燉 (鴻運大廈) (已結業)

最近見到＂燉＂社交平台專頁，為慶祝 ＂燉＂已經踏入三周年紀念，推出超金合模型玩具車，作為收藏品。呢款電單車已經係第二批，黎緊將會有第三款推出，密切期待！由3月22號至4月4號，只要食滿$48以上，加$48就可以換購＂燉＂電單車模型。每架車仔都有獨立編號，而且限量發售。今次專誠黎到佐敦分店換模型車仔，佐敦分店比較細間，只有三張枱，主要都係做外賣。今次試吓食臘腸蒸雞飯$35丶瑞士汁雞髀飯$35，同埋大瞳干貝花膠濃湯$59丶鮑魚花膠螺頭燉雞湯$88。我好鍾意食呢度d蒸雞飯，d湯好濃好好飲，又足料，最緊要係無味精，夠哂健康。

今日行過想補一補，所以咪諗住飲個湯補一補！一入到去，花多眼亂，最終決定飲個女人最補元貝花膠湯，再叫個清清地既蒸雞飯！點知一食啖飯已經好味到暈，食完幾啖，忍唔住問吓係咩米煮得咁好味？原來係私家配方，商業秘密🤪🤪🤪！即刻試埋個湯，突然覺得自己好幸福，咁容易就可以飲到高質嘅美顏美膚湯！以後我又多一個飯堂了！

早前網上訂購曲奇流心奶皇月餅$208，今日到取，一盒六個、兩包玫瑰洛神花茶。我用100度爐火焗4分鐘，切開月餅尚有少許流心狀，奶皇甘香可口，曲奇餅皮酥脆鬆化美味！預先沖焗玫瑰洛神花茶，花香怡人，甜甜酸酸的味道，開胃又助消化。細閱花茶材料：冰糖、洛神花、山楂乾、紅棗乾、重瓣玫瑰花茉莉花。玫瑰洛神花茶配曲奇流心奶皇月餅順便購買外賣「獅子頭」為晚飯加餸，$60有六「獅子頭」，棠菜原本青翠的綠色，回家後變得失色，「獅子頭」口感腍滑有肉味，還有少許冬菇粒。

外賣叫咗兩個飯一個湯一個唔知蒸定燉蛋，垃圾到不得了，唔知食咗乜南乳花菇炆豬手飯- 食唔到有南乳味，豬手有好多毛，顏色同味道似就咁落咗啲豉油同鹽嚟煮，豬手唔夠淋，好似一個新手煮飯煮出嚟嘅餸咁🤦🏻‍♀️金粟燜煮鴨件飯-裝送個兜本身已經唔係大，打開之後啲餸勁少，d鴨好細件又勁碎又無肉，甩皮甩骨甘，唔知食咗啲乜🤷🏻‍♀️滋補黑糯米雞酒- 有幾件雞肉食下，好過啲鴨，不過啲雞肉唔係嫩，而係霉，連啲酒味都蓋唔到個陣雞肉冰鮮味蒸定燉蛋-講唔到咩味，因為職員比漏咗，我都費事去追返，因為唔會再有下次！裝飾物個兜已經唔係大，打開個蓋見到樣樣食物都好少，味道唔知似乜，食材又唔得，無下次！

