260
68
25
港鐵銅鑼灣站 B 出口, 步行約3分鐘 繼續閱讀
所有分店 (2)
電話號碼
25812223
開飯介紹
來自台北師大夜市,有「北市第一加熱滷味」美譽,主打台式滷味,滷汁用上台灣總店祖傳滷湯,有多款食材可以自由配搭。 繼續閱讀
營業時間
今日營業
12:00 - 22:00
星期一至日
12:00 - 22:00
*最後落單時間: 21:30
付款方式
AlipayHK 支付寶 現金 八達通
其他資料
泊車 詳細介紹
當面支付
食評 (389)
等級4 2021-06-10
1902 瀏覽
🍴燈籠滷味台灣菜,反正就是很合我的口味❣️燈籠滷味做的是古早風味的台灣美食,銅鑼灣店更是人氣熱店,長期大排長龍。店內裝潢就像台灣夜市般,餐廳簡潔舒適。📍清新冬瓜仙草檸檬 (冷) $26這裡用的是台灣的青檸檬,筆者特意挑半糖,味道微甜帶酸,下火又解渴。📍招牌燈籠滷味🐷豬耳朵 $12 滷得入味,豬皮部分又淋又滑,軟骨部分帶爽脆口感。🐷大腸 $12大腸洗得事淨,不會帶有肥膏,滷得味道剛好。⚪️百頁豆腐 $12百頁豆腐本身沒有味道,所以要靠蘸滷汁吃才會有味道,百頁豆腐滑身可口。🥕白蘿蔔$10蘿蔔吸收了滷汁的精華,又淋又甜, 十分好吃。🤴🏻王子麵$12王子麵是台灣的即食麵之一,排汁力高,不像香港人平時吃慣的出前一丁麵的圓身幼麵,而是較扁身的乾幼面,掛上滷汁後,特別好吃。📍滷汁會有一點偏咸,所以建議大家要點選一至兩款本身沒有帶味道的食物,那便會味道剛剛好了。喜歡吃辣的朋友,不妨請店員提供一碟辣椒油給你吧!這裡的辣椒油真的是一流,香得不得了,把滷味蘸一點辣油吃,更香口。餐廳出餐快,侍應服務態度良好,好客有禮。食物味道好,會再回頭光顧。🇭🇰香港良心推介💛👅 味道:4.8/5💰CP值:4/5🕴🏻服務:5/5🔰餐廳環境:5/5👀回頭率:5/5🍽 餐廳:燈籠滷味(登龍街)🌐地址: 登龍街39號地下 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-11
2602 瀏覽
疫情問題無得去台灣😔,找間台灣過江龍地度食店解解思念之苦😐😅燈籠滷味是台北師大夜市的一間台式滷味店,有很久歷史。餐廳裝潢好有台灣地道懷舊風味😘,貼滿當地明星海報,還有很多燈牌打卡位,一邊聽著90年代熱門既台灣歌,感覺好似真的去了台灣呢🤨🥰。🔸抗疫二人套餐 $178🔅招牌燈籠滷味有8樣指定配料,包括(蹄膀、 豬耳朵、 甜不辣、麻吉燒、 百頁豆腐、白蘿蔔、 空心菜、 杏鮑菇)自選面: 6選一,(稻庭烏龍麵、王子麵、出前一丁、冬粉 、油麵、米線)每款配料份量都不少👍🏻, 滷水汁好台味㖿😉蹄膀連皮切一片片的,豬耳朵好爽口,食回兒時回憶🤣甜不辣帶點軟糯,食落有彈勁還有小小魚肉既香味。麻吉燒口感QQ的, 入面還有麻糬😋百頁豆腐!👌🏻蘿蔔非常腍、入味,👅 冬粉一樣都係索哂d滷汁精華,好好味👍🏻👍🏻🔅台式小食~Shake Shake 海苔鹽酥雞🐥自己把海苔粉及鹽酥雞放入附上的紙袋內搖勻佢,再倒回碟內進食。海苔味很香,雞炸得脆,但肉汁差一點點😀~燈籠古早滷肉飯🍚細細碗size, 也足料, 滷肉蓋滿飯面, 汁醬剛好,👏🏻🔅台式手搖飲料(兩杯)~蜂蜜荔枝紅茶🍯🍵荔枝味道很濃郁,香氣撲鼻,但....甜了些😅~柚子綠茶🍵🍊這杯都好飲, 柚子味不怕太濃👌🏻整體大致不錯,滿意這趟旅程😂🤣 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-20
