤到皮香肉嫩，簡直係一口接一口，根本停唔落嚟！另外，豬肉嘅油花分佈得好均勻，每一塊都咁嫩滑，食完令人心滿意足。服務方面都非常好，員工親切又熱情，時刻關心我哋嘅需要，幫我哋燒肉同埋加飲品，感覺好受歡迎。餐廳環境亦都幾舒適，坐落得恰到好處，唔會太擠迫，讓人可以輕鬆享受美食。不過，講到甜品就有少少失望，選擇唔算多，味道亦都一般般。我試咗佢哋嘅布丁和雪糕，雖然唔難食，但就冇特別驚喜，感覺只係填飽肚子。總體而言，呢間任食燒肉店係一個好地方，肉質靚、服務好，雖然甜品可以再改善，但如果你鍾意燒肉，絕對值得一試！下次有機會再嚟，肯定會再叫多啲肉嚟！

食物與價錢唔成正比，$398食兩小時加左$58任飲plan，Total:$456，牛肉好唔新鮮，牛肉勁韌！一個字伏！👎🏻通風好差，環境好焗！果兩個鐘頭我食得最多就係菜，過咗時間叫我哋走都好合理，但係啲侍應態度差到冇朋友，唔會再嚟啦，唔怪之啲人返晒大陸食嘢👎🏻

一行六人慶祝生日🎁所以book 咗6 位6 pm , 揀咗$398 個餐，再加每人$30 任飲汽水同甜品bar , 如果唔加都有水提供，不過最後我哋都加咗$30 任飲！但飲品選擇十分少，汽水幾款，soda water , 同埋茶包一款，雪糕得一款，個飲品bar 亦比較窄，要小心碰到！一坐低佢會有2 盤牛豬各部位的肉比你哋試，試咗再用QR code 落單揀自己特別喜歡的再order ! 話有A4 牛，不過有d 都未溶雪，感覺差咗d.. 豚肉都是一般，如果要比較，牛比豬更值得叫！但比想像中差了一點點，沒有一款覺得特別好吃，但亦不會覺得唔好食，算中規中矩啦！反而甜品bar 的New York cheese cake 🍰 幾好味，cheese 味突出之餘唔會太甜，值得推薦👍🏻另外，泡菜都好味，唔會太鹹太酸👍🏻最特別有燒魚乾同魷魚🦑乾叫，特別之餘亦好吃，加分！最意想不到係甜品bar 有曰本麵包，我夾咗個芝士麵包然後攞返入去燒一燒，外脆內軟，真心正🩷整體而言肉食質素一般，但side dish 反而唔錯，加上職員態度好，都算吃得開心滿足嘅😉

一開始盤肉嚟都靚 啲牛都好食 雞都好嫩滑第二轉嚟既肉就無第一轉咁好了 然後個牛油帶子 我真係無野好講我從來未食過一間燒肉既牛油帶子係咁既樣係咩玩法另外加左30蚊有飲品甜品 得三款茶包 幾款咖啡 4款汽水 飲品唔吸引 甜品都唔好食然後算 想食其他 發覺佢qr code入面個menu同出面大餐牌包既野唔同有一堆野賣晒 都合理既但有一埋野直程係搵唔到 （例如清酒煮蜆、枝豆等）問番職員 職員話餐牌未更新我地問係出面餐牌無更新定qr code個餐牌無更新佢地話qr個餐牌無 都無得叫然後再問出面其他職員 佢地話出面menu係唔岩既 我地：咁你唔提供唔係應該遮左佢/刪左佢？佢： 我地都有同老細講過 但老細不為所動下？咩話？ 你寫出嚟有既野都最後係完全無架喎 同呃人係無分別後來我地話會投訴去到就嚟食完既時候 有個唔知係老細/高層既女仔過嚟問我地係唔係想食清酒煮蜆 即刻整比我地話因為有啲野食要等師傅番工先有 以家師傅岩岩番工 所以就可以叫呢個解釋十分牽強 亦同其他員工講既野有出入你menu話要包既野 你一開門就應該要包到而唔會係師傅番工先會有 如果無都應該係qr code餐牌都有呢樣野 最多寫埋賣晒你q

