影片
港鐵天后站 A2 出口, 步行約4分鐘; 地鐵A1出口(步行約4分鐘)
繼續閱讀
電話號碼
26606373
68065382 (WhatsApp)
開飯介紹
創意日式燒肉店，裝潢富有日本風味，以A5宮崎和牛牛眼蓋做招徠，油脂豐富入口即溶。另外超長日式牛仔骨、牛味濃上等封門柳桶都值得一試，另亦供應豬肉、雞肉、海鮮等。
繼續閱讀
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
以上資料只供參考, 請與餐廳確認詳情
有關餐廳
有關獎賞計劃
相關文章
D24榴槤任食＋Asahi啤酒＋極上牛小排 120分鐘，任食任飲！唔使周圍搵！天后呢間「燒肉屋」絕對係放題界隱藏大佬😎唔止燒肉高質，連D24貓山王榴槤，Häagen-Dazs雪糕，Asahi生啤都任飲任食，簡直係瘋狂回本組合！今晚店內人山人海，超級有氣氛！好耐冇見過香港嘅食肆過咁樣熱鬧！令心情都特別愉快！重點一讚，店長，店員服務超好！唔收碟快，而且態度真係好親民！見到你猶豫唔知點燒某樣嘢，會主動過嚟笑住教路，聽到你講笑話又會搭下嗲，成個氣氛好似去咗個好客嘅朋友屋企燒嘢食咁，零壓力好愉快！呢種人情味，絕對係加分項。重點回本項目：⭐️ 無限量D24貓山王榴槤供應，回本之選！榴槤控必衝！口感creamy，味道濃郁帶回甘，絕對係真材實料，唔係求其糖水貨色！記住留肚食多幾轉！ 🍺 Asahi生啤任飲雪櫃任攞冰凍啤酒，泡沫綿密，配燒肉簡直一絕，解膩效果滿分！ 🍨 Häagen-Dazs雪糕有齊經典口味（曲奇，朱古力），食完熱氣燒肉再歎冰凍雪糕，完美收官！ 推薦：極上牛小排油脂分布靚，燒到五成熟最正！ 蒜香牛舌醃得入味，爽口唔韌！ 辣味噌豚五花惹味之選，夾生菜食超正！海鮮虎蝦超大隻，帶子鮮甜無雪藏味！帶子超大粒，厚度十足， 入口多汁，燒完又唔會縮水！榴槤薄餅極力推介！ 雖然食完會好飽，但係真係一個好特別嘅甜品！ 自己燒熟印度薄餅皮再包榴槤肉！ 估唔到係一個絕配！** 總結 ** 「好食嘅嘢食得多，好服務先最難得！」呢句絕對適用於燒肉屋。如果鍾意「榴槤＋啤酒＋燒肉」呢個魔鬼組合，再加埋貼心又輕鬆嘅服務，呢度絕對係天堂！人均$400左右（視套餐），質素對得住價錢，回頭率超高！ 回頭指數：★★★★★ (4.8/5，服務加分！） 適合：榴槤狂熱者、啤酒黨、肉食獸大聚會、鍾意有人情味服務嘅你 ！
繼續閱讀
天后有間同時食燒肉同榴槤嘅放題餐廳，可以滿足大胃多元化需要打頭炮先食牛先，都有好多特別款式，有精修牛舌芯、醬汁洋蔥牛肉、醬汁特選美國牛五花 、美國安格斯封門柳、荔枝牛肩胛串串同澳洲和牛M7牛板鍵好企理咁放喺同一個碟上，款款牛味都好香，醬汁醃得入味又唔太過跟住就豬肉啦，有爽脆豬頸肉、醬汁豚肉片、厚切果汁黑豚、黑椒鹽五花肉、果味醬汁五花肉同雜錦香腸爽口又厚切，豬五花尤為巨型，燒起佢再剪開一塊塊，夾生菜食超過癮中間嚟個過場，嗌貓山王榴槤醬燒薄餅，原來係先烘吓個薄餅，再搽榴槤蓉喺上面，出奇地夾，質感好正另外嗌碗月見紫菜珍珠米飯，生蛋嘅色澤好奶白，撈飯又幾融合然後就嗌海鮮，有爽脆白鱔片、蒜蓉牛油烤帆立貝 、泰式生蝦同蒜蓉虎蝦等，又幾有鮮味，肉質爽彈，帆立貝同鱔真係會encore雞肉同蔬菜都唔少得，嗌咗燒菠蘿、燒翠玉瓜、地雞雞軟骨串、摩薩醬汁雞肉、韓式雞肉同蜜糖燒雞翼。