2633 瀏覽
台灣菜大家食得多。但台灣形式既車仔麵大家又食過未?今次介紹既係銅鑼灣係上年逆市開店,但生意完全無受影響,係上年3月開市,係首間海外分店,反而越做越旺既台灣菜燈籠滷味。可能因為開店個時,台灣咁岩封關,大家想去台灣去唔到,口痕想食正宗台灣野,就黎左呢間台灣過江龍。而旺角分店都係上年12月進駐朗豪坊,店內都係主打台式熱食滷味,除左特別選用新既滷味食材好似豬嘴邊肉、豬脷、生腸、肝連、鴨胗、麻吉燒等,都有全新台式小食,好似麻辣香滷豬耳朵、麻辣鴨血冬粉、高粱酒香滷鵝肝、金黃糖心滷鴨蛋等,而且仲有早餐menu,好似芝士豬扒蛋厚多士、爆餡芋泥肉鬆厚多士、花生醬火腿葱抓蛋餅等好有台式風味既早餐。燈籠滷味係台北師大夜市既一間台式滷味店,有22年歷史,幾年前就分左家,兩兄弟分成紅色燈籠同黃色燈籠,各有各做。呢間香港分店除左引入左台式滷味,亦都加左1D香港分店獨有既野食,而香港店既員工有D有係其他著名台灣料理店既工作經驗。有趣既係呢間燈籠滷味咁岩就係銅鑼灣既登龍街,唔知係有心定無意。每次黎到餐廳座位都係KEEP起碼8、9成滿,排晒長龍,有時仲有排隊排10-15分鐘,不過人流算去得快。入到店舖餐廳裝潢設計幾有心思,充滿台灣懷舊風,貼滿好多懷舊台灣明星海報之餘,仲有好多打卡位,打卡一流,充滿台灣地道風味,木造家具,加上不斷播以前熱門既台灣歌,有D以為自己去左台灣。店舖唔細,樓上都有一層。-1️⃣ 車仔麵MENU可以睇到第一頁係好似香港既車仔麵咁,揀想食既餸同麵底。店內有20幾款配料可以揀,最吸引既係好台式既甜不辣、鴨血、米血糕,因為都係台灣直送,而魚片頭係香港限定既。會有ABCD餐,幫你配好哂麵同餸,D餐叫自由是個好東西,其實就係所有野自己揀。因為我前後食過兩、三次,所以就食過既麵同餸逐種咁講下。-滷水汁 💰0(👅: 8.5/10)先講湯底,台式滷味同港式或者潮式唔同,熱食既滷味 ,而佢地有寫到車仔麵既秘製滷湯湯包,係台灣總店直送,有十幾種材料,包括桂皮、花椒、甘草等十數種中藥,再用慢火熬煮而成,滷水汁食落幾香,順喉回甘,帶微微肉香,會食到小小藥材味,不過味道比較重D鹹D。-王子麵 💰12(👅: 8/10)王子麵係一款台灣出產既即食麵,歷史悠久,係其中一個人氣之選,MENU上都係推介既麵條,食落唔似香港既出前一丁,口感有D似福麵,比較偏身D腍身D,而且比較吸湯,所以同呢個滷水汁配合起上黎,食落D麵就會比較重味D鹹D。-冬粉 💰11(👅: 7.5/10)冬粉姐係粉絲,係王子麵之外既人氣之選,都係MENU上推介既麵條,冬粉食落軟滑,入口爽滑,吸湯能力都高,所以食落都會重味有D鹹食到最後。-豬耳 💰12(👅: 7/10)豬耳咬落爽脆,食落都入味,不過間中會見到有豬毛,唔夠乾淨,不過我個人唔太鍾意豬耳,佢未令到我有驚喜或者令到我鍾意食呢度既豬耳。-百頁豆腐 💰11(👅: 8/10)百頁豆腐食落唔算彈牙,咬落唔夠綿密,有D似腍身既豆干,不過都幾入味因為幾索湯下。-大豆皮 💰10(👅: 8/10)大豆皮食落豆香,而且係索湯汁不二之選,將滷水汁精華入哂味。-白蘿蔔 💰9(👅: 8.5/10)白蘿蔔係我食車仔麵一定會叫既餸,食落非常軟稔,有小小入口即溶,吸湯既白蘿蔔吸收哂D滷汁,所以幾入味。