吖姨說很久沒有湯水了，於是帶筆者到來，當作自家煮⋯⋯一看之下，原來是在荔枝角都有的分店 “燉”, 店舖面積細細，只放了三張二人枱，主力作外賣⋯⋯我們二人見剛好有張二人枱，於是看上餐牌點餐立即落單，店員落力地介紹食店招牌項目。套餐項目加$9 可加推干貝蒸，即燉蛋是也。餐枱上提供獨立包裝的鹽，疫情下感覺獨立包裝的好處。澳洲青邊鮑魚花膠燉湯$88~如果自己有煲湯的習慣，會感覺未算足料，但也看到湯中無論飽魚、花膠、杞子、瘦肉、雞都有⋯⋯黑糯米雞酒$49~酒味較强勁，反而唔覺是糥米酒。青蒸荀殻魚配白飯及油菜$119~原條荀殼魚算大條，$98 配白飯和油菜另加$20，店員很好，叫我們吃住一碗飯先，唔夠才再加單。最後二人吃晒所有食物，真的夠飽，幸好店員勸喻，否則眼闊肚窄。干貝蒸~干貝兩小粒放在蛋的中央，吖姨肚餓大大啖用匙羹一口攪掂，結果只得半蛋照片一張，附上獨立包裝豉油，但無需落豉油已夠味。整體來說:如果是自家有煲湯的話，或對燉湯有要求的，感覺未算足料，與同區類似的食店作比較的話，有幾間競爭對手。

初時全家人長期捧場的 椰皇燉雞 皆因原汁原味 整個連椰肉都超正 椰味勁香濃 簡直欲罷不能近期開始 試過幾次 完全唔係嗰回事 椰子肉發霉 兼轉深啡黑色 個湯苦苦地 兼剩返鹽水味 不難令人想像 係咪…飲晒返燉咁 極度失望😞管理層 注意一下啦

鋪面幾好，但食物完全唔掂，可以唔洗試。有我呢個白老鼠就夠。我地叫左兩個燉湯：花旗參燉瘦肉同花膠燉雞，每個$69，超級淡而無味，好似飲水咁，完全唔值得呢個價錢。我仲叫左個肉餅飯，粉粉地色，都唔知熟未。加上d飯都係濕濕地，爛爛地，唔粒粒分明。

12點前去到，未有客人堂食，只有兩張2人枱，叫左一分鐘吾使就上枱，雖然基本野，但性價比高，態度OK，難怪做到一邊食，來買外賣或者堂食都系熟客。店仔細細，但選擇幾多，由30圓蒸飯到蒸魚都有。防疫跟足要求，OK啦。蟲草花肉餅飯（$30）4分- 蟲草味道吾錯，肉餅肥瘦適中，仲好厚同保持鬆軟，比較其他26蚊外賣蒸飯店，哩度抵食好食好多。梅菜扣肉飯（$39）-梅菜份量好多，吾鹹，但扣肉真係比較少，質感吾似，但味道總括吾錯。乾貝蒸蛋 （$9）2分-跟飯加9蚊眯試下，蛋幾滑幾香，但乾貝真係小得離譜。雲腿菜膽燉豬肺 （$52）4分- 店名有燉字，當然要試埋燉湯，湯料好充足，豬肺，豬肉都有三大塊，仲有雞腳，紅棗。。。，飲到有杏仁味但無雲腿香味，有點可惜

我一向喜愛飲湯，尤其係燉湯，先撇開明星效應或政治因素，我是一心來找這店試他們的燉湯的叫左個天麻川芎白芷燉魚頭，有很多湯料，湯又夠味😋是用心做的湯👍不過可惜的是店舖太細少，可能同租金有關吧！感覺很擠迫，亦很快坐滿，所以環境扣了少少分⋯⋯Anyway, 我仍會繼續幫襯，因為燉湯的款式很多，好想逐款試吓

今天出街經過「燉」，看見上次試過的白鱔飯套餐，今天做特價$ 79，特價很吸引，時間正值是下午，沒有幫趁吃午飯，但買了泰國原個椰王燉雞回家慢慢享用，熱騰騰的燉湯包裝得很穩妥，回到家都沒有滲漏，打開滿滿的燉湯還暖暖的，燉湯材料有雞肉和切成正方體的豬肉，燉過豬肉和雞肉的鮮味已經融入湯水中，所以豬肉和雞肉已經不好吃，我用匙羹刮起椰王肉吃，腍腍滑滑還不錯的，最後品嘗清香鮮甜的燉湯，$58一個燉湯跟咖啡店一杯咖啡價錢相若，所以不算貴，而且想飲燉湯就可以飲十分方便。

