194
34
12
港鐵銅鑼灣站 B 出口, 步行約3分鐘 繼續閱讀
電話號碼
25812223
營業時間
今日營業
12:00 - 22:00
星期一至日
12:00 - 22:00
*最後落單時間: 21:30
付款方式
AlipayHK 支付寶 現金 八達通
其他資料
泊車 詳細介紹
當面支付
食評 (260)
Follow @pigfoodiexhk for more food!🐷💛#pigfoodiexhk_黃店#pigfoodiexhk_台灣菜=========================📍台灣人氣過江龍 -- 燈籠滷味💛燈籠滷味係台北師大夜市嘅人氣滷味舖,喺香港開業大約半年,次次行過都見到好長嘅人龍🙈前排下午茶時段經過見到唔洗排隊,就入去食咗個late lunch💁🏻‍♀️menu有套餐同自選款式,配菜有好多選擇,每款由$9-10不等🙈由於小編真係選擇困難症,所以就簡咗店家推介嘅款式🤣------------------------------⭐️自由是個好東西冬粉($10)+豬腱肉($10)+白蘿蔔($9)+ 高麗菜($9)+花枝丸($10)湯底嘅滷水湯加入唔同嘅香料,甜甜鹹鹹,食落惹味~冬粉食落口感煙韌,而且掛湯力十足👍食之前最好撈勻啲,如果唔係有啲位會偏鹹🤭餸方面亦唔錯,豬腱肉食落軟腍,而且唔肥👍白蘿蔔索咗湯底嘅精華,非常入味,仲唔會有渣🤤花枝丸食落夠彈牙👍------------------------------整體嚟講湯底頗特別,配菜亦夠入味👍店舖嘅裝修亦好有台灣地道嘅感覺,價錢方面亦豐儉由人,夠晒自由度🤤加上仲要係良心小店,值得支持😋------------------------------賣相:6.8/10味道:7.9/10性價比:7/10回頭度:7.3/10------------------------------店舖資料名稱:燈籠滷味地址:銅鑼灣登龍街39號地舖前往方法:銅鑼灣站B出口 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-04
577 瀏覽
好友最近新添置了一批抗疫物資,說要分一部份給我,約好在銅鑼灣交收。難得假日早起,辦完正經事後,就順便過來登龍街買外賣。其實近排都幾鍾意嚟登龍街搵食,因為近半年呢條街真係開咗唔少新餐廳。行咗唔夠 3 分鐘,已經即時立定主意,要試下呢間來自台灣台北師大夜市的「燈籠滷味」。餐廳門口放有點餐紙同筆,可以先在門外揀選好食物,然後才進店內下單。先細心研究一下餐牌,單係麵食的餸料就已經有接近 30 款,另外仲有滷肉飯、小吃、台式飲料,甜點及套餐等供應。由於樣樣都想試,所以決定一次過買多啲,點咗個五餸麵、滷肉飯、幾款滷味、香脆地瓜條同綜合芋圓,睇下幾大袋。回到家後,將所有食物都鋪曬喺檯面,嘩,非常豐富。一向愛吃香口炸物,第一時間拿了地瓜條 ($32)  品嚐,番薯條外脆內軟,入口甜中帶糯,沾少許淮鹽伴吃,味道有層次。五餸麵 ($58)  麵底選了冬粉,而配料就揀咗白蘿蔔、杏鮑菇、高麗菜、甜不辣和米血糕。粉絲食落乾身爽口,加上吸滿滷湯精華,味道非常濃郁!甜不辣無論味道或賣相都跟我們平時吃的炸魚餅非常相似,質感煙煙韌韌。米血糕據說是由台灣直送,入口軟糯帶嚼勁。本來想點個綜合滷味拼盤,不過店員話當日只可以散點,揀咗 4 款超人氣滷味 ($42),當中包括有:豬耳、豬腱肉、雞翅膀及雞胗。幾款食材都被滷汁長時間燉煮過,所以味道非常濃郁,夠曬入味!滷水吃得出有桂皮、花椒、甘草等材料,入口味鮮而回甘,香氣逼人。另外碗滷肉飯 ($28)  味道亦唔錯,滷汁有多重調味,層次豐富,醬油味道濃厚。豬肉富油香,肥瘦均勻,加上選用了台灣米製作,誠意十足。綜合芋圓 ($28),芋圓由九份直送,全部都是由人手搓製而成,撈起可以清楚見到除了煙韌的芋圓外,還有番薯圓、紅豆、仙草和珍珠,用料十足,入口香甜而不膩。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-01
981 瀏覽