雞肉都係靚料嚟，肉質嫩滑，醬汁醃得好夠味。翠玉瓜同菠蘿都好好燒，好快夠火候，大大嚿又爽口最壓軸嘅當然係馬來西亞D24榴槤，任嗌唔嬲，冰凍上碟，size都幾大嚿，果肉夠綿，果味撲鼻，食完返尋味再嚟多碟前菜食足成個晚餐，係咁fill，其實又幾好食，店員都會好好咁問我地fill唔fill，服務好好，好過好多放題飲品出面雪櫃任拎，有好多嘢飲揀，Somersby同Asahi都有？雪糕有有兩大人氣品牌，Häagen-Dazs同Dreyer’s，正到痹
繼續閱讀
歌仔都有得唱，下一站天后，銅鑼灣繁華，天后樂得清靜，漸漸聚集咗好多優質的食店，清風街的 燒肉屋 是我喜歡之一。最近推出的燒肉+榴槤放題體驗，非常滿意，菜式賣相精美，質素上乘，特別是 馬來西亞D24榴槤 讓人印象深刻。燒肉和榴槤的愛好者，這裡絕對值得一試！燒肉+榴槤放題$348（限時120分鐘）榴槤燒肉放題罐裝汽水、啤酒、清酒任飲任食Häagen-Dazs 杯裝雪糕前菜六款首先，前菜的選擇豐富，包括六款不同的菜式，泡菜讓人期待。馬來西亞D24榴槤作為榴槤愛好者，馬來西亞D24榴槤是榴槤中的頂級品種，味道香氣濃郁，肉質柔軟，口感滑順。奶油般的口感，帶有淡淡的甜味和微微的苦味，層次感豐富，搭配清酒更是絕配。濃郁的果香，吸引人。口感柔滑如奶油，入口即化。味道甜中帶一絲苦味，令人回味。醬汁洋蔥牛肉肉質鮮嫩，洋蔥的甜味與牛肉的香氣交織，十分開胃。醬汁特選美國牛五花，肥瘦相間，烤後外焦內嫩，配上燒肉醬汁，令人回味無窮。美國安格斯封門柳，肉質彈牙，燒烤後的焦香味讓人一口接一口。荔枝牛肩胛串串新鮮的牛肩胛肉，鮮嫩烤後不油膩。荔枝的果香融入牛肉中，甜味平衡了肉的油脂感。焦香果香口感豐富。果味醬汁五花肉創意十足的燒肉菜式，以五花肉為主角，搭配果味醬汁，五花肉肥瘦相間，燒烤後外脆內嫩，油脂豐富，口感滑順。果味甜酸適中，能夠平衡肉類的油膩感。搭配新鮮生菜，清新均衡。蒜蓉牛油烤帆立貝令人垂涎的海鮮燒烤，鮮美與蒜香濃郁。選用新鮮的帆立貝，肉質鮮嫩，香濃的牛油和新鮮蒜蓉，增添了層次感，香氣撲鼻。烤後帆立貝外層微微焦香，內部保持多汁。泰式生蝦新鮮的生蝦，搭配特製泰式青醬料，清新可口，生蒜片增添了層次感。雜錦香腸多種肉類和香料，口感豐富，美味可口，外層香脆，內部鮮嫩多汁，嚼勁十足，每一口都有驚喜。炸粗薯條，吉列炸蝦，炸餃子，外脆內軟。蜜糖燒雞翼，甜中帶鹹，雞翼肉質嫩滑，口感極佳。燒菠蘿，清新解膩，酸甜可口。燒粟米，胡麻醬烏冬，夏天佳品。飲品方面，餐廳提供任飲的罐裝汽水、啤酒和清酒，輕鬆自在。整體而言，燒肉屋 環境舒適，裝潢簡約現代，適合與朋友聚餐。餐廳的燒烤設備設計合理，每位食客都能享受到自助燒肉的樂趣。光線柔和，營造出輕鬆的用餐氛圍。
