燒洒一族

營業中

休息中

屯門 Vcity 最近新開咗間新派燒味外賣店-燒洒一族，店內主打西式燒味，有燒豬手、燒春雞、燒豬肋骨、酒醉冷盤、中/西式飯等等，價錢親民，款式多元化，睇起嚟好吸引，咁就買啲燒味返屋企加餸先 ~桂花蜜餞叉燒        $65原條叉燒份量都唔少，每一塊叉燒厚薄適中，肉質鮮嫩，啖啖肉無筋，仲有少少燶邊，肉味香濃鬆化，充滿肉汁，食起嚟桂花蜜既香氣散發出來，食完好滿足，值得推薦俾大家！蜜味雞髀       $40/2隻雞髀除咗蜜味仲有香辣味選擇，雞髀蜜味濃郁，帶少少微甜，雞髀好入味，雞皮香脆可口，肉質好爽好嫩，咬落去好juicy，雞味夠出，真係唔錯既小食。半半香草春雞         $40半半燒雞有3款口味，香草、南乳及窯燒。揀咗香草春雞，皮脆肉嫩，雞肉有淡淡既香草好入味，就算雞胸肉質都唔會乾身，加上特製既香料，越食越惹味，配合多種蔬菜，西蘭花、椰菜花、紅蘿蔔同豆角，營養健康又美味。酒醉薰蹄         $38大件又抵食既酒醉系列，份量好足！一開袋陣陣花雕酒香氣散發出來，厚切既薰蹄入味濃郁，肥瘦適中，豬皮口感爽彈，肉質鮮嫩，食到唔停口。酒醉雞卷         $38充滿酒香味既雞卷，

最近屯門新開了一間燒肉店，有賣燒雞、豬手、烤肋骨和豬頸肉等等的燒味，全部食物我都很有興趣，今天便先試試古法燒春燒、黑椒豬手、燒腩仔和香腸。古法燒春雞：這間店舖的燒雞真的很美味，之前我已試過南乳春雞相當美味，今次的古法春雞亦十分出色，雞肉非常嫩滑可口，鮮嫩多汁，而且醃料亦很入味，它的燒雞大家真的不容錯過。燒腩仔：燒腩的外皮十分酥脆香口，肉質亦算柔軟，味道相當不錯。黑椒豬手：豬手充滿著濃濃的骨膠原，黑椒亦不會太辣，味道挺好的，不過我老公更喜歡之前吃過的德式鹹燒手。香腸：今次試了蜜糖和香辣兩款，對於燒味，香腸的味道便失色不小，蜜糖比香辣美味一點。價錢方面，總共$169。總結來說，這間餐廳的燒味我都試過很多款了，除了烤肋骨偏鹹，香腸沒有什麼特別，其他都十分出色，下次應該會試叉燒。

香港有間新開的燒臘店，餐牌和感覺都和傳統燒臘店非常不一樣。有傳統的燒腩仔、叉燒、燻蹄，再看一看餐牌，有德式燒豬手、烤豬肋骨鹽烤鯖魚，相當有創意。而且，燒臘店非常清潔乾淨，感覺不錯。香草法式燒春雞 $65，一整隻份量一人吃飽飽，兩人都足夠。黑糖烤豬頸肉 大份 $75，黑糖經過燒烤，非常香甜，配搭豬頸肉一流。燒腩仔 $48，燒臘經典，而且這家切的非常厚肉，口感極好。香甜蜜味烤雞髀 1隻 $22，燒烤配蜜糖，沒得輸之餘，吃了超多飯😂。沖繩黑糖焗叉燒飯 $33，叉燒大大塊，口感佳，只賣$33，糧尾恩物。追加酒醉溏心蛋 1隻 $6，因為不是糧尾，追加了溏心蛋😂，帶點酒味特別開胃。°°°°°°°°°°°°°°°°°°°°°°°°°°°°°°燒洒一族📍 屯門屯門鄉事會路83號V City 地下G7A號舖#MrsLong #hk #hkbloggermama #Longs #mamablogger #香港美食 #餐廳推介 #hkfoodie #香港探店 #foodieshk #hkigfood #tasteofhk #hkfoodlovers #燒味