-甜不辣 💰11(👅: 8/10) 甜不辣係魚漿製品,係好台式既小食,口感有小小似韓國年糕,帶點軟糯,食落有彈勁,唔會煮得太過軟爛,保留到小小魚肉既香味,幾索滷水汁,食落入味帶小小鹹。 -彈牙貢丸 💰10(👅: 8/10)貢丸食落彈牙爽快,豬肉味幾重,而且有香菇味,食得出真材實料,算係有水準既貢丸。-鴨血 💰10(👅: 7.5/10)鴨血味道就正常,薄切,食落軟中帶爽,無醒味,唔會一夾就散,所以可以睇得出佢無溝太多雞血或者豬血。-2️⃣ 蘋果鹽酥雞 💰38(👅: 7.5/10)呢個蘋果鹽酥雞台灣本店無,係香港分店自己另外入貨,係現成既鹽酥雞。以呢個價錢食到呢種半製成既鹽酥雞,質數就較一般,不過食落粉偏厚同偏硬,而雞肉食落太乾,唔夠JUICY,上面調味既椒鹽味粉有D多,食落幾鹹下,食落有D似KFC既炸雞粒,好既係雞肉份量唔少,而因為有蘋果既小小平衡,食落抵銷返小小油膩感。鹽酥雞個人覺得用薯粉做麵衣個種會比較好食,而九層塔炸左會比生食更好,生九層塔雖然香味比較重,但葉既纖維比較難咬斷,同鹽酥雞既口感有D唔夾。-3️⃣ Shake Shake 海苔鹽酥雞 💰42(👅: 7.5/10)做法係鹽酥雞再分開上海苔粉同一個紙袋比你自己Shake Shake 撈匀佢,味道會比蘋果更重味喊啲,而且會無左蘋果消一消油膩感。-4️⃣ 香脆地瓜條 💰48(👅: 8/10)份量都唔少,係番薯條厚切,比較粗身好似手指咁粗,炸漿算薄脆,食落脆卜卜,外脆內軟,而且帶有地瓜既甜,加上淮鹽味道會更突出,味道更有層次。 -5️⃣ 黑糖珍珠奶茶 💰23+3(👅: 6.5/10)黑糖珍珠奶茶入面既珍珠食落好有黑糖味,軟硬都適中,但敗筆係茶味同奶味都一般,比較淡味,所以只會想食完D珍珠唔飲個茶,我會PREFER個茶好飲D珍珠無咁好多D。-6️⃣ 冬瓜仙草檸檬 💰23+3(👅: 7.5/10)飲落唔甜,冬瓜帶自然既甜味,加上檸檬既酸幾開胃,比起珍珠奶茶正常好多。-7️⃣ 冷泡桂花烏龍 💰18(👅: 8/10)桂花烏籠雖然係茶包,但飲落茶味足夠,聞到好香桂花味,清甜順口,唔澀回甘,消濟一流,係我鍾意飲既烏龍,如果有得買走茶包都想買。-8️⃣ 冷泡四季春茶 💰18(👅: 8/10)春茶飲落薄透清香,茶香幾重而且持久,唔苦唔澀,入口回甘,夏天飲特別清新冰涼,解渴之餘仲好順口。-🌟總括黎講,今日呢間小店,主打台式滷味,係車仔麵不過換左台灣既餸同埋麵,麵有得食台灣特有既王子麵同冬粉,係幾特別幾有新鮮感,滷味水準幾好,如果真係鍾意滷味既可以一試,而滷味以外既野食,部份就比較一般,有食過其他台灣菜餐廳有更好既水準。整體黎講,車仔麵質數未到超好食好有驚喜(同區一條街既麵尊車仔麵水準更高),但水準係及格以上,算係好食,如果想食台灣野或者車仔麵口痕個時,係一個唔錯既選擇。如果2個人黎食想食平D試多D野,又無話有咩餸唔食,就可以試下佢地既二人抗疫套餐。會有好多餸既一碗麵、滷肉飯、蘋果鹽酥雞、兩杯飲品。-👅味道: 8.5/10🍴環境: 7.5/10💰消費: $85-100人均 (服務費:NA) 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-19
1716 瀏覽