晚市條籠長得驚人,轉到去隔離後巷尾段,排左半個鐘有多🤭本身以為餐廳唔大流動率唔高,入到去先發現原來已經係有兩層😱餐廳裝修感覺偏向復古,牆上貼滿台式海報,仲播住好多熱門台灣歌🎶適逢中秋仲有得猜燈謎,估中三個或以上有獎,我地都估到五六題🤣▪️ 冬粉(粉絲)+ 豬耳朵 + 大腸 + 雞腎 + 白蘿蔔(7/10)💲10 + 12 + 10 + 10 + 9好似港式車仔麵咁自選配料,粉絲索曬啲鹵水都幾入味,份量亦比預期中多🍝豬耳朵腍身但軟骨位有口感,大腸會係清曬中間既肥膏,雞腎爽口得很,白蘿蔔都無咩筋頗為濃味🥕▪️ 蘋果鹽酥雞(7/10)💲38鹽酥雞上檯暖身,炸皮薄身,唔會話好油膩,雞件係一口size偏向輕盈,鹹度亦都適中🐔切片蘋果感覺清新可以中和返,好容易清曬成碟▪️ 香炸花枝丸(7/10)💲26個外皮香脆,入面未有預期中既彈牙,過下口癮🙈▪️ 綜合芋圓(冷)(7/10)💲28個底主要係黑糖,就咁飲會偏甜,不過加上好煙韌夠芋頭同蕃薯味🍠既芋圓、彈牙既細細粒珍珠、紅豆作為飯後甜品一齊食都還可以😚▪️ 黑糖珍珠奶綠(7.5/10)💲24呢間既黑糖珍珠頗出色,雖然細粒但係口感真係好有咬口,個芯亦都幾夠黑糖味,叫左全糖既甜度依然係恰到好處,有住淡淡既奶香,茶味都算足夠,兩者相輔相成🥤▪️ 芒果綠茶(7/10)💲20朋友叫既呢杯我試左啖,感覺芒果味為主,茶味有少少被蓋過,但係全糖會略甜,相比起黑糖珍珠奶綠較為遜色🧐🔎 整體評分(7/10) 繼續閱讀
(以上食評乃用戶個人意見 , 並不代表OpenRice之觀點。)
很久沒接另一半放工,今晚準時離開便走去燈籠街哪邊覓食。早前途經這台灣滷味數次,見這晚排隊的人數不太多,就排隊等位吃吧!小吃與飲品先來🤗❮黑糖珍珠奶茶❯ $24自選填上半甜半冰 - 黑糖香,濃厚,微甜珍珠浸過糖水,奶茶味不過重,半甜的也挺夠味道。👍🏻❮香脆地瓜條❯ $32粗條的蕃薯,薄薄的粉漿恰到好處,中間粉口,外邊脆香,蘸少許淮鹽,好味!兩碗麵分別是❮油麵❯$10 與❮粉絲+加底❯$10+ $4,這裡的湯頭份量不多,不會過鹹,有效減低了麵條/粉絲發漲速度,保持煙韌度。餸材我們選了❮豬腱肉❯ 不太大片,但夠厚肉,每片中間有微微的肥脂,有咬口有質感。❮百頁豆腐❯ 以前吃的通常是硬身,嚡口,這裡的挺腍滑。❮白蘿蔔❯ 無渣,入味,蠻嫩囗。❮花枝丸❯ 中間吃到粒粒魷魚,腍軟帶煙韌。❮貢丸❯ 咬下散發很香的冬菇味,彈牙。❮豬耳❯ 有膠質,滷得入味,爽脆。❮大豆皮❯ 有豆香味,兩款豆製品的味道也挺好。❮杏鮑菇❯ 正常。主餐後的甜品,另一半怎會放過,嘻嘻!❮綜合芋圓❯ $28 + ❮仙草❯ $6原味芋圓與地瓜芋圓,煙韌中易咬開,粒粒紅豆不鬆散,微甜的珍珠很有饞勁,對比柔軟的涼粉,很有層次。黑糖味頗香,唯我們近來吃慣少甜, 故感覺略甜了一點。配麵的食物種類很多,十元有交易,台灣還未通關,來這裡找台灣味道,也是頂檔的好選擇! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-20
1030 瀏覽
好耐冇食呢間餐廳了,今次又來感受一下台灣的感覺!餐廳有兩層,有不少台灣感覺的裝飾,而且也播著台灣歌手的歌!之前每次來也是夜晚,第一次lunch時間來到,原來下午是有套餐的,都算抵食!師大超人氣組合,這款套餐有很多不同的配料,包括有甜不辣、豬肉片、高麗菜、杏鮑菇、花枝丸、白蘿蔔和自選一款麵!麵款揀選了冬粉,冬粉口感像粉絲,吸收了滷味汁的味道,十分美味!而甜不辣煙煙韌韌,花枝丸爽口!高麗菜、杏鮑菇和白蘿蔔很入味,不會只是用水淥熟!而且份量很多,十分飽肚!自由是個好東西,朋友揀選了自由組合,揀選了稻庭烏冬做麵底,另配有豬耳、雞胗和白蘿蔔!烏冬煙韌,而豬耳、雞胗都好爽口,原來烏冬跟滷味是很match的!香脆地瓜條半份,地瓜條雖然甜甜的,但原來再點上椒鹽,原來很好吃,咸咸甜甜好特別!冷泡四季春茶、冷泡桂花烏龍,這裡的冷泡茶好有茶的香味,好岩不喜歡飲有甜飲品的朋友!來到這裡真的有種去了台灣的感覺,既然未能去旅行,一於來這裡感受一下! 繼續閱讀
(以上食評乃用戶個人意見 , 並不代表OpenRice之觀點。)