放假逛Vcity見《燒洒一族》新舖裝修新簇明亮，食物新鮮熱辣出爐，決定買些回家與家人共享。我選左🥢德式燒鹹豬手$118，豬手皮燒到金黃色脆卜卜又鬆化，豬手肉不會過鹹味道剛好，肉質軟腍可口配芥末醬提升美味😋😋🥢自家製燒腩仔$65: 五花腩肥瘦均勻，皮脆肉嫩滑，肉味香濃好好味。👍👍🥢酒醉鴨舌$58：鴨舌腍滑夠入味，酒味香醇濃郁有少少甜味。😍😍🥢酒醉腎片$45：腎片爽口，酒味香濃，配飯或麵都好味。💕💕

屯門又有斬料加餸好選擇🔥平時斬料都係去傳統燒味店，V city終於有間西式燒味比起傳統嘅燒味店選擇種類比較多而且有招牌烤豬手一定要試吓！德式燒鹹豬手個皮脆卜卜！燒得好香脆全條原骨上，豬手肉啖啖肉又唔會柴皮粘蜜糖芥末醬真係好正😍除咗斬料，仲可以叫雙拼燒味飯燒腩仔+辣味雞髀飯 配黑椒汁燒腩仔好好食，半肥瘦，肉質爽口雞髀啖啖肉，夠哂嫩滑juicy黑糖焗叉燒+蜜味雞髀飯 配蜜糖豉油汁叉燒用黑糖烤香，肉質偏瘦帶點肥膏但唔會柴皮雞髀帶有蜜糖味，甜甜地幾好味酒醉溏心蛋一定要試吓，超入味啊～德式烤香腸有幾款，特別鍾意食芝士口味

今日咁岩行過V city, 見有間餐廳係新開, 專做外賣既燒味店, 眼見到店舖十分乾淨, 雖然叫燒味, 但係食物包羅萬有, 好多唔同款可以揀, 有已經pack好既麻辣鴨舌同口立濕等等因為佢得外賣既關係, 所以只能夠加餸拎返屋企食, 嗌左既係叉燒同燒腩仔, 外加一盒麻辣鴨舌!!先講個叉燒, 斬既時間已經聞到好香既叉燒甜香, 一份既份量都唔少!!燒腩仔外皮係超脆口, 而且唔會太肥, 肥瘦均勻最最最好味一定係呢個麻辣鴨舌, 雖然係麻辣, 但係辣度不高, 而且份量都幾多, 超入味!! 辣得過癮而且口感爽彈!! 值得一試既新店!!

屋企附近新開咗間外賣店，收到傳單就決定晚上去試吓。去到之後醒起好耐以前喺藍田應該有試過同一間舖，但藍田嗰間而家應該執咗啦，嗰間煮得好差。但係屯門呢間好有驚喜，首先鋪面好光鮮，職員態度好好。價錢仲非常相宜。晚餐一盒飯都係36至$45。叫咗一個招牌豬手飯，豬手好食，啲皮好脆，而家飯都仲係熱辣辣嘅。雖然好平，但都有俾到少少配菜，仲可以揀個汁，我今次就揀咗黑椒汁，同豬手幾夾。埋單$40，飲品就唔包啦。但今次去到見到佢其他燒味都好吸引，下次去會試埋其他餐！推薦！

屯門v city 一田超市個層做左大翻新，開左唔少新店鋪，其中一間就係呢間西式燒味外賣店「燒洒一族」身為打工仔，有時收工真係趕唔切煮飯👩🏻‍🍳，所以間中都會買外賣，或者斬料番去當一餐。呢間外賣燒味提供單點同燒味盒飯，可以一個人食或者買黎開party德式燒鹹豬手（大）🐷有特大同大兩個size 選擇，大size都好大份，足夠兩至三人食。店員已經將豬手骨肉分離，食起黎好方便。外皮燒得香脆，中間肉質軟嫩，配有蜜蜂芥末醬。慢煮醬烤豬肋骨（大）🐷望落勁似叉燒，不過肉質比叉燒厚實，BBQ醬有些微甜味自家制燒腩仔🐷屋企人中意食燒腩仔，所以即刻叫番一條，肥瘦適中，外皮香脆，送酒一流🍻麻辣豬耳🐷豬耳爽脆易咬，辣度適中，包裝乾淨衛生，唔洗怕啲辣油流哂出黎