近日見新聞講到呢間野..奇怪..點解係新聞講... 於是上網睇下...見食評唔錯...一於試下..由於鋪位在佐敦... 真係好細.,...只有..6個位...好在我單單一個... 易D有位...但係真係迫左D ...環境要扣分大約..14:10 到場... 已經有幾款賣晒..於是叫左個...花膠螺片燉雞湯...再加個魚肚滑雞蒸飯...其實都算貴嫁... 個湯要...68飯要..29先講個湯..用料足..當中有....淮山. 杞子, 小螺片, 花膠, 雞, 豬肉(赤肉) ,  金華火腿, 小元貝堅足料....同時因為佢係原盅燉 所以湯清... 味鮮再到個蒸飯..呢個飯唯一要彈係太少了..面上的唔係豬皮..係真魚肚..食起有香味., 雞肉夠滑..飯夠乾身..唔會爛

2019年頭在炮台山店試過燉的湯，幾好喎！於是過幾日就買咗幾套現金劵用。2019年灣仔同佐敦都開咗分店，滿心歡喜可以港九都飲到燉湯在港島中工作的我有日晏晝就行咗去灣仔諗住飲燉湯，點知落單時拎出現金券諗住再補錢，店員就話店舖系統仲未接受到現金劵，只收現金⋯所以手上嘅現金券用唔着😣平時我常常到佐敦店，年尾發現佐敦店也有燉！又拎出現金券諗住飲多兩碗，站在佐敦店諗好飲啲乜，在收銀處預備拎出現金券，一個店員就話依家啲現金券用唔到，原因就係每間分店有佢自己嘅現金卷，啲現金劵唔係所有店共用問我啲現金券喺邊度買就要去返嗰間店用即係我手頭上果疊現金券我必須要去返炮台山店享用⋯氣有點難下⋯⋯最後聯絡back office, 講解我的情況，最後幫我特別安排。今晚再次回到佐敦店，噢😯晚上大約九時所有燉湯已經售罄⋯⋯唯有只係食飯啦！冇湯飲所以決定要食豪啲花膠炆冬菇$199個炆花膠其實喺長沙灣新開嗰時我已經好想試，既然有帶咁多現金券係身，就一於試一次（落單時店員話一個要等15分鐘左右，可以食住其他野先）店員仲提醒我依一個汁超好撈飯醬汁裏面有好多瑤柱絲㗎，所以更美味結果，我淨係撈啲汁已經可以食兩碗飯（即係我要添飯）

得到很多朋友網上分享，「燉」的燉湯和蒸鈑 口碑甚佳 ，而且價錢合理。今天午膳來到佐敦「燉」新店舖嘗嘗，小店舖只得6個座位，我個一人，幸運尚有一個座位，時間下午2點，大餐牌顯示多款燉湯和蒸飯已經售罄。堂食座位少，外賣則大排長龍。我的午飯豉汁蒸白鱔套餐，等候半個多小時，終於開飯了!鮮甜爽脆的豉汁蒸白鱔令我食慾大增和無限滿足感，走油菜心十分健康。本想購買燉湯、黑糖薑汁年糕和紫薯糕，回家與家人分享，可惜同樣售罄。

並不是因為明星效應，對於廣東人黎講無湯何以成餐。今日同志同道合的朋友一起用餐，試一試傳說中的阿媽都讚不絕口的湯。阿叔服务都不錯，排隊的人非常自律。當然細鋪頭不是大餐廳，有位就坐無位就摞走外賣喇。|椰盅燉雞湯^好好飲阿！而且湯水其實非常符合我地的口味。|花膠肉餅^肉餅還是有口感，飯恰到好處的肉質。佐敦的分店其實算不少人，在這間鋪頭還可以試一試甜品之類，荔枝角就排曬長隆喇，建議喜歡飲湯的朋友不妨試一試，貨真價實一分錢一分貨的味道。