繼續閱讀
今日嚟到天后一間裝修幾有風格嘅韓式小店，主打串燒放題，最吸引係有馬來西亞D24榴槤任食，真係好少見，榴槤控必定要bookmark！牛肉類選擇特別多，包括精修牛舌芯、醬汁洋蔥牛肉、醬汁特選美國牛五花、美國安格斯封門柳、荔枝牛肩胛串串同澳洲和牛M7牛板鍵。每款牛肉都切得厚厚地，肉質嫩滑，醬汁調味唔會太重，啱晒鍾意食牛嘅朋友。特別推介澳洲和牛同安格斯封門柳，燒完油香四溢，牛味濃。豚肉方面有爽脆豬頸肉、醬汁豚肉片、厚切果汁黑豚、黑椒鹽五花肉、果味醬汁五花肉同雜錦香腸。豚肉款式多樣，肥瘦適中，特別係黑豚同豬頸肉，燒完有彈性又唔會太肥膩。海鮮同其他選擇有蒜蓉牛油烤帆立貝、泰式生蝦、燒菠蘿、燒翠玉瓜同燒粟米。帆立貝新鮮，牛油味香濃；泰式生蝦酸辣開胃，菠蘿、翠玉瓜同粟米燒完更加甜美，食咗咁多肉之後嚟啲蔬菜或水果都好啱。雞肉類有地雞雞軟骨串、摩薩醬汁雞肉、韓式雞肉同蜜糖燒雞翼，全部都香口惹味，特別係蜜糖雞翼，甜甜地好容易一啖接一啖。炸物同燒物有貓山王榴槤醬燒薄餅、炸粗薯條、炸餃子、吉列炸蝦同炸雞塊。即炸上枱，外脆內軟，貓山王榴槤醬燒薄餅自己慢慢燒，仲帶陣陣榴槤香，十分特別。主食方面有月見紫菜珍珠米飯、胡麻醬烏冬同辛辣麵，飽肚之餘又有特色，尤其胡麻烏冬香滑，辛辣麵有啲刺激。最後重點推介D24榴槤任食，榴槤肉夠新鮮香濃，食完咸嘢再食返幾瓣，滿足感爆燈。我地榴槤麵食左4轉😍成餐飯感覺無論係串燒迷定榴槤控都會滿意，值得一試！
繼續閱讀
之前約左朋友去燒肉屋食燒肉+海鮮放題，因為喉嚨痛唔敢食牛肉, 當晚專攻豚肉類（豬頸肉、厚切果汁黑豚肉、豚肉片、黑椒鹽五花腩）、海鮮、雞肉，仲有意外之喜 — 榴槤同榴槤烤餅！ 餐廳環境環境相當不錯.，裝潢都好有日本風味, 當晚有不少客人，氣氛輕鬆又有驚喜。第一件事看看有沒有啤酒. 因為燒肉一定要配啤酒, 酒櫃有不少 Asahi 及其他啤酒, 同時見到雪櫃內有 Haagen-Dazs 及其他雪條。 五款小碗醬料散發燒烤香，食慾即刻開。喉嚨痛避開牛肉，豚肉真係主角！成盤豚肉. 仲有雜肉腸, 雞翼等等豬頸肉燒得正，外脆內嫩。 厚切果汁黑豚肉多汁而豚肉片易熟、黑椒鹽五花腩香辣撲鼻。用生菜包. 超正大隻厚肉海鮮扇貝、生蝦鮮甜、雞肉。燒到熟度啱啱好，鮮香撲鼻。生蝦, 不用加醬料. 超新鮮最驚喜是有榴槤！新鮮榴槤肉香濃滑溜，仲可以整榴槤烤餅，功夫不少. 要燒, 不可以放太久, 不時看, 要有外脆內軟，烤好後, 才放榴槤肉, 榴槤肉濃郁得嚟唔悶，烤餅沒有任何味道。但烤餅外皮香脆，內裡榴槤蓉滑溜，互相配合. 食落有驚喜， 令榴槤肉味道更出，絕配。 雖然喉嚨痛，但沒有阻止享受美食味道。所以差不多飽時, 依然要食 番杯Haagen-Dazs 。整體來說，份量夠晒，質素抵讚。下次養好喉嚨，會再嚟睇下新海產同季節限定野食，仲想多啲榴槤相關甜品，期待下次！
繼續閱讀