呢間餐廳響屯門vcity底層，呢度既食物即叫即炸，豬手分左脆炸豬手同煙燻豬手，脆炸既香口外脆內軟，口感勁正，脆到一個點，仲要即時幫你切埋肉放落盒度，呢度仲有酒醉系列既食物，食品主要係燒味多，碟頭飯價錢都好抵食，三四十蚊就有交易，而家新開仲做緊新張優惠8折tim，抵到呢～脆炸豬手仲分左大隻同特大隻，特大隻份量都一百蚊有找，燒香草烤雞都好大隻，全部食物都即時切好，睇到佢點切同放入盒度食落衞生又安心，仲有醬汁配埋俾我地。

喺屯門探完朋友，過咗嚟 V City 行下，喺商場地下見到有間燒味店，走近一看，原來係「燒洒一族」嘅新分店。之前喺樂富街市幫襯過，商舖專攻外賣，燒味款式齊備，價廉物美，一於食過返尋味。店舖主打新派西式燒味，有脆皮豬手、燒春雞、烤豬肋骨、西式燒味飯同一系列酒醉及麻辣食品供應，花款非常之多，啱晒外賣返屋企同家人齊齊分享。特大德式燒鹹豬手 ($118)  豬手勁大隻，外皮烤至脆卜卜，肉質肥瘦剛好，腍滑得嚟又有肉汁，香口鬆化，蘸點附上嘅自家製蜜糖芥末醬吃，更添風味。蒜香南乳春雞 ($68)  隻春雞燒得啱啱好，皮脆肉嫩，雞味濃郁，一咬啲肉汁就流晒出嚟，吃時更帶陣陣南乳香，誘發食慾。自家製燒腩仔 ($65/條)  腩仔外皮超脆，瘦肉同脂肪層層疊，肉質軟腍但又唔鬆散，有豬肉香卻沒有豬臊味，加上鹹度恰好，送飯一流！香甜蜜味雞髀 ($40/2隻)  雞髀大大隻，外皮塗上了一層蜜糖，雞肉好厚身，滑溜得嚟又夠蜜味，入口啖啖肉，成隻揸住食，勁滿足。

燒洒一族是連鎖主打西式燒味外賣店，最近在屯門V City開了新分店，很適合買回家加餸！西式燒味方面有燒豬手、燒春雞、燒豬肋骨等，除了單點也可以買燒味飯，一人或者多人聚餐也可以！另外他們的酒醉及麻辣系列小食也有很多款式，味道媲美餐廳質素，而且性價比更高！⤫ ⤫ ⤫ ⤫ ⤫ ⤫ ⤫ ⤫ ⤫ ⤫<德式燒鹹豬手> $108/隻 (大)<酒醉鴨舌> $96<酒醉雞卷> $45燒味選了最熱賣的德式燒鹹豬手，有大和特大兩個size，大size足夠兩至三人吃，豬手外表炸得很香脆，中間肉質不乾柴，配上芥末醬可以解膩！另外試了酒醉系列的鴨舌及雞卷，兩款的調味基本上是一樣的，酒味很濃但易入口，鴨舌肉質爽彈，而且挺厚肉的！雞卷肉質嫩滑，雞肉連雞皮卷在一起，吃起來啖啖肉！