平時lunch或者夜晚經過,呢間野都必定好長人龍,今日2:00嚟,前面得幾個人,所以就一於試吓呢間人氣台灣野啦!燈籠滷味係台灣過江龍,總店喺台北師大夜市,香港係佢哋第一間海外分店!店舖有兩層,佈置非常有台灣懷舊氣氛, 連放喺枱上面嘅隔板都係用台灣啲相,呢啲細節位加哂分。坐喺餐廳入面感覺好似去到台灣,紓解少少成年幾冇去旅行嗰種悽慘。佢哋有個二人餐,一碗麵8種配料,一碗滷肉飯,鹽酥雞再加兩杯嘢飲,其實好抵,但因為我哋兩個都想食麵唔食飯,所以就一於散叫啦!點餐紙好似叫車仔麵咁,揀食咩餸同揀要咩麵,另外仲叫咗鹽酥雞同嘢飲。❤️ Shake shake 海苔鹽酥雞好特別嘅鹽酥雞,比個紙袋你放啲雞同海苔粉入去然後搖勻佢。海苔味好香,雞炸得乾身唔油,都合格以上,但略嫌唔夠Juicy。好食度:⭐️⭐️⭐️✨ (3.5/5)❤️ 自選燈籠滷味豬耳仔+雞翼+杏鮑菇+花枝丸+百葉豆腐+花干+甜不辣我同朋友各自叫咗自己想食嘅餸然後share 啲餸,冬粉真係好正,索晒啲滷水汁,棉質爽口彈牙,唔韌,好味!朋友叫咗烏龍麵,吸湯能力就相對地低,鍾意重口味推介冬粉,想食淡味啲就烏龍麵!配菜都ok,但可能個冬粉太吸味,我食配菜反而淡味咗,個人最推介花干(切開花嘅豆卜)。好食度:⭐️⭐️⭐️✨ (3.5/5)❤️ 清新冬瓜仙草檸檬(凍/半糖/無冰) $26平時飲冬瓜茶會有好甜嘅感覺,呢度有得叫半糖,個人覺得甜度啱啱好,配搭檸檬小清新,幾開胃又解渴!仙草多番少少會再開心啲!好飲度:⭐️⭐️⭐️✨ (3.5/5)餐廳推薦度:⭐️⭐️⭐️✨ (3.5/5)埋單每人$100,定價都比較高,但味道係唔錯嘅,長期要排隊都不無佢嘅道理! 繼續閱讀
(以上食評乃用戶個人意見 , 並不代表OpenRice之觀點。)
Latern Lomei @ causeway bay - 二訪終於冇令人失望⁉️仲記得第一次嚟食嘅時候有個唔好嘅經歷 等咗成個鐘都冇嘢食 催左幾次單但係職員堅持有落單 最後發現真係漏咗單前後等咗一個半鐘先有嘢食🥲今次係屋企人話想食所以我都冇拒絕 好彩今次終於冇漏單情況而且等咗大約15分鐘就有嘢食啦!👍🏻裝修充滿台灣懷舊風 全程keep住播台灣歌 加上使用木造家具 唔講真係以為自己去左台灣!·二人套餐(期間限定) $168-豬耳、雞腎、雞翼、甜不辣、百頁豆腐、高麗菜、木耳、白蘿蔔、冬粉食材係暖的 內臟都唔會好重內臟腥臭味 應該洗得幾乾淨👍🏻雞翼炆得好入味 豬耳好爽脆 雞腎偏硬 甜不辣好煙韌 蔬菜都算鮮甜多汁 係個白蘿蔔有少少渣同埋東粉煮得太諗🙌🏻overall我覺得7/10👍🏻-滷肉飯哩個飯最值得一讚嘅地方係佢個肥肉比例比坊間唔少滷肉飯都多 白飯上邊嘅豬肉碎同埋滷汁都啱啱好 唔會有白飯過濕嘅問題!值得推介👏🏻-蘋果鹽酥雞蘋果配鹽酥雞呢一個組合幾特別 一齊進食 效果獨特 多重口感配合肉汁豐富嘅炸雞 都幾特別 如果熱啲就更好啦🙌🏻-抹香奶綠-古早冬瓜茶哩兩杯飲品冇咩特别 都係普通台灣手搖飲料 中規中矩喇🙌🏻·綜合芋圓 $28甜度適中 有問過可唔可以加奶 佢哋話唔可以 食落就冇坊間其他芋圓嘅鮮味咁突出啦!而且芋圓同珍珠都偏硬 似未煮熟 有好大改善空間🙌🏻#𝙛𝙚𝙞𝙜𝙡𝙤𝙧_𝙚𝙖𝙩📍 燈籠滷味 (登龍街) (銅鑼灣)銅鑼灣登龍街39號地下 繼續閱讀
(以上食評乃用戶個人意見 , 並不代表OpenRice之觀點。)