12
2
0
港鐵藍田站 A 出口, 步行約4分鐘 繼續閱讀
所有分店 (3)
電話號碼
98257539
營業時間
今日營業
09:30 - 19:30
星期一至日
09:30 - 19:30
付款方式
AlipayHK 現金 八達通 微信支付
食評 (15)
等級4 2020-01-17
124 瀏覽
今晚約咗屋企人提早食團年飯,趁嚟開藍田取件,順便喺呢間朋友介紹嘅「燒洒一族」斬料加餸。聽朋友講,呢間舖頭雖然係家族經營,但賣嘅燒味一啲都唔墨守成規,反而注入了不少新元素。細心留意,原來食店除了把西式烤焗產品如燒豬手、燒春雞、燒豬肋骨等加入「燒」味行列外,店內還有一系列酒糟和藥膳沙薑食品供應,選擇都幾多元化。反正今晚人齊,就一於多買幾款試下。揀咗德式燒豬手、沖繩黑糖焗叉燒、酒醉雞中翼、藥膳沙薑雞翼、藥膳沙薑腎片。德式燒豬手  ($88/大):隻豬手以店舖特製紙盒盛載,未斬前有成隻手掌咁大,份量勁足,拎起嚟非常墜手,而且拿上手時仍然是熱辣辣。回家後已急不及待,立即品嚐。外皮咬下竟然還是脆卜卜,而且豬手肉肥瘦剛好,吃下腍滑 Juicy,帶微微啤酒味,蘸點附上的自家製蜜糖芥末醬,更能帶出豬手的肉香。沖繩黑糖焗叉燒 ($38/條):條叉燒看起了有點瘦,不夠肥美,但原來食落肉味很香濃,肉質鬆軟不死實,腍滑中更見彈性,咬下充滿黑糖香氣,而且雖然沒有燶邊,但入口依然帶少許焦香味,一整條很快給清光!酒醉雞中翼 ($28/盒):雞中翼一盒有 5 隻,外形大大隻又脹卜卜,勁厚肉,咬下雞皮爽脆、雞肉滑嫰,完全滲透酒香,加埋杞子作調味,香味有層次,食完真係令人齒頰留香。藥膳沙薑雞翼、藥膳沙薑腎片 ($45/2盒):呢款雞翼的確幾特別,用上藥膳+沙薑炮製,但食落藥材味又唔算好重,反而帶點回甘,而沙薑味亦平衡得唔錯,溫和又不太辛辣,加上雞肉滑嘟嘟,好好味!另外腎片水準亦唔錯,非常爽口鮮香,口感甚佳。下次路過,會再嚟買其他燒味試吓。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-25
0 瀏覽
太座送贈物資給教友後,回程時順道逛逛這裏的街市,買些菜蔬食材回家,這街市有多種店舖,乾濕貨皆齊,海鮮,鮮肉,菜蔬,水果,燒味,冷藏食品等,一應俱全,逛一轉可買齊要煮的配料。除了買菜蔬外,我們鍾情這間燒味店,它不是傳統賣油雞,燒鴨的廣東燒味店,而是一間西式燒味店,有燒豬手,燒鴨胸,香腸等,品種繁多,而且價錢不貴,買現成的,我們喜歡買些要花時間烹調的,別人幫你做好,回家翻熱便成,方便省時。先為女兒選了酒醉薰蹄,她極喜歡以酒浸醃之物,每次上館子也會點醉雞,今天見薰蹄不錯,選了半隻,還付上醉酒汁,薰蹄肥膏不多,皮醃得爽脆,酒香濃郁。德式燒豬手,選了一隻大的,店員更為我們起骨切片,回家後,開焗爐以250度高溫焗20分鐘,豬皮回復如薯片般香脆,肉也香甜,煙韌有致,點付上的蜜糖芥末,更添滋味。太座還留起骨頭煲粥!沖繩黑糖焗叉燒,質素竟然不差,甜味與一般叉燒略有不同,皆因用了沖繩有名的黑糖,甜味更濃郁,叉燒送飯一流,我還留起一部份加洋蔥炒蛋,又是另一碟美食。蒜味醬烤五花腩,一家都愛吃油脂香,肥瘦相間的五花腩醃得不錯,蒜味醬烤得入味,翻熱後味道更佳。如吃膩傳統燒味店想轉口味,這店應可滿足你! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-21
12 瀏覽
啟田街市翻新後知道多左好多美食,呢間燒味鋪勁多街坊講~呢日就專程黎買外賣番去慢慢嘆!慢煮醬燒豬肋骨 (細)媽咪指明要既豬肋骨,叫左細份都勁大條,超抵食!醬汁甜甜地好開胃!而且肉質易咬唔痴牙!好好味!黑糖焗叉燒(1條)黑糖焗叉燒睇個名勁吸引,食落比一般蜜汁叉燒香濃,肉質係較瘦既叉燒但食落口都唔算好鞋,撈飯食一流!蒜香南乳燒春雞好香南乳味!燒春雞好多肉,師傅會幫忙切好,唔駛自己撕開好方便!原隻大雞脾飯(蒜蓉汁)招牌燒豬手飯(黑椒汁)呢度既飯盒抵到爛!$28有一盒!雞脾名乎其實好大隻,蒜蓉汁撈飯勁香!招牌燒豬手飯係睇住師傅逐片肉起出黎,有成大半隻豬手,份量好多!抵食到暈!買左咁多野4個人食第2日仲可以帶埋番工食~超正! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-02-23
85 瀏覽
最近比較多買外賣或者係屋企煮野食嘅關係,多左行街市買餸,今日行行下見到e 間燒味店,店面有好大隻豬手,最後我地買左以下幾樣試下😆 沙薑雞腳🐔,食落好香沙薑味,唔會太硬,都容易咬☺️酒醉薰蹄🐽,好香花鵰酒味,食落唔會好肥,皮好爽口,都幾多肉,肥瘦適中❤️蜜糖黑椒煙鴨胸,好香蜜糖味,加左少少黑椒辣辣地都幾野味,食落都好有肉汁,唔會焗到干哂👍🏻招牌咸豬手🐷,份量都幾多,店員好貼心,切得好好,唔會太大舊,皮都脆脆,有d 似燒肉嘅口感。岩鹽烤鯖魚柳,加左檸檬🍋,唔會太腥,食落都脆脆地🐟 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-31
112 瀏覽
新年食隻要加料, 沒有時間買餸煮, 出街食訂位又迫人又貴, 安在家中邊看電視邊吃最實際。買了一埋魚同菜後, 肉類就買燒味, 只要加熱就好食, 屋企人開心食飯很豐富買了一堆, 預了幾餐的份,黑糖义燒好多黑糖汁, 燒得美美閃亮, 比較甜合小朋友口味。食好嫩唔好鞋身豬肋骨切開直接用手食, 甜甜的汁好惹味, 大人用來配酒, 小朋友都食得律律有味雞比大大隻又多肉黑椒鴨胸同樣多肉好食。有蜜汁甜甜地呢間野係街市, 買餸時方便, 同埋好抵食, 買了4樣野一家人新年團年, 夠食兩餐 繼續閱讀
(以上食評乃用戶個人意見 , 並不代表OpenRice之觀點。)