呢間人氣串燒店向來甚有口碑深受食客歡迎，上月底由旺角舊址搬遷至家樂坊，新店環境光猛寬敞，日式木系裝修簡潔舒適。店內沿用小火爐保溫設計，好讓未食嘅串燒仍保持溫度。創意串燒多達50款，仲有日、泰、港、川式等多種風味，定價$18起。絕對必食推介：焦糖青蘋果鵝肝多士 $108厚切鵝肝分量足夠曬大塊，火候控制得宜，入口勁柔滑。多士烘得脆身，夾層青蘋果片酸甜清爽，有效中和鵝肝油膩感。雖然邪惡但真係好食到Encore再叫多件。雞皮墨魚滑 $38將墨魚滑釀入雞皮燒製，外層雞皮脆如薯片，內裡墨魚滑彈牙有嚼勁。呢款創意串燒值得一試。汁燒免治雞肉軟骨釀冬菇 $28軟骨粒幾有咬口，冬菇香味十足保持多汁，估唔到呢個配搭都夾得幾好食。麻辣墨魚鬚 $22墨魚鬚爽脆彈牙，麻辣粉提香不嗆喉！鹽燒白鱔 $48鱔肉厚薄適中，魚皮燒至微焦脆口，肉質緊實帶炭香，簡單以鹽調味已能帶出鮮味。厚切鹽燒牛舌拖羅 $48比牛舌芯更加厚身，肉質爽口彈牙，鹽燒的味道非常惹味。蒜香牛油酒煮蜆 $68蜆肉飽滿無沙，酒香溫和不會過濃。附送的蒜蓉包烘得酥脆，牛油蒜蓉醬香氣撲鼻，蘸汁食更滋味。其他串燒包括：鹽燒雞軟骨 $18、汁燒三黃雞氣管 $28、鹽燒雞中翼 $20、爽口雞腎 $23、椒鹽鮮雞腳根 $18、牛舌芯 $28、牛油果豚肉卷 $28、鹽燒豚肉荔枝卷 $22、鹽燒豚肉荳苗卷 $28飲品方面：生啤現時有買一送一優惠，不過友人唔飲酒，所以選了大大杯嘅青檸梳打$28及解喝好飲嘅菠蘿乳酸$28總括而言，新店座位較舊店寬敞，服務亦算勤快，好適合三五知己聚餐。晚市人流較多，真的要提前訂座！…查看更多