V City的一田樓層大裝修，超市範圍細咗，旁邊開多咗新舖頭，見有間埋燒味嘅叫燒洒一族，幾多嘢賣，店內光猛衛生感覺唔錯。新開張熱食有八折，冷盤就買三送一，好抵喎😋揀啲返去今晚加餸先。⭐自家製燒腩仔家人一向鍾意食燒肉，買返一條骨返去試下，層肥層瘦皮又脆，點埋個芥末醬真心正。⭐德式燒鹹豬手見隔離大媽二話不說揀咗兩隻特大鹹豬手，好似真係幾正咁喎，自己又叫返一隻先。店員問斬唔斬？唔斬就可以返去氣炸加熱，斬咗就方便食。我呢啲懶人就梗係斬咗方便啦，見店員幾下手勢就切好，仲排得好靚仔添。鹹豬手個皮相當脆，豬手唔肥皮下全部係瘦肉，入口鹹香，可以點埋蜜糖芥末醬，味道更有層次🤤⭐麻辣牛展家人愛辣，試下佢哋個麻辣牛展，一瓶望落唔大盒，但入面嘅牛展係塞到滿曬嘅，份量唔少。牛展薄切吸滿辣汁，麻麻辣辣相當惹味，即場煮返個米粉拌辣油先🤤⭐酒醉腎片最後就係酒醉系列嘅雞腎片，一打開就聞到酒香，同樣入面嘅腎片係塞到滿曬嘅，份量無稀場。腎片爽脆有咬口，加埋酒香，作為送電視嘅小食真係唔錯，唔覺唔覺就食曬成盒。呢度大概二百零蚊，一家四口食啱啱好。

今天天氣很好，因此約朋友到屯門行山 ， 行完山就去屯門市中心vcity 食過下午茶 ，跟住就行商場 ， 發現一田超市側面有間新開的燒味店，叫（燒洒一族 ）新張期內有八折 優惠，當時都有人排隊 ，我都有去排隊買左特大燒豬手$118 ，真係好大隻，買完食物老闆很貼心，給我一張卡紙建議使用微波爐加熱食物，回家我就跟住做，氣炸鍋焗完燒豬手真係皮脆肉質嫩滑一啲都唔乾 ，味道不會過鹹，還有芥辣包非常好味。黑糖烤豬頸肉（大）$78有一大盒， 薄薄一片片肉質爽口，都好惹味。香甜蜜味烤雞髀$40/2隻，比起平時燒味店大隻好多， 十分抵食， 雞肉好嫩滑又有少少韌韌哋而帶有蜜糖甜味， 食落仲有雞香味，值得推薦大家試下。蜜糖黑椒煙鴨胸（2個）$45， 鴨胸肉有黑椒味道微辣，而且鴨胸肉係好滑同埋有陣陣黑椒香味。買回家比家人食下，家中個個都稱讚我買得好好食。😊+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今日放工經過v city，諗住買外賣番去食，見到呢間舖頭咁得意，啲燒味放到好似西餅店咁，不如買黎試下。醬燒豬肋骨飯，豬肋骨顏色同醬汁有啲似叉燒，食落又似西式BBQ風味，但價錢一啲都貴，40蚊咋！惹味燒春雞飯，雞件份量好多，仲要啖啖肉，雞香又滑，加埋隻酒醉溏心蛋，迫爆飯盒。岩鹽烤鯖魚柳，烤得好好，保留到魚香肉汁，唔算多骨。蜜糖黑椒鴨胸，肉質有彈性，食落微甜蜜汁，黑椒提味，好好食！酒醉雞卷，好濃郁既酒味，雞肉雞皮好嫩滑入味，正！樽裝方便衞生，食唔晒又可以直接放入雪櫃。麻辣豬耳，好夠麻香，辣度十足，送飯一流，最重要係香港製造添！

屯門Vcity開咗間西式新派燒味店款款西式燒味都好吸引！有德式燒豬手、燒豬頸肉、蜜糖雞髀、豬肋條、燒春雞、蜜糖腸等真係加餸好選擇啊！冷盤小食，酒醉雞軟骨同糖心蛋都好出色！德式燒豬手大大隻，都只係$88師傅即席切好，切個次啲皮已經卜卜脆豬手肉嫩滑唔鞋口，沾蜜糖芥末醬好滋味😛西式燒味飯，價錢貼地抵食自家製燒腩仔飯 $33 加辣味雞脾$18淋上黑椒汁，拌匀更滋味唔單調燒腩仔半肥瘦，肉質爽口雞脾啖啖肉夠Juicy!!沖繩黑糖焗叉燒飯 $33 加蜜味雞脾都係$18推介蜜糖豉油汁！同叉燒最夾叉燒半肥瘦，甜甜地好食德式烤香腸分別有辣味同芝士味香腸🧀當小食或自己送大啤酒食，唔錯啊！