男友話呢間是日本過江龍燒肉店，係香港開第一間，所以就好有興趣想試下。初初抱住平常心去試，結果遠超於期望地高質素! 無論是服務，環境，還是食物，都是高質素~!👍🏻🔥 肉類好多款，大部份都好好食，特別係個頭盤🍛肉汁都好飽滿，同埋好香油脂味。除左肉類之外，仲有好多其他野食，有菜，有粥，有湯，有冷麵，有飯(飯都有好幾款...) 甜品飲品，係出面buffet形式任拎，連甜品都唔係馬虎的，睇得出係有心機整既甜品，特別係佢個芝士蛋糕同埋薄荷朱古力蛋糕，好好食~ ~另外值得一讚:我和男友大約一星期前book位，付了訂金，但我地入座果陣，似乎俾其他食客坐左我地個位。服務員同埋經理既反應同埋處理手法，男友表示很滿意~ 首先帶左我地去其他位先，上左前菜俾我地，叫我地食住先，一邊食，有差唔多3個服務員再加一個經理，先後同我地講返唔好意思，叫我地等多陣，好快會轉返卡位俾我地 (本身我地坐緊既唔係卡位) 大約5分鐘後，經理同埋服務員就俾我地調位，幫我地拎餐具同埋野食，順利地調位了。整個過程就是非常smooth，處理態度亦是很殷勤。進食期間的收碟速度效率都很高很爽快。當last order 的時候，亦專登拎部平板電

約朋友黎食個燒肉lunch～地點方便 就係商場入面 鋪頭裝修日式好有feel~食A5和牛+海鮮刺身餐 3個鐘～午晚同價 咁夜晚黎食幾抵！一入到黎見到啲甜品已經吸引住我嘅目光款式好多～芝士蛋糕最正～其他如果想留肚回本嘅話就忍一忍啦😂聖誕cupcake好cute cute☺️朱古力雪糕with好多配料同醬揀～超！好！食！夠creamy口感firm味好濃～根本唔係朱古力味！係「特濃」朱古力！終於入正題😂冇好好咁靚影，但咁離遠睇到睇到正啦！好多唔同部分揀～滿滿油花～好香口～不過和牛始終油啲膩啲所以我哋好快轉嗌安格斯 冇咁油可以再塞入胃☺️好好食！個人鍾意牛味重啲嘅所以真係可以無限食唔停🤤海鮮都係無限任點～都好新鮮！蝦好多膏～仲有刺身😂真係唔知食得邊樣 刺身就正正常常咁啦 不過刺身有漏單嘅情況 比較奇怪 和牛同海鮮就黎得好快嘅！食到咁上下 食下新鮮嘅沙律同甜甜嘅生果fresh fresh佢～生果有哈蜜瓜 西瓜 菠蘿 大滿足嘅一餐！仲想帶屋企人再黎！

今日第一次去食，啲嘢嚟到見到已經唔想食，啲肉上枱嘅時候係雪藏到硬晒有冰，牛舌捲埋晒亂鋪上碟就俾人。即使只係正常燒一陣，燒完啲肉全部都好韌。唔明點解有食評寫住好食，何以見得，唔信你哋可以自己去試吓，我就以後都唔會再去！

好耐未試到真正有質素嘅燒肉放題了唔喜歡食放題質素係其中之一，最接受唔到收我5/6舊水90分鐘/120分鐘收我枱。咁樣我做咩要出街食，上網訂舊靚肉屋企自己慢慢煎啦。睇咗食評/拍片介紹，都幾有信心地以衝鋒心態去試。訂位WhatsApp訂位十分順利。收deposit都合理。係啲”confirmation”分咗幾十次又WhatsApp 又電話仲要重複，去到坐低仍然再問，嗰下需要改善。好耐未試到真正有質素嘅燒肉放題了唔喜歡食放題質素係其中之一，最接受唔到收我5/6舊水90分鐘/120分鐘收我枱。咁樣我做咩要出街食，上網訂舊靚肉屋企自己慢慢煎啦。睇咗食評/拍片介紹，都幾有信心地以衝鋒心態去試。訂位WhatsApp訂位十分順利。收deposit都合理。係啲”confirmation”分咗幾十次又WhatsApp 又電話仲要重複，去到坐低仍然再問，嗰下需要改善。服務訂座/現場職員態度極佳，又照顧小朋友。五星好評。爐好用，火力易控制。人唔會太熱。爐邊抽風，「火燭」同油煙問題非常受控。職員有幫手睇住。主動換網👍🏾👍🏾經優良訓練同有眼力。食物A++武王3粒鐘，不作他選。前菜刺身，海鮮，肉都極高質。新鮮，鮮甜

我最近去了一家期待已久的燒肉餐廳，但經歷卻讓我非常失望。首先，食材的質量讓人不敢恭維。牛肉的口感非常乾柴，完全沒有我預期中的鮮嫩多汁。送上枱的牛肉未融雪，而且牛脷非常韌，完全咬唔開。最後，餐廳的整體環境也大打折扣。用餐區擁擠且嘈雜，完全沒有燒肉應該有的舒適和放鬆感。總的來說，這次燒肉用餐體驗讓我非常失望。我不會再光顧這家餐廳，並且不會推薦給我的朋友們。如果你正在尋找一家高質量的燒肉餐廳，建議你選擇其他地方。加了$30只有幾款飲品選擇，甜品亦唔好食。